হাউসিং অমসুং অর্বান এফিয়র্সকী রাজ্যগী মন্ত্রী(আই/সি), শ্রী হর্দীপ এস পুরিনা হায়খি এন.সি.আর. প্লানিং বোর্দনা হৌজিক ফাওবদা পুন্না সেঙ্কসন তৌখিবা প্রোজেক্তশিং অসি ৩৬৬নি মসিগী মনুংদা ২৬৯ লোয়শিনখ্রে অমদি ৯৭না ইমপ্লিমেন্ত তৌবগী তোঙান তোঙানবা তাঙ্কক্তা লৈরি। প্রোজেক্ত ৩৬৬ অসিদা চাউরাক্না পুন্না চংগদবা শেল অসি লুপা করোর ৩১,৮৫৩নি মসিগী মনুংদা বোর্দ অসিনা লুপা করোর ১৫,৩৯৩ সেঙ্কসন তৌখ্রে অমসুং হৌজিক ফাওবদা লুপা করোর ১২,৪৪১ কায়থখ্রে। এন.সি.আর. প্লানিং বোর্দকী ৩৯শুবা মীফমদা ৱা ঙাংলদুনা শ্রী পুরিনা হায়খি এন.সি.আর.দা শরুক য়ারিবা রাজ্য সরকারশিংগী মরক্তা চহি কয়াগী মমাংদা খুৎয়েক পীনখিবা ‘কন্ত্রেক্ত কেরিয়েজকী’ অমসুং ‘স্তেজ কেরিয়েজ’কী রেসিপ্রোকেল কম্মন ত্রান্সপোর্ত এগ্রীমেন্তশিং (আর.সি.তি.এ.) অনি অসিগী খুত্থাংদা বসশিং, তেক্সিশিং অসিনচিংবগী রিসিপ্রোকেল কাউন্তরসাইনিং পর্মিৎশিংগী সিস্তেম অমা শেমদুনা এন.সি.আর.দা ত্রাফিক্কী চত্থোক চৎশিন্দা অপনবা লৈতবা সিস্তেমশিং ফগৎহন্নবা বোর্দ অসিনা মরু ওইবা থৌদাং লৌরি। রিজনেল প্লান অসিগী পোলিসীশিং অমসুং প্রপোজেলশিং অসি থবক্তা ওন্থোক্নবা এন.সি.আর.দা শরুক য়ারিবা রাজ্য সরকারশিং সব-রিজনেল প্লানশিং শেম্বা অমসুং মসিগী অরোইবা ৱারেপ লৌবা মরু ওই।

শ্রী মনোহর লাল খাত্তর, হরিয়ানাগী মুখ্য মন্ত্রী, দিল্লী, য়ু.পি., রাজস্থানদগী অর্বান দিবেলপমেন্তগী মন্ত্রীশিং, শ্রী দুর্গা শঙ্কর মিশ্রা, সেক্রেতরী, হাউশিং অমসুং অর্বান এফিয়র্স মন্ত্রালয়, কেন্দ্রগী মন্ত্রালয়শিংগী মীহুৎশিং অমসুং কেন্দ্র অমদি রাজ্য সরকারশিংগী ওফিসরশিংনা মীফম অসিদা শরুক য়াখি।

বোর্দ মেম্বরশিংদা ৱা ঙাংবদা মন্ত্রীনা হায়খি বোর্দ অসিনা ২০১৭ ফাওবদা মালেমগী ওইনা খ্বাইদগী চাউবা কেপিতেল রিজন ওইগদৌরিবা এন.সি.আর. রিজনগী ইনফ্রাস্ত্রকচরকী চাউখৎ থৌরাংগী থবক্তা পুন্না তৌমিন্নবা অসি লাইবক ফবনি। শীংথানীংঙাই ওইবা অনৌবা প্রোজেক্তশিংদা নোইদাগী গ্রেতর নোইদা মেত্রো প্রোজেক্ত, জাইপুরগী দ্রাব্যিআবতি তুরেল শেমখৎপা, হিন্দোন ঘাজিয়াবাদতা লেন তরুক্কী লম্বী শেমগৎপা, কুন্দলী-মনেসর-পালৱল (কে.এম.পি.) এক্সপ্রেসৱেজগী কি.মি ৫২গী সেক্সন য়াওরি।   গ্র চংগদবা

হৌজিক লৈরিবা এন.সি.আর. রিজন অসিন ১৯৮৯দা সক্বের কি.মি, ৩০,২৪২ ওইরম্বদগী তপ্না-তপ্না হেনগৎলক্তুনা ২০০৫তা সক্বের কি.মি. ৩৪,১৪৪ ওইখি অমদি হোজিকনা সক্বের কি.মি. ৫৫,০৮৩ ওইবগা লোয়ননা দিল্লীগী পাক চাউবা অসি সক্বের কি.মি. ১,৪৮৩ ওইরি। ২০১১গী মীকোক থিবগী মতুং ইন্না এন.সি.আর.গী মীশিং অসি করোর ৫.৮১ ওইখি মসি লেপ্তনা হেনগৎলকপগা লোয়ননা এন.সি.আর.-দিল্লী অসি ২০৩০ ফাওবদা খ্বাইদগী চাউবা অমসুং মালেমগী ওইনা খ্বাইদগী মীয়াম্না তাবা কেপিতেল ওইরগনি। “২০৪১ ফাওবগী চহি ২০গী মীৎয়েং অসিগা লোয়ননা লাক্কদৌরিবা রিজনেল প্লান অসি অচৌবা শীংনবা ওইগদৌরি। মসি ঐখোয় পুম্নমক্কী ওইবা চাউখৎপা ২০৪১ অমা শেমগৎনবা তোপ তোপ্পা খুদোংচাবা অমনি। হৌজিক্কী ওইনা এন.সি.আর.পি.বি. অসি রিজনেল প্লান-২০৪১ কন্না শেম্বগী থবক চত্থরি মরমদি আশা কয়া থম্লিবা চৎলিবা রিজনেল প্লান-২০২১ অসি য়ৌশিল্লক্লি। পাক চাউবা নেস্নেল কেপিতেল রিজন অমগী প্লানিং তৌবা অসি ইনক্লুসিব ওইবা অমসি পুন্না তান্নদুনা লোয়ননা স্তেকহোল্দর পুম্নমক্না থৱায় য়াওনা হোৎনরবা খক্তদা মাই পাকপা ঙমগনি হায়বা ঐখোয় পুম্নমক্না খংঙি। হীরম অসিদা নবেম্বর ২০১৯দা এম.ও.ঐচ.য়ু.এ.গী সেক্রেতরী, শ্রী দুর্গা শঙ্কর মিশ্রানা হৌদোকখিবা কনক্লেব অমগী মখাদা এন.সি.আর.পি.বি.না নুমিৎ ১৭নিগী ৱার্কশোপশিং পাঙথোক্তুনা কুপনা খন্ন-নৈনখি হায়বা তাবদা ঐহাক য়াম্না নুংঙাইবা পোকই। মসিদা এন.সি.আর,গী রাজ্য পুম্নমক, ভারত সরকারগী মরু ওইবা মন্ত্রালয়শিং/বিভাগশিং, অচৌবা ইন্সতিত্যুসনশিং, ইন্দস্ত্রী অনসুং হাউসিং এসোসিএসনশিং, এক্সপর্তশিং, জিলাশিংগী ফীল্দ ওফিসরশিং অমসুং অতোপ্পা স্তেকহোল্দরশিংনা শরু য়াখি তাবদা ঐহাক অপেনবা পোকই। ঐহাক্না এন.সি.আর.পি.বি. তিমদা রিজনেল প্লান দ্রাফ তৌবগী থবক থুজিন্দুনা মদু বোর্দতা পুথোক্তুনা কুপ্না খন্ন-নৈনসি।”, হায়না মহাক্না ফোঙদোকখি।

রিজন অসিদা চাউখৎপা পুরক্নবা অমসুং চপ মান্নবা খুমাং চাউশিনমিন্ননবা এন.সি.আর. প্লানিং বোর্দ অসি ১৯৮৫তা শেমখি। হায়রিবা অসি য়াম্না তোপ তোপ্পা মখল অমনি অমসুং ঙসিদি লৈবাক অসিগী ইন্তর-স্তেৎ রিজনেল কোওপরেসন অমসুং দিবেলপমেন্তগী মোদেল অমা ওইরে। মসি চুংশিন্নবা ফেদরেল বোদী অমনি, মসি হরিয়ানা, রাজস্থান অমসুং উত্তর প্রদেশ রাজ্য অহুম অসিগী লেজিসলেচরশিংনা পুন্না ৱারেপশিং লৌদুনা পার্লিয়ামেন্ততা শেমখিবনি। মমাংদা দিল্লীগী  মেত্রোপোলিতেন এরিয়া অসি চাউথোক্তুনা অফবা মরী অমা থমদুনা থংনবা মফমশিং কোনশিন্নবা তৌখি। কাউন্তর মেগনেৎ এরিয়া মাপল অসি হৌজিক ফাওবদা খঙদোক্তুনা দিল্লীদা পুনশিন্নবা তৌরি।

এন.সি.আর.দা চপ মান্ননা খুমাং চাউশিন্নবা অমসুং চাউখৎপা পুরক্নবা পান্দমগা লোয়ননা বোর্দ অসিনা ‌৯৮৯দা নোতিফাইদ তৌখিবা রিজনেল প্লান ফোর এন.সি.আর.-২০০১ শেমখি অমসুং অনিশুবা রিজনেল প্লান অসি ২০২১গী আশা কয়াগা লোয়ননা শেমখি, মসি ২০৫তা নোতিফাইদ তৌখি অমসুং হৌজিক পাইখৎলি। নোতিফাইদ তৌখিবা রিজনেল প্লান-২০২১ অসিদা এন.সি.আর.পি.বি.না এদেন্দম শেম্লে তাবা ঐহাক নুংঙাইবা পোকই, মসিদা ২০০৫গী মতুংদা রাজ্যশিংনা হায়রকপদা য়ুম্ফম ওইরগা এন.সি.আর.দা অনৌবা জিলা হাপচিনখি। হায়রিবা অসি বোর্দকী অরোইবা মীফমদা অয়াবা পীখি অমসুং নিতিফাই তৌদুনা নবেম্বর ২০১৯দা ফোঙখি। 

***