নেস্নেল স্তার্তঅপ এৱার্দশিংগী অহানবা ইদিসনগী ফলশিং নেস্নেল মীদিয়া সেন্তর, নই দিল্লীদা রেলৱেজ অমসুং কম্মর্স অমদি ইন্দস্ত্রীগী কেন্দ্রগী মন্ত্রী শ্রী পিয়ুশ গোয়লনা ওক্তোবর ৬, ২০২০গী পুং ৩.৩০ তাবা মতমদা লাউথোক্কনি। ভর্চ্যুএল ওইনা পাঙথোক্কদবা ওকপগী থৌরম অসি রেলৱেজ অমসুং কম্মর্স অমদি ইন্দস্ত্রীগী রাজ্যগী মন্ত্রী শ্রী সোম প্রকাশ য়াওরগা পাঙথোক্কনি। থৌরম অসি এন.আই.সি., মাইগোব অমসুং মরী লৈনবা সোসিএল মীদিয়াগী চেনেলশিংদা লাইফ ৱেবকাস্ত তৌগনি।

ইন্নোবেতিব প্রদক্তশিং নত্রগা সোলুসনশিং পুথোকপা ঙম্বা অমসুং থবক কয়া পীবা ঙম্বা নত্রগা শেল তালহনবা ঙম্বগী পোতেন্সিএল চাউনা লৈবা খুন্নাইদা চাউনা কান্নবা পীদুনা খুমাং চাউশিল্লিবা ইন্তরপ্রাইজশিং পুথোক্লিবা থোইদোক-হেন্দোক্না শীংথানীংঙাই ওইরবা স্তার্তঅপশিং অমসুং ইকোসিস্তেম শেমগৎলিবশিং শক খঙবীনবা অমসুং মনা পীনবা প্রোমোসন ওফ ইন্দস্ত্রী এন্দ ইন্তর্নেল ত্রেদ বিভাগ (দি.পি.আই.আই.তি.)না অহানবা নেস্নেল স্তার্তঅপ এৱার্দস শিনখি। মাই পাকপগী চাং অসি ইনবেস্তরশিংনা ফংবা শেন্দোংশিং খক নত্তনা খুন্নাইদা পীরিবা কান্নবশিং অদুদসু ওল্লি।

এৱার্দশিং অসিগী অহানবা ইদিসন অসিনা সেক্তর ১২দগী এপ্লিকেসনশিং কৌখি, মসি অমুক মখা তানা পুন্না কাংলুপ ৩৫ থোক্না খায়দোকখি। সেক্তর ১২ অসি লৌউ-শিংউ, মহৈ-মশিং, ইন্তরপ্রাইজ তেক্নোলোজী, ইনর্জী, ফাইনান্স, ফুদ, হকশেল, ইন্দস্ত্রী ৪.০, স্পেস, সেক্যুরিতী, তুরিজম অমসিং অর্বান সর্ভিসেসনি। মসিগী মথক্তা, নুপীনা লুচিংবা অমসুং একাদেমিক কেম্পসশিংদা লিংখৎপা, খুঙ্গংগী মফমশিংদা কান্নবা পীরিবা স্তার্তঅপশিং খনগৎকনি।

মকোক তারবা স্তার্তঅপশিংনা শেলগী মনা লুপা লাখ ৫গা লোয়ননা মখোয়গী সোলুসনশিং অদু মরী লৈনবা পব্লিক ওথোরিতীশিং অমসুং কোর্পরেৎশিংনা পোতেন্সিএল পাইলোৎ প্রোজেক্তশিং অমসুং ৱার্ক ওর্দরশিং পীনবা খুদোংচাবশিংসু পীগনি।

অফবা স্তার্তঅপ ইকোসিস্তেম অমা শেমগৎনবগী মরু ওইবা য়ুম্বী ওইনা অখন্নবা ইনক্যুবেতর অমা অমসুং এসলরেতর অমদা অমমমগী ওইনা লুপা লাখ ১৫গী শেলগী মনা পীগনি।

*****