হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধন্না সন্দে সমবাদকী মরিশুবা তাঙ্কক্তা মহাক্কী সোসিএল মীদিয়াদা ৱারী ৱাতাই শারিবা মীওইশিংনা পোস্ত তৌরকপা ৱাহংশিংগী পাউখুম পীখি। তাঙ্কক অসিদা ৱাহংশিং হংবা পাম্লিবশিংনা মখোয়গী ৱাখলদা কোবিদকী বেক্সিনগী মতাং অসিনা খ্বাইদগী মরু ওইবা হীরম অমা ওইখি। মহাক্না কোবিদতা প্লাজমা থেরপী শীজিন্নবা, কোবিদ লায়চৎ অসিগী লৈরক অসিদা ২০২৫ ফাওবগী মনুংদা তি.বি. মপুং ফানা মুত্থৎপা অমসুং ভারতকী স্কুলশিং হাংবা অসিগুম্বা মরী লৈনবা হীরমশিং অসিগী মতাংদা মচাখাইনা থমখি।

বেক্সিনশিং য়েন্থোকপদা অহানবা খুদোংচাবা পীবগী মতাংদা হংলকখিবা ৱাহংশিংগী মতাংদা, দা. হর্শ বর্ধন্না পাউখুম পীরদুনা হায়খি হকশেল মন্ত্রালয়না হৌজিক রাজ্যশিংনা বেক্সিন অসি হান্না ফংহনগদবা মীওইশিং মরু ওইনা কোবিদ-১৯ লাকশিন্নবা থবক তৌরিবা হেল্থ ৱার্করশিংগী লিস্তশিং পীখৎলক্নবা ফোর্মেৎ অমা শেম্লি। মাংজিল থারিবা হেল্থ ৱার্করশিংগী লিস্ত অসিদা সরকারগী অমদি লনাই সেক্তর অনিমক্তগী দোক্তরশিং, নর্সশিং, পেরামেদিক্স, সেনিতরী স্তাফ, আশা ৱার্করশিং, সর্ভিলেন্স ওফিসরশিং অমসুং ত্রেসিং, তেস্ততিং তৌবা অমদি অনাবশিং লায়েংবগী অতোপ্পা লমশিংদা থবক তৌরিবা কাংলুপশিং য়াওগনি। থবক অসি ওক্তোবরগী অরোইবা শরুক ফাওবদা মপুং ফাহন্নবা পান্দম থম্লি অমসুং রাজ্যশিংনা কোল্দ চেন ফেসিলিতীশিং অমসুং ব্লোক্কী থাক্তা মথৌ তাবা অতোপ্পা মরী লৈনবা ইনফ্রাস্ত্রকচরগী অকুপ্পা ৱারোলশিং পীখৎলক্নবা চেকশিন্না লমজিং-লমতাক্লি। কেন্দ্রনসু ঐচ.আর., ত্রেনিং, সুপর্বিজন অসিনচিংবগী কেপাসিতীশিং চাউনা হেনগৎহন্নবা অমসুং জুলাই ২০২১ ফাওবদা চাউরাক্না মীওই করোর ২০-২৫না শীজিন্নবা দোজ মিলিয়ন ৪০০-৫০০ ফংহন্নবা থৌরাং লোখৎলি। থৌরাংশিং অসিগী ৱারেপ লৌবা অসিদা সরকারনা কোবিদ-১৯গী লায়বা অসিগী মতাংদা ইম্ম্যুনিতী দেতাসু য়েংশিল্লি হায়না মহাক্না ফোঙদোকখি।

মহাক্না হায়খি নিতি আয়োগকী মীহুৎ (হকশেল) ওইরিবা শ্রী ভি কে পাউলনা চ্যেরমেন ওইদুনা অৱাংবা থাক্কী কম্মিতী অমানা মসিগী থবক থৌরমশিং অসি পাঙথোক্লি। বেক্সিন লৈশিনবগী থবক অসি কেন্দ্রনা তৌরি অমদি খ্বাইদগী মথৌ তারিবশিংদা ফংহন্নবা কনসাইনমেন্ত অমমমগী ওইবা দেলিবরী তৌদ্রিবা ফাওবা রিএল তাইম ওইনা ত্রেক তৌবা য়াহনগনি। মহাক্না হায়খি কম্মিতীশিং অসিনা লৈবাক অসিদা মখল কয়াগী বেক্সিনশিং ফংহন্নবা তাইমলাইনশিং হেন্না খংনবা হোৎনরি, ভারতকী ইনবেন্তরী অমসুং সপ্লাই চেন মেনেজমেন্তকীদমক মশিং য়াম্লবা দোজশিং ফংহন্নবা বেক্সিন শারিবশিংগী অয়াবা লৌরি অমসুং খ্বাইদগী খুদোংথিবা য়াবা কাংলুপশিংগী অহান-অকোন শিন্দোক্লি। মসিগী থবক অসি চত্থদুনা বেক্সিন লোয়রকপা মতমদা ইম্ময়্যুনাইজেসন প্রোগ্রামশিং মপুং ফানা চত্থবা ঙমহনগনি।

পঞ্জানকী লৈরিবা তোকঙা শন্দোকপা মীওইশিংনা খল্লিবা অরানবা ৱাখল্লোনশিং অদু কোকহল্লদুনা দা. হর্শ বর্ধন্না কোবিদ-১৯ লায়চৎ অসি হকচাং ফাবা মীওইশিংদগী হকচাংগী কয়াৎশিং লৌথোক্নবা সরকারগী খুজিল থৌরাং অমনি হায়না মরাল শীরিবা অসি অকনবা মওংদা য়ানিংদবা ফোঙদোকখি।মহাক্না হায়খি হন্দক ৱর্ল্দ বেঙ্ক – এসিয়ন ইনফ্রাস্ত্রকচরেল ইনবেস্তমেন্ত বেঙ্ক অমসুং এসিয়ানা দিবেলপমেন্ত বেঙ্কনা কোবিদ লাকশিন্নবা লুপা করোর ১৫,০০০ পীথরকখিবা লোন অসি য়েংলগা কোবিদ-১৯গী ইমর্জেন্সীগী ওইবা থৌরাংশিং ইমপ্লিমেন্ত তৌনবা সরকারনা ফাইনান্সিং এজেন্সীশিংদগী ফিস্কেল কন্সিদরেসনগা মরী লৈনহল্লোই।

মন্ত্রীনা মসিদা থৈদোকপা নত্রগা ব্লেক মার্কেতিং তৌহল্লোই হায়না থাজবা পীখি, “মমাংদা অহানবা খুদোংচাবা পীনবা লৌখিবা ৱারেপকী মতুং ইন্না অমসুং প্রোগামগী মওংদা শিন্দোক্তুনা বেক্সিন অসি য়েন্থোক্কনি। ত্রান্সপরেন্সী অমসুং একাউন্তেবিলিতী লৈহন্নবা থবক থৌরম অসিগী অকুপ্পা মরোল লাক্কদৌরিবা থাশিং অসিদা পুথোক্কনি।” মহাক্না হেল্থ ক্যের ৱার্করশিং, অহলশিং নত্রগা অনাবা লৈবা মীওইশিংদা অহানবা খুদোংচাবা পীবা মথৌ তাই হায়না ফোঙদোকখি।

মসিগা মান্নবা ৱাহংশিংগী পাউখুম পীরকদুনা, মহাক্না হায়খিবেক্সিন অনিগী মরক্তা করম্বনা হেনবগে হায়বদা ৱাখল্লোন ফোঙদোকপা ওইথোক্তে অদুবু “করিগুম্বা ঐখোয়না বেক্সিন মখল কয়া ফংলবসু, মখোয় পুম্নমক অফবা ওইগনি অমসুং মখোয়না নোবেল কোরোনাভাইরস অসিগী ময়োক্তা মথৌ তাবা ইম্ম্যুন রেস্পোন্স ফংহনগনি”। মহাক্না হায়খি বেক্সিন পুম্নমক অসি খুদোংথিদে, ইম্ম্যুনোজেনিক ওই হায়না উৎখবনি অমসুং ভারতকী ৱাংমদা ক্লিনিকেল ত্রাইএলশিং মপুং ফানা তৌনবা খুদোংথিবা থোক্তনা অমসুং ভারতকী মীয়ামদা ইম্ম্যুনোজেনিসিতী লৈহন্নবা ব্রিদজিং স্তদীশিং তৌবা মথৌ তাই লোয়ননা স্তদীশিং অসি হেন্নবা পীকপা সাইজতা পাঙথোকপা অমসুং থুনা লোয়শিন্নবা য়াগনি।

তোঙান তোঙানবা ত্রাইএলশিংগী লৈরিবা ফীভমগী মতাংদা হংলকপা ৱাহং অমগী পাউখুম পীরদুনা, দা হর্শ বর্ধন্না হায়খি ভারতকী প্রপোজ তৌখিবা ক্লিনিকেল ত্রাইএল পুম্নমক সেৎ তৌরবা প্রিন্সিপলশিং শীজিন্নদুনা দিজাইন তৌখি অমসুং ভারতকী দ্রগ কন্ত্রোলর জেনরেলনা লিংখৎখিবা সবজেক্ত এক্সপর্ত কম্মিতিনা কুপনা য়েংশিল্লি। হন্দক্তা, ভারত্তা কোবিদ-১৯ বেক্সিনশিংগী লাইসেন্স পীবগী মথৌ তাবশিংগী মতাংদা দ্রাফ গাইদলাইনশিং দি.সি.জি.আই.না শেমখি। রুসিয়াগী “স্পুতনিক-ভি” বেক্সিনগী ভারত্তা চত্থরিবা ফেজ ২ ক্লিনিকেল ত্রাইএল অসিগী মতাংদা হংলকপা ৱাহং অমদা দা. হর্শ বর্ধন্না  হীরম অসি অন্দর কন্সিদরেসনদা লৈরি অমসুং ফেজ ৩ ত্রাইএলশিং অসিগী মতাংদা ৱারেপ অমত্তা লৌবা লৈত্রি হায়না শেংদোকখি।

বেক্সিনেসনগী মতুংদা থোরকপশিং অসি মহৌশানি হায়না দা হর্শ বর্ধন্না ফোঙদোক্লদুনা মহাক্না হায় বেক্সিনেসনগী মতুংদা থোকরকপা নুংঙাইদবশিংদা ইঞ্জেক্সন থিনবা মফমদা নারকপা, লাইহৌ তৌবা অমসুং ঙাংখৎলকপা অসিগুম্বা অনাবা, হুমাং কাংখৎপা, সীনকোপ নত্রগা ৱান্থবা অসিগুম্বা নুংঙাইদবা য়াওরি অমসুং হায়রিবশিং অসি মতম খরখক্তগীনি অমসুং বেক্সিন অসিনা ঙাকথোকপা ঙম্বগী মপাঙ্গলদা অকায়বা থোক্লোই। মসিগা মরী লৈনবা ৱাহং অমদা, মহাক্না হ্যুমেন চেলেঞ্জ এক্সপেরিমেন্তশিংগী লৈরিবা চৎনবী অসিগা মরী লৈননা, “মালেমগী ওইনা এক্সপেরিমেন্ত তৌবদগী ফংলকপা ফলশিংনা মসি কান্নরে হায়না উৎত্রিবা ফাওবা ভারতনা অসিগুম্বা ত্রাইএলশিং অসি পাঙথোক্লোই। ক্লিনিকেল ত্রাইএলশিং মপুং ফানা মাই পাকখ্রবা বেক্সিনশিং অসিনা খুদোংথিবা থোহন্দনবা অমসুং নোবেল কোরোনাভাইরসকী ময়োক্তা মপুং ফানা লান্থেংনবা ঙম্নবা ভারতনা থবক কন্না চত্থরি।””হ্যুমেন চেলেঞ্জ স্তদীশিং অসি পাঙথোকপা মতমদা চেকশিল থৌরাংশিং অমসুং থোরকপা য়াবা অদু কুপনা কন্থবা মথৌ তাই। মসিদগী ফংলক্কদবা কান্নবশিং অসিনা মীওইবদা খুদোংথিবা থোকহল্লোই হায়বগী মরম ময়েক শেংনা পীগদবনি,” হায়না মহাক্না ফোঙদোকখি।

সিঙ্গল দোজ অমসুং দবল দোজ ভেক্সিনশিংগী মরমদা মহাক্কী ৱাখল্লোনশিং ফোঙদোক্লদুনা, লায়চৎ অসি থুনা লাকশিন্নবা সিঙ্গল দোজ ভেক্সিন পাম্মি হায়না ফোঙদোকখি। অদুম ওইনমক সিঙ্গল দোজ শিজিন্নরগা ইম্ম্যুন ঙাকশেনবগী অপাম্বা থাকশিং অদু ফংবা হায়বসি মহৌশানা অরাইবা ওইদে। অহানবা দোজনা ইম্ম্যুনগী ঙাকশেল খরা পীবা অমসুং অনিশুবা দোজনা মদু মখাতানা মপাঙ্গল কনখৎহনবনা মরম ওইরগা অপাম্বা ইম্ম্যুনোজেনিসিতী ফংনবা দোজ অনিগী ভেক্সিনশিং অসি চান্নবা ওই হায়না মহাক্না মখা তাখি। 

স্কুলশিং হাংদোকপগী মতাংদা মহৈরোয়শিংনা মমা মপাগী অইবা অয়াবাগী মতুং ইন্না স্কু খাবা য়াবা অমসুং মহৈরোয়শিংদা এতেন্দেন্স অসি মরুওইনা লৌরোই হায়না ফোঙদোক্লিবা এম.ঐচ.এ.গী গাইদলাইনশিংগী মহাক্না ফোঙদোকখি। হাংবা য়াবগী অয়াবা পীরিবা স্কুলশিংনা সরকারনা থম্বা এস.ও.পি.শিং শোইদনা ঙাক্না চৎকদবনি।

মন্ত্রী সরকারনা সিনিয়র সিতিজেনশিংগী মতেং পাংনবা লৌখৎলিবা খোঙথাংশিগী মতাংদা ফোঙদোকখি; সরকারগী অমসুং সরকারগী নত্তবা হোস্পিতাল খুদিংমক্তা কোরোনা নারকপা য়াবা অহল ওইরবা অমহেক্তদা অহানবা খুদোংচাবা পীদুনা তেস্ত তৌনবা অমসুং লায়েংনবা অকনবা ইন্সত্রক্সনশিং পীখ্রে; সরকারগী কোল সেন্তরশিংনা অহল ওইরবশিংগী ৱাকৎশিং মরুওইনা লৌনবা অমসুং মখোয়দা মতিক চাবা পাঊতাক পীনবা খংহনখ্রে; লায়চৎ অসিদা করি তৌগদবা অমসুং করি তৌরোইদবা হায়বগী মতাংদা হকশেল মন্ত্রালয়না সিনিয়র সিতিজেনশিংগী অখন্নবা গাইদলাইনশিং থোকখ্রে; ওল্দ এজ হোম খুদিংমক্তা অহল ওইরবশিংবু কোরোনাদগী ঙাকথোক্নবা অমসুং নোদেল ওফিসর অমা থম্নবা খোঙথাং খুদিংমক লৌখৎনবা খংহনখ্রে; চহি ৬০ নত্রগা হেল্লবা সি.জি.ঐচ.এস. বেনিফিসরীশিংদা মখোয়গী য়ুমদা হকথেংননা লেম্না হীদাক লাংথকশিং পীরি।

দা. হর্শ বর্ধন্না কোবিদ লায়চৎতগী তি.বি. লায়নাদগী ফগৎলকখিবশিং ঙাক-শেন্নবা লৌখৎলিবা খোঙথাংশিংগী মতাংদা শন্দোক্না ফোঙদোকখি; হকশেল অমসুং য়াইফ য়ুম্বাল মন্ত্রালয়গী সেন্ত্রেল তি.বি. দিভিজন্না এদভান্স দিরেক্তিবশিং থোকখ্রে অমসুং রাজ্যশিং/জিলাশিংগা লোয়ননা তি.বি. সর্ভিসশিং মখাতানা পীনবা য়েংশিল্লি; লায়চৎ অসিগী মনুংদা মখাতানা মথৌ তৌনবা তি.বি. দাইগনোতিক্স লেবশিংদা লমজিং লমতাক পীখ্রে; তি.বি অনাবশিংগী দ্রগশিং মতম শাংদোক্নবা, থোংগালদা দেলিবরী তৌনবা অমসুং অহেনবা চেকশিন থৌরাংশিং লৌখৎনবা প্রোবিজনশিং থোকখ্রে; অনৌবা সর্ভিলেন্সকী লালোংশিং পুথোকখ্রে; তি.বি. লাকশিন্নবা ফেসিলিতীশিং চাউথোকখ্রে অমসুং ইন্সতিত্যুস্নেল বেজ স্ক্রিনিংগী মতেং পীখ্রে; ইনফেক্সন, প্রিবেন্সন অমসুং কন্ত্রোল এক্তিবিতীশিংদা কন্সেন্ত্রেৎ তৌবা এৱেয়র্নেসকী থবকশিংদা অহেনবা মীৎয়েং চংখ্রে। মন্ত্রীনা অমুক হন্না ফোঙদোকখি মদুদি লায়রবা, চী থুংবা, য়ুমগী ফীভম চাদবা, কম্ম্যুনিতী হাইজিন অমসুং হকচাং ফত্তবগী ফীভমশিংগুম্না তি.বি. অসি সমাজগা লোয়ননা লৈরবসু ২০২৫ ফাওবদা তি.বি. অসি মুত্থৎলগনি।

হরাউ কুমহৈগা মরী লৈনবা ৱাহং অমগী পাঊখুম পীরদুনা মন্ত্রীনা প্রধান মন্ত্রীগী ৱারোল অমা ফোঙদোক্লদুনা হায় “নহাক্কী পুন্সি লৈরবদি সংশার অসি লৈগনি”। ঐখোয়না হকচাং ফরবা খক্তদা হরাউ কুহৈ পাঙথোকপা ঙমগনি হায়না মহাক্না হায়খি। লাক্কদৌরিবা হাউ কুমহৈগী মতম অসিদা পুজা পন্দলশিং য়াহনবা হায়বসি রাজ্য সরকারশিংগী খুৎতা লৈ। মহারাস্ত্রনা নব্ররাতী হরাউ কুমহৈগী এদভারাস্ত্রনা নব্ররাতী হরাউ কুমক্সন, প্রিবেন্সন াইজরী অমা থোকখ্রে অমসুং মসিগী মখাদা রাজ্য অসিদা গর্বা অমসুং দান্দিয়া মহোসবশিং পাংথোকপা য়ারোই। গুজরাত্তসু হন্দক্কী চহিগী গর্বা অমসুং দান্দিয়া মহোসব পাংথোকপা থিংখ্রে।

দা. হর্শ বর্ধন্না ৱারকপনা মরম ওইদুনা কোবিদকা চান্নবা লমচৎ শাজৎ অসি ঙাক্না চৎলক্তবা অসি মেদিকেলগী লোলদা প্রিবেন্সন ফেতিকনি হায়না ফোঙদোকখি।“মীয়াম্না লেপ্তনা চেকশিল থৌরাং লৌখৎকদবা মতম অসিদা ৱারক্তুনা তোকথোকই।মখোয় খরনা তোঙান তোঙানবা মরমশিংনা চেকশিল থৌরাং লৌখৎপা তোক্লি। ঐহাক্না মীয়ামদা পীনীংবা পাউজেলদি ঐখোয় পুম্নমক্না থৱায় য়াওনা চেকশিল থৌরাংশিং লৌখৎসি হায়বা অসিনি”। মহাক্না মীয়ামদা কুম্মৈগী পন্থা অসিগী মনুংদা কোবিদকা চান্নবা লমচৎ শাজৎশিং ঙাক্না চৎনবা হায়জখি। মহাক্না মীয়ামদা থৌদাং মশক খঙবা প্রজাশিং ওইনবা এপিল তৌখি। মহাক্না হায়খি, “ঐখোয় পুম্নমক্না ঐখোয়না ঙমজবা থাকশিংদা থৌদাং লৌরসি: লনাইগী, খুন্নাইগী, আর.দবল্যু.এ., লৈকাইগী অমসুং ওফিসকী”।

“সন্দে সম্বাদ”কী মরিশুবা তাঙ্কক য়েংনবা মখাগী লিঙ্ক অসিদা চংবীয়ু: 

ত্বিত্তর: https://twitter.com/drharshvardhan/status/1312659867224612864

ফেসবুক: https://www.facebook.com/watch/?v=3281142565296376

য়ুত্যুব: https://www.youtube.com/watch?v=fF1Vpsn4Z2w

দি.ঐচ.ভি. এপ: http://app.drharshvardhan.com/download

*****