কেন্দ্রগী গৃহ মন্ত্রী অমিৎ শাহনা ‘অতল তনেল’ শঙ্গাবদা প্রধান মন্ত্রী শ্রী নরেন্দ্র মোদীদা তৌবীমল খঙপা উৎখি অমসুং মসিবু ইঞ্জিনীয়রিংগী অঙকপা খুদোল অমনি হায়না ফোঙদোকখি। ত্বিৎ মথং মথং থাগৎলদুনা, শ্রী অমিৎ শাহনা হায়খি, “ভারত রত্না অতল বিহারী বাচপয়ীগী ৱাখল্লোন অদু মঙ ফাওনবগা লোয়ননা লৈবাক পুম্বগী ওইনা ইতিহাসিক ওইরবা নুমিৎ অমা ওইহৌরগনি! অমুক্কা থোকখিদ্রিবা প্রোজেক্ত অসিদা চোকথবা লৈতনা থবক তৌখিবা বি.আর.ও.বু থাগৎপা ফোঙদোকচরি।”

শ্রী অমিৎ শাহনা হায়খি, “মালেমগী ওইনা খ্বাইদগী শাংবা হায়ৱে তনেল ওইরিবা ‘অতল তনেল’না লেহ অমসুং মনালিগী মরক্তা চত্থোক-চৎশিন তৌবদা চংবা মতম অসিপুং ৪-৫ হন্থহল্লগনি। নোংজু-নুংশা খায়দনা শীজিন্নবা য়ারবা তনেল অমা ওইবনা মসিনা মমাংদা থা কয়া লম্বী ফাওন্দনা লৈরম্বা লাহাউল-স্পিতি তম্পাক অসি চহি চুপ্পা লৈবাক অসিগী লেমহৌরিবা শরুকশিংগী ফাওনহনবা ঙম্লগনি।”

কেন্দ্রগী গৃহ মন্ত্রীনা হায়খি, “অতল তনেল অসি লমদম পুম্বা অসিগীদমক অচৌবা থৌজাল অমা ওইরগনি। হৌজিক্তি মীয়াম্না অফবা হেল্থক্যের ফেসিলিতীশিং, ললোন—তিক্কী খুদোংচাবশিং অমসুং তঙাই ফদবা পোৎলমশিং ফংবা ঙম্লগনি। মসিনা ঐখোয়গী ঙাকশেলগী শেম-শারিবা অসিগী মপাঙ্গল কনখৎহল্লগনি অমসুং তুরিজম সেক্তরদা অহেনবা মীৎয়েং চংদুনা থবক কয়া পীবা ঙম্লগনি।”

কি.মি. ৯.০২ শাংবা তনেল অসি হিমালয়াগী পির পঞ্জাল চীংশাংদা মীন সী লৈভেল (এম.এস.এল.)দগী মিতর ৩০০০ (ফুৎ ১০,০০০) ৱাংবা মফমদা অল্ত্রা-মোদর্ন স্পেসিফিকেসন শীজিন্নদুনা শাখিবনি‍। অতল তনেল অসি নোংমদা কার ৩,০০০ অমসুং নোংমদা ত্রক ১,৫০০গী ত্রাফিক দেন্সিতীগা লোয়ননা পুংদা কি.মি ৮০গী খোঙজেলদা থৌনবা দিজাইন তৌখি। মসিদা সেমি ত্রান্সভর্স ভেন্তিলেসন, এস.সি.এ.দি.এ.না কন্ত্রোল তৌবা মৈহৌ লাংপোক থেংননবা, মৈ ঙালহন্নবা অমদি শেন্ননবা সিস্তেম য়াওনা খ্বাইদগী অনৌবা মখলগী ইলেক্ত্রোমেকানিকেল সিস্তেম য়াওরি‍। তনেল অসিদা মতিক চারবা শাফগদবা মচাকশিং য়াওরি‍।

কান্নবা পীগদবা তনেল অসি তোহতাং পাসকী মখাদা শানবা ইতিহাসিক ওইরবা ৱারেপ অসি লৈখিদ্রবা শ্রী অতল বিহারী বাচপয়ীনা প্রধান মন্ত্রী ওইরিঙৈ জুন ৩, ২০০০দা লৌখি। তনেল অসিগী সাউথ পোর্তেলগা ফাওননবা লম্বী অসিগী উরেপ উয়ুং মে ২৬, ২০০২দা তমখি।

প্রধান মন্ত্রী শ্রী নরেন্দ্র মোদীনা চ্যেরমেন ওইদুনা কেন্দ্রগী মন্ত্রী-মন্দলগী মীফম অমা দিসেম্বর ২৪, ২০১৯দা পাঙথোকখি অমদি হান্নগী প্রধান মন্ত্রী শ্রী অতল বিহারী বাচপয়ীবু ইকাই খুম্নবা উৎপা ওইনা রোহতাং তনেল অসি অতল তনেল হায়না মীংথোন্নবা ৱারেপ লৌখি।

A historic day for the entire country as the vision of Bharat Ratna Atal Bihari Vajpayee ji comes true!

Gratitude to PM @narendramodi ji on the inauguration of an engineering marvel the ‘Atal Tunnel’. Congratulations to BRO for working relentlessly on this unprecedented project. pic.twitter.com/h4hIdEM52K

— Amit Shah (@AmitShah) October 3, 2020

As the longest highway tunnel in the world, 'Atal Tunnel' will reduce the travel time between Leh and Manali by 4-5 hours. Being an all-weather tunnel, it will also connect Lahaul-Spiti with the rest of the country throughout the year which used to be cut off for months earlier. pic.twitter.com/gpgRHRo3iy

— Amit Shah (@AmitShah) October 3, 2020

Atal Tunnel will prove to be a major boon for the entire region. People will now have access to better healthcare facilities, business opportunities & essential items. It will also strengthen our defence preparedness & generate employment by giving impetus to the tourism sector. pic.twitter.com/9cP8751fz8

— Amit Shah (@AmitShah) October 3, 2020

*****