এথলেৎ খুদিংমক্কী হকচাং ফনা থমগদবনি হায়বা পান্দম অসিদা স্পোর্তস ওথোরিতী ওব ইন্দিয়া (সাই)না সাই সেন্তরশিংদা লৈরিবা অমসুং কোবিদ ১৯ ভাইরস পোজিতিব ওইরবা হাই পার্ফোর্মেন্স এথলেৎশিংগী চৎন-কাংলোন (এস.ও.পি.) থোকখ্রে।

"গ্রেজুএতেদ রিতর্ন তু প্লে" (জি.আর.তি.পি.) হায়না খঙনবা অনৌবা চৎন-কাংলোনশিং অসিগী মখাদা সাইগী ওফিসিএল অমসুং সেন্তর খুদিংমক্না কোবিদ-১৯ পোজিতিব ওইরবা অমসুং সাই ফেসিলিতীদা ত্রেনিং তৌদুনা লৈরিবা এথলেৎশিংগী ফিবম ফগৎলকপগী য়েংশিন্নবা হায়খ্রে।

এস.ও.পি. অসি কোবিদ-১৯ কেস্তা য়ুম্ফম ওইদুনা কাংলুপ অহুম থোক্না খায়দোক্লি।

*কাংলুপ অমাঃ কোবিদ-১৯ পোজিতিব ওইরবা অমসুং লাইওং উত্তবা ( নুমিৎ ১০নিগী মনুংদা ফবা মাইল্দ লোকেলাইজ সিম্পতোমশিং

*কাংলুপ অনীঃ কোবিদ-১৯ পোজিতিব ওইরবা অমসুং মতম কুইরবা (নুমিৎ ১০নি হেন্না রিজনেল/সিস্তেমেতিক সিম্পতোম লৈবা) নত্ত্রগা হোস্পিতালাইজেসন চঙবা শাথিবা লাইওং লৈবা*

*কাংলুপ অহুমঃ কোবিদ-১৯ পোজিতিব ওইরবা অমসুং জি.আর.তি.পি. তৌরিঙৈদা লাইওং লাকপা* (পোস্ত রিকোবরী কমপ্লিকেসন)

অনৌবা চৎন-কাংলোনশিং অসিগী মনুংদা, সাই ওফিসিএল খুদিংমক্তা অকনবা পাউতাক পীখি অমসুং কোবিদ-১৯ ভাইরস পোজিতিব ওইরবা এথলেৎশিংবু ত্রেনিং পীবগী মতাংদা অহেনবা মথৌ হাপখি।

সাইনা মেদিকেল অমসুং পেরামেদিকেল এক্সপর্তশিং সেন্তর খুদিংমক্তা এথলেৎশিংদা কোবিদ-১৯ শন্দোক্লকপা য়েংনবগী ক্লিনিকেল এসেস্মেন্ত তৌনবা অমসুং এস.ও.পি. অসিদা তাক্লিবা চৎন-কাংলোনশিং অসি মপুং ফানা ইন্নবা হায়রি।

সেন্তর খুদিংদা থম্লিবা হায়রিবা অখন্নবা মেদিকেল অমসুং পেরামেদিকেল এক্সপর্তশিং অসিদা জি.আর.তি.পি.গা মরী লৈননা কোবিদ-১৯ ইনফেক্সন ক্লিনিকেল এসেস্মেন্তকী মতুংদা ময়েক শেংনা য়েংশিন্নবা।

মখা তানা, কোচশিংনা নুমিৎ ৭নি লাইওং উত্ত্রবা কোবিদ-১৯গী শেল্ফ লিমিতিং কোর্স তৌরিবা মশা ফবা অনাবশিংদা মহৌশাগী চাংদগী চাদা ৫০দা শাজেল তৌনবগী প্লান অমা য়াৎনবা খঙহনখি।

মেদিকেল অমসুং পেরামেদিকেল স্তাফশিংদা এথলেৎশিংগী ফগৎলকপগী চাং চাং নাইনা য়েংশিন্নবা অমসুং এথলেৎ অমসুং কোচশিংদা ত্রেনিং তপ্না তপ্না মহৌশাগী চাংদা লাক্নবা পাউতাক পীনবা খঙহনখি।

এথলেৎশিংবু শাজেলগী সেসনগী মমাং, মনুং অমসুং মতুংদা মোনিতর তৌগনি অমসুং করিগুম্বা মফম খঙদবা লাইওং লাক্লবদি মখা তানা য়েংশিন্নবা মেদিকেল তিমদা পাউ পীগনি।

*****