মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
গান্ধী জয়েন্তি পাংথোক্নবা জে অমসুং কেদা কে.ভি.আই.সি.গী থবক তৌবা মীওইশিং মথৌ চিনখি
Posted On:
02 OCT 2020 4:41PM by PIB Imphal
ইরাই নুমিৎতা মহাত্মা গান্ধীগী ১৫১সুবা মপোক কুমওন থৌরম পাংথোক্নবা খাদি এন্দ ভিলেজ ইন্দস্ত্রিস কম্মিসন(কে ভি আই সি)না জম্মু অমসুং কাস্মিরদা থবক পীনবা থৌরম কয়া হৌদোকখ্রে। কুমহার সাশক্তিকারন য়োজনাগী মখাদা কে.ভি.আই.সিগী চিয়রমেন বিনাই কুমার সক্সেনানা বারমুল্লাদা চফু শাবা ইমুং ১০০দা ইলেকত্রিক্কী চফু শানবা হুইলশিং য়েন্থোকখি অমসুং গানদরবাল অমসুং পুলৱামা জিলাদা ক্রেৱেল ইম্বোইদরি অমসুং সোজনি ইম্বোইদরিগী লমদা খুৎহৈবশিংগী ত্রেনিং হৌদোকখি। মহাক্না জে অমসুং কেগী বারামুল্লা জিলাদা ৱিল্লো ৱার্ককী খুৎহৈবশিংগী ত্রেনিংসু হাংদোকখি।
![](https://static.pib.gov.in/WriteReadData/userfiles/image/J_K4NZWT.jpg)
থৌরমশিং অসি মহাত্মা গান্ধীগী ১৫১সুবা মপোক কুমওন থৌরম পাংথোক্নবা কে.ভি.আই.সিনা লৈবাক শীনবা থুংনা শীনবা অচৌবা থৌরম ১৫০গী শরুক অমনি। পায়খৎলিবা থবকশিং অসিনা রাজ্য অসিদা মীওই ৫০০ হেনবগী হিংনবা লম্বীশিং ফংহনগনি।
ইম্বোইদরিগী থবক অমসুং কাস্মিরগী মমিং লৈরবা খুৎশা শাবা চেগী পোৎলমশিংগীদমক জে অমসুং কেদা সফুরতি ক্লস্তর অনি লিংখৎনবা মফম অদুগী কে.ভি.আই.সি ওফিসিএলশিংদা কে.ভি.আই.সিগী চিয়রমেন্না পাউতাক পীখি। জে অমসুং কেগী খুৎহৈবশিং থাগৎলদুনা মহাক্না হায়খি চফু য়াওনা অখন্নবা পোৎথোক খর পুথোক্নপদা মখোয়গী হৈশিংবা অমসুং থৌনা লৈ।
![](https://static.pib.gov.in/WriteReadData/userfiles/image/J_KE0JO.jpg)
মহাক্না হায়খি খাদিগী খুৎথাংদা কাস্মিরগী মীয়াম থৌনা হাপ্নবা গান্ধীজিনা মতম চুপ্পদা তকশিনখি। ঐখোয়গী প্রধান মন্ত্রীসু মহাক্কী থম্মোয়দা কাস্মিরগী অখন্নবা মফম অমা কন্দুনা লৈরি অমসুং রাজ্য অসিদা থবক ফংহন্দুনা প্রধান মন্ত্রীগী মঙলান মঙফাওন্নবা কে.ভি.আই.সিনা থবক পায়খৎলি। ক্রেৱেল অমসুং সোজনি ইম্বোইদরি, পাস্মিনা সাল, চেগী পোৎলমশিং অমসুং চফু য়াওনা কাস্মিরগী কলাগী পোৎথোকশিং মালেমদা মমিং চৎলে।খুৎহৈবশিং ত্রেনিং, অফবা খুৎলাই অমসুং য়োনফম পীদুনা হায়রিবা পোৎথোকশিং অসিনা মখোয় অত্মনির্ভর ওইহনবা ঙমগনি।
কে.ভি.আই.সিগী চিয়রমেনগা ৱারি শানবা থৌরম অদুদা চফু শাবশিং য়াওনা খুৎহৈবা কয়া শরুক য়াখি অমসুং হেন্না ফবা হিংনবা লম্বী অমা মখোয়দা পীরকপগীদমক খুৎহৈবশিংনা চিয়রমেন থাগৎখি। কে.ভি.আই.সিনা পীবা ইলেকত্রিক্কী চফু শানবা হুইল ফংখিবা চফু শাবা মুস্তাকনা হায়খি হায়রিবা খুৎলায়শিং অসিনা হৌজিম মহাক্কী থবক লাইনা শুবা য়ারগনি অমসুং মহাক্কী নোংমগী চফুগী পোৎথোক পুথোকপা অমসুং শেন্থোক ফজনা হেনগৎলগনি।
![](https://static.pib.gov.in/WriteReadData/userfiles/image/J_K15810.jpg)
*****
(Release ID: 1661048)
Visitor Counter : 103