আয়ুশ

আয়ুশ সেক্তরগী ইনখৎলক্লিবা য়াংলেন শরু ওইরিবা আয়ুশ গ্রিদনা থবক তৌবগী মতাংদা নেস্নেল দিজিতেল হেল্থ মিসনগা পুল্লগনি

Posted On: 02 OCT 2020 11:45AM by PIB Imphal

আয়ুশ সেক্তরগী ইনখৎলক্লিবা য়াংলেন শরু ওইরিবা আয়ুশ গ্রিদনা থবক তৌবগী মতাংদা নেস্নেল দিজিতেল হেল্থ মিসন (এন.দি.ঐচ.এম.)গা পুনবগী ৱাহৌদোক অসি আয়ুশ মন্ত্রালয়গী সেক্রেতরী ভাইদ্যা রাজেশ কোতেচানা লুচিংদুনা হন্দক্তা ফমখিবা মীফমদা শৌগৎখি। আয়ুশ গ্রিদ তীম অমসুং এন.দি.ঐচ.এম.না ৱারী খন্নবগী তাঙ্কক কয়া পাঙথোক্লবা মতুংদা চৎনগদবা কাঙলোনশিংগী মতাংদা য়ানবা পুরকখিবনি। মসিগী পুনবগী থৌওং অসিনা তোঙান তোঙানবা হকশেলগী তঙাই ফদবা লৈবা মীওইশিংদা য়াম্না কান্নগনি। মসিগী থৌওং অসিনা আয়ুশকী লায়েংবগী থৌওংবু মীয়াম পুনবনা শিজিন্নহনবদা খুমাং চাউশিলহনগনি।

আয়ুশকী সেক্রেতরীনা আয়ূশ গ্রিদ প্রোজেক্তকী মখাদা পাঙথোক্লিবা আই.তি.গী থৌওংশিংগী হৌজিক্কী ওইবা ফিভমশিংসু য়েংশিনখি। হৌখিবা চহি অনিদা প্রোজেক্ত অসিনা আয়ুশ সেক্তরগী মনুংদা লৈরিবা দিজিতেলগী ওইবা অহাংবা শম্নহনবা অমসুং আই.তি.গী মরু ওইবা হেল্থকেয়র প্রোজেক্তশিং পাঙথোকপদসু য়াম্না তেংবাংখি হায়বসি খঙবা ঙমখি।

আয়ুশ গ্রিদ প্রোজেক্ত অসি ইং ২০১৮দা সেক্তর অসিগী আই.তি.গী ওইবা পাক-চাউবা য়াংলেন শরু অমা শেম্নবা মন্ত্রালয়না হৌদোকখিবনি। আয়ুশ সেক্তর অপুনববু দিজিতাইজেসন তৌবা অসিনা রিসর্চ, এজুকেসন, তোঙানব তোঙানবা হকশেলগী প্রোগ্রামশিং অমসুং দ্রগকী কাঙলোনশিং য়াওনা থাক খুদিংদা হেল্থ কেয়র পীবগী মতাংদা শেমদোকপা কয়া অমা পুরকপা ঙমগনি। মসিনা লৈবাক অসিদা লৈরিবা মীয়ামশিং য়াওনা স্তেকহোলদরশিংদা কান্নবা পীবতা নত্তনা হেল্থ কেয়রগী মতাংদা লৈবাক্কী অমসুং মালেমগী ওইবা পান্দম কয়া অমসু ফংহনবা ঙমগনি।

হৌজিক ফাওবদা পাঙথোকখিবা তোঙান তোঙানবা থৌওংশিংগী মনুংদা খ্বাইদগী মশক থোকপা অসিদি আয়ুশ হেল্থ মেনেজমেন্ত ইনফোর্মেসন সীস্তেম (এ.ঐচ.এম.আই.এস.)নি। এ.ঐচ.এম.আই.এস. অসি তসেংবগী ওইনা থেরানদা য়ুম্ফম ওইবা চেন্নৈগী সিধা রিসর্চ কাউন্সিলনা মশানা পুথোকচবা ঐচ.এম.আই.এস.কী থৌওং পাঙথোকপা অমসুং হৌজিক্না আয়ুশ মন্ত্রালয়গী ক্লিনিকেল ইস্তাব্লিশমেন্ত চাউরাক্না ১০০না শিজিন্নবা অচৌবা অমসুং ক্লাওদতা য়ুম্ফম ওইবা ইনফোর্মেসন সীস্তেম অমা ওইবা ঙম্লে। মখা তাবা ওইনা মসিগী পাক চাউবা অসি হেনগৎনবা হায়দুনা এম./এস. ভারত ইলেক্ত্রোনিক্স লিমিতেদ (বি.ই.এল.), বেঙ্গালোরগী মতেংসু লৌখ্রে। মন্ত্রালয় অসিনা এ.ঐচ.এম.আই.এস. অসিবু কেন্দ্রগী সরকারনা য়েংশিনবগী ৱাংমদা লৈবা আয়ুশ য়ুনিৎশিংদা শিজিন্নবা য়াহন্দুনা মসিবু আয়ুশ সেক্তর পুম্বনা শিজিন্নহনবা য়ানবা থৌওং পায়খৎলি।

আয়ুশ গ্রিদকী অতোপ্পা মাই পাকপা অমনা মন্ত্রালয়গী মরী লৈনবা মশাশিংগী অপাম্বা ফংহন্নবগীদমক্তা আয়ুশ সঞ্জিবনি মোবাইল এপ অমসুং য়োগ লোকেতর মোবাইল এপ শেম-শাদুনা শিজিন্নবা হৌখিবা অসিনি। মসিগী এপ্লিকেসনশিং অসি অপুনবা ওইনা লাখ ৬ হেন্না দাউনলোদ তৌনখিবগা লোয়ননা মতেনবা মতমদা য়াম্লবা মীয়ামদা য়ৌবগী পান্দম মশক থোক্না ফংবা ঙমখ্রে। কোবিদ-১৯ লায়চৎকী অহৌবা মতমদা কোবিদ-১৯গী ৱারোলশিং খোমজিনবা অমসুং আয়ুশ বলন্তিয়রশিংবু থবক শিজিন্নবা য়ানবা তোঙান তোঙানবা ক্রাওদ আউৎসোর্সিং তৌবগী থৌওং কয়া অমসু পাঙথোকখি। মখা তাবা ওইনা, হৌজিক হৌজিক্কী ওইবা ই-পাউ খঙনবা কোবিদ-১৯গী দেশবোর্দ অমসু শেমখি। আয়ুশ গ্রিদ প্রোজেক্ত অসিনা লোকদাউন লৈখিবগী খুদোংচাদবশিংগী মরক্তা হকশেলগী ইরাং লাকশিনবগা মরী লৈনবা মরু ওইবা থৌওং কয়া অমসু তেংবাংবা ঙমখি।

আয়ুশ গ্রিদকী মখাদা সি.-দি.এ.সি. পুনেগা খুৎশম্নদুনা আয়ুশ প্রোফেস্নেলশিংগী চান্ননা শেমদোক্লবা আই.তি. কোর্স অমসু পুথোকখি। থৌওং অসিগী শরুক অমা ওইনা সরকারগী ৱাংমদা লৈবা স্তেক-হোলদর ইন্সতিত্যুসন ওইবা খরগী মীওই খরা য়াওনা চাউরাক্না আয়ুশ প্রোফেস্নেল ২০০দা ত্রেনিং পীখি। মসিনা আয়ুশ সেক্তরগী মনুংদা লৈবা দিজিতেলগী অহাংবা নীংথিনা মেনশিনবা ঙমখি অমসুং মসিগী প্রোফেস্নেলশিং অসিনা সেক্তর অসিগী দিজিতাইজেসন তৌবগী থবকপু খুমাং চাউশিলহনবদা মরু ওইবা থৌদাং লৌগনি। আয়ূশ গ্রিদকী অতোপ্পা মরু ওইবা মাই-পাকপা থৌওংশিংগী মনুংদা সিধা সীস্তেমগী পাইলোৎ প্রোজেক্ত ওইনা নবেম্বর ১, ২০১৯দা সি.-দি.এ.সি.গা খুৎশম্নদুনা হৌদোকখিবা তেলিমেদিসিন প্রোগ্রামসু য়াওরি। লোকদাউন হেক হৌখিবদগী মসিনা হোমিওপেথী অমসুং আয়ুর্বেদগী ওইনসু থবক তৌরি। মসিগী খুত্থাংদা চাউরাক্না মীওই ২০,০০০দা তেংবাংখি।

আয়ুশ এজুকেসন্দা ঙাক্লৌ পীনবা ৱাখল শাংবা প্রোজেক্ত অমসু ‘আয়ুশ নেক্সৎ’ হায়না মিংথোন্দুনা হৌদোক্কদৌরি। মসিগী প্রোজেক্ত অসি য়াম্না কন্না শাবগী থবক চত্থরি অমসুং অথুবা মতমদা ওনলাইন ওইগনি হায়না থাজবা থম্নরি।

আয়ুশ গ্রিদকী থৌওংশিং অসিনা হেল্থ সর্বিস, এজুকেসন, আয়ুশ রিসর্চ, কেন্দ্রগী সেক্তর অমসুং কেন্দ্রগী শৌগৎপা স্কিমশিং, ত্রেনিং প্রোগ্রামশিং, মীয়ামদা মরু ওইবা পীবা সর্বিস, দ্রগ লাইসেন্স পোর্তেল অমসুং মীদিয়াদা য়ৌবনচিংবা আয়ুশ সেক্তরগী হীরম খুদিংমক কোনগনি।

আয়ুশ গ্রিদ অসিনা মসিগী মনুং চনবা প্রোজেক্তশিংগী খুত্থাংদা লেপ্তনা চাউখৎপা ঙম্লি। মসিনা চহি অহুমগী মনুংদা আয়ুশকী অনা লায়েংবা মীওই লাখ ৮ অমসুং লৈবাক্কী মীয়াম করোর ৫০গী সেবা তৌবা ঙম্বা পাক চাউরবা আই.তি.গী য়াংলেন শরু অমা ওইরক্কনি হায়বগী থাজবা থম্নরি।

*****



(Release ID: 1660951) Visitor Counter : 41