লৈবাক অমা রাসন কার্দকী মখাদা হৌজিক লৈরিবা রাজ্য/য়ু.তি. ২৬কী নেস্নেল পোর্তেবিলিতী ক্লস্তরগী মনুংদা রাজ্য অনি, তমিল নাদু অমসুং অরুনাচল প্রদেশসু য়াওখ্রে। মসিগী রাজ্যশিং অসিবু লৈবাক্কী ক্লস্তর অসিদা য়াওহন্নবা তঙাই ফদবা শেম-শাবগী থবকশিং – হায়বদি ই.পি.ও.এস. সোফৎৱেয়র অপগ্রেদ তৌবা, ময়ায় ওইবা আই.এম.-পি.দি.এস. অমসুং অন্নাবিত্রন পোর্তেলগা পুন্সিন্নবা, সেন্ত্রেল রিপোজিতরীদা রাসন কার্দ/বেনিফিশরীগী দেতাশিং ফংহনবা, নেস্নেল পোর্তেবিলিতী ত্রাঞ্জেক্সন চাংয়েংবগী তঙাই ফদবা- অসি রাজ্য অনি অসিগী ওইনা লোইশিনখ্রে। মসিগা লোয়ননা ও.এন.ও.আর.সি.গী মখাদা অপুনবা রাজ্য/য়ু.তি. ২৮ অসি অমত্তা ওইনা শম্নখ্রে।মসিগী রাজ্য/য়ু.তি. ২৮ অসিদা লৈরিবা মাইগ্রেতরী পি.দি.এস. বেনিফিশরীশিং অসিনা মখোয়গী মমল তারবা হৱাই-চেংৱাই  অসি চপ মান্নবা চাং অমসুং কেন্দ্রনা হায়বা মমলদা মখোয়না পাম্বা ফেয়র প্রাইস শোপ (এফ.পি.এস.)তগী ওক্তোবর ১, ২০২০দগী লৌবা য়ারগনি।

কঞ্জ্যুমর এফিয়র্স, ফুদ অমসুং পব্লিক দিস্ত্রিব্যুয়সনগী মন্ত্রালয়গী মখাদা লৈবা ফুদ অমসুং পব্লিক দিস্ত্রিব্যুয়সন বিভাগনা এন.এফ.এস.এ.গী বেনিফিশরী খুদিংদা পাম্বৈ অমা পীনবা পান্দম থম্বা “লৈবাক অমা রাসন কার্দ অমা”গী থৌরাং অসিগী খুত্থাংদা এন.এফ.এস.এ.গী মখাদা লৈবাক শিনবা থুংনা কান্নবা ফংহন্নবা খোঙথাং অমা পায়খৎলি। রাজ্যশিং অসিগী বেনিফিশরীশিংনা এন.এফ.এস.এ.গী মখাদা লৈবাক অসিগী মফম অমা হেক্তদা লৈবা ই.পি.ও.এস. লৈবা এফ.পি.এস. অমদগী ই.পি.ও.এস.কী খুৎলায়দা আধারগী চুম্মি লাল্লি খঙদোক্লবা তুংদা মখোয়গী রাসন কার্দ শিজিন্নদুনা ফংফম থোকপা চেং-হৱাই লৌবা য়াগনি।

মসিগী খুদোংচাবা অসি রাজ্য/য়ু.তি. ২৬ – আন্ধ্র প্রদেশ, বিহার, দদ্রা অমসুং নগর হবেলি, দামন অমসুং দ্যু, গোৱা, গুজরাত, হরয়ানা, হিমাচল প্রদেশ, ঝারখন্দ, কেরলা, করনাতকা, মধ্য প্রদেশ, মহারাস্ত্রা, মিজোরম, ওরিশা, পঞ্জাব, রাজস্থান, সিক্কিম, তেলঙ্গানা, ত্রিপুরা, উত্তর প্রদেশ, জম্মু অমসুং কশ্মির, মনিপুর, নাগালেন্দ, উত্তরাখন্দ, লক্ষদ্বীপ অমসুন লদাখতদি হান্নদগী শম্নদুনা লৈরবনি। অতোপ্পা লেমহৌরিবা রাজ্যশিং অসি নেস্নেল পোর্তেবিলিতীদা মার্চ ২০২১ ফাওবগী মনুংদা পুন্সিন্নবা পান্দম থম্লি।

মসিগী পথাপ অসিগী খুত্থাংদা থবক থীবগী মরমনা লৈফম তোয়না হোংবা মাইগ্রেতরী এন.এফ.এস.এ. বেনিফিশরীশিংগী ওইনা রাজ্য/য়ু.তি. ২৮ অসিদগী মখোয়গী লৈরিবা নত্ত্রগা মান্নবা রাসন কার্দ শিজিন্নদুনা এফ.পি.এস.তা লৈরিবা পোইন্ত ওফ সেলগী খুৎলাই শিজিন্নদুনা বাইওমেত্রিক নত্ত্রগা আধারদা য়ুম্ফম ওইদুনা মশাগী শকতাক্কী অচুম অরান খঙলবা তুংদা মখোয়গী ফংফম থোকপা চেং-হৱাই লৌবা য়াগনি।

****