ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਅੱਜ ਨਵੀਂ ਦਿੱਲੀ ਵਿੱਚ ਆਈਡੇਕ੍ਸ ਪ੍ਰੋਗਰਾਮ ਦੌਰਾਨ ਡਿਫੈਂਸ ਐਕਸੀਲੈਂਸ (ਆਈਡੇਕਸ) ਦੀ ਵਾਤਾਵਰਣ ਪ੍ਰਣਾਲੀ ਲਈ ਨਵੀਨਤਮ ਗਿਆਨ ਵਿਸਥਾਰਤ ਕਰਨ ਦੇ ਉਦੇਸ਼ ਦੀਆਂ ਪਹਿਲਕਦਮੀਆਂ ਨੂੰ ਦਰਸਾਉਂਦੇ ਡਿਫੈਂਸ ਇੰਡੀਆ ਸਟਾਰਟਅਪ ਚੈਲੇਂਜ (ਡੀਆਈਐਸਸੀ 4) ਦੀ ਸ਼ੁਰੂਆਤ ਕੀਤੀ । ਪ੍ਰੋਗਰਾਮ ਦੌਰਾਨ ਰਕਸ਼ਾ ਮੰਤਰੀ ਵੱਲੋਂ ਆਈਡੈਕਸ 4 ਫੌਜੀ ਪਹਿਲਕਦਮੀ ਅਤੇ ਉਤਪਾਦ ਪ੍ਰਬੰਧਨ ਪਹੁੰਚ (ਪੀ ਐਮ ਏ) ਦਿਸ਼ਾ ਨਿਰਦੇਸ਼ ਵੀ ਲਾਂਚ ਕੀਤੇ ਗਏ ਹਨ । ਇਨ੍ਹਾਂ ਵਿੱਚੋਂ ਹਰੇਕ ਪਹਿਲਕਦਮੀ ਤੋਂ ਆਈਡੇਕਸ-ਡੀਆਈਉ ਨੂੰ ਸਹਾਇਤਾ ਦੇਣ ਦੀ ਉਮੀਦ ਕੀਤੀ ਜਾਂਦੀ ਹੈ ਤਾਂ ਜੋ ਪ੍ਰੋਗਰਾਮ ਨੂੰ ਗਣਨਾਤਮਕ ਅਤੇ ਗੁਣਾਤਮਕ ਤੌਰ ਤੇ ਵਧਾਇਆ ਜਾਵੇ ।

ਆਈਡੈਕਸ 4 ਫੌਜੀ ਆਪਣੀ ਕਿਸਮ ਦੀ ਪਹਿਲੀ ਪਹਿਲ ਹੈ, ਜਿਸ ਨੂੰ ਭਾਰਤੀ ਹਥਿਆਰ ਬੰਦ ਫੌਜ਼ਾਂ ਦੇ ਮੈਂਬਰਾਂ ਵੱਲੋਂ ਪਛਾਣੀਆਂ ਗਈਆਂ ਨਵੀਨਤਾਵਾਂ ਦੀ ਸਹਾਇਤਾ ਲਈ ਸ਼ੁਰੂ ਕੀਤਾ ਗਿਆ ਹੈ ਅਤੇ ਸੈਨਿਕਾਂ/ਫੀਲਡ ਬਣਤਰਾਂ ਤੋਂ ਪ੍ਰਾਪਤ ਸੰਜਮੀ ਨਵੀਨਤਾ ਵਿਚਾਰਾਂ ਨੂੰ ਉਤਸ਼ਾਹਤ ਕਰੇਗਾ । ਇਸ ਵੇਲੇ ਫੀਲਡ ਅਤੇ ਸਰਹੱਦਾਂ 'ਤੇ 13 ਲੱਖ ਤੋਂ ਵੱਧ ਸੈਨਿਕ ਕਰਮਚਾਰੀ ਕੰਮ ਕਰ ਰਹੇ ਹਨ, ਜੋ ਬਹੁਤ ਹੀ ਅੰਤਲੀਆਂ ਸਥਿਤੀਆਂ ਅਤੇ ਉਪਕਰਣਾਂ ਦਾ ਪ੍ਰਬੰਧਨ ਕਰ ਰਹੇ ਹਨ ਅਤੇ ਅਜਿਹੇ ਉਪਕਰਣਾਂ ਨੂੰ ਬਿਹਤਰ ਬਣਾਉਣ ਲਈ ਉਨ੍ਹਾਂ ਕੋਲ ਬਹੁਤ ਸਾਰੇ ਵਿਚਾਰ ਅਤੇ ਨਵੀਨਤਾਵਾਂ ਹਨ । ਅਜਿਹੀਆਂ ਨਵੀਨਤਾਵਾਂ ਦੀ ਸਹਾਇਤਾ ਕਰਨ ਲਈ ਕੋਈ ਵਿਧੀ ਨਹੀਂ ਸੀ । ਆਈਡੈਕਸ 4 ਫੌਜੀ, ਇਸ ਵਿੰਡੋ ਨੂੰ ਖੋਲੇਗੀ ਅਤੇ ਸਾਡੇ ਫੌਜ਼ੀਆਂ ਨੂੰ ਨਵੀਨਤਾ ਪ੍ਰਕਿਰਿਆ ਦਾ ਹਿੱਸਾ ਬਣਨ, ਮਾਨਤਾ ਪ੍ਰਾਪਤ ਕਰਨ ਅਤੇ ਇਨਾਮ ਪ੍ਰਾਪਤ ਕਰਨ ਦੀ ਇਜਾਜ਼ਤ ਦੇਵੇਗੀ । ਸਰਵਿਸਿਜ਼ ਹੈੱਡਕੁਆਰਟਰਸ ਪੂਰੇ ਦੇਸ਼ ਵਿੱਚ ਸੈਨਿਕਾਂ ਅਤੇ ਫੀਲਡ ਬਣਤਰਾਂ ਦੀ ਵੱਧ ਤੋਂ ਵੱਧ ਭਾਗੀਦਾਰੀ ਨੂੰ ਯਕੀਨੀ ਬਣਾਉਣ ਲਈ ਸਹਾਇਤਾ ਮੁਹਈਆ ਕਰਵਾਉਣਗੇ ।

ਇਸ ਮੌਕੇ ਸੰਬੋਧਨ ਕਰਦਿਆਂ ਰਕਸ਼ਾ ਮੰਤਰੀ ਸ਼੍ਰੀ ਰਾਜਨਾਥ ਸਿੰਘ ਨੇ ਕਿਹਾ ਕਿ ਆਈਡੈਕਸ ਪਹਿਲਕਦਮੀ ਸਾਡੇ ਦੇਸ਼ ਵਿੱਚ ਬਣੀ ਸਭ ਤੋਂ ਪ੍ਰਭਾਵਸ਼ਾਲੀ ਅਤੇ ਚੰਗੀ ਤਰ੍ਹਾਂ ਚੱਲ ਰਹੀ ਰੱਖਿਆ ਸਟਾਰਟਅਪ ਈਕੋਸਿਸਟਮ ਵਜੋਂ ਖੜ੍ਹੀ ਹੈ ਅਤੇ ਆਤਮਨਿਰਭਰ ਭਾਰਤ ਮੁਹਿੰਮ ਦੀ ਭਾਵਨਾ ਵਿੱਚ ਸਵੈ ਨਿਰਭਰਤਾ ਹਾਸਲ ਕਰਨ ਦੀ ਦਿਸ਼ਾ ਵੱਲ ਇੱਕ ਨਿਰਣਾਇਕ ਕਦਮ ਹੋਵੇਗਾ । ਸ੍ਰੀ ਰਾਜਨਾਥ ਸਿੰਘ ਨੇ ਕਿਹਾ, ਪਹਿਲੀ ਵਾਰ ਦੇਸ਼ ਵਿਚ ਅਜਿਹਾ ਮਾਹੌਲ ਸਿਰਜਿਆ ਗਿਆ ਹੈ, ਜਦੋਂ ਵੱਖ-ਵੱਖ ਹਿੱਸੇਦਾਰਾਂ ਨੂੰ ਰੱਖਿਆ ਖੇਤਰ ਵਿਚ ਨਵੀਨਤਾਵਾਂ ਨੂੰ ਅੱਗੇ ਵਧਾਉਣ ਲਈ ਇਕੱਠਾ ਕੀਤਾ ਗਿਆ ਹੈ । “ਸਾਡੀ ਰੱਖਿਆ ਪ੍ਰਣਾਲੀ ਨੂੰ ਹੋਰ ਮਜ਼ਬੂਤ ਕਰਨ ਅਤੇ ਇਸ ਨੂੰ ਸਵੈ-ਨਿਰਭਰ ਬਣਾਉਣ ਲਈ ਨਿੱਜੀ ਖੇਤਰ ਦੀ ਭਾਗੀਦਾਰੀ ਵੀ ਬਹੁਤ ਜ਼ਰੂਰੀ ਹੈ । ਇਸਦੇ ਲਈ ਅਸੀਂ ਕੁਝ ਖਾਸ ਕਦਮ ਚੁੱਕੇ ਹਨ, ਜਿਵੇਂ ਕਿ ਪ੍ਰਾਈਵੇਟ ਸੈਕਟਰ ਨਾਲ ਭਾਈਵਾਲੀ, ਟੈਕਨੋਲੋਜੀ ਟ੍ਰਾਂਸਫਰ, ਆਟੋਮੈਟਿਕ ਰਸਤੇ ਰਾਹੀਂ 74% ਐਫ.ਡੀ.ਆਈ ਅਤੇ ਹਾਲ ਹੀ ਵਿੱਚ ਜਾਰੀ ਕੀਤੀ ਗਈ ਨਕਾਰਾਤਮਕ ਸੂਚੀ ਵਿੱਚ ਨਿਰਧਾਰਤ ਅਵਧੀ ਤੋਂ ਬਾਅਦ ਦਰਾਮਦ ਪਾਬੰਦੀ ਲਈ 101 ਚੀਜ਼ਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ । ” ਰਕਸ਼ਾ ਮੰਤਰੀ ਨੇ ਇਹ ਵੀ ਕਿਹਾ ਕਿ ਕੱਲ੍ਹ ਹੀ ਸਰਕਾਰ ਨੇ ਰੱਖਿਆ ਪ੍ਰਾਪਤੀ ਵਿਧੀ 2020 ਸ਼ੁਰੂ ਕੀਤੀ ਸੀ ਜੋ ਨਿੱਜੀ ਉਦਯੋਗ ਨੂੰ ਰੱਖਿਆ ਖੇਤਰ ਵਿਚ ਹਿੱਸਾ ਲੈਣ ਲਈ ਉਤਸ਼ਾਹਤ ਕਰਨ ਦੀ ਕੋਸ਼ਿਸ਼ ਕਰਦੀ ਹੈ । ਰਖਿਆ ਮੰਤਰੀ ਨੇ ਹਥਿਆਰਬੰਦ ਫੌਜ਼ਾਂ ਨੂੰ ਵੀ ਅਪੀਲ ਕੀਤੀ ਕਿ “ਉਹ ਆਪਣੀਆਂ ਤਕਨੀਕੀ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਡਿਫੈਂਸ ਇਨੋਵੇਸ਼ਨ ਆਰਗੇਨਾਈਜ਼ੇਸ਼ਨ (ਡੀ.ਆਈ.ਓ.) ਦੇ ਪਲੇਟਫਾਰਮ ਦੀ ਪੂਰੀ ਵਰਤੋਂ ਕਰਨ ਅਤੇ ਭਾਰਤੀ ਸਟਾਰਟਅਪਸ ਇਸ ਅਵਸਰ ਦੀ ਵਰਤੋਂ ਸਾਡੇ ਰੱਖਿਆ ਯੋਗਕਾਰਕਾਂ ਦਾ ਅਨਿੱਖੜਵਾਂ ਅੰਗ ਬਣਨ ਲਈ ਕਰਨ ।”

ਪ੍ਰੋਗਰਾਮ ਨੂੰ ਰਕਸ਼ਾ ਰਾਜ ਮੰਤਰੀ ਸ਼੍ਰੀ ਸ਼੍ਰੀਪਦ ਯੈਸੋ ਨਾਇਕ, ਚੀਫ ਆਫ਼ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ, ਰੱਖਿਆ ਸੱਕਤਰ ਡਾ ਅਜੈ ਕੁਮਾਰ ਅਤੇ ਰੱਖਿਆ ਉਤਪਾਦਨ ਵਿਭਾਗ ਦੇ ਸਕੱਤਰ ਸ਼੍ਰੀ ਰਾਜਕੁਮਾਰ ਅਤੇ ਹੋਰਨਾਂ ਨੇ ਸੰਬੋਧਨ ਕੀਤਾ ।

ਡਿਫੈਂਸ ਇੰਡੀਆ ਸਟਾਰਟਅਪ ਚੈਲੇਂਜ (ਡੀਆਈਐਸਸੀ) 4 ਦੇ ਤਹਿਤ, ਹਥਿਆਰਬੰਦ ਫੌਜ਼ਾਂ, ਓਐਫਬੀ ਅਤੇ ਡੀਪੀਐਸਯੂ ਦੀਆਂ ਗਿਆਰਾਂ ਚੁਣੌਤੀਆਂ ਸੰਭਾਵਿਤ ਸਟਾਰਟ ਅਪਸ ਸ਼ੁਰੂਆਤ, ਨਵੀਨਤਾਕਾਰਾਂ, ਐਮਐਸਐਮਈ'ਜ਼ ਲਈ ਖੋਲੀਆਂ ਗਈਆਂ ਸਨ, ਤਾਂ ਜੋ ਟੈਕਨਾਲੋਜੀਆਂ ਤੇ ਉਨ੍ਹਾਂ ਦੇ ਨਵੀਨਤਾਕਾਰੀ ਵਿਚਾਰ ਮੁਹਈਆ ਕਰਵਾਏ ਜਾਣ, ਜੋ ਰੱਖਿਆ ਖੇਤਰ ਵਿੱਚ ਉਨ੍ਹਾਂ ਦੀ ਅਰਜ਼ੀ ਲੱਭਦੀ ਹੈ ।

ਚੁਣੌਤੀਆਂ ਹੇਠ ਲਿਖੀਆਂ ਹਨ:

*ਅਟਾਨੋਮਸ ਅੰਡਰਵਾਟਰ ਸਵਾਰਮ ਡਰੋਨਾਂ

*ਭਵਿੱਖਬਾਣੀ, ਰੋਕਥਾਮ ਅਤੇ ਵਿਧੀਪੂਰਵਕ ਮਸ਼ੀਨ ਨਿਗਰਾਨੀ

*ਸਥਾਨਿਕ ਸਮਸਿਆ ਦੇ ਬੇਹਤਰ ਹੱਲ ਲਈ ਸੁਪਰ ਹੱਲ

*ਏਆਈ ਅਧਾਰਤ ਸੈਟੇਲਾਈਟ ਚਿੱਤਰ ਵਿਸ਼ਲੇਸ਼ਣ

*ਭਵਿੱਖਵਾਣੀ ਅਤੇ ਮੌਸਮੀ ਦਰਿਸ਼ਟੀ ਦੀ ਭਵਿੱਖਬਾਣੀ

*ਵਰਚੁਅਲ ਸਿਖਲਾਈ ਲਈ ਕੰਪਿਉਟਰ ਨਾਲ ਤਿਆਰ ਕੀਤੇ ਟੀਚੇ

* ਹਵਾਈ ਅਮਲੇ ਦੀ ਉਡਾਣ ਅੰਦਰ ਸਿਹਤ ਦੀ ਦੂਰ ਤੋਂ ਰੀਅਲ ਟਾਈਮ ਨਿਗਰਾਨੀ

* ਐਮਐਫ-ਟੀਡੀਐਮਏ ਅਧਾਰਿਤ ਵਾਈਡਬੈਂਡ ਸੈੱਟਕਾਮ ਮਾਡਮ

*ਫੁੱਲ-ਪੱਤਿਆਂ ਦੇ ਸਮੂਹ ਵਿੱਚ ਦਾਖਲ ਹੋਣ ਦਾ ਰਾਡਾਰ

*ਜਲ ਸੈਨਾ ਦੇ ਜੰਗੀ ਜਹਾਜ਼ਾਂ ਵਿੱਚ ਆਰਸੀਐਸ ਦੀ ਕਮੀ

*ਤੂਫ਼ਾਨ ਵਾਲੇ ਵਾਤਾਵਰਣ ਵਿੱਚ ਨਿਸ਼ਾਨੇ ਦੀ ਖੋਜ

'ਸਹੀ ਉਤਪਾਦ ਅਤੇ ਉਤਪਾਦ ਸਹੀ' ਵਿਕਸਤ ਕਰਨ ਲਈ, ਡੀਆਈਓ ਨੇ ਪ੍ਰੋਟੋਟਾਈਪ ਵਿਕਾਸ ਨੂੰ ਬਾਜ਼ਾਰ ਲਈ ਤਿਆਰ ਸ਼ੁਦਾ ਉਤਪਾਦ ਚਲਾਉਣ ਵਾਸਤੇ ਉਤਪਾਦ ਪ੍ਰਬੰਧਨ ਪਹੁੰਚ ਅਪਣਾਈ ਹੈ । ਰਕਸ਼ਾ ਮੰਤਰੀ ਵੱਲੋਂ ਜਾਰੀ ਕੀਤੇ ਗਏ ਇਹ ਦਿਸ਼ਾ-ਨਿਰਦੇਸ਼ ਆਪਣੀ ਕਿਸਮ ਦੇ ਸਭ ਤੋਂ ਪਹਿਲੇ ਦਿਸ਼ਾ ਨਿਰਦੇਸ਼ ਹਨ, ਜਿਨ੍ਹਾਂ ਦਾ ਉਦੇਸ਼ ਆਈਡੈਕਸ ਜੇਤੂਆਂ ਵੱਲੋਂ ਸੈਨਿਕ ਸੇਵਾਵਾਂ/ਡੀਪੀਐਸਯੂ/ ਓਐਫਬੀ ਵੱਲੋਂ ਨਿਰਧਾਰਤ ਜ਼ਰੂਰਤਾਂ ਦੇ ਵਿਰੁੱਧ ਉਤਪਾਦ ਵਿਕਾਸ ਦੇ ਮੀਲਪੱਥਰ ਦੀ ਨਿਗਰਾਨੀ ਕਰਨਾ ਹੈ ।

ਰੱਖਿਆ ਉਤਪਾਦਨ ਵਿਭਾਗ ਦੀ ਆਈਡੈਕਸ ਪਹਿਲ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਅਪ੍ਰੈਲ 2018 ਵਿਚ ਭਾਰਤੀ ਰੱਖਿਆ ਖੇਤਰ ਵਿੱਚ ਨਵੀਨਤਾਵਾਂ ਨੂੰ ਉਤਸ਼ਾਹਤ ਕਰਨ ਅਤੇ ਇਕ ਵਾਤਾਵਰਣ ਪ੍ਰਣਾਲੀ ਦੀ ਸਿਰਜਣਾ ਦੇ ਉਦੇਸ਼ ਨਾਲ ਸ਼ੁਰੂ ਕੀਤੀ ਸੀ, ਜਿੱਥੇ ਸਟਾਰਟਅਪਸ , ਐਮਐਸਐਮਈ ਅਤੇ ਵਿਅਕਤੀਗਤ ਨਵੀਨਤਾਕਾਰੀ ਭਾਰਤੀ ਰੱਖਿਆ ਸੰਸਥਾਪਨ ਨਾਲ ਅਸਾਨੀ ਨਾਲ ਗੱਲਬਾਤ ਕਰ ਸਕਦੇ ਹਨ ਅਤੇ ਰੱਖਿਆ ਅਤੇ ਨਵੀਨਤਾਕਾਰੀ ਹੱਲਾਂ ਦੇ ਸਹਿ-ਵਿਕਾਸ ਅਤੇ ਸਹਿ-ਉਤਪਾਦਨ ਰਾਹੀਂ ਕਾਰਜਸ਼ੀਲ ਵਾਤਾਵਰਣ ਵਿੱਚ ਅਨੁਭਵ ਕੀਤੀਆਂ ਖਾਸ ਚੁਣੌਤੀਆਂ ਲਈ ਨਵੀਨਤਮ ਤਕਨੀਕੀ ਨਵੀਨਤਾਵਾਂ ਮੁਹਈਆ ਕਰਵਾ ਸਕਦੇ ਹਨ । ਆਈਡੈਕਸ ਦੀਆਂ ਪਹਿਲਕਦਮੀਆਂ ਡਿਫੈਂਸ ਇਨੋਵੇਸ਼ਨ ਆਰਗੇਨਾਈਜ਼ੇਸ਼ਨ, ਡੀਪੀਐਸਯੂ'ਜ਼ ਬੀਈਐਲ ਅਤੇ ਐਚਏਐਲ ਦੀ ਇੱਕ ਸੈਕਸ਼ਨ 8 ਕੰਪਨੀ ਵੱਲੋਂ ਲਾਗੂ ਕੀਤੀਆਂ ਜਾਂਦੀਆਂ ਹਨ ।

ਡੀਆਈਓ ਨੇ 2018 ਵਿੱਚ ਆਪਣੀ ਸਥਾਪਨਾ ਤੋਂ ਹੀ ਆਪਣੀਆਂ ਗਤੀਵਿਧੀਆਂ ਨੂੰ ਵਧਾਉਣਾ ਅਤੇ ਵਿਸਥਾਰਤ ਕਰਨ ਸ਼ੁਰੂ ਕਰ ਦਿੱਤਾ ਸੀ ।

ਆਈਡੈਕਸ-ਡੀਆਈਓ ਨੇ ਡਿਫੈਂਸ ਇੰਡੀਆ ਸਟਾਰਟਅਪ ਚੈਲੇਂਜ (ਡੀਆਈਐਸਸੀ) ਦੇ ਤਿੰਨ ਗੇੜ ਸ਼ੁਰੂ ਕੀਤੇ ਹਨ, ਜਿਨ੍ਹਾਂ ਵਿੱਚ ਹਥਿਆਰਬੰਦ ਫੌਜ਼ਾਂ, ਡੀਪੀਐਸਯੂ ਅਤੇ ਓਐਫਬੀ ਦੀਆਂ 18 ਸਮੱਸਿਆਵਾਂ ਦੇ ਬਿਆਨ ਹਨ ਅਤੇ 55+ ਸਟਾਰਟ-ਅਪਸ / ਵਿਅਕਤੀਆਂ ਨੂੰ ਪ੍ਰੋਟੋਟਾਈਪ ਫੰਡਿੰਗ ਦਿਸ਼ਾ ਨਿਰਦੇਸ਼ਾਂ ਜਿਨ੍ਹਾਂ ਨੂੰ "ਪ੍ਰੋਟੋਟਾਈਪ ਅਤੇ ਰਿਸਰਚ ਕਿੱਕਸਟਰਟ ਲਈ ਸਹਾਇਤਾ (ਸੰਪਰਕ)" ਕਿਹਾ ਜਾਂਦਾ ਹੈ, ਰਾਹੀਂ ਤਕਨੀਕੀ ਖੇਤਰਾਂ ਵਿਚ ਨਵੀਨਤਾ ਗ੍ਰਾਂਟ ਪ੍ਰਾਪਤ ਕਰਨ ਲਈ ਪਛਾਣਿਆ ਗਿਆ ਹੈ, ਜਿਸ ਵਿੱਚ ਪ੍ਰੋਟੋਟਾਈਪ ਵਿਕਾਸ ਲਈ ਸਟਾਰਟਅਪਸ ਨੂੰ ਮੀਲਪੱਥਰ ਦੇ ਅਧਾਰ ਤੇ 1.5 ਕਰੋੜ ਰੁਪਏ ਤੱਕ ਦੀ ਗ੍ਰਾਂਟ ਦਾ ਪ੍ਰਬੰਧ ਹੈ ।

ਡੀਆਈਓ ਨੇ ਦੇਸ਼ ਦੇ ਪ੍ਰਮੁੱਖ ਇਨਕੁਬੇਟਰਾਂ ਨਾਲ ਰਣਨੀਤਕ ਸਾਂਝੇਦਾਰੀ ਕੀਤੀ ਹੈ ਅਤੇ ਵਿਸ਼ੇਸ਼ ਤੌਰ 'ਤੇ ਅਮਰੀਕਾ ਵਿਚ ਰੱਖਿਆ ਇਨੋਵੇਸ਼ਨ ਯੂਨਿਟ (ਡੀ.ਆਈ.ਯੂ.) ਨਾਲ ਵਿਸ਼ੇਸ਼ ਤੌਰ ਤੇ ਅੰਤਰਰਾਸ਼ਟਰੀ ਸਹਿਯੋਗ ਸ਼ੁਰੂ ਕੀਤਾ ਹੈ ।

ਗਤੀਵਿਧੀਆਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਅੱਗੇ ਵਧਾਉਣ ਲਈ, ਡੀ.ਆਈ.ਓ. ਮਨੁੱਖੀ ਸ਼ਕਤੀ ਦੀ ਨਿਯੁਕਤੀ ਕਰ ਰਿਹਾ ਹੈ, ਉਸ ਤੱਕ ਪਹੁੰਚ ਕਰ ਰਿਹਾ ਹੈ, ਆਪਣੀ ਵੈਬਸਾਈਟ (www.idex.gov.in) ਅਤੇ ਪੋਰਟਲ ਲਾਂਚ ਕੀਤਾ ਹੈ । ਆਪਣੇ ਹੀ ਪੱਧਰ ਤੇ ਸ਼ੁਰੂ ਕੀਤੀਆਂ ਗਈਆਂ (ਸੁਓ ਮੋਟੋ) ਨਵੀਨਤਾਵਾਂ ਦੀ ਸਹਾਇਤਾ ਲਈ ਖੁੱਲੀਆਂ ਚੁਣੌਤੀਆਂ ਦੇ ਦੋ ਸਾਈਕਲ ਲਾਂਚ ਕੀਤੇ ਹਨ, ਸੰਪਰਕ - II ਦੇ ਦਿਸ਼ਾ ਨਿਰਦੇਸ਼ਾਂ ਅਤੇ ਇਕ ਇੰਟਰਨਸ਼ਿਪ ਪ੍ਰੋਗਰਾਮ ਆਦਿ ਨੂੰ ਵਿਸਥਾਰਤ ਦਿਸ਼ਾ ਨਿਰਦੇਸ਼ਾਂ ਅਤੇ ਸਟੈਂਡਰਡ ਓਪਰੇਟਿੰਗ ਪ੍ਰਕਿਰਿਆਵਾਂ ਦੇ ਨਾਲ ਸ਼ੁਰੂ ਕੀਤਾ ਗਿਆ ਹੈ ।

ਡੀਡੀਪੀ ਦੇ ਕੋਲ ਦੇਸ਼ ਵਿੱਚ ਰੱਖਿਆ ਉਤਪਾਦਨ ਦੇ ਥੰਮ ਵਜੋਂ 9 ਰੱਖਿਆ ਪੀਐਸਯੂ ਹਨ ਅਤੇ ਆਈਡੈਕਸ ਨੇ ਨਵੀਨਤਾ, ਖੋਜ ਅਤੇ ਵਿਕਾਸ ਦੇ ਸਭਿਆਚਾਰ ਨੂੰ ਉਤਸ਼ਾਹਤ ਕਰਕੇ ਡੀਪੀਐਸਯੂ'ਜ ਵਿੱਚ ਸਮਰੱਥਾ ਵਧਾਉਣ ਦੇ ਯੋਗ ਬਣਾਇਆ ਹੈ ।

ਆਈਡੀਏਕਸ ਪ੍ਰੋਗਰਾਮ ਨੇ ਸਫਲਤਾਪੂਰਵਕ ਇਕੋ ਪਲੇਟਫਾਰਮ 'ਤੇ ਰੱਖਿਆ ਮੰਤਰਾਲੇ (ਐਮਓਡੀ), ਆਈਡੈਕਸ ਚੁਣੇ ਗਏ ਸਟਾਰਟ ਅਪਸ, ਭਾਗੀਦਾਰ ਇੰਕੂਵੇਟਰ, ਰੱਖਿਆ ਇਨੋਵੇਸ਼ਨ ਆਰਗੇਨਾਈਜ਼ੇਸ਼ਨ (ਡੀਆਈਓ), ਨੋਡਲ ਏਜੰਸੀਆਂ (ਇੰਡੀਅਨ ਆਰਮੀ, ਇੰਡੀਅਨ ਨੇਵੀ, ਇੰਡੀਅਨ ਏਅਰ ਫੋਰਸ), ਨੀਤੀ ਆਯੋਗ, ਡੀਆਰਡੀਓ, ਡੀਪੀਐਸਯੂ, ਓਐਫਬੀ, ਥਿੰਕ ਟੈਂਕ, ਨਿੱਜੀ ਉਦਯੋਗਾਂ ਅਤੇ ਉਦਯੋਗਿਕ ਐਸੋਸੀਏਸ਼ਨਾਂ ਨੂੰ ਲਿਆਂਦਾ।ਵੀਡੀਓ ਕਾਨਫਰੰਸ ਦੇ ਜ਼ਰੀਏ 500 ਤੋਂ ਵੱਧ ਸਟਾਰਟਅਪਸ ਅਤੇ ਇਨੋਵੇਟਰਾਂ ਨੇ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ ।

-------------------------------------------------------------

ਏਬੀਬੀ / ਨਾਮਪੀ / ਕੇਏ / ਰਾਜੀਬ