ঙাকশেল মন্ত্রালয়
ঙাকশেল মন্ত্রী শ্রী রাজনাথ সিংহনা দিফেন্স ইন্দিয়া স্তার্তঅপ চেলেঞ্জ-৪ হৌদোকখ্রে; দিফেন্স স্তার্তঅপ ইকোসিস্তেম অসি আত্মনিরভর ভারত কেম্পেনগী ৱাখল্লোনদা মরোমদোম লেপচবা ফীভম ফংননবগী মায়কৈদা মরুওইবা খোঙথাঙ অমনি;
আই.দি.ই.এক্স.৪ফৌজি অহানবা ওইনা লান্মীশিংগী মরক্তা ইনোভেসন পুক্নীং থৌগৎনবা হৌদোকপনি
Posted On:
29 SEP 2020 4:27PM by PIB Imphal
ঙাকশেল মন্ত্রী শ্রী রাজনাথ সিংহনা ঙসি নই দিল্লীদা আই.দি.ই.এক্স থৌরম মনুংদা ইনোভেসন ফোর দিফেন্স এক্সেলেন্স (আই.দি.ই.এক্স) ইকোসিস্তেম পাকথোক চাউথোকহনবদা পান্দম থম্বা থৌরাং কয়া য়াওবা দিফেন্স ইন্দিয়া স্তার্তঅপ চেলেঞ্জ (দি.আই.এস.সি. ৪) হৌদোকখ্রে। আই.দি.ই.এক্স.৪ফৌজি থৌরাং অমসুং প্রদক্ত মেনেজমেন্ত এপ্রোচ (পি.এম.এ.)গী চৎনপথাপশিংসু ঙাকশেল মন্ত্রীনা থৌরমদুদা হৌদোকখি। হায়রিবা থৌরাংশিং অসিনা আই.দি.ই.এক্স.-দি.আই.ও. ফেসিলিতেত তৌদুনা প্রোগ্রাম অসিবু মতিক অমসুং মশীং হেনগৎহনগনি হায়না থাজরি।
আই.দি.ই.এক্স.৪ফৌজি অসি ইন্দিয়ন আর্ম্দ ফোর্সেসকী মেম্বরশিংনা শকখঙবা ইনোভেসনশিংদা ঙাক্লৌপীননবা অমদি লান্মী/ফীল্দ ফোর্মেসনশিংদগী অনৌবা ৱাখল্লোনশিং চেৎশিনহন্নবা হৌদোকপা অহানবা থৌরাং অমনি। ফীল্দদা অমদি ঙমখৈদা থবক তৌরিবা, শাথিবা ফীভমশিং অমসুং খুৎলায়শিং শীজিন্নদুনা লৈরিবা সর্ভিস পর্সোনেল লাখ ১৩ হেন্না লৈরি অমদি অসিগুম্বা খুৎলায়শিং অসিগী ফীভম ফগৎহন্নবা অনৌবা ৱাখল্লোন কয়া মখোয়দা লৈরমগনি। অসিগুম্বা ৱাখল্লোনশিং অসি শৌগৎপিনবা থৌওং অমত্তা লৈতে। আই.দি.ই.এক্স.৪ফৌজিনা অসিগুম্বা থোংনাউ অসি হাংদোক্তুনা ঐখোয়গী লান্মীশিংবু ইনোভেসন প্রোসেসকী শরুক অমা ওইহন্দুনা মশক খঙদোক্কনি অমদি মনা মথুম পীগনি। লৈবাক শিনবা থুংবদা লৈরিবা লান্মীশিং অমসুং ফীল্দ ফোর্মেসনশিংদা হেক য়ারিবমখৈ শরুক য়াহন্নবা সর্ভিস হেদক্বার্তরশিংনা ঙাক্লৌ পীগনি।
থৌরমদুদা ৱা ঙাঙলদুনা, ঙাকশেল মন্ত্রী শ্রী রাজনাথ সিংহনা হায়খিবদা আই.দি.ই.এক্স.৪ফৌজি অসি ঐখোয়গী লৈবাকসিদা শেমগৎচবা খ্বাইদগী মতিক চাবা অমসুং নীংথিনা থবক ওইনা পাঙথোকপা দিফেন্স স্তার্তঅপ ইকোসিস্তেম অমা ওইনা ময়ামদগী তোঙান্না চোংথোক্তুনা লৈরি অমদি মসিনা আত্মনরিভর ভারত কেম্পেনগী ৱাখল্লোনদা মরোমদোম লেপচবা ঙমবা ফীভম পুরক্নবগী মায়কৈদা মরুওইবা খোঙথাঙ অমা ওইগনি। অহানবা ওইনা লৈবাকসিদা তোঙান তোঙানবা স্তেকহোল্দরশিংবু পুনশিন্দুনা দিফেন্স সেক্তরদা ইনোভেসন পুরক্নবা ফীভম অমা শেমগৎলে হায়না রাজনাথ সিংহনা হায়খি। “ঐখোয়গী দিফেন্স সিস্তেম মপাঙ্গল কনখৎহন্নবা অমদি মসিবু মরোমদোম লেপচবা ঙমবা ফীভম পুরক্ননবা প্রাইভেত সেক্তরনা শরুক য়াশিনবা য়াম্না মরুওই। মসিগীদমক্তা ঐখোয়না প্রাইভেত সেক্তরশিংগা খোঙবু ওইবা, তেক্নোলোজী ত্রান্সফর, ওতোমেতিক রুততা চাদা ৭৪গী এফ.দি.আই.নচিংবা অকক্নবা খোঙথাঙশিং লৌখৎলে অমদি হন্দক্তা অপীবা মতম খরগী মতুংদা মপান্দগী পুশিল্লকপা থিংগদবা পোৎলম ১০১গী নেগেতিব লিস্ত থোকখ্রে,” হায়না রাজনাথ সিংহনা হায়খি। ঙরাঙখক্তা লৈঙাক অসিনা দিফেন্স একুইজিসন প্রোসিজর ২০২০ হৌদোকখ্রে অমদি মসি না প্রাইভেত ইন্দস্ত্রীশিংবু দিফেন্স সেক্তরদা শরুক য়াশিন্নবা পুক্নীং থৌগৎলি হায়নসু ঙাকশেল মন্ত্রীনা ফোঙদোকখি। ঙাকশেল মন্ত্রীনা আর্ম্দ ফোর্সশিংদা “মখোয়গী তেক্নোলোজিকেলগী মথৌ তাবশিং ফংননবা দিফেন্স ইনোভেসন ওর্গনাইজেসন (দি.আই.ও.) ফম্বাকপু মপুং ফানা শীজিন্ননবা অমদি ভারতকী স্তার্তঅপশিংবু ঐখোয়গী দিফেন্স ইনেব্লরশিংগী নুংগী ওইবা শরুক অমা ওইননবা তাঞ্জা অসি লৌহৌনবা ৱাফমসু থমখি।
থৌরম অদুদা ঙাকশেলগী রাজ্য মন্ত্রী শ্রী শ্রীপদ য়েসো নাইক, চীফ ওফ দিফেন্স স্তাফ জেনেরেল বিপিন রাৱত, দিফেন্স সেক্রেতরী দোক্তর অজয় কুমার অমসুং সেক্রতরী, দিপার্তমেন্ত ওফ দিফেন্স প্রদক্সন শ্রী রাজকুমারনচিংবা কয়ানা ৱা ঙাঙখি।
দিফেন্স ইন্দিয়া স্তার্তঅপ চেলেঞ্জ (দি.আই.এস.সি.) ৪গী মখাদা আর্ম্দ ফোর্সেস, ও.এফ.বি. অমসুং দি.পি.এস.য়ু.শিংদগী চেলেঞ্জ তরামাথোই পুথোক্তুনা মতিং লৈবা স্তার্তঅপশিং, ইনোভেতরশিং, এম.এস.এম.ই.শিংদা মখোয়গী দিফেন্স সেক্তরদা শীজন্নবা য়াগদবা তেক্নোলোজীগী অনৌবা ৱাখল্লোনশিং পুথোরক্নবা থমখি। চেলেঞ্জশিং অদু মখাদা পীরি।
১. ওতোনেমস অন্দরৱা্য়তর স্বার্ম দ্রোনশিং
২. প্রিদিক্তিব, প্রিভেন্তিব অমসুং প্রেস্ক্রিপতিব মেচিন মোনিতরিং
৩. স্পেসিএল রিজোলুসন ফগৎহন্নবা সুপর রিজোলুসন
৪. এ.আই.দা য়ুম্ফম ওইবা সেত্তলাইত ইমেজ এনালাইসিস
৫. ঈশিং নুংশিৎকী উবা ঙম্বগী চাং মাঙজৌননা হায়বা ঙমবা
৬. ভর্চুএল ত্রেনিংগী কম্প্যুতর জেনেরেতেদ তার্গেতশিং
৭. নোংথক্কী ক্রুশিংগী ফ্লাইত মনুংগী রিমোত রিএল তাইম হেল্থ মোনিতরিং
৮. এম.এফ.-তি.দি.এম.এ.দা য়ুম্ফম ওইবা ৱাদবেন্দ সেতকোম মোদেম
৯. ফোলিএজ পিনিত্রেসন রেদার
১০. নেভেল ৱারসিপশিংগী আর.সি.এস. হন্থহনবা
১১. ছাফ এনভাইরনমেন্ততা তার্গেৎ খঙদোকপা
‘অচুমবা পোত্থোক অমসুং পোত্থোকতু চুম্না’ শেমগৎনবগীদমক্তা, দি.আই.ও.না প্রোতোতাইপ শেমগৎপদা কৈথেলদা য়োনবা য়ারবা ফীভমদা মমায় চুম্নবগীদমক প্রদক্ত মেনেজমেন্ত এপ্রোচ এদোপ্ত তৌরে। হায়রিবা চৎন-পথাপশিং অসি অহানবা মওংগীনি অমদি ঙাকশেল মন্ত্রীনা মখোয়বু ফোঙদোক্লিবা অসি আই.দি.ই.এক্স. থোইরবশিংনা ফংলিবা প্রদক্ত দেভেলপমেন্ত মাইলস্তোনশিং সর্ভিসেস/দি.পি.এস.য়ু.শিং/ও.এফ.বি.না থম্লিবা মথৌ তাবশিংগী মতুং ইন্না য়েংশিন্নবা পান্দম থম্লগনি।
দিপার্তমেন্ত ওফ দিফেন্স প্রদক্সনগী আই.দি.ই.এক্স. থৌরাং অসি প্রধান মন্ত্রী শ্রী নরেন্দ্র মোদীনা এপ্রিল ২০১৮দা ভারতকী দিফেন্স সেক্তরদা ইনোভেসন পুক্নীং থৌগৎনবা অমদি মখোঙ শোম্বিনবা অমসুং স্তার্তঅপশিং, এম.এস.এম.ই.শিং অমসুং লনাই মীওইশিংনা ভারতকী দিফেন্স ইস্তাব্লিসমেন্তগা লায়না ৱারী ৱাতায় শাবা য়াহন্দুনা ইনোভেতিব সোলুসনশিং পুন্না শেমগৎমিন্নবা অমসুং পুন্না পুথোকমিন্নবগা লোয়ননা ওপরেসনেল এনভাইরনমেন্ততা থেংনরিবা অকক্নবা শীংনবশিংগীদমক খ্বাইদগী নৌবা তেক্নোলোজিকেল ইনোভেসন পীননবা পান্দমদা হৌদোকখিবনি। আই.দি.ই.এক্স. থৌরাংশিং অসি দি.পি.এস.য়ু.শিং বি.ই.এল. অমসুং ঐচ.এ.এল.গী সেক্সন ৮ কম্পেনী অমা ওইরিবা দিফেন্স ইনোভেসন ওর্গনাইজেসননা পায়খৎপনি।
দি.আই.ও.না ২০১৮দা লিংখৎখিবদগী হৌজিকফাওবদা অওনবা লাক্তুনা মখোয়গী থবক থৌরমশিংগী পাক চাউবা হেনগৎহল্লে।
আই.দি.ই.এক্স.-দি.আই.ও.না স্তার্তঅপশিংদা মশিং য়াম্লবা তাঙ্ককশিংগী খুত্থাঙদা প্রোতোতাইপ শেমগৎপগীদমক মাইলস্তোনগী মতুং ইন্না লুপা করোর ১.৫ ফাওবগী গ্রান্ত পীবগী ৱাফম য়াওবা “সপ্পোর্ত ফোর প্রোতোতাইপ এন্দ রিছর্চ কিকস্তার্ত” (স্পার্ক) কৌবা প্রোতোতাইপ ফন্দিং গাইদলাইনশিংগী খুত্থাঙদা তেক্নোলোজিকেল এরিয়াশিংদা ইনোভেসন গ্রান্ত ফংননবা আর্ম্দ ফোর্সেস, দি.পি.এস.য়ু.শিং অমসুং ও.এফ.বি. অমদি শকখঙলবা স্তার্ত-অপ/লনাই মীওই ৫৫ হেনবদগী প্রোব্লেম স্তেতমেন্ত ১৮গা লোয়ননা দিফেন্স ইন্দিয়া স্তার্তঅপ চেলেঞ্জ (দি.আই.এস.সি.) রাউন্দ অহুম্লক হৌদোকখ্রে।
দি.আই.ও.না লৈবাকসিগী মকোক থোংবা ইনক্যুবেতরশিংগা স্ত্রেতেজিক পর্ত্নরসিপ থমদুনা মরুওইনা য়ু.এস.তা লৈবা দিফেন্স ইনোভেসন য়ুনিত (দি.আই.য়ু.গা মালেমগী ওইবা পুন্না চৎমিন্নবগী ফীভম পুরক্লে।
থবক থৌরমশিং অসি মতিক চানা মাঙদা চঙশিন্নবগীদমক, দি.আই.ও.না মী নেক্লি, আউতরীচ তৌরি, মশাগী ওইবা ৱেবসাইত (ক) অমসুং পোর্তেল হাংদোক্লি, সু-মোতো ইনোভেসন শৌগৎনবা ওপন চেলেঞ্জ সাইকল ২ হৌদোকখ্রে, স্পার্ক ২ চৎন-পথাপশিং অমসুং ইন্তর্নসিপ প্রোগ্রামনচিংশিংগা লোয়ননা মচা খায়বা চৎন-পথাপশিং অমসুং স্তেন্দর্দ ওপরেতিং প্রোসিজরশিং পুথোক্লি।
লৈবাকসিদা দিফেন্স প্রদক্সনগী য়ুম্বী ওইনা দি.দি.পি.গী দিফেন্স পি.এস.য়ু. ৯ লৈ অমসুং আই.দি.ই.এক্স.না ইনোভেসনগী কল্চর অমসুং রিছর্চ অমদি দেভেলপমেন্তকী মরূ হুন্দুনা কেপাসিতী বিল্দিং ঙমহল্লি।
আই.দি.ই.এক্স. থৌরম অসিনা আই.দি.ই.এক্স. স্তেকহোল্দরশিং খুদম ওইনা ঙাকশেল মন্ত্রালয় (এম.ও.দি.), নোদেল এজেন্সীশিং (ইন্দিয়ন আর্মী, ইন্দিয়ন নেভী, ইন্দিয়ন এয়র ফোর্স), নিতি আয়োগ, দি.আর.দি.ও., দি.পি.এস.য়ু.শিং, ও.এফ.বি., থিঙ্ক তেঙ্কশিং, প্রাইভেত ইন্দস্ত্রী লূপশিং, ফম্বাক অমখক্তদা পুন্না পুরক্লে। স্তার্তঅপ অমসুং ইনোভেতর ৫০০ হেনবনা থৌরমদুদা ভিদিও কন্ফরেন্সিংগী খুত্থাঙদা শরুক য়াখি।
********
(Release ID: 1660081)
Visitor Counter : 278