প্রোজেক্ত মেনেজমেন্ত ইনফোর্মেসন সিস্তেম (পি.-এম.আই.এস.) অসি দিজিতেল/মোবাইল তেক্নোলোজী শীজিন্নদুনা প্রোজেক্তশিং অমসুং লোনশিং পীথবগী থবক্কী খোঙজেল য়েংশিনবদা ত্রান্সপরেন্সী অমসুং একাউন্তেবিলিতী লৈহন্নবা হোৎনবদা অচৌবা খোঙথাং অমা ওইরগনি হায়না শ্রী দুর্গা শঙ্কর মিশ্রা, সেক্রেতরী, এম.ও.ঐচ.য়ু.এ.না ফোঙদোকখি। ঙসি নই দিল্লীদা নেস্নেল কেপিতেল রিজনেল প্লানিং বোর্দ (এন.সি.আর.পি.বি.)গী পি.-এম.আই.এস. হৌদোকপদা শ্রী মিশ্রানা এন.সি.আর.পি.বি.বু থাগৎখি অমসুং মহাক্না হায়খি কোবিদ-১৯গী তামফম অসিদা হৌজিক তেক্নোলোজী শীজিন্নবগী চাং অসি য়াম্না হেনগৎলক্লিবা অসিদা পোর্তেল অসি তানফম অমা চারে। হৌদোকপগী থৌরম অসিদা এদিস্নেল সেক্রেতরী, এম.ও.ঐচ.য়ু.এ., জে.এস.অমসুং এফ.এ., এম.ও.ঐচ.য়ু.এ., এদিস্নেল চীফ সেক্তেতরী, জি.এন.সি.তি.দি. অমসুং শরুক য়ারিবা রাজ্যশিংগী এন.সি.আর.গী মকোক থোংবা ওফিসরশিং অমসুং এন.সি.আর.পি.বি.গী ওফিসিএলশিংনা য়াওখি।

হাউসিং সেক্রেতরী শ্রী দুর্গা শঙ্কর মিশ্রানা হায়খি এন.সি.আর.পি.বি.না নেস্নেল কেপিতেল রিজন অমসুং ফন্দ থাদরিবা প্রোজেক্তশিংগী কৈথেলদগী বোনশিং শাগৎতুনা নত্রগা বাইলেতরেল/মল্তিলেতরেল এজেন্সীশিংদগী লোনশিং লৌনবগী অতাবা চাংদা রিজনেল অমসুং সব-রিজনেল প্লানশিং অয়াবা পীখ্রে। মহাক্না হায়খি লুপা করোর ৩১০০০রোমগী ওইগদবা প্রোজেক্তশিংদা লুপা করোর ১৫০০০গী লোন এন.সি.আর.পি.বি.না কায়থখ্রে অমদি লুপা করোর ১৮,৫০০ হেনবগী প্রোজেক্ত ২৬৫ লোয়শিনখ্রে অমসুং লেমহৌরিবশিংনা শেমগৎ শাগৎপগী থবক চত্থরি। পি-এম.আই.এস.না প্রোজেক্তশিং রিভ্যু অমসুং মেনেজমেন্ত তৌবদা মতেং পাংদুনা প্রজাশিংদা ই-পাউ অমসুং ফীদবেক্ত পীনবা খুদোংচাবা ফংহল্লগনি, হায়না মহাক্না মখা তাখি।

পি-এম.আই.এস. অসি এন.সি.আর.পি.বি.না ইন-হাউস ওইনা দিবেলপ তৌখি অমসুং এন.আই.সি. সর্ভরনা হোস্ত তৌখি। এম.আই.এস.না সর্চ তৌরকপগী মতুং ইন্না প্রোজেক্তশিং খন্দোকপগী খুদোংচাবা পীরি:

✓ চত্থরিবা প্রোজেক্তশিং

✓ লোয়শিনখ্রবা প্রোজেক্তশিং

✓ প্রোজেক্ত পুম্নমক

✓ কীৱার্দতা সর্চ তৌবা

✓ তারিক্তা সর্চ তৌবা

✓  শেনফমদা সর্চ তৌবা

 ✓ রাজ্যদা সর্চ তৌবা

✓ হৌজিক শেন্থং পীথরিবা অসিদা সর্চ তৌবা

✓ ইমপ্লিমেন্তিং এজেন্সীশিংদা সর্চ তৌবা

​​সোফৱেয়র অসিগী ফীচরশিং অসি শন্দোক্না তাক্লদুনা শ্রী মিশ্রানা হায়খি পি-এম.আই.এস. অসিদা মসিনা গরেন্তীগী ভেলিদিতীগী তাং অমসুং আই.এ. অমমমগী থাগী লোন শীংগৎনবা দ্যু দেৎকী তোঙান-তোঙানবা শেল-থুমগী ওইবা থবক থৌরমশিং য়েংশিন্নবা অমসুং গরেন্তীগী রিন্যুএল অমসুং লোন শীংগৎনবগী মাংজৌননা সোফ ফোর্মেৎতা হায়বদি ইমেলদা এলর্ত পীনবা অঙ্কা হোৎনবা তোপ তোপ্পা ফীচরশিং য়াওজরি।

​​এম.ও.ঐচ.য়ু.এ. সেক্রেতরীনা হায়খি মসিগী এম.আই.এস. অসিনা গরেন্তীগী ভেলিদিতী হোৎলি অমসুং গরেন্তীগী ভেলিদিতী লোয়দ্রিঙৈ থা ২/১ চয়োল ৩/২/১ নুমিৎ ৩/২/১গী মমাংদা ওতো নোতিসশিং থাগনি। সোফৱেয়র অসিগী অতোপ্পা ফীচর অমনা মসিনা গরেন্তীগী এদিক্বেসী চেক তৌগনি অমসুং গরেন্তী অসিনা রিক্বাইর্মেন্ত ৱাৎলবদি, পি.-এম.আই.এস.না ওতো মেল থাদুনা এন.সি.আর.পি.বি.গী ফাইনান্স ওফোসরদা খঙহনগনি অমসুং মথৌ তাবগী মতুং ইন্না গরেন্তী অদু আই.এ.দা ওতো মেলশিং থাগনি।

ক্লিয়রেন্স মেকানিজমগী মতাংদা ৱা ঙাংলদুনা শ্রী মিশ্রানা হায়খি মদুদি প্রোজেক্তকী ফীভম অমদি অকুপ্পা মরোলশিং অমসুং জিও-তেগ ফোতোগ্রাদশিং য়াওদুনা মাই পাকপা তাঙ্কক অমমমদা মখোয়গী শেল থুমগী ওইরিবা খুমাং চাউশিনবগী অচৌবা তাঙ্কক অমসুং মাই পাকখিবশিং পুম্নমক অদু আই.এ.না হাপচিনগনি। মহাক্না হায়খি আই.এ.না থেংথবগী মরমসু হাপচিনগদবনি। মহাক্না মখা তারদুনা হায়খি অয়াবা পীগদবা অদু পন্দুনা লৈবশিং, প্রোজেক্ত থেংথহল্লিবা ক্লিয়রেন্সশিংগী মরমদা অখন্নবা ইপাউ অসি আই.এ.না পীদুনা মরু ওইনা করিগুম্বা এজেন্সীশিং অসি মপালগী রাজ্যদগী ওইরবদি ক্লিয়রেন্সশিং অসি পীহনবদা মতেং পাংগনি।

হাউসিং সেক্রেতরীনা হায়খি দেতা ইন্তিগ্রিতী তৌদুনা অমসুং অমুক মেনখ্রবা দেতা অদু এন.সি.আর.পি.বি.গী এফ.এ.ও. নত্তনা অতোপ্পা ওফিসর অমত্তনা শেমদোকপা য়ারোই, মদুসু দিরেক্তর (এ অমসুং এফ)কী অয়াবা লৌরবা মতুংদা হায়না ফোঙদোকখি। মহাক্না হায়খি মসিগী সোফৱেয়র অসিনা সেঙ্কসন ওর্দরশিং অপলোদ তৌরি অমসুং ভ্যুয়িং রাইৎশিংগী মতুং ইন্না গরেন্তীশিংনা য়ুজরশিং খন্নবা উবা ফংহনগনি। শ্রী মিশ্রানা হায়খি শরুক য়ারিবা এন.সি.আর. রাজ্যশিংগী ইমপ্লিমেন্তিং এজেন্সীশিং (আই.এ.) পুম্নমক্তা লোগইন-আই.দি. অমসুং পাসৱার্দ পীগনি। মহাক্না মখা তারদুনা হায়খি মখোয়গী প্রোজেক্তশিংগা মরী লৈনবা ই-পাউ য়েংনবা অমসুং য়েংশিন্নবা তাঙ্কক নাইনা ভ্যুয়িং রাইৎশিং ওফিসিএলশিংদা পীরি।

শ্রী দুর্গা শঙ্কর মিশ্রানা পি-এম.আই.এস. শীজিন্নদুনা হৌখিবা থা অনি অসিদা মাই পাক্না আই.এ.শিংদা মাংজৌননা থাগী রিপেমেন্তগী নোতিস পীনবা ওতো এলর্ত পীবগীদমক এন.সি.আর.পি.বি.বু থাগৎখি। মহাক্না আই.এ. পুম্নমক্তা মখোয়গী প্রোজেক্তশিংগী মতুং ইন্না দেতা অপদেৎ তৌনবা হায়জখি মসিনা লোনশিং মতম চানা কায়থবা, তোঙান তোঙানবা ক্লিয়রেন্স য়েংশিন্নবা অমসুং পন্দুনা লৈরিবশিং কোকহন্নবা অমসুং প্রোজেক্ত লোয়শিনবদা মতেং পাংগনি।

***