দি.এস.তি.না চহী ৫০ শুরকপগী পাংথোকপা দি.এস.তি. গোল্দন জুবিলী দিস্কোর্স সেরিস্কী শরুক অমা ওইনা ওনলাইনগী থৌরম অদুদা ‘লাইনা লাইচৎ অসিগী অতোপ্পা নাকল’ হায়বা খন্না নৈনবা অসিদা কোবিদ-১৯ লাইনা-লাইচৎ অসিনা থোকহল্লিবা চেলেঞ্জশিং অমসুং খুদোংচাবশিং অদু দিগনিতেরিসশিংনা চেকশিন্না খন্না নৈনখ্রে৷

হায়রিবা থীম অসিগী তোঙানবা মওং অনি লৈ৷ হায়রিবা লাইনা-লাইচৎ অসিদগী ঐখোয়না খঙহৌবা হিরমশিং অমসুং হায়রিবশিং অসি কমদৌনা সাইন্স, তেক্নোলোজী অমসুং ইন্নোভেসন্দা শিজিন্নগদগে হায়বা অসিসু অমনি  অমসুং অতোপ্পা নাকল অদুনা চেলেঞ্জ অমসুং অনৌবা খুদোংচাবশিং অদুনি৷ লাইনা-লাইচৎ অসিগী অতোপ্পা নাকল অসিনা ঐখোয় পুম্নমক্না পুন্না খুৎশম্নদুনা পুথোকপা পাম্লিবা খুদোংচাবশিং অদুবুনি অমসুং হায়রিবা খুদোংচাবশিং অসি ঐখোয়না শিজিন্ননবা থমগদবনি হায়দুনা সাইন্স অমসুং তেক্নোলোজী দিপার্তমেন্তগী সেক্রেতরী প্রোফেসর অশুতোশ সর্মনা শন্দোক্না তাকখ্রে৷

ওনলাইন পেনেল দিস্কস্সন অদু ভারত সরকারগী সাইন্স অমসুং তেক্নোলোজী দিপার্তমেন্তগী(দি.এস.তি.) নেস্নেল কাউন্সিল ফোর সাইন্স এন তেক্নোলোজী কম্মুনিকেসন অমসুং বিগ্যান প্রসর অসিনা পুন্না খুৎশম্নদুনা হৌদোকখিবনি৷

“হৌখিবা মমাংগী থা মরি অসিদা কোবিদ-১৯ লাইনা-লাইচৎ অসিদগী খঙহৌবা য়াম্না মরু ওইবা অদুদি লাইনা-লাইচৎ অসি হৌরকপগী য়াম্না ঙল্লিঙৈ মতমদদি এন-৯৫ মাক্সতগী হৌদুনা পি.পি.ই.শিং, ভেন্তিলেতরশিং মপান লৈবাক্তগী পুশিল্লকখি অদুবু থা অহুমগী মনুংদা ঐখোয়গী ইশানা শাজবা ৱল্দ ক্লাস ভেন্তিলেতরশিং ইশানা শাজবা ঙমখ্রে৷ ময়েক শেংবা পরপোস অমসুং ভিজন অসিনা মরম ওইরগা হায়রিবশিং অসি পুথোকপা ঙম্লিবনি৷ একাদেমিয়াদগী হৌদুনা ইন্দস্ত্রী ফাওবদা স্তেকহোল্দরশিংগী অচৌবা চেন অমদা ওনরশিফ লৈবা অমসুং সরকার অসিদগী মতেংশিং ফংবা অসিনা হায়রিবা থবকশিং অসি য়াম্না থুনা পাংথোকপা ঙম্লিবনি৷ মসি ওইরমদ্রবা তারবদি হায়রিবা থবকশিং অসি পাংথোকপা মতমদা চহী কয়ামরোম চংলম্বা য়াই হায়না প্রোফেসন শর্মনা ফোংদোকখি৷

 মমাংগী চহী মঙা অসিদা তঙাই ফদনা মরু ওইখিবা ইন্নোভেসন ইকোসিস্তেম অদুগী মাইকৈ খুদিংমক্তা থৌরাং য়াম্না লৌখৎখিবা অসিনা মরম ওইরগা চহী ৫০ শুরক্লবা দি.এস.তি. অসিনা মমাংগী চহী ৫০ অসিদগী হেন্না খুদোংচাবশিং, ইনকুবেতরশিং অমসুং স্তার্ত এপশিং হেন্না হেন্না শেম্বা ঙমখ্রে হায়দুনা প্রোফেসর অশুতোশ শর্মনা ফোংদোকখ্রে৷

দি.এস.তি. অসি সেক্তর অমখক্তদা নত্রগা লেবশিংগী সেত অমা খক্তদা মিৎয়েং চংদবা অমসুং লৌমীশিংদগী হৌদুনা তোঙান তোঙানবা স্তেকহোল্দরশিং, অপিকপা শহরশিংদা লৈরিবা নুপীশিংদগী হৌদুনা তোপ সাইন্তিস ফাওবদা, স্কুল মহৈরোইশিংদগী হৌদুনা পি.ঐচ.দি. মহৈরোইশিং ফাওবদা অমসুং সাইন্সকী এতোমদগী হৌদুনা এস্ত্রোফিজিক্স ফাওবদা লৈরিবা ওইথোকপা য়াবা মফম পুম্নমক মনুং চলহনবা সরকার অসিগী অমতা ঙাইরবা ওর্গনাইজেসন অমনি৷”

শেল থুম মন্ত্রালয়গী প্রিন্সিপাল ইকোনোমিক এদভাইজর শ্রী সঞ্জিব সনয়ননা ফোংদোকখ্রে মদুদি কোবিদ-১৯ লাইনা-লাইচৎ অসি লোইরবা মতুংদা মাংখ্রিবশিং অদু অমুক হন্না শেমগৎন্নবগীদমক ঐখোয়না কোবিদ লাইনা-লাইচৎ লাক্ত্রিবা মতম অদুদা অমুক হল্লকপা নত্তে হায়বা অসি ঐখোয়না খঙগদবনি৷ “কোবিদ লাইনা অসিনা মরম ওইরগা হিরম ময়াম অমদি অহোংবা লৈরগনি৷ জিওপোলিতিক্স, সপ্লাই চেন, তেক্নোলোজী অমসুং কঞ্জুমরগী লমচৎ শাজৎশিংদা অহোংবা খরদি লাক্লগনি অমসুং ঐখোয়না অনৌবা লম্বীশিং, অনৌবা পোলিসীশিং , সাইন্তিসশিংগী তেক্নোলোজীশিং অদু মার্কেৎ য়ৌরক্নবা মখোয়বু ইন্সেন্তিভ পীন্নবগীদমক ঐখোয়না খনগদবনি হায়দুনা মহাক্না ফোংদোকখি৷

পব্লিক হেল্থ কেয়র সিস্তেম অসিবু মশাগী হান্নগী ফিভমদা য়াম্না লাইনা হঞ্জিনবা ঙমহনবা অমসুং লাইনা-লাইচৎ অসিদগী তমহৌদুনা মতুং তারকপদা লাক্লিবা চহীশিং অসিদা লাইনা-লাইচৎ অমহেক্তনা থোকহল্লকপা চেলেঞ্জ পুম্নমক থেংনবা ঙম্লগনি হায়দুনা ওল ইন্দিয়া ইন্সতিত্যুত ওফ মেদিকেল সাইন্সেস(এেমস)কী দিরেক্তর দা.রন্ধীপ গুলেরিয়া ফোংদোকখ্রে৷ হেল্থকেয়র ঙাকথোকপা অসিদা মিৎয়েং চংনবা মহাক্না হায়খ্রে অমসুং মহাক্না মখাতানা অসুম্না ফোংদোকখ্রে মদুদি মাক্স অমা শিজিন্নদুনা অমসুং খুৎ-শা লুনা নান্না থম্বা অসিনা ঐখোয়না কোবিদ লাইনা অসিদগী ঙাকথোকপা অসি খক্তা নত্তনা অতোপ্পা রেস্পিরেতরী লাইনাশিংদগীসু ঙাকথোকপা ঙমগনি হায়না ফোংদোকখ্রে৷

মসি আই.তি.ইন্দস্ত্রীশিং অসি মশা মতোম্তা শেমদোক্ননবগীদমক চহী ১০০গী মনুংদা অমু্ক খক্তমক ফংবা খুদোংচাবা অমনি হায়দুনা এন.এ.এস.এস.সি.ও.এম.গী প্রসিদেন্ত এম.এস. দেবজানি গোশ ফোংদোকখ্রে৷ “কোবিদ অসিগী মতুংদদি হাইপর দিজিতেল অমসুং কন্তেকলেস ওইবা ৱল্দ অমা ওইরগনি অমসুং অদুগুম্লবা ৱল্দ অদুদা ইন্দস্ত্রী অমবু মাই পাকপা তাক্কদৌরিবা খ্বাইদগী মরু ওইনা চংবা ব্যুলদিং ব্লোক মরি অদুদি থাজনবা, তেলেন্ত, ইন্নোভেসন অমসুং থবক তৌবদা মশা খিংবা অসিনা ওই অমসুং হায়রিবা ময়াম অসিগীদমক ইন্নোভেসননা ভারতকী ফ্যুচর লেপকদবা মরম্না ইন্নোভেসন অসিদা ঐখোয়না মিৎয়েং চংবগী তঙাই ফদে হায়না মহাক্না ফোংদোকখ্রে৷”

*****