দ য়ুনিফাইদ মোবাইল এপ্লিকেশন ফোর ন্যু-এজ গোভর্নেন্স (উমঙ্গ) অসি য়াম্না কোম্না মখোয়গী য়ুমশিংদগী য়াম্না নুংঙাইনা কোবিদ-১৯গী লাইচৎ অসিগী মনুংদা সার্বিসশিং অসি মখোয়দা এক্সেস তৌবা য়াহন্দুনা ই.পি.এফ. সবস্ক্রাইবরশিংগী মরক্তা অচৌবা হিত অমা ওইখি। উমঙ্গ এপ্তা হান্নদগী লৈবা সার্বিস ১৬ অদুদা অহেনবা হাপচিন্দুনা, ই.পি.এফ.ও.না হৌজিক এমপ্লোয়ীস পেন্সন স্কীম, ১৯৯৫গী মখাদা স্কীম সার্তিফিকেতকীদমক্তা ই.পি.এস. মেম্বরশিংদা এপ্লাই তৌবা য়াহন্নবা অতোপ্পা ফেসিলিতী হৌদোকখ্রে।

স্কীম সার্তিফিকেত অসি মখোয়গী ই.পি.এফ. কন্ত্রিব্যুশন অদু লৌথোকখিবা অদুবু মখোয়গী ই.পি.এফ.ও.গী মেম্বরশিপ অদুবু লেংদনা থম্নিংবা মেম্বরশিংদা থবক্তগী পোত্থাবগী চহি য়ৌবা মতমদা পেন্সনগী কান্নবা লৌনবা পীবনি। মেম্বর অমনা পেন্সনগীদমক্তা ইলিজিবল ওইবা অসি করিগুম্বা মহাক্না মতম শাংনা য়ামদ্রবদা চহি ১০গীদমক্তা এমপ্লোয়ীস পেন্সন স্কীম, ১৯৯৫গী মেম্বর অমা ওইরম্বা মতমদা খক্তমক য়াগনি।

উমঙ্গ এপকী খুত্থাংদা স্কীম সার্তিফিকেতকীদমক্তা য়াম্না কোম্না এপ্লাই তৌবা য়াহনবা অসিনা মরু ওইনা লাইচৎকী মতম অসিদা মসিগীদমক্তা মশানা চত্তুনা এপ্লাই তৌবগী অৱাবা অদু কোকহন্নবা মেম্বরশিংদা মতেং পাংগনি অমসুং মসিনসু মরম লৈতনা চে-চাংগী থবক্তা অৱাবসু লৈহল্লরোই। ফেসিলিতী অসিনা সবস্ক্রাইবর করোর ৫.৮৯গী মথক্তা কান্নবা ফংহনগনি। উমঙ্গ  এপ্তা সার্বিস ফংননবগীদমক্তা , এক্তিব য়ুনিভর্সেল একাউনত নম্বর (য়ু.এ.এন.) অমসুং মোবাইল নম্বর অমা ই.পি.এফ.ও.দা রেজিস্তর তৌবা মথৌ তাই।

মখোয়গী সবস্ক্রাইবরশিং থোঙ্গালদা খ্বাইদগী নৌবা তেক্নোলোজী অসি মাইপাক্না পুরক্তুনা, ই.পি.এফ.ও.না উমঙ্গ এপ্তা খ্বাইদগী হেন্না মমিং চৎপা সার্বিস প্রোভাইদর ওইদুনা লৈরি। ২০১৯গী ওগস্ততগী এপ অসিনা করোর ৪৭.৩গী হিত ফংখিবা অদুগী মনুংদা ই.পি.এফ.ও.সার্বিসশিংগীদমক্তা করোর ৪১.৬ নত্রগা ৮৮% ওইখি। ভারতনা মোবাইল ফোনশিংগী খুত্থাংদা দিজিতেল কনেক্তিভিতীদা য়াম্না চাউনা চাউখৎলকপা থেংনখিবগা লোইননা, ই.পি.এফ.ও.না উমঙ্গ এপকী খুত্থাংদা খ্বাইদগী হেন্না থাপ্পা, লম্দোমপোক ওইবা মফমশিংদা ফাওবা মেমম্বরশিংদা সার্বিসশিং হেন্না-হেন্না দিজিতেল ওইনা এক্সেসিবল ওইহল্লি।

*উমঙ্গগী মতাংদা* :

উমঙ্গ (য়ুনিফাইদ মোবাইল এপ্লিকেশন ফোর ন্যু-এজ গোভর্নেন্স) অসি মিনিস্ত্রী ওফ ইলেক্ত্রোনিকস এন্দ ইনফোর্মেশন তেক্নোলোজী (এম.ই.আই.তি.ৱাই.) অমসুং নে্সনেল ই-গোভর্নেন্স দিভিজন (এন.ই.জি.দি.)না ভারত্তা মোবাইল গোভর্নেন্স হনেগৎহন্নবা পুথোকখিবনি।

উমঙ্গনা পেন ইন্দিয়া ই-জি.ও.ভি. সার্বিশিং সেন্ত্রেলদগী হৌরগা লোকল গোভর্নমেন্ত বোদীশিং ফাওবা অমসুং অতোপ্পা সিতিজন সেন্ত্রিক ওইবা সার্বিসশিংগী এক্সেস তৌনবা ভারতকী প্রজাশিংগীদমক্তা প্লেতফোর্ম অমা পীরি।

*****