মীওইশিং পুথোক পুশিন তৌবদা অলতর্নেতিব ফুএল শিজিন্নবগী মতাংদা থাংজিনবা মরু ওইবা খোঙথাং অমা ওইনা রোদ ত্রান্সপোর্ত অমসুং হাইৱে মন্ত্রালয়না সি.এন.জি. ইঞ্জিনশিংদা ঐচ.-সি.এন.জি. (হাইদ্রোজেন ১৮% য়ানবা) শিজিন্নবগী অয়াবা পীখ্রে। মন্ত্রালয় অসিনা মীওইশিং পুথোক পুশিন তৌবদা অশেংবা ফুএল শিজিন্নবগী মখাদা তোঙান তোঙানবা অলতর্নেতিব ফুএলগী ৱারোল কয়া থোক্তুনা লাক্লি। ব্যুরো ওফ ইন্দিয়ন স্তেন্দর্দ (বি.আই.এস.)না ওতোমোতিবকী থৌওংশিংদা ফুএল ওইনা শিজিন্ননবা হাইদ্রোজেন য়াওবা কম্প্রেসদ নেচরেল গ্যাস (ঐচ.-সি.এন.জি.)গী অখন্নবা মওং (আই.এস. ১৭৩১৪:২০১৯) অমা পুথোকখ্রবনি। “অনানবা” সি.এন.জি.গা চাংদম্নবদা ঐচ.-সি.এন.জি. শিজিন্নদুনা মৈখু থাদোকপা হন্থবগী থৌওংবু মমুৎ তানা খঙবা ঙম্নবা অখন্নবা সি.এন.জি.-ইঞ্জিন কয়া অমা চাংয়েং তৌখি।

সেন্ত্রেল মোতোর ভেহিকল রুলস ১৯৮৯দা ঐচ.-সি.এন.জি.বু ওতোমোতিব ফুএল ওইনা শিজিন্ননবা য়াওহন্নবা শেমদোকপগী ৱারোল অমা মন্ত্রালয়না সেপ্তেম্বর ২৫, ২০২০দা জি.এস.আর. ৫৮৫ (ই.)গী মখাদা থোকখি। মসিগী মরী লৈননা শেম্লবা কাঙলোন অসি হৌখিবা জুলাই ২২দা মীয়ামদা ফংহনখি। হীরম অসিগা মরী লৈননা মীয়ামদগী অয়েৎপা অমসুং পাউতাক অমত্তা পীরকপা লৈখিদ্রি।

***