এটা দিনতে যথেষ্ট সংখ্যাক ৰোগী সুস্থ হোৱাৰ জৰিয়তে ভাৰতৰ উচ্চ আৰোগ্যৰ হাৰৰ ধাৰাবাহিকতা দ্ৰুতগতিত বৃদ্ধি পাইছে৷

বিগত দেশত ২৪ ঘণ্টাত ৯৩,৪২০গৰাকী লোক আৰোগ্য হৈছে৷ ইয়াৰ জৰিয়তে দেশত সৰ্বমুঠ আৰোগ্য লোকৰ সংখ্যা ৪৮,৪৯,৫৮৪গৰাকীলৈ বৃদ্ধি পাইছে৷

দৈনিক সুস্থ লোকৰ সংখ্যা বৃদ্ধিৰে, আৰোগ্যৰ হাৰৰ অগ্ৰগতিতৰ ধাৰাবাহিকতাও অব্যাহত আছে৷ আজি আৰোগ্যৰ হাৰ ৮২.১৪%লৈ উন্নীত হৈছে৷

এটা দিনত উচ্চ হাৰৰ আৰোগ্যৰ জৰিয়তে ভাৰতে বিশ্বৰ ভিতৰতে শীৰ্ষ স্থান অক্ষুণ্ণ ৰাখিছে৷ ভাৰতত নতুনকৈ আক্ৰান্ত ৰোগীতকৈ আৰোগ্যৰ সংখ্যা বৃদ্ধিৰ ফলত চিকিৎসাধীন ৰোগী আৰু আৰোগ্য লোকৰ মাজৰ ব্যৱধান ৫গুন অধিক হৈছে৷

আৰোগ্যৰ সংখ্যা ৪৮,৪৯,৫৮৪গৰাকীৰ বিপৰীতে বৰ্তমান চিকিৎসাধীন ৰোগীৰ সংখ্যা ৯,৬০,৯৬৯ আৰু ইয়াৰ মাজৰ ব্যৱধান ৩৮,৮৮,৬১৫লৈ বৃদ্ধি পাইছে৷

বৰ্তমান দেশত প্ৰায় ১৬.২৮শতাংশ লোক আক্ৰান্ত হৈ আছে৷ দেশৰ ২৪খন ৰাজ্য/কেন্দ্ৰীয় শাসিত অঞ্চলত বৰ্তমান চিকিৎসাধীন ৰোগীতকৈ আৰোগ্যৰ সংখ্যাৰ অধিক৷

নতুনকৈ আৰোগ্য হোৱাসকলৰ ভিতৰত ৭৩%ই ১০খন ৰাজ্য/কেন্দ্ৰীয় শাসিত অঞ্চলৰ৷ ইয়াৰে ভিতৰত মহাৰাষ্ট্ৰত সৰ্বাধিক ১৯,৫৯২গৰাকী লোক আৰোগ্য হৈছে৷

কেন্দ্ৰীয় চৰকাৰৰ তিনিতৰপীয়া কৌশল ‘পৰীক্ষা, চিনাক্ত আৰু চিকিৎসা’ আৰম্ভণিৰে চলি আছে৷ কেন্দ্ৰীয় চৰকাৰে ‘ভাইৰাছক চেৰ পেলোৱা’ শীৰ্ষত নীতিৰ উদ্দেশ্যে পৰীক্ষাৰ জৰিয়তে সংক্ৰমণ প্ৰসাৰ ৰোধ কৰা আৰু চিনাক্তকৰণত গুৰুত্ব আৰোপ কৰিছে৷ কেন্দ্ৰীয় চৰকাৰে পৰীক্ষা ব্যৱস্থা ব্যাপক কৰাৰ বাবে তথা দেশজুৰি সহজ আৰু সুলভ কৰাটো সুনিশ্চিত কৰাৰ দিশত যথেষ্ট পদক্ষেপ গ্ৰহণ কৰিছে৷ ৰাজ্য আৰু কেন্দ্ৰীয় শাসিত অঞ্চলসমূহত উচ্চ হাৰৰ পৰীক্ষণ সুনিশ্চিত কৰাৰ দিশত শক্তিশালী কৰা হৈছে৷

কেন্দ্ৰীয় চৰকাৰে ঘৰ/আইছ’লেচন কেন্দ্ৰ আৰু হাস্পতালত থকা ৰোগীসকলৰ গুনগত চিকিৎসা ব্যৱস্থা সুনিশ্চিত কৰাৰ বাবে মানসম্পন্ন প্ৰট’কল জাৰি কৰিছে৷ এই দিশত বৈশ্বিক আৰু ৰাষ্ট্ৰীয় অৱস্থাৰ প্ৰতি লক্ষ্য ৰাখি সময়ে সময়ে সাল-সলনি কৰা হৈছে৷ কেন্দ্ৰীয় চৰকাৰে কৌশল, বিত্তীয়, সামগ্ৰী আৰু অন্যান্য সম্পদৰ যোগান ধৰি ৰাজ্য/কেন্দ্ৰীয় শাসিত অঞ্চলসমূহৰ প্ৰচেষ্টাত সহায় কৰি আহিছে৷

****

MV/SJ/DB