نئی دلّی ،26 ستمبر / کھادی اور ولیج انڈسٹری کمیشن  ( کے وی آئی سی ) نے بھارت کی فیشن   صنعت کی ممتاز  شخصیت   جناب سنیل سیٹھی   کو   اپنا ایڈوائزر مقرر کیا ہے ۔ جناب سیٹھی کمیشن   کو   ریڈیمیڈ   ملبوسات کے جدید  ڈیزائن کے ساتھ ساتھ  بھارت اور بیرونِ ملک  کھادی کو فروغ دینے  کے لئے   مشورہ دیں گے ۔

          کے وی آئی سی کے ایک بیان کے مطابق جناب سیٹھی  کی تقرری ایک سال کے لئے ہے ۔ اس سے پہلے  معروف فیشن ڈیزائنر  محترمہ ریتو بیری کے وی آئی سی  کی ایڈوائزر کے طور پر کام کر چکی ہیں اور ان کی میعاد حال ہی میں ختم ہوئی ہے ۔

          کے وی آئی سی نے کہا ہے کہ جناب سیٹھی کو عالمی   سطح پر  ملبوسات   کا چار  دہائی سے  زیادہ کا تجربہ ہے ، جہاں انہوں نے بھارتی دست کاری  ، ڈیزائن  اور ٹیکسٹائل کی صنعت کو   کئی  اختراعات اور  کامیاب اقدامات کے ساتھ   قابلِ قدر تعاون کیا ہے ۔ فیشن ڈیزائن کونسل آف انڈیا کے چیئرمین کے طور پر  ، جو  400 ڈیزائنرس  کی نمائندگی  کرتا ہے ،  جناب سیٹھی    بھارتی فیشن  صنعت کو  عالمی سطح پر پہنچانے کا  کام کرتے رہے ہیں ۔

          اُن کی تقرری   کا خاص مقصد کھادی  کا فیشن  کی صنعت میں مقامی اور بین الاقوامی سطح پر  پائیدار فروغ دینا ہے ۔ کے وی آئی سی نے   عالمی پلیٹ فارم پر  پہلے ہی اپنا  اثر چھوڑا ہے  ، جہاں سے    ہمیں ہر  موقع سے فائدہ اٹھانا چاہیئے ۔  کھادی کے دست کار  بہترین کوالٹی اور دنیا   میں انتہائی  منفرد  کپڑا تیار کرنے کے اہل ہیں ، جن میں   نئے اور اختراعی ڈیزائن  کے ساتھ  کھادی  عالمی صارفین   کے زمرے میں   انتہائی پسندیدہ برانڈ بن سکتی ہے ۔ یہ بات کے وی آئی سی کے چیئرمین جناب وینائی کمار سکسینہ نے  کہی ۔

          کے وی آئی سی نے کہا ہے کہ دلچسپ  بات یہ ہے کہ  یہ  " لوکل  ٹو گلوبل اور  ووکل فار لوکل " کے لئے وزیر اعظم کی اپیل کے خطوط  پر ہے ، جو  بھارت  کے مینو فیکچرنگ سیکٹر کے ضمن میں   کہی گئی ہے ۔  یہ پیش رفت  بھارت کی  دست کاری مصنوعات    کی مقبولیت  اور  صارفین کے تیزی سے  فیشن  پسند  بننے کے پیشِ نظر کافی اہمیت کی حامل ہے ۔

          کے وی آئی سی نے بتایا کہ  جناب سیٹھی   کے وی آئی سی کے ایڈوائزر   مقرر کئے جانے سے پہلے   ایچ ایچ ای سی  ، نیشنل کرافٹ  میوزیم  اینڈ ہست کَلا اکیڈمی   ،  ٹیکسٹائل کی وزارت ، سیاحت کی وزارت   اور   کلچر کی وزارت   جیسے   مختلف سرکاری اداروں میں  ایڈوائزر کے طور پر کام کر چکے ہیں ۔ وہ  نیشنل انسٹی ٹیوٹ آف فیشن ٹیکنا لوجی   ( این آئی ایف ٹی ) کے بورڈ آف گورنر  کے رکن بھی رہ چکے ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) (26-09-2020)

U. No.  5864