অয়ুশকী কেন্দ্রগী রাজ্য মন্ত্রী (ইন্দিপেন্দেন্ত চার্জ) শ্রী শ্রিপদ নাইক অমসুং প্রধান মন্ত্রীগী লোইশঙগী কেন্দ্রগী রাজ্য মন্ত্রী অমসুং অৱাং-নোংপোক্কী লমদম চাউখৎপা মন্ত্রালয়গী কেন্দ্রগী মন্ত্রী দাঃ জিন্তেন্দ্র সিংহনা ভাদরৱাদা লৈবা পোস্ত হার্বেস্ত মেনেজমেন্ত সেন্তর ফোর মেদিসিনেল প্লান্তকী উরেপ-উয়ুং তমখিবগা লোয়ননা ভিদিও কনফরেন্সিংগী খুত্থাংদা সেপ্তেম্বর ২৫, ২০২০দা জম্মু অমসুং কশ্মিরদা অয়ুশ হেল্থ অমসুং ৱেলনেশ সেন্তর ২২ শঙ্গাখ্রে।

পোস্ত হার্বেস্ত মেনেজমেন্ত সেন্তর ফোর মেদিসিনেল প্লান্ত অমা লিংখৎপগী পান্দমদি লোকেলগী মীওইশিংনা পুথোক্লিবা অমসুং খোমজিল্লিবা হর্বেলগী রো-মেতরিএলশিং অসিবু কঙহনবা, খন্দোকপা, প্রোসেস তৌবা, থাক খায়বা, য়োমশিনবা অমসুং নীংথিনা থম্বদা তেংবাংগদবা ফেসিলিতীশিং লৈহন্নবনি অমসুং মসিনা পোত্থোকশিং অসিগী অফবা মমল ফংহন্দুনা মসিদা মরী লৈনরিবা লৌউবশিংগী শেন্থোকসু হেনগৎহনগনি।

থৌরম অসিদা অয়ুশ্মান ভারতকী মখাদা জম্মু অমসুং কশ্মিরদা অয়ুশ হেল্থ অমসুং ৱেলনেশ সেন্তর ২২সু শঙ্গাখি। মসিগী সেন্তরশিং অসিগী খুত্থাংদা ৱেলনেশকী অপুনবা মওং অমা শেমগনি অমসুং মসিনা লায়নাগী পোৎলুম হন্থহনবগা লোয়ননা শেল তুংশিনবসু ঙমহনগনি। অয়ুশকী থৌওংশিং অসিনা অহেনবা মিৎয়েং চঙলিবা অসিদি মীয়াম্না অফবা চিঞ্জাক চাবা অমসুং পুন্সি মহিং হিংবা, য়োগ তৌবা অমসুং হিদাক্কী পাম্বীশিংগী খুত্থাংদা মশানা মশাবু চেকশিন্দুনা লায়না কয়াদগী ঙাকথোকপা ঙমহনবনি।

শ্রী শ্রিপদ নাইকনা মহাক্কী ৱারোলদা  হায়খিবদা জম্মু অমসুং কশ্মিরগী ভাদরৱাদা লৈগদৌরিবা “পোস্ত হার্বেস্ত মেনেজমেন্ত সেন্তর ফোর মেদিসিনেল প্লান্ত” অসি মফম অসিগী মীয়াম্না মতম কুইনদগী ঙাইরক্লবা অপাম্বনি হায়খি অমসুং মফম অসিদা হিমালয়গী হিদাক পাম্বী মখল কয়া অমা থাবা য়াবগী মতিক লৈ হায়না মীয়ামগী পুক্নিং চিংশিনখি। য়ু.তি. সরকার অসিনা কেন্দ্রনা তেংবাংবা প্রোগ্রাম অমবু থবক ওইনা পায়খৎলিবা অসিবু মন্ত্রীনা থাগৎপা ফোঙদোকখি অমসুং ভারত সরকারনা জম্মু অমসুং কশ্মিরদা অথুবা মতমদা চাউখৎপা পুরক্নবা খ্বাইদগী অৱাঙবা থাক্কী মিৎয়েং য়েংলি হায়খি।

দাঃ জিতেন্দ্র সিংহনা মহাক্কী ৱারোলদা হায়খিবদা মসিগী পোস্ত হার্বেস্ত সেন্তর অসিনা হিদাক পাম্বী থাবশিং অমসুং খোমজিনবশিংগী কান্নবা কয়া পীবগী মথক্তা লমদম অসিগী নহাশিংদা থবক্কী খুদোংচাবা কয়া অমসু পীগনি হায়খি। মখা তাবা ওইনা মহাক্না অয়ুশ হেল্থ অমসুং ৱেলনেশ সেন্তর প্রোগ্রাম অসিনা লৈত-লায়রশিংদা তঙাই ফদবা তেংবাং পীবতা নত্তনা অয়ুশপু মালেমগী থাক্তা চাউখৎহনগনি হায়না হায়খি।

*****