ন্যু ইজুকেস্নেল পোলিসী (এন.ই.পি.২০২০)গী মওং মতৌ অদু খঙহন্ননবগীদমক শিকশক পর্বকী মখাদা মহৈ-মশিংগী মন্ত্রালয়না য়াম্না অঙাং ওইরিবশিংদা লৌগদবা চেকশিন থৌরাং অমসুং মহৈ-মশিংগী মতাংদা নেস্নেল ৱেবিনার অমা ঙসি পাংথোকখ্রে৷ ওজাশিংবু হরাও নুংঙাইনবা অমসুং ২০২০গী অনৌবা ইজুকেস্নেল পোলিসী অসিবু নিংথীজনা চৎননবগীদমক ২০২০গী সেপ্তেম্বরগী তাং ৮দগী সেপ্তেম্বরগী তাং ২৫ ফাওবা মহৈ-মশিংগী মন্ত্রালয়না শিকশক পর্ব শেমখি৷

ই.সি.সি.ই.গী সেসন অদু এন.সি.ই.আর.তি.গী এসোসিয়েত প্রোফেসর দা.রোমিলা সোনি, এমভেদকর য়ুনিভরসিতীগী দা.ভেনিতাকোল, এন.সি.ই.আর.তি.গী প্রোফেসর সুনিতি সনৱল অমসুং ক্যুজিংগী গভরমেন্ত সেনিয়র সেকেন্দরী স্কুলগী প্রিন্সিপাল শ্রী মোতিলাল কোইরালা, সিক্কিমগী খা থংবা জিলাগী মশক নাইরবা স্পিকরশিংনা থৌরম অদুদা ৱাতাইবা মী ওইখি৷

প্রোফেসর সুনিতিনা ই.সি.সি.ই. অদুগা মরী লৈননা ২০২০গী অনৌবা ইজুকেস্নেল পোলিতী অদুগী চৎনা পথাপশিং অদু শন্দোক্না তাক্তুনা খন্না নৈনবা অদু হৌদোকখি৷ খন্না নৈনবা অদু মখা চৎথরদুনা অঙাং অমগী য়াম্না ঙল্লিঙৈ মতম মীরোল্লিঙৈ অতম অসিদগী হৌদুনা অঙাং অদুনা চহী ২ শুদ্রিফাওবা ন্যুত্রিসনগী মরু ওইবা তঙাই ফদবশিং অদুগী মতাংদা মহাক্না ৱা ঙাংখি৷ মহাক্না মখাতানা ন্যুত্রিসন, হকশেল অমসুং মহৈ-মশিংগী মরক্তা লৈরিবা মরী অদু শন্দোক্তুনা মখাতানা তাকখি৷ অঙাং অমনা ঙল্লিঙৈ মতম চহী ২ শুরকপা মতম অদুদা লৈরিবা দিভেলপমেন্ত অদুবুসু মহাক্না শন্দোক্না হায়খি৷ রিসর্স স্তদিনা উৎলে মদুদি অঙাং অমগী ঙল্লিঙৈ পুন্সিদা অঙাং অদুগী হকশেলগা য়াম্না মরী লৈনৈ অমসুং মতুং তারকপা চহীশিংদা অঙাং অদুগী মহৈ-মশিংগী পরফোমেন্স অদুগসু য়াম্না মরী লৈনৈ হায়বসি স্পিকর অদুনা মখাতানা ফোংদোকখি৷

দা.কোলনা এন.ই.পি. অদু চৎননবগী ফোকেল এরিয়াশিং অদু শন্দোক্না তাকখ্রে অমসুং মখাতানা অঙাংশিংগী ঙল্লিঙৈ মতমদা একাদেমিক স্কিলশিং শেমগৎপা অসিগী মথক্তা অঙাংশিংগী মনুংদা সোসিয়েলাইজিং স্কিলশিং শেমগৎপা অসি য়াম্না মরু ওই হায়দুনা ফোংদোকখ্রে৷ ক্বালিতী লৈবা ই.সি.সি.ই. অমা পুথোকপা মতমদা মমা-মপাগী থৌদাং অমসুং কম্মুনিতী লেভেলদা মীচং শৌগৎপা অসি য়াম্না মরু ওই৷ অঙাংশিংগীদমক নুংঙাইবা, শান্নবগী মওং অমসুং মখোয়না পামজবা থবকশিংগী মতুং ইন্না চান্নবা কন্তেন্ত অমসুং পেদাগোগী শেমগৎপগী মরু ওইবশিং অদু স্পিকর অদুনা পনখি৷

কুরিকুলম অসি শাংদোরকপনা অঙাংশিংনা প্রি-স্কুলদগী হৌদুনা গ্রেদ ১ ফাওবদা নিংথীজনা অহোংবা লাকপা মতমদা য়াম ৱাংনা কান্নরগনি হায়দুনা ২০২০গী এন.ই.পি. অদু দা.কোলনা থাগৎখ্রে৷

সিক্কিমগী খা-থংবা জিলাগী ক্যুজিংদা লৈরিবা গভরমেন্ত সেনিয়র সেকেন্দরী স্কুলগী প্রিন্সিপাল শ্রী মোতিলাল কোইরালানা ই.সি.সি.ই.গী মখাদা লৈরিবা ইন্নোভেসনশিং অমসুং থবক থৌরমশিং খুদম ওইনা অঙাংশিংবু এক্তিব ওইনা, ফিত ওইনা অমসুং লাইরিক তম্ননবগীদমক নিংথীজনা থম্ননবগীদমক চাইল্দ য়োগগী মতাংদা খঙহনখ্রে৷ অঙাংশিংনা মখোয়গী য়াম্না নুংঙাইবা মওং অমদা লাইরিক লাইশু তম্ননবগীদমক মহৈলোইশঙশিংদা অঙাংশিংগী শান্নপোৎ, শান্নবগী ইক্যুইপমেন্তশিং, লাইরিকশিং অমসুং নিংথীনা য়েক্লবা ক্লাসরুম ফংহন্নবা মখাতানা শ্রী কোইরালানা খঙহনখ্রে৷ হায়রিবা থবকশিং অসিনা অঙাংশিংবু মহৈলোইশঙশিংদা চিংশিন্দুনা মমিং চনবগী চাং হেঙ্গৎপদা য়াম্না কান্নরগনি হায়দুনা মহাক্না মখাতানা ফোংদোকখ্রে৷

লোইশিল্লকপদা দা.সেনাপতিনা সেসন অদুগী প্রোসিদিংশিং অদু তেনতক্না হায়খ্রে অমসুং ই.সি.সি.ই.গী স্তেজতগী হৌদুনা ভারতকী কলচর অসি চাওখৎহনবদা ২০২০গী অনৌবা ইজুকেস্নেল পোলিতী অসিনা মতেং পাংলগনি হায়দুনা শন্দোক্না তাকখ্রে৷

*****