সোসিয়েল জস্তিস অমসুং ইম্পৱার্মেন্ত মন্ত্রালয়
ঙসি গ্বালিয়রদা মালেম থাক্কী ‘সেন্তর ফোর দিসএবিলিতি স্পোর্তস’কী উরেপ-উয়ুং তমখ্রে
Posted On:
25 SEP 2020 4:52PM by PIB Imphal
ঙসি ভিদিও কনফরেন্সকী খুৎথাংদা সোসিএল জজতিস্ত অমসুং ইমপ্বারমেন্ত মিনিস্ত্রিগী দি.ই.পি.দব্লিউ.দিনা শীনবা থৌরম অমদা মৈধ্য প্রদেসকী গ্বালিয়রদা ‘সেন্তর ফোর দিসএবিলিতি স্পোর্তস’ শানবা উরেপ-উয়ুং তমখ্রে। থৌরম অদুদা এগ্রিকলচর, রুরেল দিবলপমেন্ত, পঞ্চায়াতি রাজ অমসুং ফুদ প্রোসেসিং ইন্দস্ত্রিগী য়ুনিয়ন মিনিস্তর নরেন্দ্র সিংহ তোমার, গ্বালিয়রগী এম.পি(লোক সভা) বিবেক নরায়ন সেজৱালকর, হোর্তিকলচর অমসুং ফুদ প্রোসেসিংগী রাজ্য মন্ত্রী(মনিংতম্বা) ভারত সিংহ কুসৱাহ, মৈধ্য প্রদেস সরকারগী নারমাদা ভেল্লি দিবলপমেন্ত অমসুং মৈধ্য প্রদেস সরকারগী ইনর্জি মিনিস্তর প্রাধুমান সিংহ তোমার শরুক য়াখি।
থৌরম অদুদা ৱা ঙাংবদা নরেন্দ্র সিংহ তোমারনা হায়খি মৈধ্য প্রদেসতা দিবয়াংজনগীদমক মালেম থাক্কী শান্নবগী মফম অমা শেমগৎনবা গ্বালিয়র সহরদা উরেপ-উয়ুং তম্বগীদমক মহাক্না সোসিএল জজতিস্ত অমসুং ইমপ্বারমেন্তগী য়ুনিয়ন মিনিস্তর থাৱারচান্দ গেহলোত থাগৎলি। হৌজিক লৈবাক অসিদা হকচাংগী ফিবম চাদ্রবা শান্নরোইশিং ত্রেনিং পীনবা খুদোংচাবশিং লৈত্রি। লিংখৎনবা থৌরাং তৌরিবা সেন্তর অসিনা হকচাংগী ফিবম চাদ্রবা শান্নরোইশিংদা অখন্নবা ত্রেনিং পীগনি। মসিগী সেন্তর অসি লিংখৎপা অসিনা খুন্নাইদা মখোয়গী মফম অমা লৈরি হায়বা ৱাখল্লোন অমা দিবাংজনশিংদা ফাওহনগনি।
মৈধ্য প্রদেসকী গ্বালিয়রদা ‘সেন্তর ফোর দিসএবিলিতি স্পোর্তস’ লিংখৎনবা অয়াবা ২০১৯গী ফেবুৱারি ২৮দা কেন্দ্রগী মন্ত্রীমন্দলনা অয়াবা পীখিবনি। সেন্তর অসি লিংখৎপদা অপুনবা ওইনা লুপা কোরোর ১৭০.৯৯ চঙগনি। সেন্তর অসি সোসাইতিস রেজিস্ত্রেসন এক্ত,১৮৬০গী মখাদা রেজিস্তার তৌগনি। সেন্তর অসি য়েংশিন্নবা দি.ই.পি.দব্লিউ.দিগী সেক্রেতরিনা চিয়রমেন ওইবা গভর্নিং বোদি অমা শেম্লে। প্রোজেক অসি পায়খৎলকপা মতমদা য়েংশিন্নবা দি.ই.পি.দব্লিউ.দিগী সেক্রেতরিনা চিয়রমেন ওইবা প্রোজেক মোনিতরিং কম্মিতি অমা শেম্লে।
সেন্তর অসিনা হকচাংগী ফিবম চাদ্রবা শান্নরোইশিং মালেমগী থাক্তা লাম্বা তৌনবা ঙম্নবা অমসুং লৈবাক্কী মিংচৎ পুরক্নবা মালেম থাক্কী খুদোংচাবশিং ফংহনগনি। সেন্তর অসিদা আউদোর এথলেতিক স্তদিয়ম, ইন্দোর স্পোর্তস কমপ্লেক্স, বেজমেন্ত পার্কিং, ইরোইনবা পুখ্রি অনি, মথক কুপ্পা পুখ্রি অমা অমসুং মপানগী পুখ্রি অমা, ক্লাসরুমশিং, মেদিকেলগী খুদোংচাবশিং, স্পোর্তস সাইন্স সেন্তর, শান্নরোইশিংগী হোস্তেল, লোক্কর, চাক চাফম, পোথাফম অমসুং এদমিনিস্ত্রেতিপ ব্লোক য়াওগনি।
সেন্তর অসিদা ত্রেনিং, সেলেক্সন, শান্নগী মরমদা থিজিনবা, মেদিকেলগী খুদোংচাবা, ভাবকশিং য়েংফম, জাতি অমসুং মালেম থাক্কী থৌরমশিং পাংথোক্নবা খুদোংচাবশিং লৈগনি। সেন্তর অসিদা বেতমিন্তন, বাস্কেতবোল, তেবল তেনিস, বোল্লিবোল, জুদো, তাইকুন্দো, ফেন্সিং, রুগবী, বোসিয়া, গোলবোল, ফুতবোল ৫ এ সাইত, পেরা দান্স স্পোর্ত, পেরা পৱার লিফতিং, এথলেতিক্স, আর্চরি, ফুতবোল ৭ এ সাইত অমসুং তেন্নিস অমসুং ইরোইবগী ত্রেনিং পীগনি।
*****
(Release ID: 1659155)
Visitor Counter : 97