সিবিল এবিয়েসন মন্ত্রালয়
পেসেঞ্জর করোর ১ হেনবনা দোমেস্তিক ওপরেসন নৌনা হৌখিবদগী নোংথক্কী লম্বীদা চৎনখি
মে ২৫, ২০২০দগী দোমেস্তিক ফ্লাইৎ লাখ ১ হেন্না পাইখি
নোংমখক্তদা পাইবা মী মশীং ১,১৯,৭০২ য়ৌরে
Posted On:
25 SEP 2020 4:08PM by PIB Imphal
পেসেঞ্জর করোর অমা হেন্না ফ্লাইৎ ১,০৮,২১০দা মে ২৫, ২০২০দগী দোমেস্তিক ওপরেসন হৌবদগী পাইখি হায়না শ্রী হর্দীপ সিংহ পুরি, এম.ও.এস. সিবিল এবিএসন্না ফোংদোকখি। শ্রী পুরিনা মখা তানা হায়খি মদুদি দোমেস্তিক এবিএসন অসি কোবিদ মমাংগী মওং মতৌদা লাকপা হৌরে। মহাক্না স্তেকহোল্দর খুদিংমকপু আত্মিনির্ভর ভারত ফংনবা হোৎনবগী খোংচত্তা অসিগুম্বা পন্দুপ অসি য়ৌবা ঙম্লকপদা হরাওবা ফোংদোকখি।
সিবিল এবিএসন মন্ত্রীনা সেপ্তেম্বর ২৪, ২০২০দা থাদোকখিবা অপুনবা পেসেঞ্জর মশীং অসি ১,১৯,৭০২নি হায়খি অমসুং মতম অসিদা থুংখিবা পেসেঞ্জর মশীংনা ১,২১,১২৬নি হায়খি। মহাক্না মখা তারদুনা হায়খি মদুদি থাদোকখিবনা ১৩৯৩ অমসুং থুংলখিবা মশীংনা ১৩৯৪ ওইরদুনা অপুনবা ওইনা পাইখিবা ফ্লাইৎকী মশীং অসি ২৭৮৭ ওইখি। মখা তানা, লৈবাক অসিগী এয়রপোর্ৎশিংদা থুংলখিবা পেসেঞ্জর মশীং অসি নোংমদা ২,৪০,৮২৮নি।
কোবিদ-১৯গী মনুংদা, দোমেস্তিক সেদ্যুল তৌবা কম্মর্সিএল এয়র্লাইনগী ওপরেসন অসি মার্চ ২৫, ২০২০দগী লেপখিবনি। ওপরেসনশিং অসি থা অনীগী মতুংদা মে ২৫, ২০২০দগী অমুক চত্থবা হৌখিবনি।
******
(Release ID: 1659085)
Visitor Counter : 124