ਕੇਂਦਰੀ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਈ ਸੰਜੀਵਨੀ ਓ ਪੀ ਡੀ ਪਲੇਟਫਾਰਮ ਨੇ 3 ਲੱਖ ਟੈਲੀ ਮਸ਼ਵਰੇ ਮੁਕੰਮਲ ਕਰ ਲਏ ਹਨ । ਇਹ ਮਹੱਤਵਪੂਰਨ ਮੀਲ ਪੱਥਰ ਇਸ ਸੇਵਾ ਦੇ ਸ਼ੁਰੂ ਹੋਣ ਤੋਂ 6 ਮਹੀਨੇ ਦੇ ਸੰਖੇਪ ਸਮੇਂ ਵਿੱਚ ਹੀ ਪ੍ਰਾਪਤ ਕਰ ਲਿਆ ਗਿਆ ਹੈ । ਕੋਵਿਡ 19 ਮਹਾਮਾਰੀ ਦਰਮਿਆਨ ਮਰੀਜ਼ਾਂ ਨੂੰ ਡਾਕਟਰਾਂ ਵੱਲੋਂ ਟੈਲੀ ਮੈਡੀਸਨ ਦੇਣ ਲਈ ਈ ਸੰਜੀਵਨੀ ਓ ਪੀ ਡੀ ਸੇਵਾਵਾਂ ਸ਼ੁਰੂ ਕੀਤੀਆਂ ਗਈਆਂ ਹਨ । ਇਸ ਨਾਲ ਸਰੀਰਿਕ ਦੂਰੀ ਨੂੰ ਸੁਨਿਸ਼ਚਿਤ ਕਰਨ ਨਾਲ ਕੋਵਿਡ ਦੇ ਫੈਲਾਅ ਨੂੰ ਰੋਕਣ ਵਿੱਚ ਮਦਦ ਮਿਲੀ ਹੈ ਅਤੇ ਨੋਨ ਕੋਵਿਡ ਜ਼ਰੂਰੀ ਸਿਹਤ ਦੇਖਭਾਲ ਲਈ ਵੀ ਸਹਾਈ ਹੋਈ ਹੈ ।

ਵੱਡੀ ਗਿਣਤੀ ਵਿੱਚ ਟੈਲੀ ਮਸ਼ਵਰੇ ਲੈਣਾ ਇਸ ਗੱਲ ਦਾ ਸਬੂਤ ਹੈ ਕਿ ਇਹ ਨਾਗਰਿਕਾਂ ਵਿੱਚ ਹਰਮਨ ਪਿਆਰੀ ਸੇਵਾ ਹੈ । ਹੁਣ ਤੱਕ ਸਭ ਤੋਂ ਵੱਡੀ ਗਿਣਤੀ ਟੈਲੀ ਮਸ਼ਵਰਿਆਂ ਦੀ ਤਾਮਿਲਨਾਡੂ ਵਿੱਚ ਹੈ , ਜਿੱਥੇ 1,29,800 ਵਿਅਕਤੀਆਂ ਨੇ ਡਿਜੀਟਲ ਮਾਧਿਅਮ ਰਾਹੀਂ ਗੱਲਬਾਤ ਕੀਤੀ । ਤਾਮਿਲਨਾਡੂ 9 ਅਗਸਤ ਤੱਕ 32,035 ਓ ਪੀ ਡੀ ਮਸ਼ਵਰੇ ਦਰਜ ਕਰਕੇ ਸਭ ਤੋਂ ਅੱਗੇ ਹੈ ਅਤੇ ਇਸੇ ਮਹੀਨੇ ਦੀ 19 ਤਰੀਖ਼ ਤੱਕ 56,346 ਮਸ਼ਵਰੇ ਦਰਜ ਕੀਤੇ ਗਏ ਹਨ । ਸੂਬੇ ਵਿੱਚ 8 ਸਤੰਬਰ ਤੱਕ 1 ਲੱਖ ਮਸ਼ਵਰੇ (97,204 ਮਸ਼ਵਰੇ) ਦਰਜ ਕੀਤੇ ਗਏ । ਇਸ ਪਲੇਟਫਾਰਮ ਨੇ ਇਸ ਸੂਬੇ ਨੂੰ ਜੋ ਕੋਵਿਡ 19 ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਸੂਬਿਆਂ ਵਿੱਚ ਆਉਂਦਾ ਹੈ ਨੂੰ ਜ਼ਰੂਰੀ ਸਿਹਤ ਦੇਖਭਾਲ ਮੁਹੱਈਆ ਕੀਤੀ ਹੈ । ਇਹ ਵੀ ਉਸ ਵੇਲੇ ਜਦੋਂ ਬਿਮਾਰੀ ਛੂਤ ਵਾਲੀ ਹੋਣ ਦੇ ਕਾਰਨ ਰਵਾਇਤੀ ਦਵਾਈ ਲੈਣਾ ਇੱਕ ਖ਼ਤਰਾ ਬਣਿਆ ਹੋਇਆ ਹੈ ।

ਤਾਮਿਲਨਾਡੂ ਤੋਂ ਬਾਅਦ ਉੱਤਰ ਪ੍ਰਦੇਸ਼ ਨੇ (96,151 ਮਸ਼ਵਰੇ) , ਕੇਰਲ (32,921 ਮਸ਼ਵਰੇ) ਅਤੇ ਉੱਤਰਾਖੰਡ (10,391 ਮਸ਼ਵਰੇ) ਦਰਜ ਕੀਤੇ ਹਨ । ਇਹਨਾਂ 4 ਰਾਜਾਂ ਵਿੱਚ 2,69,264 ਟੈਲੀ ਮਸ਼ਵਰੇ ਦਿੱਤੇ ਗਏ ਜੋ ਕੁੱਲ ਮਸ਼ਵਰਿਆਂ ਦਾ 89.75% ਬਣਦਾ ਹੈ ।

ਈ ਸੰਜੀਵਨੀ ਓ ਪੀ ਡੀ ਨਾਲ ਗੁਜਰਾਤ ਅਤੇ ਜੰਮੂ ਕਸ਼ਮੀਰ ਨੂੰ ਜੋੜਨ ਨਾਲ ਅਤੇ ਛੱਤੀਸਗੜ੍ਹ ਨੂੰ ਈ ਸੰਜੀਵਨੀ ਦੇ (ਏ ਬੀ — ਐੱਚ ਡਬਲਯੂ ਸੀ) ਨਾਲ ਜੋੜਨ ਪਿੱਛੋਂ ਈ ਸੰਜੀਵਨੀ ਦੀ ਵਰਤੋਂ ਕਰਨ ਵਾਲੇ ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੀ ਕੁੱਲ ਗਿਣਤੀ 26 ਹੋ ਗਈ ਹੈ । ਤਕਰੀਬਨ 4,600 ਡਾਕਟਰਾਂ ਨੂੰ ਈ ਸੰਜੀਵਨੀ ਓ ਪੀ ਡੀ ਲਈ ਸਿਖਲਾਈ ਦਿੱਤੀ ਗਈ ਹੈ ਅਤੇ ਉਹ ਪ੍ਰਤੀਦਿਨ 6,000 ਹਜ਼ਾਰ ਮਸ਼ਵਰਿਆਂ ਤੋਂ ਜਿ਼ਆਦਾ ਔਸਤਨ ਈ ਸੰਜੀਵਨੀ ਦੇ ਰਾਸ਼ਟਰੀ ਨੈੱਟਵਰਕ ਤੇ ਦਰਜ ਕਰ ਰਹੇ ਹਨ । ਈ ਸੰਜੀਵਨੀ ਟੈਲੀ ਮੈਡੀਸਨ ਪਲੇਟਫਾਰਮ ਨੂੰ ਜਿਹੜਾ ਪਹਿਲੂ ਵਿਸ਼ੇਸ਼ ਬਣਾਉਂਦਾ ਹੈ ਉਹ ਹੈ ਕਿ ਪਲੇਟਫਾਰਮ ਦੀ ਕਾਰਜਸ਼ੀਲਤਾ ਅਤੇ ਪ੍ਰਬੰਧ ਬਹੁਤ ਹੀ ਵਿਧੀਵਤ ਤਰੀਕੇ ਨਾਲ ਆਯੋਜਿਤ ਕੀਤਾ ਗਿਆ ਹੈ । ਸੂਬਿਆਂ ਅਤੇ ਇਸ ਨੂੰ ਲਾਗੂ ਕਰਨ ਵਾਲੀ ਏਜੰਸੀ (ਸੀ ਡੈੱਕ ਮੁਹਾਲੀ) ਵਿਚਾਲੇ ਬਹੁਤ ਹੀ ਨੇੜਲਾ ਅਤੇ ਅਸਰਦਾਰ ਸੰਪਰਕ ਕਾਇਮ ਕੀਤਾ ਗਿਆ ਹੈ । ਇਸ ਨਾਲ ਵਰਤੋਂ ਕਰਨ ਵਾਲਿਆਂ ਤੋਂ ਫੌਰੀ ਤੌਰ ਤੇ ਫੀਡਬੈਕ ਮਿਲਦੀ ਹੈ , ਜੋ ਇਸ ਨੂੰ ਲਾਗੂ ਕਰਨ ਵਾਲੀ ਟੀਮ ਲਈ ਸਮੱਸਿਆ ਨੂੰ ਅਨੁਕੂਲਿਤ ਢੰਗ ਨਾਲ ਦੂਰ ਕਰਨ ਵਿੱਚ ਸਹਾਈ ਹੁੰਦੀ ਹੈ , ਇਵੇਂ ਈ ਸੰਜੀਵਨੀ ਕੁਸ਼ਲਤਾ ਅਤੇ ਉਤਪਾਦਕਤਾ ਨੂੰ ਲਗਾਤਾਰ ਵਧਾਉਣ ਲਈ ਹੀ ਕੰਮ ਨਹੀਂ ਕਰਦੀ ਬਲਕਿ ਇਸ ਦੇ ਵਿੱਚ ਨਵੀਂਆਂ ਕਾਰਜ ਵਿਧੀਆਂ ਅਤੇ ਫੀਚਰਸ ਸੂਬਿਆਂ ਦੀ ਵਰਤੋਂ ਕਰਨ ਵਾਲਿਆਂ ਦੇ ਲੋੜ ਅਨੁਸਾਰ ਜੋੜੇ ਜਾ ਰਹੇ ਹਨ ।
 

ਐੱਮ ਵੀ / ਐੱਸ ਜੇ /