থবক শুবা, মীয়ামগী ৱাকৎ অমসুং পেন্সন মন্ত্রালয়
লনাইগী ওইবা কাননবশিংগীদমক ফার্ম বিলশিংগী মরমদা অরানবা পাউশিং শন্দোক্লি: দা জিতেন্দ্র সিংহ
Posted On:
24 SEP 2020 5:23PM by PIB Imphal
রাজনিতীগী ওইবা কানবা খরগীদমক লৌমীশিংদা ইনশিন্দুনা লনাইগী ওইবা কান্নবা খরগীদমক ফার্ম বিলশিংগী মতাংদা অরানবা পাউশিং শন্দোক্লি হায়না ঙসি কেন্দ্রগী মন্ত্রী দা জিতেন্দ্র সিংহনা ফোঙদোকখ্রে
দুর্দরশনগী অখন্ননা উনবদা, দা জিতেন্দ্র সিংহনা হায়খি, য়াম্না ঙাকপা ৱাফম অমা ওইরিবদি পার্লিয়ামেন্তদা মোদী সরকারনা পুথোকখিবা বিলশিংদা শুক য়াও য়াওদবা প্রোবিজন খরগী মমিং পন্দুনা য়ুম্ফম য়াওদা তোকঙাশিং শন্দোক্লিবা অসিনি। মহাক্না হায়খি, খুদম ওইনা, মিনিমম সপ্পোর্ত প্রাইজ (এম.এস.পি.) অসি তোকখ্রে হায়না লৌমীশিংদা থাজহন্দুনা লান্না লমজিংনবা কেম্পেন পাক শন্না পাঙথোক্লি, অমরোমদনা বিলশিং অসিদা এম.এস.পি.গী সিস্তেমদা অসিগুম্বা অমত্তা পনবা লৈতে মসিনা তাক্লি মদুদি হান্না লৈরিবা অসিগুম্না এম.এস.পি. সিস্তেম অসি মখা তানা লৈখিনি।
![https://static.pib.gov.in/WriteReadData/userfiles/image/image001Y40U.jpg](https://static.pib.gov.in/WriteReadData/userfiles/image/image001Y40U.jpg)
লৈরিবা অসিগুম্না এম.এস.পি. সিস্তেম অসি মখা তানা লৈখিনি।
দা জিতেন্দ্র সিংহনা হায়খি নাকল অমরোমদা সরকারনা পুথোক্লিবা ফার্ম বিলশিং অসিনা লৌউ-শিংউগী সেক্তরদা নিং-খা তম্বা পুরক্তুনা লৌমীশিংনা মনিং মখা তম্না মখোয়গী মহৈ মরোংশিং অদু করিগুম্বা মহাক্না পাম্লবদি মফম অমা হেক্তদা কনাগুম্বা অমা হেক্তদা য়োনবা য়াহন্দুনা অচৌবা কম্পনীশিংদা য়াওশিন্দুনা শেন্দোং হেন্না ফংবা ঙমহনগনি। মসিগা লোয়ননা বিলশিং অসিদা মন্দিশিং মুত্থৎলগনি হায়বগী ৱাফম মচেৎ অমা ফাওবা য়াওদে অতোপ্পা ৱাহৈদা হায়রগনা মার্কেৎ সিস্তেম অসি হান্নগুম্না অদুমক লৈখিগনি অমদি এগ্রিকলচর এন্দ ফুদ পোলিসী সেন্তর (এ.এফ.পি.সি.) অসিসু অদুমক লৈখিগনি।
দা জিতেন্দ্র সিংহনা হায়খি, মথক্তা পনখ্রিবা অসিগুম্না কন্ত্রেক্তকী মিংদা অচৌবা কম্পনীশিংনা মখোয়বু তুহৎপীগনি হায়না লৌমীশিংদা ইনশিনবীরি।মসিগী ওন্না-তৈনবদা বিল অসিদা লৌমীশিংবু তুহৎপীবদগী ঙাকথোক্নবা প্রোবিজন মরাং কায়না য়াওরি, হায়না মহাক্না ফোঙদোকখি।
মখা তারদুনা দা জিতেন্দ্র সিংহনা হায়খি, কন্ত্রেক্ত অমসুং এগ্রীমেন্ত অসিনা লৌমীশিংদা ফিক্স প্রাইজ ফংহনগনি অমসুং পেনাল্তী অমত্তা লৈতনা লৌমীশিংনা তোক্নিংবা মতমদা তোকপা য়াগনি।
মসিখক্তা নত্তনা দা. জিতেন্দ্রনা হায়, বিলশিং অসিনা ময়েকশেংনা লৌমীশিংগী লম য়োনবা, লিজ তৌবা নত্রগনা বন্ধোপ থম্বদা অথিংবা থম্লি মরমদি এগ্রীমেন্ত অসি মহৈ মরোংদনি লমদা নত্তে। মসিনা মরম ওইদুনা, অচৌবা ললোল ইতিক তৌবা মীওইশিংনা লৌমীশিংগী লম পাইশিল্লগা মখোয়বু বোন্দেদ লেবররশিং ওইনা থমগনি হায়বসি অরানবনি।
![https://static.pib.gov.in/WriteReadData/userfiles/image/image002HK5S.jpg](https://static.pib.gov.in/WriteReadData/userfiles/image/image002HK5S.jpg)
ফার্ম বিলশিং অসিনা ওপন মার্কেৎতা মহৈ মরোংশিং য়োনবদা ঙাকশেল মতিক চানা পীরি। খুদম অমা পীরদুনা মহাক্না হায় লৌমী অমনা মহাক্কী মহৈ মরোং লৈবাক অসিগী মফম অমহেক্তদা লৈবা ওপন মার্কেৎতা য়োনবা পাম্লবদি মহৈ মরোংশিং অদু লৈগদবশিং অদুনা নুমিৎ অদুমক্তদা নত্রগা করিগুম্বা প্রোসিদ্যুর তৌবগী মতম মথৌ তারবদি নুমিৎ হুমনিদা পেমেন্ত খুদিংমক থীগদবনি। করিগুম্বা অরানবা তৌরবদি লৈগদবা অদুদা পেনাল্তী থীহনবগী প্রোবিজন লৈ হায়না মহাক্না মখা তাখি।
দা. জিতেন্দ্র মরাল শিরদুনা হায় বিলশিং অসিগী মায়োক্তা লৈরিবা অমসুং লৌমিশিংবু ইনশিল্লিবা কাংলুপ অসি অরেম্বদা ইলেক্সনগী কান্ননবা ইসু অমা শাগৎনবা হোৎনবনি।
<><><><><>
(Release ID: 1658786)
Visitor Counter : 162