শেল-থুম মন্ত্রালয়

অহোংবা পুরক্নবা পান্দমশিং ফংনবা রাজ্য মঙানা লুপা করোর ৯,৯১৩গী অহেনবা শেনফম পুবা অয়াবা পীরে

Posted On: 24 SEP 2020 4:32PM by PIB Imphal

ওপন মার্কেত বোরোৱিংস(ও এম বি)গী খুৎথাংদা রাজ্য ৫দা লুপা করোর ৯,৯১৩গী অহেনবা শেনফম ফংহনবা ফাইনান্স মিনিস্ত্রিগী এক্সপেন্দিচর দিপার্তমেন্তনা অয়াবা পীরে। রাজ্য মঙা অদুদি অন্ধ্র প্রদেস, তেলাঙ্গানা, গৱা, কর্নাতাকা অমসুং ত্রিপুরানি। লৈবাক অমা রেসন কার্দ অমা থবক ওইনা পায়খৎনবা অহোংবা পুরক্নবা ফিবমশিং হায়রিবা রাজ্যশিং অসিনা মাইপাক্না পুরকপদগী মসিগী অয়াবা অসি পীখিবনি। অহেনবা শেনফম পুনবা ভারত সরকারনা অয়াবা পীখিবা রাজ্যশিংগী অকুপ্পা মরোলশিং মখাদা লৈরে:

১. অন্ধ্র প্রদেস-লুপা করোর ২,৫২৫

২. তেলাঙ্গানা-লুপা কোরোর ২,৫০৮

৩. কর্নাতাকা- লুপা করোর ৪,৫০৯

৪. গৱা-লুপা কোরোর ২২৩

৫. ত্রিপুরা- লুপা করোর ১৪৮

কোবিদ-১৯গী ফিবম অসি য়েংলগা চহি ২০২০-২১গী ওইনা রাজ্যশিংনা গ্রোস স্তেৎ দোমেস্তিক প্রদক(সি এস দি পি)গী চাদা ২ ফাওবা অহেনবা শেনফম ওইনা পুনবগী অয়াবা ২০২০গী মে থাদা কেন্দ্র সরকারনা অয়াবা পীখ্রে। মসিনা রাজ্যশিংদা লুপা করোর ৪,২৭,৩০২গী অহেনবা শেনফম অমা ফংহল্লে। শেনফম অসিগী চাদা ১ মখাদা পীরিবা রাজ্য থাক্তা অহোংবা থবক মরি পাংথোক্নবা শীজিন্নগনি, অহোংবা থবক অমদা জি.এস.দি.পিগী চাদা ০.২৫ শীজিন্নগনি:

ক. লৈবাক অমা রেসন কার্দ অমা থবক ওইনা পাংথোকপা;

খ. ললোন-ইতিক্কী থবক অহোংবা পুরক্নপা লাইহনবা;

গ. অর্বান লোকেল বোদি/য়ুতিলিতি অহোংবা পুরকপা; অমসুং

ঘ. পৱার সেক্তরগী অহোংবশিং

লেমহৌরিবা অহেনবা পুবা য়াবা চাদা ১গী শেনফম অসি চাদা ০.৫০গী ইন্সতোলমেন্ত অনি থোক্নবা পীগনি- অহানবদা খুদক্তা রাজ্যশিংদা অনতাইদ ওইনা পীগনি অমসুং অনিসুবনা মথক্কী হোংবশিং য়ামদ্রবদা ৩ পাংথোক্নবা পীগনি। ওপন মার্কেত বোরোৱিংস(ও এম বি) ওইনা অহানবগী চাদা ০.৫০ অসি লৌনবগী অয়াবা ২০২০গী জুন থাদা কেন্দ্র সরকারনা রাজ্যশিংদা পীখ্রে। মসিনা রাজ্যশিংদা লুপা কোরোর ১,০৬,৮৩০গী অহেনবা শেনফম ফংহল্লে।

****



(Release ID: 1658773) Visitor Counter : 4