ইনখৎলক্লিবা নহারোলশিং, মীরোনবী অমসুং খোমজিংবী মমাশিং অমসুং অঙাংশিং অফবা চীঞ্জাক চাদুনা মচি ওইবা চীঞ্জাক ৱাৎনা চাবা হন্থহন্নবা প্রধান মন্ত্রীগী স্কিম পোসান অভিয়ান(২০১৮)গী মখাদা মীয়ামগী চাকচা-য়ুথক হোংহন্নবা অমসুং খোঙজং কনখৎহন্নবা চহি খুদিংগী সেপ্তেম্বর থা অসি  রাস্ত্রিয়া পোসান অভিয়ান হায়না থৌরম পাংথোক্লি।

চহিগী রাস্ত্রিয়া পোসান অভিয়ান পাংথোক্নবা, দরকার ওইবা পাউতাকশিং অমসুং মিৎয়েং থমগদবা পান্দমশিং, থবকশিং ভারত সরকারগী রুরেল দিবলপমেন্ত মিনিস্ত্রিনা স্তেৎ মিসনশিংদা খঙহনখ্রে। পোসান মাহ থৌরমগী থবকশিংগী মতাংদা স্তেৎ মিসনশিংগা খন্ননবা মিনিস্ত্রিগী জোইন্ত সেক্রেতরিনা চিয়রপর্সন ওইদুনা ২০২০গী সেপ্তেম্বর ৭দা ভিদিও কনফরেন্স অমা পাংথোকখ্রে। পোসান মাহগী জাতিগী পান্দম হায়বদি সিবিয়র একুত মালনিউত্রিসন(সাম) লৈবা অঙাংশিং মশক খঙদোকপা অমসুং খোঙ্গুল লিবা অসিগা চুন্নবা অমসুং ইন্সাং-নাপী থানবা ইঙ্খোল কোইবা পু্ক্নিং থৌগৎনবা স্তেৎ মিসনশিংনা মখাগী থবকশিং অসি পায়খৎলে।

১. কোবিদ-১৯গী চৎন-পথাপশিংগী মতুংইন্না, থাপ্না লৈদুনা, মাক্স উপতুনা অমসুং খুৎ হামদুনা অমসুং সেনিতাইজর শীজিন্নদুনা হৌজিক ওইরিবা ফিবম অসিদা সেল্প হেল্প গ্রুপশিংগী মেম্বরশিং অমসুং মখোয়গী ফেদেরসনশিং থৱায় য়াওনা শরুক য়ারি।

২. সেল্প হেল্প গ্রুপশিং অমসুং মখোয়গী ফেদেরেসনশিংনা মমাগী খোম্লাং পীথকপা, অহেনবা চীঞ্জাক পীজবা, কোবিদ-১৯ মনুংদা চহি ০-থা ২৪ ফাওবগী মনুংদা লৈবা অঙাংশিং লায়না ঙাকথোকপা ঙম্বগী শক্তি হেনগৎহন্নবা অঙাঁংশিংদা লৈবা সিবিয়র একুত মালনিউত্রিসন(সাম) ঙন্না খঙদোকপগী মরুওইবগী মতাংদা অপুনবা মীফমশিং পাংথোক্লে।

৩. হেল্থ দিপার্তমেন্ত, ৱুমেন অমসুং চাইল্দ দিপার্তমেন্ত অমসুং অতোপ্পা দিপার্তমেন্তশিংনা পাংথোকপা ওনলাইনদা ৱা খন্নবা অমসুং ৱেবিনারশিংদা লৈকায়গী মীওইশিং শরুক য়াখি।

৪. সেল্প হেল্প গ্রুপশিংগী মেম্বরশিংগী য়ুমদা মচি ওইবা মনা-মশিং থাবা পুক্নিং থৌগৎপা অমসুং খোঙজং অমা ওইনা এম.জি.এন.আর.ই.জি.এসকা পুনশিন্দুনা মীয়াম ৱাখল তাহনবগী থবকশিং পাংথোকখি।

৫. সাপোন্না খুৎ হাম্বা, মাক্স শীজিন্নবা অমসুং মীয়ামদগী থাপ্না লৈবা পুক্নিং থৌগৎখি।

৬. তেক্নোলোজিগী প্লেতফোর্মশিং হায়বদি ৱাতসএপ্প অমসুং তুইতর অমসুং ফেসবুকগুম্বা সোসিএস মেদিয়া শীজিন্নদুনা মরুওইবা পাউজেলশিং শন্দোকপা।

নেসনেল মিসনশিংগী মতেংগা লোয়ন্না, স্তেৎ মিসনশিংনা কোবিদ-১৯গী চৎন-কাংলোনশিং ঙাক্তুনা মপুংফানা পোসান মাহ পাংথোক্লি। স্তেৎ মিসনশিংনা শীন্দুনা ৱেবিনারশিং, পোসান রেল্লিশিং, পোসান রঙ্গোলিশিং, পোসান ৱাশক লৌবা, চাক-ইন্সাং থোঙবা চাংদম্নবা, সেনিতাইজেসন, মনা-মশিং থাবা পুক্নিং থৌগৎপা, অপুনবা মীফমশি পাংথোকখি অমসুং মসিগী পোসান মাহ অসি মীয়াম্না থৱায় য়াওনা শরুক য়াখি অমসুং হকশেল, মচি ওইবা চীঞ্জাক অমসুং সেনিতেসনগী পাউজেলশিং পীখি।  

২০১৬দা “দাসাসুত্রা” চৎনবা হৌদুনা, ফুদ, নিউত্রিসন, হেল্থ এন্দ ৱাস(এফ এন ঐচ দব্লিউ) অসি রুরেল দিবলপমেন্ত মিনিস্ত্রিগী দিনদায়াল অন্তোদয়া য়োজনা-নেসনেল রুরেল লাইভলিহুৎ মিসনগী পান্দমগী শরুক অমা ওইরে। দিনদায়াল অন্তোদয়া য়োজনা-নেসনেল রুরেল লাইভলিহুৎ মিসনগী মখাদা সেল্প হেল্প গ্রুপশিংগী মেম্বরশিং অমসুং মখোয়গী ইমুং-মনুংশিংগী হকশেল, অফবা চীঞ্জাক অমসুং সেনিতেসনগী ফিবম ফগৎহন্নবা, হায়রিবা ৱাফমশিং অসি সেল্প হেল্প গ্রুপশিংগী পান্দম অমা ওইহন্নবা অমসুং খনগৎলবা মফমশিংদা থবকশিং পাংথোক্নবা স্তেৎ মিসনশিংনা থৌরাং কয়া লৌখৎলে। পোসান অভিয়ান শৌগৎনবা অমসুং লমচৎ-শাজৎ হোংনবা পুক্নিং থৌগৎনবা, স্তেৎ মিসনশিংনা থৱায় য়াওনা পোসান মাহ অমসুং পোসান পাখৱারাগী থৌরমশিং পোসান অভিয়ানগী মখাদা লৈবাক শীনবা থুংনা শরুক য়াখি।

রাস্ত্রিয়া পোসান মাহগুম্বা থৌরমশিং অসিনা দিনদায়াল অন্তোদয়া য়োজনা-নেসনেল রুরেল লাইভলিহুৎ মিসনগী থবকশিং য়াংনা পায়খৎনবা খুদোংচাবা অমা পীরে অমসুং কান্নবা ফংগদবা মীওইশিংদা মরুওইবা পাউজেলশিং নিংথিনা য়ৌহনবা ঙম্লে। পোসান মাহ ২০১৯ মনুংদা থবক লাখ ১১.৩৯ পাংথোকখি অমসুং মীওই করোর ১৬.৩৯(জন অন্দোলন পোর্তেলগী মতুংইন্না) শরুক য়াখি। পোসান অভিয়ানগী নোদেল মিনিস্ত্রি ওইরিবা ৱুমেন অমসুং চাইল্দ দিবলপমেন্ত মিনিস্ত্রিনা স্তেৎ মিসনশিংগা পুন্না চৎমিন্নদুনা পোসান মাহ ২০২০গী থবকশিং পায়খৎলি।

কোবিদ-১৯ ঙাকথোক্নবা চৎন-কাংলোনশিং ইন্নবা অমসুং মরুওইবা পাউজেলশিং সেল্প হেল্প গ্রুপশিংগী মেম্বরশিং অমসুং মখোয়গী ইমুং-মনুংদা য়ৌহন্নবা তেক্নোলোজি প্লেতফোর্মশিং শীজিন্ননবা রাজ্যশিংদা তকশিনখ্রে। স্তেৎ মিসনশিংনা জিলাশিং অমসুং ব্লোগশিংদা পাউতাকশিং পীদুনা অমসুং পায়খৎকদবা থবকশিং মশক খঙদোক্তুনা পোসান মাহগী থৌরমশিং পাংথোক্লি।

*****