রাজ্য সভাগী চিয়রমেন শ্রী এম. ভেঙ্কৈয়া নাইদুনা ঙসি হায়খি মদুদি মেম্বরশিংবু সস্পেন্দ তৌবা হায়বসি ফজবা অমা ওইদ্রবসু অপ্পর হাউসকী  চৎন-কাংলোন, থাক অমসুং মগুন ঙাকপা হায়বসি মহাক্কী মথৌনি। হাউসকী চৎন-কাংলোন্না করিগুম্বা তৌদবা য়াদ্রবা মীকুপতা সস্পেন্দ তৌবগী অয়াবা পীরি হায়না মহাক্না ফোংদোকখি।

রাজ্য সভাবু মতম লেপ্তনা য়ৈথোক্ত্রিঙৈ মমাংদা মহাক্কী ৱারোইশিন্দা সেদ্যুলগী নুমিৎ নিপালনি মমাংদা শ্রী নাইদুনা হায়খি মদুদি প্রোতেস্ত তৌবা হায়বসি ওপ্পোজিসনগী হক অমা ওইরবসু হংবা য়াবা ৱাহংদি মদু করম্না তৌগদগে হায়বসিনি।

ওগস্ত হাউসকী ফ্লোর অসি ৱাখল্লোন চাংদম্নবগীদমক্তদি খ্বাইদগী কান্নবা ফংখিবা প্লেৎফোর্ম অমা ওইখি হায়রদুনা মহাক্না করিগুম্বা বোইকোৎ অসি মতম শাংনা তৌশিল্লক্লবদি অতোপ্পশিংদুগী ৱাখল্লোন্দু খন্নবগী মহুত্তা মেম্বরশিংনা মখোয়গী ৱাখল্লোন মতীক চানা ফোংদোক্তনা প্লেৎফোর্ম অসি থাদোকপগী ফিবম লাকই।

ওপ্পোজিসনগী লুচিংবা শ্রী ঘুলাম নবি অজাদ অমসুং হাউসতা লেবর কোদ অহুম পাস তৌবীদনবা তকশিল্লিবশিংগী চিথি পল্লদুনা চিয়রমেন্না হায়খি মদুদি ৱাফম অসি সেদ্যুলগী মতুং ইন্না পুখৎলকপা মতমদা থৌদোক কয়া অমা লৈখি অমসুং বিল অসি মেম্বর খরনা বোইকোৎ হৌরকপদা অয়াবা পীখি। হীরম অসিগী মতাংদা, মহাক্না ফাইনান্স বিল অমসুং এপ্রোপ্রিএসন বিল ২০১৩দা পাস তৌখিবগী মতাংদা পনখি। শ্রী নাইদুনা হায়খি মদুদি করিগুম্বা চিথি অদুদা বিল অসিবু য়ৈথোক্তুনা মখোয়না হাউসতা শরুক য়াগনি হায়না পল্লম্লবদি মতাং অসি মহাক্না সরকার অসিগা খন্নরমগদবনি। মহাক্না হায়খি মদুদি অদুগুম্বা ৱাফম অমত্তা পল্লকখিদে। অতোপ্পা অমদনা মেম্বর খরনা মখোয়না তৌরিবদু চুম্মি হায়রি। মরম অসিনা মহাক্না বিল অসিদা অয়াবা পীখিবনি হায়খি।

সেসন অসি কান্নবা ফংবরোমদা য়েংলবদি পেন্নিংঙাই ওই হায়রদুনা মহাক্না খন্ননিংঙাই ওইবা মতাংসু লৈতবা নত্তে হায়খি। "ঐখোয়না তুংদা চাউখৎপা পুরক্কদবা থবকশিংদা ৱাখল থাদগদবনি" হায়না মহাক্না হায়খি।

চিয়রমেন্না হায়খি মদুদি ওগস্ত হাউসকী পুৱারীদা ইহান হানবা ওইনা, দ[ইতী চিয়েমেন লৌথোক্নবগী মোসনগী নোতিস অমা থাংগৎলকখি অমসুং মদু ককথৎখি। মহাক্না মখা তানা ফোংদোকখি মদুদি তঙাইফদনা নুমিৎ ১৪নিগী মাংজৌননা পীগদবা নোতিস অদু পীখিদে।

অসিগুম্বা মমাংদা লৈখিদ্রিবা মুব অসি পল্লদুনা মহাক্না হায়খি মদুদি মখোয়দা অসিগুম্বা ইকাইখুম্ননিংঙাই ওইবা ফম অমসুং ওগস্ত হাউসপু থমোইদা লুম্না লৌজবশিংদদি য়াম্না থমোই শোক্নিংঙাই অমা ওই। মহাক্না মেম্বরশিংদা অসিগুম্বা থাজদবা মওং মতৌ অসি মতুংদা অমুক হন্না লাক্তবা ওইসনু হায়না আপিল তৌখি।

মেম্বরশিংবু সস্পেন্দ তৌবা অমসুং প্রোসিদিং চত্থবদা হাউসকী কাংলুপ খরনা বোইকোৎ তৌরিঙৈদা বিল পাস তৌবসি অহানবা নত্তে হায়রদুনা মহাক্না হায়খি, "থৌদোক অসি ইশামক থমোই শোক্না নুংঙাইতে। অসিগুম্বা থৌদোক অসি মতুং থোকহন্দনবা ঐখোয় পুম্নমক্না হোৎনমিন্নগদবনি।"

ওগস্ত হাউস অসিগা চহী ২২ লোইনদুনা লাক্লে হায়না ফোংদোক্লদুনা শ্রী নাইদুনা হায়খি মদুদি চরাংনবা মরক্তা বিল পাস তৌবা মীকুপ খুদিং মহাক নুংঙাইতবা ফাওই। চিয়রমেন্না হায়খি, "ওগস্ত হাউস অসিগী চিয়রমেন অমা ওইনা অসিগুম্বা থৌদোক থোকপা উবদনা হেন্না নুংঙাইতে। থৌদোক কয়ানা চিয়র অসি উপাই লৈতবা মীকুপ লাকপদা থমোই শোকই অমসুং কাংলোনগী মতুং ইন্না মেম্বরশিংগী মাইয়োক্তা থবক লৌখত্তবা য়াদবনা লৌখৎপা তারকই।"

চিয়রমেন্না মেম্বরশিংদা নিংশিংখি মদুদি অনীরক হন্না ১৯৯৭ অমসুং ২০১২তা ওগস্ত হাউসতা মেম্বর খুদিংমক্না কাংলোনশিং অমসুং প্রোসিজ্যুরশিং ইন্দুনা হাউসকী অশেংবা মশক ঙাকমিন্ননবা ৱারেপ লৌমিন্নখি। মহাক্না হায়খি মদুদি হাউস অসিগী মথৌ নিংথীনা তৌহনবা হায়বসি মেম্বর খুদিংমক্কী থৌদাংনি "মসিনা ঐখোয়না মীয়ামগী থবক তৌনিংলিবসি মাই পাকপা ঙমগনি।"

ওপ্পোজিসনগী লুচিংবা ওইরিবা শ্রী অজাদকী হাউসকী এল.ও.পি.গী স্তেন্দিং হন্থহনবগী ৱাফম পল্লদুনা মহাক্না হায়খি মদুদি হাউসকী থবক থৌরম খুদিংদা ওপ্পোজিসনগী লুচিংবনা খ্বাইগী ময়াইনি। শ্রী নাইদুনা হায়খি মদুদি হাউসকী থবক থৌরমদা চয়েৎনবা অমা লাকপা মতমদা মহাক্কী ৱাফম তানবগীদমক মহাক্কা মতম চুপ্পদা তান্নৈ।

রাজ্য সভাগী ২৫২ শুবা সেসন অসি নোভেল কোরোনা ভাইরস্না মরম ওইদুনা অনৌবা হীরম কয়া পুখৎখি হায়না পল্লদুনা মহাক্না হায়খি মদুদি হাউস অসিদা মীফম ১০ লৈখি অমসুং তোঙান-তোঙানবা মফমদগী পার্লিয়ামেন্তকী হাউসকী চেম্বর অমসুং হাউস অসিগী গেল্লরী মরি য়াওনা মফম তরুক্তগী থবক তৌখি, হায়রিবসি রাজ্য সভাগী পুৱারীদা অহানবনি।

কোবিদ-১৯না মীওইবগী পুন্সিদা মখা তানা শিংনদুনা লৈরিবনা মরম ওইদুনা রাজ্য সভাগী মীফম অসি ফমগদবা মীফম ১৮গী মমাংদা মীফম নিপাল লোইশিনখি হায়রদুনা মহাক্না হায়খি, "ঐখোয়না অনৌবা মহৌশাগী পুন্সিদা হঞ্জিল্লক্নবা হোৎনবদা তোঙান-তোঙানবা শীন্দোক শীঞ্জিন কয়া চত্থবা তাই।"

সেসম অসিগী মতাংদা ফোংদোক্লদুনা মহাক্না হায়খি মদুদি মীফম ১০গী মনুংদা, বিল ২৫ পাস তৌখি বিল তরুক্না পুথোকখি। সেসন অসিগী মনুংদা অপ্পর হাউসকী কান্নবগী চাং চাদা ১০০.৪৭ ওইখি। হৌখিবা সেসন অহুম অসিদা লৈখিবা অনৌবা কান্নবা ফংবগী চাং অসি মখা তানা লেপত্রি। "হৌখিবা সেসন ৪ অসিগী মপুং ওইবা প্রদক্তিবিতী অসিগী মহৈনা চাদা ৯৬.১৩ ওইরে।" অসিগুম্বা সেসন মরিগী অৱাংবা প্রদক্তিবিতী অসিনা হৌখিবা চহী মঙা অসিদা খ্বাইদগী ৱাংবা ওইরি" হায়না চিয়রমেন্না হায়খি।

মহাক্না হায়খি মদুদি মীফম ১০গী মনুংদা স্তার তৌদবা ৱাহংগী অইবা পাউখুম ১,৫৬৭ পীখি, অদুগা মেম্বরশিংনা অথুবা মীয়ামগী মরুওইবা ৱাফম জিরো আৱর ৯২গী থোংদা পুখৎখি অমসুং স্পিসিএল মেন্সন ৬৬ থাংখৎখি। মসিগী মথক্তা, মেম্বরশিংনা কোবিদ-১৯ লাইচৎ শন্দোক্লকপা, মসিগী ফল, অমসুং শেম শাবগী মতাংদা মরুওইবা ৱাফমশিং অমসুং লদ্দাখ ঙমখৈগী মতাংদা খন্নখি।

শ্রী নাইদুনা দোক্তর, নর্স, পেরা-মেদিকেল স্তাফ, সেনিতেসন ৱার্কর, সাইন্তিস্ত অমসুং লৌমীশিংবু থাগৎপা ফোংদোকখি। মহাক্না পুলিস অমসুং আর্ম্দ ফোর্সেস্কী মীওইশিংবু লৈবাক অসি ঙাক শেনবীবগীদমক অপেনবা ফোংদোকখি।

*****