কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

পার্লিয়ামেন্তনা ইসেন্সিএল কোমোদিতিজ (এমেন্দমেন্ত) বিল, ২০২০ পাস তৌখ্রে

বিল অসিনা লৌমী খক্তা নত্তনা পোৎ শিজিন্নরিবা অমসুং শেন্থং পীথরিবশিংদদী অকোইবদা কান্নবা পীরগনি

লেজিসলেসন্না পোৎ থমফম অইংবা মফম, চাননবা পোৎ য়েন্থোকপদা ওন্থোকপা, মমলগী অরেপ্পা লৈহনবা, পোৎ য়োনবগী এনভাইরোনমেন্ত শেমগৎপা হেন্না মতেং পাংলগনি অমসুং লৌউ-শিংউবগী পোত্থোক মাংহনবদগী কনবা

Posted On: 22 SEP 2020 1:22PM by PIB Imphal

ইসেন্সিএল কোমোদিতিস (এমেন্দমেন্ত)বিল,২০২০ না মরুওইনা চংদবা য়াদ্রবা পোৎলমশিং হায়বদি মরু-মরাং, হৱাই-চেংৱাই, থাওমরু, চান্নবা থাও, তিলহৌ অমসুং আলু অসি ইসেন্সিএল কোমোদিতিদগী লৌথোক্নবা ঙসি রাজ্যা সভাদা পাস তৌখ্রে। অহানবদা বিল অসি কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী মিনিস্তর ওফ স্তেত শ্রী দানভে রাওসাহেব দাদোরানা ২০২০গী সেপ্তেম্বরগী ১৪দা লোক সভাদা ২০২০গী জুনগী ৫দী ওর্দিনান্স মহুৎ শিন্নবা পুথোকখি। বিল অসি ২০২০গী সেপ্তেম্বরগী ১৫দা লোক সভাদা পাস তৌখি। 

ই.সি (এমেন্দমেন্ত)বিল,২০২০ অসিদী পান্দমদি মরনাইগী ওইবা ইনভেস্তরশিংনা মশাগী কান্নবা য়েংদুনা অহেনবা কয়া অমদগী ঙাকথোক্নবনি। পোৎ পু্‌ত্থোকপা, থম্বা, থাংদোকপা, পীথোকপা অমসুং য়েন্থোকপনচিংবা অসি মনিং তম্না তৌজবনা প্রাইভেৎ সেক্তর/অতোপ্পা মীরমগী ইনভেস্তরশিংনা লৌউবা সেক্তরদা মিয়েং চংগনি। মসিনা পোৎ থমফম অইংবা মফমদা পৈশা থাদবা অমসুং চান্নবা পোৎলম য়েন্থোকপদা মায়োন অমা চুম্লগনি।    

সরকারনা হৌজিক অকোইবগী ফিবম ফগৎনবা হোৎনরিঙৈ অসিদা পোৎ লৈরিবাশিং অসিগীসু শাফনবা থাজবা পীরি। মসি এমেন্দমেন্ত অসিদা য়াওরি, মদুদি করিগুন্বা ফিবম অমা হায়বদি লান, চাক তাংবা থোকপা, পোৎকী মমল য়াম্না ৱাংলকপা অমসুং মহৌশাগী ওইবা অৱাবা তারকপদা লৌউ-শিংউবগী পোৎলমশিং মেনখৎকনি। অদুম ওইনমক ভেল্যু চেন লৈরিবা অসিগা অমসুং মপালগী ওইবা তালক্লিবা অসিদি অয়াবা অমা পীদুনা ইনভেসমেন্ত তৌরিবশিংদা পুক্নিং হন্থদনবা হোৎনগনি। 

ঙসি রাজ্যা সভানা পাস তৌখ্রবা বিল অসিগী মতাংদা ৱা খন্নবদা পাউখুম পীরদুনা কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী মিনিস্তর ওফ স্তেত শ্রী দানভে রাওসাহেব দাদোরানা হায় মদুদি মসিগী এমেন্দমেন্ত অসি পোৎ থমফম মরাং কাইনা লৈতবনা লৌউবগী পোত্থোকশিং মাংলগদবদগী কনগনি।  মহাক্না হায়খি মদুদি বিল অসিনা লৌমী খক্তা নত্তনা পোৎ শিজিন্নরিবা অমসুং শেন্থং পীথরিবশিংদদী অকোইবদা কান্নবা পীরগনি। মহাক্না হায়খি মদুদি মসিগী এমেন্দমেন্ত অসিনা সপ্লাই তৌরিবশিংদা হেন্না কান্নবা পীরগনি। মসিগী এমেন্দমেন্ত অসিনা সরকারদা মখোয়না শকখিবা ৱাশক অদু হায়বদি লৌমীশিংদা মখোয়গী ইনকম হেনগৎহনবদা মতেং ওইরগনি।

বেকগ্রাউন্দ:

ইন্দিয়া হৌজিক্তি লৌউবা অমসুং মসিগী পোত্থোক্তা য়াম্না হেনগৎলে, লৌমীশিংনা মমল য়াম্না শেনদোং লৈবা ঙম্লে হায়বদি মখোয়না কোল্দ স্তোরেজ, ৱায়রহাউস পুম্বা ইসেন্সিএল কোমোদিতিস এক্ত মতুং ইন্না লৈবননি। লৌমীশিংনা মখোয়গী পোত্থোক হায়বদি পৎ পুমগনবদা য়াম্না পাক চাওনা মাং তাকপা থোকই। লেজিসলেসন্না অসিগুম্বা অসি থোক্তনবা কোল্দ স্তোরেজ অমসুং চান্নবা পোৎলম য়েন্থোকপদা মায়োন অমা চুম্লগনি। মসিনা লৌমী অমসুং পোৎ লৈরিবশিংদা মমল লেপ্তুনা কান্নবা পীরি।

****



(Release ID: 1657771) Visitor Counter : 11