প্রধানমন্ত্রীগী লোইশঙ
য়ুনাইতেদ জেনরেল এসেমব্লীদা প্রধান মন্ত্রী মোদীগী ৱারোল
Posted On:
22 SEP 2020 9:46AM by PIB Imphal
জেনরেল এসেমব্লীগী অধ্যক্ষ য়োর এক্সেলেন্সী শ্রী ভোলকন বোজকির, এক্সেলেন্সীশিং, ইকাইখুম্নজরবা অমদি ইকাইখুম্নজরবশিং পুম্নমকপু খুরুমজরি!
চহি হুম্ফুতরা মঙাগী মমাংদা লানগী অকিবা ফীভমশিং অদুদগী অনৌবা মংলান অমা মোংলকখি। মীওইবগী পুৱারী অসিদা ইহান হানবা ওইনা মালেম পুম্বগী ওইনা লোইশঙ অমা শেমখি। য়ু.এন. চার্তর লিংখৎপগী খুৎয়েক পীবা অমা ওইনা ভারত অসি মদুগী অথোইবা মিৎয়েং শানবা অদুগী শরুক ওইখি। মসিনা ভারতকী ওইবা ফিলোজোফী খুশেমপুম্বা ইমুং অমত্তা ওইনা উবা ‘বসুধৈব কুতুম্ভকম’গী মমি অসি উবা ফংহল্লি।
ঙসি ঐখোয়গী তাইবংপাল অসি য়ুনাইতেদ নেসন্সকী মরম্না হেন্না অফবা মফম অমা ওইবা ঙমহল্লিবনি। য়ু.এন.গী ফীরালগী মখাদা ইং-তপ্পা অমদি চাউখৎনবগী পরম য়াৎপিরম্লিবশিংগী মফমদা ঐখোয়না শ্রদ্ধাঞ্জলী কৎচরি। য়ু.এন.গী ইং-তপ্না থম্নবগী মিশনশিংদা য়াওরদুনা ভারত অসি মাংজিল থানা থৌদাং য়ারিবা অমা ওইদুনা লাক্লি।
অদুমওইনমক থবক কয়া অমা য়াম্না মপুং ফানা পাংথোক্ত্রিঙৈফাওবা মরুওইবা মিশন অসি মপুং ফাদনা লৈরি। অদুগা পাংথোকপদা মতম শাংনা চংখিগদবা অসি লাউথোক্লিবা অসিদা হৌজিকসু পাংথোকপগী মথৌ তাই হাইবা অসি ঐখোয়না য়াজরিবা থবকশিং অসিদিঃ লান্থেং অসি খাম্বা, চাউখৎহনবগী থবক অসি চপ চানা লৈহনবা, নোংজু-নুংশা হোংলকপগী ৱাফম থম্বা, মান্নদনা তৌবগী মওংশিং অসি হন্থহনবা অমসুং দিজিতেল তেক্নোলোজীশিং অসিদগী কান্নবা লৌবনি। লাউথোকপা অসিদা য়ুনাইতেদ নেসন মশামক অসিসু অনৌবা মওংদা ওন্থোকপগী মথৌ তাই হায়বসিসু য়াজরি।
ঙসি ঐখোয়গী শিংনবশিং অসি মতমসিগা চান্নদ্রবা মওংদা লান্থেংনবা য়ারোই। মপুং ফানা অনৌবা মওংদা শেমদোকপশিং অসি য়াওদনা য়ু.এন.গী থবকশিং অসি চপ চানা পাংথোকপা ঙমগনি হায়বগী থাজবা অদু লৈরোই। ঙসিগী অমগা-অমগা লোইনা মরি লৈনরবা মালেম অসিদা তোঙান-তোঙানবা লৈবাকশিংনা পুন্না থৌদাং লৌমিন্নবাঃ ঙসিগী অশেংবশিং অসি উহনবা ঙম্বা, স্তেকহোল্দরশিং পুম্নমকপু খোঞ্জেল থোকহনবা, মতমসিগী ওইবা শিংনবশিং থম্বা ঙম্বা, অমসুং মীওইবগী য়াইফনবগীদমক্তা মাই ওনশিনবগী মওং অসি অনৌবা মওংদা শেমদোকপগী মথৌ তাই।
ভারতনা অতোপ্পা লৈবাকশিং পুম্নমক্কা লোইবফাওবা থবক তৌমিন্নবা পাম্মি।
থাগৎচরি।
খুরুমজরি!
*****
(Release ID: 1657654)
Visitor Counter : 204
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam