রোদ ত্রান্সপোর্ত অমসুং হাইৱে মন্ত্রালয়
প্রধান মন্ত্রীনা বিহারদা লুপা করোর ১৪,০০০রোম ওইগদবা নেস্নেল হাইৱে প্রোজেক্ত মাপলগী উরেপ উয়ুং তমখ্রে
প্রোজেক্তশিং অসি লোয়রকপদা বিহারগী অচৌবা তুরেল পুম্নমক্তা থোংশিং লৈরগনি
পি.এম.গী পেকেজকী মখাদা, গঙ্গা তুরেলগী মথক্তা শারিবা থোংশিংগী অপুনবা মশিং অসি ১৭ ওইরগনি লোয়ননা লেন কেপাসিতী অসি ৬২ ওইরগনি
মুখ্য মন্ত্রী শ্রী নিতিশ কুমারনা রাজ্য অসিদা হাইৱেশিং অমসুং থোংশিং অথুবদা লোয়শিনবগীদমক থাগৎখি; বক্সর – বারানসী দাইরেক্ত রুৎকী তঙাই ফদবগী অপাম্বা ফোঙদোকখি
Posted On:
21 SEP 2020 3:26PM by PIB Imphal
ঙসি বিহারদা প্রধান মন্ত্রী শ্রী নরেন্দ্র মোদীনা হাইৱে প্রোজেক্ত মাপলগী উরেপ উয়ুং তমখ্রে। মহাক্না বিহারগী খুঙ্গং পুম্নমক্তা ইন্তর্নেৎ সর্ভিসশিং ফংহন্নবা ‘হর গাও ওপ্তিকল ফাইবর কেবল’গীসু উরেপ উয়ুং তমখি। কেন্দ্রগী মন্ত্রী শ্রী রবি শঙ্কর প্রসাদ অমসুং শ্রী গিরিরাজ সিংহ, বিহারগী গভর্নর শ্রী ফগু সিংহ, উপ মুখ্য মন্ত্রী শ্রী সুশিল কুমার মোদী, কেন্দ্রগী এম.ও.এস.শিং আর কে সিংহ, জেন (দা) ভি কে সিংহ (রিতাইয়র্দ), শ্রী অশ্বিনি কুমার চৌবে, শ্রী সঞ্জে ধোত্রে, রাজ্য অসিগী মন্ত্রীশিং, তোঙান তোঙানবা এম.পি.শিং. এম.এল.এ.শিং অমসুং কেন্দ্র অমদি রাজ্য অসিগী মকোক থোংবা ওফিসরশিংনা শরুক য়াবা ভর্চ্যুএল থৌরম অসিদা মুখ্য মন্ত্রী শ্রী নিতিশ কুমারনা থৌরম মপুং ওইখি।
থৌরম অসিদা ৱা ঙাংলদুনা প্রধান মন্ত্রীনা হায়খি, ঙসি অসি বিহারগী ইনফ্রাস্ত্রকচরগী চাউখৎ থৌরাং অমসুং শেন্মীৎলোনগী থবক থৌরমশিং খুমাং চাউশিন্নবা মরু ওইবা নুমিৎ অমনি। মহাক্না হায়খি, ইনফ্রাস্ত্রকচরদা চাউনা শেল থাদবা লৈবাকনা চাউখৎলি হায়বা অসি ইতিহাস্না শাখি ওইরি। ঙসি, হাইৱেশিং অসি হান্নগী থবক শুবগী খোঙজেলদগী শরুক অনি হেনগৎনা শুরি। লম্বী শাবদা শেল থাদবা অসিসু শরুক মঙা হেনগৎখ্রে। মহাক্না হায়খি, ইনফ্রাস্ত্রকচরগী চাউখৎ থৌরাং অসিগী বিহারনা খ্বাইদগী চাউনা কান্নবা ফংলগনি। ঙসিগী প্রোগ্রাম অসিগী প্রোজেক্ত অসিনা রাজ্য অসিগী মরু ওইবা সহরশিং ফাওনহল্লগনি। মহাক্না হায়খি, বিহারগী লম্বী শেমগৎ শাগৎপগী থৌরাং তৌরিঙৈদা সরকারনা তুরেলশিংগী মথক্তা থোংশিং শাবদা মরু ওইবা মীৎয়েং থমখি। মরম অসিনা বিহারদা থোং ১৭ শারি। মহাক্না হায়খি, লৈবাক অসিগী মল্তি-মোদেল ত্রান্সপোর্ত সিস্তেম শেমগৎনবা মীৎয়েং চংশিল্লি। মহাক্না হায়খি, লাক্কদৌরিবা চহি ৪-৫ অসিদা ইনফ্রাস্ত্রকচরদা লুপা করোর ১১০ হেন্না চাদিং তৌনবা সরকারনা লাউথোকখি। মসিগী মনুংদা লুপা করোর লাখ ১৯রোমগী প্রোজেক্তশিং অসি হাইৱেশিংগী চাউখৎ থৌরাং খক্তগী কায়থোকখি।
Improving infrastructure and digital connectivity across Bihar. #NayeBiharKaNirmaan https://t.co/z5MOrl0S5a
— Narendra Modi (@narendramodi) September 21, 2020
প্রধান মন্ত্রীনা হায়খি লম্বী থোংগা মরী লৈনবা ইনফ্রাস্ত্রকচর ফগৎহন্নবা হোৎনরিবশিং অসিনা বিহারদসু কান্নবা ফংহল্লগনি। ২০১৫দা লাউথোকখিবা প্রধান মন্ত্রীগী পেকেজ অসিগী মখাদা, কি.মি. ৩০০০গী নেস্নেল হাইৱেজ প্রপোজ তৌখি। মসিগী মথক্তা, ভারতমলা প্রোজেক্তকী মখাদা কিলোমিতর তরুক মখাই শাংবা নেস্নেল হাইৱেজ অমা শাখি। ঙসি বিহারদা নেস্নেল হাইৱেজ গ্রিদকী থবক থৌরম অসি খোঙজেল য়াংনা চত্থরি। নোংপোক থংবা অমসুং নোংচুপ থংবা বিহারগী লম্বী লেন মরি ওন্থোক্নবা প্রোজেক্ত ৫গী থবক চত্থরি অমসুং অৱাং থংবা ভারতকা খা থংবা ভারতকা লোয়ননা লম্বী ফগৎহন্নবা প্রোজেক্ত ৬কী থবক চত্থতি।
মুখ্য মন্ত্রী শ্রী নিতিশ কুমারনা হায়খি, পি.এম.গী পেকেজ অসিদগী হেন্দোক্তুনা কেন্দ্রনা রাজ্যগী ইনফ্রাস্ত্রকচরদা শেল থাদরি। মহাক্না প্রধান মন্ত্রীনা রাজ্য অসি চাউখৎনবা হোৎনরিবা অসিবু থাগৎখি। মহাক্না কেন্দ্রনা রাজ্য অসিদা লম্বী থোং অথুবদা লোয়শিন্নবা হোৎনরিবা অসিবু থাগৎপা ফোঙদোকখি। অদুম ওইনমক মহাক্না বক্সর অমসুং বারানসীগী মরক্তা দাইরেক্ত রুৎ অমা মথৌ তারিবা অসি খন্থবীনবা হায়জখি। মুখ্য মন্ত্রীনা এন.ঐচ.দা ত্রাফিক চিন্দনবা চাং মান্নহনবা তঙাই ফদবগী মতাংদসু ফোঙদোকখি। শ্রী নিতিশ কুমারনা হায়খি সরকারনা রাজ্য অসিগী মীয়ামগী পর কেপিতাল ইনকম হেনগৎহন্নবা তৌবা য়াবা পুম্নমক তৌরি। লম্বীশিং শেমজিনবা মরু ওই হায়না থম্লদুনা মহাক্না হায়খি লম্বী অমসুং থোং অসি পব্লিক গ্রিভান্স সিস্তেমগী শরু অমা ওইহনখি। মহাক্না হায়খি মহৌশাবু ঙাক শেন্দুনা থম্নবা নেস্নেল হাইৱেজকী নাকলদা উ পম্বী মশিং য়াম্না থারগনি।
লো অমসুং জস্তিস, ইলেক্ত্রোনিক অমসুং ইনফোর্মেসন তেক্নোলোজী অমদি কম্ম্যুনিকেসনগী কেন্দ্রগী মন্ত্রী শ্রী রবি শঙ্কর প্রসাদনা হায়খি নুমিৎ অসি বিহারগী ওইনা নীংশিংদুনা লৈহৌরগনি মরমদি ফিজিকেল অমসুং দিগিতেল ইনফ্রাস্ত্রকচরগা মরী লৈনবা অচৌবা প্রোজেক্ত অনি হৌদোকখ্রে। প্রসাদনা হায়খি কেন্দ্রগী তেলিকম্ম্যুনিকেসন বিভাগকী ইন্তর্নেৎ সর্ভিসশিং ফংহন্নবা হর গাও ওপ্তিকেল ফাইবর কেবলগী প্রোজেক্ত অসি ইলেক্ত্রোনিক অমসুং ইনফোর্মেসন তেক্নোলোজী মন্ত্রালয়গী কম্মন সর্ভিস সেন্তরশিং (সি.এস.সি.শিং)না ইমপ্লিমেন্ত তৌগনি। খুঙ্গংগী মফমশিংদা ই-সর্ভিসশিং ফংহনবদা মসি য়াম্না মরু ওইগনি।
আর.তি.ঐচ.কী কেন্দ্রগী রাজ্যগী মন্ত্রী জেন (দা) ভি কে সিংহ (রিতাইয়র্দ)না হায়খি প্রোজেক্তশিং অসিনা লুপা করোর ১৪২৫৮ চংগদবা কিলোমিতর ৩৫০ শাংবা লম্বী অমা শাগনি। মহাক্না হায়খি লম্বীশিং অসিনা রাজ্য অসিগী মনুং অমসুং অকোয়বদা লম্বী থোং ফাওন্দুনা চৎথোক চৎশিন তৌবদা নুংঙাইহন্দুনা শেন্মীৎলোন ফগৎহল্লগনি। রাজ্য অসিগী মীওইশিং অমসুং পোৎ পুবশিং চত্থোক চৎশিন তৌবা চাউনা হেনগৎহল্লগনি মরু ওইনা য়ুম্লোন্নরিবা উত্তর প্রদেশ, ঝারখন্দ অমসুং ৱেস্ত বেঙ্গল হায়রিবা রাজ্যশিং অসিগী চত্থোক চৎশিন তৌবদা হেনগৎহল্লগনি। মহাক্না হায়খি, লম্বী ফবনা মতম অমসুং থাও চংবা হন্থহল্লি লোয়ননা মৈখু থোকপা হন্থহল্লি। প্রোজেক্তশুং অসিনা লম্বী অমসুং তাউনশিং ফাওনরিবা লম্বীশিং চিনবা ফহল্লগনি অমসুং লম্বী চত্থোক চৎশিন তৌবদা নুংঙাইহল্লগনি।
উপ মুখ্য মন্ত্রী শ্রী সুশিল কুমার মোদীনা হায়খি, প্রোজেক্তশিং অসি চহি মরিগী মমাংদা লাউথোকখিবা লুপা করোর ১,২৫,০০০গী পি.এ,.গী পেকেজকী শরুক্নি। অমরোমদা মমাংদা বিহারদা তুরেলগী থোং অমা খক্তা লৈরম্মী অদুবু হৌজিক্তি রাজ্য অসিগী তুরেলশিংগী মথক্তা থোং ১৭ লৈরগনি। মহাক্না হায়খি, রাজ্য সরকারনা মীয়ামগী য়াইফনবগীদমক ইনফ্রাস্ত্রকচরগী চাউখৎ থৌরাংগীদমক কন্না হোৎনরি। মহাক্না হায়খী, ঙসি বিহারগী অসি কেন্দ্র অমসুং রাজ্যগী মরক্তা পুন্না থবক তৌমিন্নবগী অচৌবা খুদম অমা ওইরে।
প্রধান মন্ত্রীনা ২০১৫গী চহিদা বিহারগী অচৌবা ইনফ্রাস্ত্রকচরগী চাউখৎ থৌরাংগীদমক অখন্নবা পেকেজ অমা লাউথোকখি। মসিদা লুপা করোর ৫৪,৭০০রোমগী প্রোজেক্ত ৭৫ য়াওখি মসিগী মনুংদা প্রোজেক্ত ১৩দি লোয়খ্রে, প্রোজেক্ত ৩৮গী থবক চত্থরি অমসুং অতোপ্পগীনা দি.পি.আর./বিদিং/শেল কায়থবগী তাঙ্কক্তা লৈরি। প্রোজেক্তশিং অসি লোয়রকপদা বিহারগী তুরেল পুম্নমক ২১শুবা চহিচাগা চান্নবা থোংশিং লৈরগনি অমদি মরু ওইবা এন.ঐচ.শিং অসি পাকথোক চাউথোক্লগনি। পি.এম. পেকেজকী মখাদা, গঙ্গা তুরেলগী মথক্তা লৈবা থোংশিংগী অপুনবা মশিং ১৭ ওইরগি লোয়ননা লেন কেপাসিতী ৬২ ওইরগনি। অসুম তৌদুনা চাংচৎতা রাজ্য অসিগী কিলোমিতর ২৫ ঝুদিংগী তুরেলশিংগী মথক্তা থোং অমমম লৈরগনি।
মসিদা য়াওরিবশিং অদুদি লুপা করোর ১১৪৯.৫৫ চংগদবা এন.ঐচ.-৩১গী বাখিৎয়ার্পুর-রাজৌলি সেক্সনগী কি.মি. ৪৭.২৩ শাংবা অসি লেন মরি ওনবা, লুপা করোর ২৬৫০.৭৬ চংগদবা এন.ঐচ.-৩১গী (পেকেজ-৩) বাখিৎয়ার্পুর-রাজৌলি সেক্সনগী কি.মি. ৫০.৮৯ শাংবা অসি লেন মরি ওনবা, লুপা করোর ৮৮৫.৪১ চংগদবা এন.ঐচ.-৩০গী অরা-পরারিয়া সেক্সনগী কি.মি. ৫৫ শাংবা অসি ই.পি.সি. মোদতা লেন মরি ওনবা, লুপা করোর ৮৫৫.৯৩ চংগদবা এন.ঐচ.-৩০গী পরারিয়া-মোহনিয়া সেক্সনগী কি.মি. ৬০.৮০ শাংবা অসি ই.পি.সি. মোদতা লেন মরি ওনবা, লুপা করোর ২২৮৮ চংগদবা এন.ঐচ.-১৩১এগী নরেনপুর-পুর্নিয়া সেক্সনগী কি.মি. ৪৯ শাংবা অসি ঐচ.এ.এম. মোদতা লেন মরি ওনবা, লুপা করোর ৯১৩.১৫ চংগদবা এন.ঐচ.-১৩১জিগী পত্না-রিং লম্বী পেকেজ-I (কনহৌলি-রামনগর)গী কি.মি. ৩৯ শাংবা অসি ই.পি.সি. মোদতা লেন তরুক ওনবা, লুপা করোর ২৯২৬.৪২ চংগদবা পত্নাগী এন.ঐচ.-১৯গী গঙ্গা তুরেল য়ৌবগা লোয়ননা লেন-মরিগী অনৌবা কি.মি. ১৪.৫ শাবা থোং অমা শাবা (হৌজিক লৈরিবা এম.জি. সেতুগা খমব্রাংননা) লুপা করোর ১৪৭৮.৪০ চংগদবা লেন-২গী কোইলা থাবা এন.ঐচ.-১০৬তা কোসি তুরেল লান্দুনা লেন-৪গী কি.মি. ২৮.৯৩ শাংবা অনৌবা থোং শাবা অমসুং লুপা করোর ১১১০.২৩ চংগদবা এন.ঐচ.-১৩১বি.দা গঙ্গা তুরেল লান্দুনা লেন-৪গী কি.মি. ২৮.৯৩ শাংবা অনৌবা থোং শাবা (হৌজিক লৈরিবা বিক্রামাশিলা সেতুগা খম্ব্রাংননা)।
*****
(Release ID: 1657506)
Visitor Counter : 210