কেন্দ্রগী লৌউ-শিংউ অমসুং লৌউশিংগী য়াইফ য়ুম্বাল মন্ত্রী শ্রী নরেন্দ সিংহ তোমারনা ঙসি কোবিদ-১৯না থোকহনবা খুদোংচাদবশিংগী মরক্তা ইং ২০১৯-২০দা হান্না পূথোকখিদ্রিবা মওংদা চানবা পোত্থোক মিলিয়ন ২৯৬.৬৫ পুথোকপা ঙমখিবগী লৌউবশিং অমসুং রাজ্য সরকারশিংদা থাগৎপা ফোঙদোকখ্রে। হৱাই অমসুং ওইলসীদ পুথোকপগী চাং অসি মথংশিৎনা মিলিয়ন ২৩.১৫ অমসুং ৩৩.৪২ ওইগনি হায়বগী থাজবা থম্লি। লশিং পুথোকপগী চাং বেল লাখ ৩৫৪.৯১ ওইগনি হায়না থাজবগী মতুং ইন্না মসিনা ভারতপু লশিং পুথোকপদা মালেমগী অহানবা থাক্তা লৈহল্লগনি। হন্দক্কী চহিসিনা ভারতকী লৌউ-শিংউগী পুৱারীদা মশক থোকপা থৌওং পাঙথোকপা উখ্রে। হন্দক্কী চহিগী ওইনা ১১/৯/২০২০ ফাওবগী মনুংদা ওইখিবা খরিফকী লৌরোক থাবা অসি হেক্ত্যার লাখ ১১১৩ ওইখি অমসুং মসিনা মহৌশাগী ওইনা থাবা হেক্ত্যারগী মশিংগী শরুক ৪৬ হেনবা ওইখি। মসিনা লৈবাক অসিদা চিঞ্জাক অমসুং মচি ওইবা চিঞ্জাক লেপ্তনা ফংহনবা ঙম্বগী খুদোংচাবা ফংহল্লি। শ্রী তোমারনা হায়খিবদা মসিগী মশক থোকপা অসি পাঙথোকপগীদমক লৌউবগী খুন্নাই অমসুং রাজ্য সরকারশিংদা অখন্ননা থাগৎফম থোকই হায়খি।

ঙসি মহাক্কী লুচিং মখাদা খরিফ ২০২০-২১গী থবকশিং য়েংশিনবা অমসুং রবি কুমগী শেম-শানবা পাঙথোকখিবা রবি কেম্পেন ২০২০গী লৈবাক্কী কনফরেন্সতা শ্রী তোমারনা হায়খিবদা সরকারনা লৌউবশিংগী ইনফ্রাস্ত্রকচর অমসুং শেন্মিৎলোন ফগৎহন্নবগীদমক্তা অনৌবা থৌওং কয়া অমা পাঙথোক্লি হায়খি। চহি ৪গী ওইনা লুপা করোর লাখ ১গী শেনফম ওইবা এগ্রিকলচরেল ইনফ্রাস্ত্রকচর ফন্দ (এ.আই.এফ.)গী স্কিম অমা কোল্দ স্তোরেজ, ৱেয়রহাউজ, পেকেজিং, এগ্রি-ওন্তোপ্রিনরশিং, লৌউবগী লুপশিং অমসুং লোকেলগী সরকারগী এজেন্সীশিংনা পাম্বীশিং মুলহনবা অমসুং ৱেক্সিং তৌনবা ফেসিলিতী শেম-শানবা হায়দুনা হন্দক্তা লাউথোকখি। রাজ্য অমদা থাদগদবা চাউরাকপা শেনফম অসি মসিগী লৌউ-শিংউবা অমসুং মরী লৈনবা সেক্তরশিংনা পুথোকপা অপুনবা পোত্থোক্কী চাংদা য়ুম্ফম ওইগনি। বেঙ্ককী শেন্দোয়দা ৩%গী চাং হন্থহন্দুনা মখোয়না ফংলিবা লোনশিংগী শেন্দোয়গী চাং অসি ৫.০%দগীনা ৫.৫%গী মনুংদা ওইরগনি। ফার্মরস প্রোদ্যুসর ওর্গনাইজেসন (এফ.পি.ও.) ১০০০০ শেমখিবা অসি লৌউবশিংবু পুন্সিনবা অমসুং অহেনবা শেল ফংনবা পোত্থোক য়োনবগী খোঙথাং অমনি। হায়রিবা অসি কম্পেনী নত্ত্রগা কো-ওপরেতিবকী এক্তকী মখাদা রেজিস্তর তৌগনি অমসুং মসিগী ১৫%গী শরুক অসিনা এস্পিরেস্নেল অমসুং নোতিফাইদ ত্রাইবেলগী লমশিংদা লৈগনি।

কেন্দ্রগী মন্ত্রীনা মখা তানা হায়খিবদা লৌউ-শিংউগী সেক্তর ফগৎহন্নবা হায়দুনা লৌউবশিংনা পোত্থোক য়োনবদা নিং-খা তমহনবগা মরী লৈনবা বিল অনিগী অয়াবা অসি পার্লিয়ামেন্তনা  পীখ্রে। ফারমর্স প্রোদ্যুস ত্রেদ অমসুং কম্মর্স (প্রোমোসন অমসুং ফেসিলিতেসন ) বিল ২০২০ অমসুং ফারমর্স (ইম্পাৱরমেন্ত অমসুং প্রোতেক্সন) এগ্রীমেন্ত ওন প্রাইস এস্যুরেন্স অমসুং ফার্ম সর্বিস বিল ২০২০ অসিনা লৌউ-শিংউ অমসুং মসিগা মরী লৈনবা মীওইশিংবু চাউখৎহনগনি। লৌউবশিংনা তোঙান তোঙানবা মফমশিংদা মখোয়গী পোত্থোক য়োনবা য়ারগনি। সরকারনা হৌজিক লৈরিবা নেৎৱর্কশিং অসিগী খুত্থাংদা মিনিমম সপ্পোর্ত প্রাইস (এম.এস.পি.)দা পোত্থোকশিং লৈবগী থৌওং অদুম চত্থখিগনি। মসিগী খোঙথাং অসিনা  য়াম্না চাউবা লন্নাইগী শেল থাদবশিংগী পুক্নিং চিংশিনগনি অমসুং মসিনা লৌউ-শিংউবা অমসুং খুঙ্গংগী শেন্মিৎলোনবু য়াম্না থুনা চাউখৎহনগনি।

শ্রী তোমারনা হায়খিবদা ভারত সরকারনা চহি ৫গী মনুংদা মাইক্রো-ইরিগেসনগী মখাদা হেক্ত্যার লাখ ১০০গী লম লৈহনবগী পান্দম থম্লি হায়খি। মাইক্রো-ইরিগেসন্না কোনবা মফমশিং অসি হেনগৎহন্নবা হায়দুনা নেস্নেল বেঙ্ক ফোর এগ্রিকলচর অমসুং রুরেল দিবেলপমেন্ত (নাবারদ)কা খুৎশম্নদুনা লুপা করোর ৫০০০গী অখন্নবা মিক্রো-ইরিগেসন ফন্দ (এম.আই.এফ.) অমসু শেমখ্রে। ইং ২০১৯-২০দা দ্রিপ অমসুং স্প্রিঙ্কলর ইরিগেসনগী পথাপ শিজিন্নদুনা লৌউবা লাখ ১১না কান্নবা ফংখ্রে। হৌখিবা চহি ৫গী মনুংদা লৈবাক অসিগী মনুংদা হেক্ত্যার লাখ ৪৭.৯২গী লম অসি মাইক্রো-ইরিগেসনগী মনুং চনখি অমসুং মসিগী মনুংদা মশক থোকপা মাই –পাকপা ওইনা ইং ২০১৯-২০গী মনুংদা ঐচ.এ. লাখ ১১.৭২ য়াওরি।

ভারতকী ওইনা লৌ-থাবগী মরু ওইবা কুম অহুম লৈ- খরিফ, রবি অমসুং কালেন। মসিদা সিরিএল, হৱাই, ওইলসীদ অমসুং কেশ ক্রোপ মশিং য়াম্না থানৈ। রবি অসিনা অপুনবা লৌরোক পুথোকপগী তংখায়গী চাংদা পীবা মরু ওইবা কুম অমনি। চহি খুদিংগী ওইনা কুম অসিগা মরী লৈনবা শেম-শাবা অমসুং লৌরোক্কী মরু, হার অমসুং অতোপ্পা তঙাই ফদবশিংগী ফিভম য়েংশিন্নবা চহি খুদিংগী ওইনা লৈবাক্কী খন্ন-নৈনবগী থৌওং কয়া পাঙথোকই। হন্দক্কী মতাং অসিদা নোং নীংথিনা তাখিদুনা ঈশিং থমফম কয়া থন্দুনা লৈহনখিবা অসিনা অহেনবা খুদোংচাবা কয়া অমা পীরি।

কনফরেন্স অসিনা ইং ২০২০-২১গী ওইনা হৱাই- চেংৱাই পুথোকপগী পান্দম অসি তোন মিলিয়ন ৩০১ য়ৌবগী পান্দম থম্লি অমসুং মসিগী মনুংদা চেং, গেহু, জোৱার, বজ্রা, মেজ অমসুং অপৌবা সিরিএলগী মথংশিৎনা তোন মিলিয়ন ১১৯.৬০, ১০৮.০০, ৫.০০, ৯.৫৭, ২৯.০০ অমসুং ৪৭.৮০ পুথোকপা য়াওরি। হৱাই অমসুং ওইলসীদ পুথোকপদা অহেনবা মিৎয়েং চংলদুনা মখোয়শিং অসি পুথোকপগী পান্দম থম্লিবা অসিনা মথংশিৎনা তোন মিলিয়ন ২৫.৬০ অমসুং ৩৭.০০নি। চানবা থাউ মীরমদগী পুথোকপা হন্থহন্নবা হায়দুনা ওইলসীদ অমসুং ওইল পালম অসি লৈবাক অসিদা থানবা হায়দুনা অহেনবা মিৎয়েং চঙলি। হন্দক্কী রবিগী কুম অসিদা অহেনবা মিৎয়েং চঙবা অসি ওইলসীদকী মখাদা মসস্তার্দকী লমদনি অমসুং মসিবু পুথোকপগী পান্দম অসি তোন লাখ ৯২দগী ১২৫দা হেনগৎখ্রে।

লৌউ-শিংউ অমসুং লৌউবগী য়াইফ য়ুম্বাল অমসুং পঞ্চায়তি রাজকী রাজ্য মন্ত্রী শ্রী পরশোত্তম রুপালা অমসুং লৌউ-শিংউ অমসুং লৌউবগী য়াইফ য়ুম্বালগী কেন্দ্র মন্ত্রী শ্রী কাইলসাহ চৌধরিসু থৌরম অদুদা শরুক য়াখি। কনফরেন্স অদুদা লৌউ-শিংউ, কো-ওপরেসন অমসুং লৌউবগী য়াইফ য়ুম্বাল বিভাগকী সেক্রেতরী; এগ্রিকলচর রিসর্চ অমসুং এজুকেসন বিভাগকী সেক্রেতরী অমসুং আই.সি.এ.আর.গী দাইরেক্তর জেনেরেল অমসুং ফর্তিলাইজরগী সেক্রেতরীগা লোয়ননা অতোপ্পা কেন্দ্রগী মন্ত্রালয়শিং অমসুং রাজ্য সরকারগী সেনিয়র ওফিসারশিংসু কনফরেন্স অদুদা শরুক য়াখি।

প্রজেন্তেসনগীদমক্তা মফম অসিদা নম্বীয়ু

*****