ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ସଂସଦରେ କୃଷି ବିଲ୍ ପାରିତ ହେବା ନେଇ କୃଷକମାନଙ୍କୁ ପ୍ରଧାନମନ୍ତ୍ରୀଙ୍କ ଶୁଭେଚ୍ଛା
प्रविष्टि तिथि:
20 SEP 2020 4:10PM by PIB Bhubaneshwar
ସଂସଦରେ କୃଷି ବିଲ୍ ପାରିତ ହେବା ନେଇ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୃଷକମାନଙ୍କୁ ଶୁଭେଚ୍ଛା ଜଣାଇଛନ୍ତି ଏବଂ ଏହାକୁ ଭାରତୀୟ କୃଷି ଇତିହାସରେ ଏକ ସ୍ମରଣୀୟ ମୂହୁର୍ତ୍ତ ବୋଲି କହିଛନ୍ତି ।
ପ୍ରଧାନମନ୍ତ୍ରୀ ଏକ ଟ୍ଵିଟ୍ ଜରିଆରେ କହିଛନ୍ତି, "ଭାରତୀୟ କୃଷି ଇତିହାସରେ ଏହା ଏକ ସ୍ମରଣୀୟ ମୁହୂର୍ତ୍ତ! ସଂସଦରେ ଏହି ପ୍ରମୁଖ ବିଲ୍ ପାରିତ ହେବା ନେଇ ଆମର ପରିଶ୍ରମୀ ଚାଷୀଙ୍କୁ ଅଭିନନ୍ଦନ । ଏହାଦ୍ୱାରା କୃଷି କ୍ଷେତ୍ରର ସାମଗ୍ରୀକ ବିକାଶ ହେବା ସହିତ କୋଟି କୋଟି କୃଷକଙ୍କ ସଶକ୍ତିକରଣ ସମ୍ଭବ ହେବ ।
ଦଶନ୍ଧି ଧରି ଭାରତୀୟ କୃଷକ ବିଭିନ୍ନ ପ୍ରତିବନ୍ଧକର ସାମନା କରିବା ସହ ମଧ୍ୟସ୍ଥିମାନଙ୍କ ଅସୁବିଧାର ଶିକାର ହେଉଥିଲେ । ସଂସଦରେ ପାରିତ ହୋଇଥିବା ବିଲ୍ କୃଷକମାନଙ୍କୁ ଏଭଳି ଅସୁବିଧାରୁ ମୁକ୍ତ କରିବ । ଏହି ବିଲ୍ କୃଷକଙ୍କ ଆୟକୁ ଦ୍ଵିଗୁଣିତ କରିବାରେ ସହାୟକ ହେବ ।
ଆମର କୃଷି କ୍ଷେତ୍ରରେ ଅତ୍ୟାଧୁନିକ ଜ୍ଞାନକୌଶଳର ଆବଶ୍ୟକତା ରହିଛି ଯାହା ପରିଶ୍ରମୀ କୃଷକମାନଙ୍କୁ ସାହାଯ୍ୟ କରିବ । ବର୍ତ୍ତମାନ, ବିଲ୍ ପାରିତ ହେବା ସହିତ ଆମର କୃଷକମାନେ ଭବିଷ୍ୟତରେ ଉତ୍ତମ ଜ୍ଞାନକୌଶଳର ବ୍ୟବହାର ପାଇଁ ସୁବିଧା ପାଇବେ ଯାହା ଉତ୍ପାଦନକୁ ବୃଦ୍ଧି କରିବା ସହିତ ଉନ୍ନତ ଫଳାଫଳ ପ୍ରଦାନ କରିବ । ଏହା ଏକ ସ୍ୱାଗତଯୋଗ୍ୟ ପଦକ୍ଷେପ ।
ମୁଁ ଏହା ପୂର୍ବରୁ କହିଥିଲି ଏବଂ ପୁଣି ଥରେ କହୁଛି:
ସର୍ବନିମ୍ନ ସହାୟକ ମୂଲ୍ୟର ପ୍ରଥା ରହିବ । ସରକାରଙ୍କ କ୍ରୟ ପ୍ରକ୍ରିୟା ଜାରି ରହିବ । ଆମେ ଆମର କୃଷକମାନଙ୍କୁ ସେବା ଯୋଗାଇ ଦେବା ପାଇଁ ଏଠାରେ ଅଛୁ । ସେମାନଙ୍କୁ ସମର୍ଥନ କରିବା ଏବଂ ସେମାନଙ୍କ ଆଗାମୀ ପିଢି ପାଇଁ ଏକ ଉତ୍ତମ ଜୀବନ ସୁନିଶ୍ଚିତ କରିବା ଦିଗରେ ଆମେ ଯଥାସମ୍ଭବ ଚେଷ୍ଟା କରିବୁ” ।
**********
(रिलीज़ आईडी: 1657017)
आगंतुक पटल : 263
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Assamese
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam