ইন্দিয়ন রেলৱেজ শীনবা থুংনা সেপ্তেমবর ১৬তগী ৩০, ২০২০ ফাওবা ‘স্বচ্ছতা পখ্বারা’ পাঙথোক্লি‍। পখ্বারা হৌদোকপা নুমিত্তা, জোনেল রেলৱে ঐচ.ক্যু.শিংদা, দিভিজনেল ওফিসশিংদা অমদি অতৈ এস্তাব্লিসমেন্তশিংদা লৈরিবা রেলৱেজকী শিন্মী পুম্নমক্তা স্বচ্ছতাগী ৱাশক শকহনখ্রে‍। স্বচ্ছতা মনুংদা প্লাস্তিক্কী ফত্ত হৌদি লোইশিনবদা অখন্নবা মীৎয়েঙ থমদুনা ইচঙ থৌনা স্তেসনশিং, ত্রেনশিং, লম্বীশিং, কোল্লুপশিং অমসুং অতৈ রেলৱে এস্তাব্লিসমেন্তশিং শেঙদোক চামথোকপগী চঙশিনখি‍। মায়খুমশিং অমসুং সেনিতাইজরশিংসু য়েন্থোকখি‍। কোবিদ-১৯গা মরী লৈনবা চেকশিনৱাশিং অমসুং ৱেবিনারশিং পাঙথোকপা য়াওনা রেলৱেগী মফমশিং লুনা নান্না থম্নবগীদমক পাক শন্না খঙহন্নবা আই.ই.সি. মচাকশিং শীজিন্নখি‍। মতমসিগী মনুংদা, রেলৱেজনা লম্বীশিং, স্তেসনশিং, খোংলমশিং, খোঙহাম খুৎহাম্ফমশিং, য়ার্দশিং অমসুং দিপোতশিং শেংদোকপদা অহেনবা মীৎয়েঙ থম্লি‍।

রেলৱে বোর্দনা নোর্দর্ন রেলৱেগী খুত্থাঙদা য়ুনাইতেদ নেসন্স এনভাইরনমেন্ত প্রোগ্রাম (য়ু.এন.ই.পি.)গা খুৎশম্নরগা ১৬.৯.২০২০দা “স্বচ্ছতা অমসুং অকোইবগী ফীভম”গী মতাঙদা ৱেবিনার অমা পাঙথোকখ্রে‍। কোবিদ লাইচৎনা মরম ওইরগা সেপ্তেম্বর ১৬দগী হৌরগা সেপ্তেম্বর ৩০, ২০২০ ফাওবা পাঙথোক্কদবা “স্বচ্ছতা পখ্বারা” হৌদোকপগী থৌরম ৱেবিনার অদুনা ভর্চুএল ওইনা হৌদোকখি‍।

ৱেবিনার অদুদা শরুক য়াখিবশিংদা তোঙান তোঙানবা লৈঙাক্কী, লনাইগী অমদি নন-গভর্নমেন্ত লূপশিংদগী মমীং লৈরবা অকোয়বগী ফীভমগী মরমদা খঙহৈরবা মীওইশিংনা ৱা ঙাঙখি‍। ইন্দিয়ন রেলৱেজগী তোঙান তোঙানবা দিপার্তমেন্তশিংদগী ওফিসর ১০০ হেনবনা ৱেবিনার অদুদা শরুক য়াখি‍। থৌরম অদুদা খন্নখিবা ৱাফমশিংদি:

• সোলিদ ৱেস্ত মেনেজমেন্ত, ঈশিং য়োকপা অমদি ইনর্জী লীক্না শীজিন্নবনচিংবশিংগী মতাঙদা ইন্দিয়ন রেলৱেজনা লৌখৎলিবা খোঙথাঙশিং‍
• আই.আর. থৌরাঙশিংগা স্বচ্ছ ভারত মিসনগা পুনশিনমিন্নবা
• রেলৱেজ স্তেসনশিং গ্রীন রেতিং পীবা
• প্লাস্তিক্কী ফত্ত হৌদিশিং থেংনবা
• সর্কুলর শেন্মিৎলোনদা থম্লিবা মীৎয়েঙশিং

থৌরমদুদা ৱা ঙাঙখিবা ৱাঙাঙলোয়শিংগী মরক্তা নোর্দর্ন রেলৱেগী প্রিন্সিপাল চীফ মেকানিকেল ইঞ্জিনিয়র শ্রী অরুন অরোরা, য়ু.এন.ই.পি. ইন্দিয়া ওফিসকী কন্ত্রী হেদ শ্রী অতুল বগাই, য়ু.এন.ই.পি. গুদৱিল এম্বেসেদর মিস দিয়া মির্জা, এদভোকেত অমসুং য়ু.এন.ই.পি. চেম্পিয়ন ওফ দি আর্থ মিস্তর অফ্রোজ সাহ, হাউজিং অমসুং অর্বান এফ্যার্স, দাইরেক্তর এস.বি.এম. শ্রী নবিন অগর্ৱাল, এনভাইরনমেন্তেল মেনেজমেন্ত সেন্তর ফাউন্দর দোক্তর প্রসাদ মোদাক, সি.আই.আই. জি.বি.সি. একজেক্যুতিব দাইরেক্তর মিস্তর কে.এস. ভেঙ্কৎগিরি, চিন্তন এনভাইরনমেন্তেল রিছর্চ এন্দ এক্সন গ্রুপগী মিস চিত্রা মুখর্জী, ফাইনেল মাইল কন্সল্তিং চেয়রমেন শ্রী বিজু দোমিনিক য়াওখি‍।

*****