স্কিল দিবেলপমেন্ত অমসুং ওন্তোপ্রিনর্শিপ মন্ত্রালয়না হকশেল অমসুং য়াইফ য়ুম্বালগী মন্ত্রালয়গী মতুং ইন্না কোবিদ-১৯গী লোকদাউন লোইখ্রবা মতুংদা ইন্দস্ত্রীএল তেক্নিকেল ইন্সতিত্যুৎ (আই.তি.আই.) অমসুং নেস্নেল স্কিল দিবেলপমেন্ত কোর্পোরেসনগী মখাদা পাঙথোকপা শোর্ত তর্ম ত্রেনিং সেন্তরশিং নত্ত্রগা স্তেৎ স্কিল দিবেলপমেন্ত মিসন নত্ত্রগা অতোপ্পা কেন্দ্রগী নত্ত্রগা রাজ্যগী মন্ত্রালয়শিং/বিভাগশিং, নেস্নেল ইন্সতিত্যুৎ ফোর ওন্তোপ্রিনর্শিপ অমসুং স্মোল ব্যুজিনেস দিবেলপমেন্ত (এন.আই.ই.এস.বি.য়ু.দি.), ইন্দিয়ন ইন্সতিত্যুৎ ওফ ওন্তোপ্রিনর্শিপ অমসুং মখোয়গী ত্রেদিং পার্ত্নরশিংগী ওইনা ত্রেনিংগী থবকশিং অমুক হৌবদা ইনগদবা স্তেন্দর্দ ওপরেতিং প্রোসিজর (এস.ও.পি.) অমা সেপ্তেম্বর ৮, ২০২০দা লাউথোকখ্রে। এস.ও.পি. অসিনা ইন্সতিত্যুসনশিং অসিদা কোবিদ-১৯ শন্দোকপা থীংবগী মতাংদা পাঙথোকপা হান্নদগী চৎনরক্লবা চেকশিং থৌরাংশিংগী মথক্তা অহেনবা চেকশিন কাঙলোনশিংগী মরমদা য়াওরি।

ওতোমেসন অমসুং আর্তিফিসিএল ইন্তেল্লিজেন্স অমসুং থবক তৌফমশিংগী অহোংবা থৌদাং লৈরক্লিবা কয়ানা থবক শুফমদা অহোংবা পুরক্লিবা অসিগী মথক্তা কোবিদ-১৯গী লায়চৎ অসিনা অহোংবশিং অসি হেন্না হেনগৎহল্লে। তেলিমেদিসিন অমসুং সেনিতাইজেসনগুম্বগী হীরমশিংদা কোর্স কয়া থোক্লক্লিবা হেল্থ সেক্তর য়াওনা অতোপ্পা সেক্তর খুদিংদা স্কিলিং/রিস্কিলিং/অপস্কিলিং তৌবগী তঙাই ফদবা কয়া অমসু হেনগৎলক্লি।

মন্ত্রালয় অসিনা মমিং চৎপা কোর্স ২৯গী হীরম য়াৎপা, কোর্স ৭১গী ই.-লর্নিং তৌবগী মচং শেম্বা অমসুং আই.তি.আই. অমসুং অতোপ্পা নেস্নেল স্কিল ক্বালিফিকেসন ফ্রেমৱর্ক (এন.এস.ক্যু.এফ.)কা মরী লৈনবা কোর্সশিং য়াওনা ক্রাফৎসমেন ত্রেনিং স্কিম (সি.তি.এস.)গী মখাদা লৈরিবা ত্রেদ ১৩৭কী ক্বেসসন বেঙ্কনচিংবা কয়া পীরিবা মসিগী ভারতস্কিলস ওনলাইন পোর্তেলগী খুত্থাংদা লোকদাউন মনুংদা ত্রেনী ৯,৩৮,৮৫১দা কান্নবা পীবা ওনলাইনগী ত্রেনিং প্রোগ্রাম কয়া পাঙথোকখি। মখা তাবা ওইনা, ভারতস্কিল মোবাইল এপকী খুত্থাংদা অতোপ্পা ত্রেনী ১,৩১,২৪১সু ত্রেনিংগী খুদোংচাবা কয়া ফংখি। মসিগা মান্নবা ওইনা মন্ত্রালয় অসিগী ওতোনোমস বোদী অমা ওইরিবা নেস্নেল ইন্সত্রক্সনেল মীদিয়া ইন্সতিত্যুৎ (এন.আই.এম.আই.)না ত্রেনী ১৬,৫৫,৯৫৩দা কান্নবা পীবা ওনলাইন ত্রেনিং ৩০৮০সু পাঙথোকখি। মসিগী মথক্তা মন্ত্রালয় অসিগী মখাদা লৈবা দাইরেক্তোরেৎ জেনেরেল ওফ ত্রেনিং (দি.জি.তি.(গী ইন্দস্ত্রীএল পার্ত্নরশিং, মিং ওইনা পল্লবদা ক্বেস্ত এলাএন্স, আই.বি.এম., নাসকোম-মাইক্রোসোফৎ অমসুং সিস্কোনা মীওই ১,৮৪,২৯৬না শরুক য়াবা ওনলাইন ত্রেনিংসু পাঙথোকখি। মসিদগী অহেনবা ওইনা নেস্নেল স্কিল ত্রেনিং ত্রেনিং ইইন্সতিত্যুৎ ৩৩ শিনবা থুংনা সি.এস.তি. ত্রেদ ৩৫ অমসুং ক্রাফৎ ইন্সত্রক্তর ত্রেনিং স্কিম (সি.আই.তি.এস.)৩৪গী অপুনবা ওনলাইন ক্লাস ১৬,৭৬৭ পাঙথোকখি। অতেনবা মতমগী ত্রেনিং ওইনা এন.এস.দি.সি. স্কিলিং ইকোসীস্তেমগী মখাদা লৈবা ত্রেনী মশিং কয়া অমনা ই.-লর্নিং পোর্তেল ওইরিবা ই.স্কিল ইন্দিয়াগী সেবাশিংগী কান্নবা কয়া ফংদুনা স্কিল তম্বীবগী খোঙজেল অমসুং স্কিল তম্নীংবগী ইথিলশিংবু বর্চুএল ক্লাসরুম অমসুং রিমোৎ ক্লাসরুমগী খুত্থাংদা হেনগৎহনখি।

মসিগী ৱাফমশিং অসি স্কিল দিবেলপমেন্ত অমসুং ওন্তোপ্রিনর্শিপকী রাজ্য মন্ত্রী শ্রী আর.কে. সিংহনা ঙসি রাজ্য সভাদা অইবা পাউখুম ওইনা পীখিবনি।

****