কেন্দ্রগী অৱাং নোংপোক লমদম চাউখৎ থৌরাং মন্ত্রালয় (দোনর), এম.ও.এস. পি.এম.ও., পার্সনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেসকী রাজ্যগী মন্ত্রী দা. জিতেন্দ্র সিংহনা রাজ্য সভাদা ঙসি অইবা পাউখুম ওইনা কোবিদ-১৯গী মনুংদা পেন্সন লৌরিবশিংগীদমক খোংথাং কয়া লৌখৎখ্রে হায়না হায়খ্রে।

পেন্সন অমসুং পেন্সনর্স ৱেলফিয়র বিভাগনা তম্বা ঙমদবা কোবিদ-১৯ লাইচৎনা মরম ওইদুনা লোকদাউন থমজিনখিবদগী হৌনা পেন্সন ফংলিবশিংগী পেন্সন অমসুং রিতায়র্মেন্ত বেনিফিৎশিং মতম চানা পীনবা অমসুং মখোয়বু হকচাং ফনা থম্নবা অমসুং কোবিদ-১৯ লাইচৎকী মতাংদা মুন্না খঙনবা খোংথাং কয়া লৌখৎখি।

হীরমসিগা মরী লৈননা লৌখৎখিবা থৌরাং নত্ত্রগা খোংথাংশিং মখাদা শন্দোক্না পীরিঃ

• দিপার্ত্মেন্ত অসিনা ৱেব ইভেন্ত অমা পেন্সনরশিংগা লোইননা শহর ২০ কোনশিল্লদুনা তেলি ইন্তরেক্সন ওমা দা. রন্দীপ গুলেরিয়া, দিরেক্তর, এইমসকা লোইননা পেন্সনরশিংদা লৈরিবা অকিবশিং কোক্নবগীদমক কোবিদ-১৯গী হীরম কয়া কোনশিনলদুনা পাঙথোকখি।
• পেন্সনরশিংবু অনাবা কয়াদগী ঙাকথোক্নবগীদমক, অতোপ্পা ৱেব ইভেন্ত অমা য়োগাগী মতাংদা শহর ২০ কোনলদুনা পাঙথোকখি, কোর্স অদুদা য়োগা ইন্সত্রক্তরনা পেন্সনরশিংদা লাইব দিমোন্সত্রেসন অমসুং লেকচর পীখি অমসুং লোকদাউন মনুংদা মখোয়গী চিংনবা কোক্নবা অমসুং হকচাং ফনা লৈনবা মখোয়গী ৱাহংগী পাউখুম পীখি।
• পি.পি.ও. (পেন্সন পেমেন্ত ওর্দর) থোকখ্রগা লোকদাউন্না মরম ওইদুনা সি.পি.এ.ও.দা নত্ত্রগা বেঙ্ক য়ৌদ্রবা পেন্সন মতম চানা পীথোক্নবগীদমক কন্ত্রোল্লর জেনরেল ওব একাউন্ত (সি.জি.এ)দা সি.পি.এ.ও. অমসুং বেঙ্কশিংগী  সি.পি.পি.সি.শিংনা কোবিদ-১৯ লাইচৎকী মনুংদা মহৌশাগী ফিবম হল্লক্ত্রিবফাওবা ইলেক্ত্রোনিক মোদ শীজিন্ননবা মথৌ তাবা য়াথং পীনবগীদমক পুখৎখি।
• করিগুম্বা ইমপ্লোইয়ী অমনা মহাক্কী দ্যু ফাইনেলাইজ তৌদ্রিঙৈদা রিতায়র তৌবা তারবা নত্ত্রগা পেন্সন ক্লেম ফোর্ম থাজিনবা নংহৌদ্রবা মতমদা সি.সি.এস. (পেন্সন) রুল, ১৯৭২গী রুল ৬৪সু তম্বা ঙমদবা কোবিদ-১৯গী মনুংদা পেন্সনগী প্রোবিজনেল সেংসন পীথোক্নবগীদমক কোমথোকখি।
• সেন্ত্রেল গবর্নমেন্ত সিবিল পেন্সনরশিংগী ইজ ওব লিবিং ফগৎনবগীদমক, ই-পি.পি.ও. (ইলেক্ত্রোনিক পেন্সন পেমেন্ত ওর্দর) দিজিলোক্করগা পুনশিন্নবগীদমক প্রোবিজন অমা শেমখি। খোংথাং অসিনা দিজিলোক্করদা পি.পি.ও.গী পার্মনেন্ত রেকোর্দ অমা শেম্লগনি অমসুং পেন্সনরশিংনা খুদক্তা মহাক্কী পি.পি.ও.গী খ্বাইদগী নৌবা কোপী প্রিন্ট আউৎ লৌবা য়াগনি।
• হৌজিক লৈরিবা কোবিদ-১৯ অমসুং অহল ওইরবশিংবু কোবিদ-১৯দগী হেন্না চেকশিনবা মথৌ তারিবসি য়েংদুনা, লাইফ সর্তিফিকেৎ থাজিনবগী মতমসু কোমথোক্লে। সেন্ত্রেল গবর্নমেন্ত পেন্সনরশিংনা লাইফ সর্তিফিকেৎশিং নবেম্বর ১, ২০২০দগী দিসেম্বর ৩১, ২০২০ ফাওবদা থজিনবা য়াগনি। অদুবু চহী ৮০ অমসুং মথক্তা লৈবা পেন্সনরশিংনা ওক্তোবর ১, ২০২০দগী দিসেম্বর ৩১, ২০২০ ফাওবদা থাজিনবা য়াগনি।

*****