অমাং-অতা থোরকপা মতমদা মতেং পাংবা অসি রাজ্য সরকারশিংগী মরুওইবা থৌদাংনি। অমাং-অতা কয়া য়াম্না থোকখ্রবগে হায়বা য়েংশিনবা মরী লৈনবা রাজ্য সরকারনশিংনা পায়খৎলি অমসুং ইচাউ য়াওনা মহৌশাগী ওইবা অমাং-অতাশিং লাকপা মতমদা তশেংনা ওইরিবা ফিবম অদুগী মতুইংন্না, ভারত সরকারগী নিয়মশিংগী মতুংইন্না স্তেৎ দিজাস্তর রেন্সপোন্স ফন্দদগী মতেং পাংলি। শাথিবা মহৌশাগী ওইবা অমাং-অতা লাকপা মতমদা ইন্তর-মিনিস্তরিএল সেন্ত্রেল তিম্না য়েংনবগী মতুংইন্না নেস্নেল দিজাস্তর রেন্সপোন্স ফন্দগী ভারত সরকারনা মতেং পাংলি।

খুদম ওইনা, ইচাউনা শোকহল্লবা রাজ্য ৯ হায়বদি অসাম, অরুনাচল প্রদেস, বিহার, কর্নাতাকা, মৈধ্য প্রদেস, মহারাস্ত্রা, সিক্কিম, ওরিসা অমসুং উত্তর প্রদেসকীদমক রাজ্য সরকারশিংদগী মেমোরেন্দম ফংদ্রিঙৈ মমাংদা তোখাইবা ইন্তর-মিনিস্তরিএল সেন্ত্রেল তিমশিং শেমখ্রে।

রাজ্যশিংগী অৱাবা নংলবা মীয়াম মতেং পাংনবা, উত্তর প্রদেস, বিহার অমসুং অসাম য়াওনা রাজ্য সরকারশিংদা ২০২০-২১গী ওইনা মাংজৌন্না স্তেৎ দিজাস্তর রিক্স মেনেজমেন্ত ফন্দগী কেন্দ্রগী চাকথুং থাদোকখ্রে। মসিনা ইচাউনা শোকহল্লবা মফমশিংদা দরকার ওইবা মতেং পাংবদা শীজিন্নগনি।

ৱাফম অসি রাজ্য সভাদা হংলকপা ৱাহংগী পাউখুম অইবা ওইনা পাউখুম পীবদা ঙসি হোম এফেয়ার্সকী রাজ্য মন্ত্রী নিত্যনন্দ রাইনা ফোঙদোকখিবনি।

****