মহৈরোইশিংনা কোবিদ-১৯না মরম ওইদুনা ময়ুমদা লৈরিঙৈ মনুংদা লাইরিক লাইশুগা মরী লৈনবা থবক ১৯গা মখোয়গী মমা মপা অমসুং ওজাশিংগা লোইননা মরম চানা লৈনবগীদমক ক্লাস ১দগীনা ১২ ফাওবগী মহৈরোই, মমা-মপা ওইবশিং অমসুং ওজাশিংগী অলতর্নেতিব একাদেমিক কেলেন্দর অমা এম.ঐচ.আর.দি.গী লমজিং মখাদা এন.সি.ই.আর.তি.না শেমখ্রে। প্রাইমরী অমসুং অপ্পর প্রাইমরী থাক্কী চয়োল মরি অমসুং নিপালগী অলতর্নেতিব একাদেমিক কেলেন্দর (এ.এ.সি.) ফোংখ্রে। সেকেন্দরীগী অমসুং হায়র সেকেন্দরী থাক্কী চয়োল মরিগী এ.এ.সি.সু কেন্দ্রগী এজুকেসন মন্ত্রীনা মমাংদা ফোংখ্রে। হৌজিক্তি, মথংগী চয়োল নিপালগী এ.এ.সি.সু কেন্দ্রগী এজুকেসন মন্ত্রী শ্রী রমেশ পোখ্রিয়াল 'নিশঙ্ক'না ভর্চুএল ওইনা ঙসি ফোংখ্রে।

থৌরম অদুদা ৱা ঙাংলদুনা শ্রী পোখ্রিয়ালনা হায়খি মদুদি কেলেন্দর অসিনা লাইরিক তাকপদা অঙাংশিংদা হরাউনা নুংঙাইনা তাক্নবাগীদমক ওজাশিং, মমা-মপা ওইবশিংনা তোঙান-তোঙানবা তেক্নোলোজীগী খুৎলাইশিং শীজিন্নবগী কাংলোনশিং পীরি। অদুবু, মোবাইল ফোন, রেদিও, তেলিবিজন, এস.এম.এস. অমসুং তোঙান-তোঙানবা সোসিএল মীদিয়াগী খুৎলাইশিং অসিগী শীজিন্নফম খেন্নরিবসিসু পল্লি। মন্ত্রীনা হায়খি মদুদি ঐখোয়গী মরক্তা কনাগুম্বা খরগী মফমদা ইন্তর্নেৎ য়াওবা মোবাইল ফোন শীজিন্নরমদবা য়াই, নত্ত্রগা ৱাৎসএপ, ফেসবুক, ত্বীত্তর, গুগল অসিনচিংবশিং শীজিন্নবা ঙম্লমদবা য়াই, কেলেন্দর অসিনা ওজাশিংদা মমা-মপা অমসুং অঙাংশিংবু মোবাইল ফোনগী এস.এম.এস. নত্ত্রগা ভোইস কোলগী খুত্থাংদা মতেং পাংনবা হায়রি। মমা-মপা ওইবশিংনা ইলিমেন্তরী থাক্তা লৈবা মহৈরোইশিংদা কেলেন্দর অসিবু শীজিন্ননবা খংহল্লি।

Launched the Alternative Academic Calendar (AAC) for the next 8 weeks for the secondary stage today. Alternative Academic Calendar for 12 weeks for primary & upper primary stages and AAC for secondary & higher secondary stages for 4 weeks had already been released. pic.twitter.com/7yynhhcIWS

— Dr. Ramesh Pokhriyal Nishank (@DrRPNishank) September 15, 2020

কেলেন্দর অসিনা নাম্মা শোইরবা অঙাংশিং য়াওনা অঙাং পুম্নমক্তা ওদিও লাইরিক, রেদিও প্রোগ্রাম, ভিদিও প্রোগ্রামশিং য়াওবগী তঙাইফদবশিংবুসু য়াওরি হায়না শ্রী পোখ্রিয়ালনা ফোংদোকখি।

কেলেন্দর অসিদা নুংঙাইবা অমসুং শিংননিংঙাই ওইবা চয়োলগী ওইনা খাইদোকপা প্লানশিংবু সিল্লেবস নত্ত্রগা তেক্সবুক্তগী লৌথোক্তুনা মান্নবা থিম/চেপ্তর হাপ্লি। খ্বাইদগী মরুওইনা, মসিনা লর্নিং আউৎকমশিংদা থিমশিং অসি শেম্মি। থিমশিং অসি লর্নিং আউৎকমশিংগা মেপিং তৌবগী মরমদি অঙাংশিংনা তম্লিবদু কয়াম হৈরগে হায়বদু ওজা অমসুং মমা-মপা ওইবশিংনা য়েংনবা অমসুং তেক্সবুক্কী ৱাংমদা চৎনবনি। কেলেন্দর অসিদা পীরিবা থবকশিং অসিনা লর্নিং আউৎকমদা পান্দম থম্লি অমসুং মসিনা রাজ্য অমসুং য়ু.তি.শিংদা অঙাংশিংনা তম্লিবা লাইরিকশিং য়াওনা রিসোর্স অমহেক্তগী মখাদা ফংবা ঙমগনি।

মসিদা, আর্তস এজুকেসন, ফিজিকেল এক্সর্সাইস, য়োগা, প্রি-ভোকেসনেল স্কিল অসিনচিংবা এক্সপরিএন্সিএল ওইবা তম্নবগী থবকশিংসু য়াওরি। কেলেন্দর অসিদা ক্লাস-ক্লাস্কী অমসুং সবজেক্ত- সবজেক্তকী ওইনা তেবুলার ওইবা মওংদা হাপ্লি। কেলেন্দর অসিদা লোল মরীগা মরী লৈনবা থবকশিংবু সবজেক্ত এরিয়া ওইনা পীরি; হায়বদি, হিন্দি ইংলিশ, উর্দু অমসুং সন্সকৃৎনি। কেলেন্দর অসিনা ওজা, মহৈরোই অমসুং মমা মপাশিংগী মরক্তা স্ত্রেস অমসুং এঞ্জাইতী হন্থহল্লি। কেলেন্দর অসিদা চেপ্তর চেপ্তরগী ওইনা পীবা ই-পাথসলা, এন.আর.ও.ই.আর. অমসুং দিকশা পোর্তেল, ভারত সরকারদা পীরিবা ই-কন্তেন্তশিং য়াওরি।

পীরিবা থবক থৌরমশিং অসিগী মওং মতৌদি সজেস্তিব ওই, প্রেস্কৃপতিব ওইদে, নত্ত্রগা মথং মনাও কাইবগী অকাইবা লৈতে। ওজা অমসুং মমা-মপাশিংনা থবক থৌরমশিং অসি কন্তেক্সচুএলাইজ তৌবা য়াগনি অমসুং মথং মনাওগী য়েংদনা অঙাংশিংনা থৱাই য়াওজবা থবকশিং অদুতমক তৌহনবা য়াগনি। 

এন.সি.ই.আর.তি.না মাংজৌননা লাইব ইন্তরেক্তিব সেসন অমা মহৈরোইশিং, মমা-মপা অমসুং ওজাশিংগা লোইননা তি.ভি. চেন্নেল স্বয়াম প্রভা (কিশোর মঞ্চ) (ফ্রী দি.তি.ঐচ. চেন্নেল ১২৮, দিস তি.ভি. চেন্নেল #৯৫০, সন দাইরেক্ত #৭৯৩, জিও তি.ভি. তাতাস্কাই #৭৫৬, এয়রতেল চেন্নেল #৪৪০, ভিদিওকোন চেন্নেল #৪৭৭), কিশোর মঞ্চ এপ (প্লে স্তোরদগী দাউনলো তৌবা য়াগনি) অমসুং য়ূত্যুব লাইব (এন.সি.ই.আর.তি. ওফিসিএল চেন্নেল)দা পাঙথোক্লি। নিংথৌকাবদগীনা থাংজ ফাওবা নুমিৎ খুদিংগী ক্লাস ১দগীনা ১০ ফাওবা পুং অমগী সেসন চয়োল অমদা নুংথিল পুং ২দগীনা ৪ ফাওবা থারি। ক্লাস ১১ অমসুং ১২কীনা, চয়োল খুদিংগী পাঙথোকপা লাইব সেসন অসি ক্লাস অমমমদা পুং অনীনি। অয়েংবশিংগা ৱারী শানবগী মথক্তা, লাইব সেসন অসিদা তোপিকশিং অসিবু তাকপীবা থবক থৌরমশিংসু পাঙথোকই।

এ.এ.সি.গী ফিচরশিং অসি ভিদিও কনফরেন্সিংগী থোংদা এস.সি.ই.আর.তি./এস.আই.ই., দিরেক্তোরেৎ ওব এজুকেসন, কেন্দ্রা বিদ্যালয় সঙ্গথম, নবোদয়া বিদ্যালয় সমিতি অমসুং সি.বি.এস.ই.দা থাদোকখ্রে। সেকেন্দরী থাক্কী চয়োল নিপালগী  কেলেন্দর অসি এন.সি.ই.আর.তি.গী ৱেবসাইত্তা রাজ্য অমসুং য়ু.তি.শিংদা য়ৌহন্নবগীদমক হাপ্লি।

মসিনা ঐখোয়গী মহৈরোই, ওজা, স্কুল প্রিন্সিপাল অমসুং মমা-মপাশিংনা ওনলাইন্দা তাকপী তম্বীবগী রিসোর্সশিং লৌদুনা কোবিদ-১৯বু মওং চুম্না থেংনবা ঙম্লগনি অমসুং মসিনা স্কুল এজুকেসনবু য়ুমদা পাঙথোক্তুনা লর্নিং আউৎকম ফগৎহনবা ঙম্লগনি।

*****