|
ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವಾಲಯ
ಪ್ರಧಾನ ಮಂತ್ರಿ ಜನೌಷಧ ಕೇಂದ್ರಗಳಲ್ಲಿ 8 ಪೂರಕ ಪೌಷ್ಟಿಕಕಾಂಶ ಆಧಾರಿತ ಆರೋಗ್ಯಕರ ಉತ್ಪನ್ನಗಳ ಬಿಡುಗಡೆ: ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವ ಸದಾನಂದಗೌಡ
ದೇಶದಾದ್ಯಂತ ಜನೌಷಧಿ ಕೇಂದ್ರಗಳ ಮೂಲಕ ಮಾರಾಟ ಮಾಡಲು ಪ್ರಧಾನಮಂತ್ರಿ ಭಾರತೀಯ ಜನೌಷಧಿ ಪರಿಯೋಜನೆ (ಪಿಎಂಬಿಜೆಪಿ)ಅಡಿಯಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ 8 ಪೌಷ್ಟಿಕೌಷಧ ಉತ್ಪನ್ನಗಳನ್ನು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ಸಚಿವ ಶ್ರೀ ಡಿ.ವಿ. ಸದಾನಂದಗೌಡ ಇಂದು ಇಲ್ಲಿ ಬಿಡುಗಡೆ ಮಾಡಿದರು
Posted On:
03 SEP 2020 4:48PM by PIB Bengaluru
ಪ್ರಧಾನ ಮಂತ್ರಿ ಜನೌಷಧ ಕೇಂದ್ರಗಳಲ್ಲಿ ಎಂಟು ಪೂರಕ ಪೌಷ್ಟಿಕಕಾಂಶದ ಆರೋಗ್ಯಕರ ಉತ್ಪನ್ನಗಳನ್ನು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಸಚಿವ ಸದಾನಂದಗೌಡ ಅವರು ದೇಶಾದ್ಯಂತ ಬಿಡುಗಡೆ ಮಾಡಿದರು.
ಪ್ರಧಾನಮಂತ್ರಿ ಜನೌಷಧ ಕೇಂದ್ರಗಳಲ್ಲಿ ಲಭ್ಯವಿರುವ ಅಗ್ಗದ ದರದ ಗುಣಮಟ್ಟದ ಔಷಧಗಳಿಂದ ದೇಶದ ಬಡ ಜನರಿಗೆ ಎರಡೂವರೆ ಸಾವಿರ ಕೋಟಿ ರೂಪಾಯಿ ಉಳಿತಾಯವಾಗಿದೆ ಎಂದು ಕೇಂದ್ರ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ಸಚಿವ ಸದಾನಂದ ಗೌಡ ತಿಳಿಸಿದ್ದಾರೆ.
ಜನೌಷಧಿ ಕೇಂದ್ರಗಳಲ್ಲಿ ಮಾತ್ರ ದೊರೆಯುವ 8 ಪ್ರಕಾರದ ಪೌಷ್ಟಿಕಾಂಶ ಔಷಧಗಳ ಬಿಡುಗಡೆ ಮಾಡಿದ ಅವರು, ಈಗ ವೈದ್ಯರು ಕೂಡ ಜನೌಷಧಗಳ ಸಲಹೆ ಮಾಡುತ್ತಿದ್ದಾರೆ. ಇದರಿಂದ ಬಡ ಮತ್ತು ಮಧ್ಯಮವರ್ಗದ ಜನರಿಗೆ ಪ್ರಯೋಜನವಾಗುತ್ತಿದೆ ಎಂದರು.
ಈಗ ಬಿಡುಗಡೆ ಮಾಡಲಾಗಿರುವ 8 ಪ್ರಕಾರದ ಪೌಷ್ಟಿಕ ಔಷಧಗಳಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವುದಕ್ಕೆ ಹೆಚ್ಚಿನ ಗಮನ ನೀಡಲಾಗಿದೆ. ಪ್ರಸಕ್ತ ಕೊರೊನಾ ಮಹಾಮಾರಿಯ ಸಂದರ್ಭದಲ್ಲಿ ಬಡ ಜನರಿಗೂ ಸುಲಭ ದರದಲ್ಲಿ ಪೌಷ್ಟಿಕ ಔಷಧಗಳು ಲಭ್ಯವಾಗಿ ಅವರಲ್ಲಿ ರೋಗ ನಿರೋಧಕ ಶಕ್ತಿ ಹೆಚ್ಚಬೇಕು ಎಂಬುದು ಇದರ ಉದ್ದೇಶವಾಗಿದೆ.
ಪ್ರತಿ ನಿತ್ಯ ದೇಶದಾದ್ಯಂತ ಇರುವ 6500ಕ್ಕೂ ಹೆಚ್ಚು ಜನೌಷಧ ಮಳಿಗೆಗಳಿಗೆ 10 ಲಕ್ಷಕ್ಕೂ ಹೆಚ್ಚು ಜನರು ಗುಣಮಟ್ಟದ ಮತ್ತು ಕೈಗೆಟಕುವ ದರದ ಔಷಧ ಖರೀದಿಗಾಗಿ ಭೇಟಿ ನೀಡುತ್ತಾರೆ. ಈ ಯೋಜನೆ ದೀರ್ಘಕಾಲೀನ ವ್ಯಾಧಿಗಳಾದ ಮಧುಮೇಹ, ರಕ್ತದೊತ್ತಡ, ಸೈಕೋಟ್ರೋಪಿಕ್ ಇತ್ಯಾದಿಯಿಂದ ಬಳಲುತ್ತಿರುವವರಿಗೆ ವರದಾನವಾಗಿದೆ ಎಂದರು.
ಈ ಜನೌಷಧ ಕೇಂದ್ರಗಳ ಮಹತ್ವದ ಬಗ್ಗೆ ಪ್ರಧಾನಮಂತ್ರಿಯವರು ಸ್ವತಃ ಸ್ವಾತಂತ್ರ್ಯ ದಿನದ ಭಾಷಣದಲ್ಲಿ ಮಹಿಳೆಯರಿಗೆ ಋತುಸ್ರಾವದ ಸಮಯದಲ್ಲಿ ಸುರಕ್ಷತಾ ಸಮಯದ ನೈರ್ಮಲ್ಯ ಖಾತ್ರಿಪಡಿಸಲು ಸುವಿದಾ ಯೋಜನೆ ಹೆಸರಿನಲ್ಲಿ ಪ್ರತಿ ಪ್ಯಾಡ್ ಗೆ 1 ರೂ.ನಂತೆ ಒದಗಿಸುತ್ತಿರುವುದನ್ನು ಉಲ್ಲೇಖಿಸಿದ್ದರು. ಈ ಪ್ಯಾಡ್ ಗಳಲ್ಲಿ ಬಳಸಲಾಗುತ್ತಿರುವ ವಸ್ತುಗಳು ಆಕ್ಸೋ ಜೈವಿಕವಾಗಿ ಕೊಳೆಯುವಂಥದ್ದಾಗಿದ್ದು, ಇದು ಕೇವಲ ಕೈಗೆಟಕುವಂತಿರುವುದಷ್ಟೇ ಅಲ್ಲದೆ, ಇದು ಪರಿಸರ ಸ್ನೇಹಿಯಾಗಿದೆ ಎಂದು ಪ್ರತಿಪಾದಿಸಿದ್ದರು ಎಂದರು. ಈ ಜನೌಷಧ ಯೋಜನೆ 2008ರಲ್ಲೇ ಆರಂಭವಾಯಿತಾದರೂ, 2016ರ ಮಾರ್ಚ್ ಅಂತ್ಯದವರೆಗೆ ಕೇವಲ 99 ಮಳಿಗೆಗಳು ಮಾತ್ರ ಕಾರ್ಯ ನಿರ್ವಹಿಸುತ್ತಿದ್ದವು. ಈ ಯೋಜನೆಯನ್ನು ಪ್ರಧಾನಮಂತ್ರಿಯವರ ದೃಷ್ಟಿಕೋನಕ್ಕೆ ಅಂದರೆ ದಾಸ್ತಾನು, ಸಾಗಾಣಿಕೆ, ಐ.ಟಿಯಂಥ ಅಂಶಗಳಿಗೆ ಅನುಗುಣವಾಗಿ ಪುನಶ್ಚೇತನಗೊಳಿಸಿ 2017ರಲ್ಲಿ ಕೇಂದ್ರಗಳನ್ನು ತೆರೆಯಲಾಯಿತು ಎಂದರು. ಪ್ರಸ್ತುತ ದೇಶದಲ್ಲಿ 6,587 ಕೇಂದ್ರಗಳಿವೆ. 734 ಜಿಲ್ಲೆಗಳ ಪೈಕಿ 732 ಜಿಲ್ಲೆಗಳನ್ನು ವ್ಯಾಪಿಸಿದೆ ಎಂದರು.
ಈ ಸಂದರ್ಭದಲ್ಲಿ ಮಾತನಾಡಿದ ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ರಾಜ್ಯ ಸಚಿವ ಶ್ರೀ ಮನ್ಸುಖ್ ಮಾಂಡವೀಯ, ಪ್ರಧಾನಮಂತ್ರಿಯವರ ದೃಷ್ಟಿಕೋನಕ್ಕೆ ಅನುಗುಣವಾಗಿ ಜನೌಷಧ ಕೇಂದ್ರಗಳನ್ನು ಪುನಶ್ಚೇತನಗೊಳಿಸಿದ ತರುವಾಯ ಜನೌಷಧಗಳ ಪ್ರಮಾಣದಲ್ಲಿ ಹೆಚ್ಚಳವಾಯಿತು ಎಂದರು. ಹೊಸ ಪೌಷ್ಟಿಕಾಂಶ ಆಧಾರಿತ ಉತ್ಪನ್ನಗಳು ರೋಗನಿರೋಧಕ ಶಕ್ತಿ ಹೆಚ್ಚಿಸಲು ನೆರವಾಗುತ್ತವೆ ಮತ್ತು ಇವು ಪ್ರಸಕ್ತ ದೇಶದಲ್ಲಿ ಕೊರೊನಾ ಸಾಂಕ್ರಾಮಿಕ ಪಸರಿಸಿರುವ ಸಂದರ್ಭದಲ್ಲಿ ಮಹತ್ವದ್ದಾಗಿವೆ ಎಂದರು. ಜನೌಷಧ ಕೇಂದ್ರಗಳು ಅಗ್ಗದ ಮತ್ತು ಗುಣಮಟ್ಟದ ಜನೌಷಧ ಒದಗಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದ್ದು, ಅವುಗಳ ಮಾರಾಟ ಮತ್ತು ಬಳಕೆ ಪ್ರಸಕ್ತ ಸರ್ಕಾರದಲ್ಲಿ ಈ ಕೇಂದ್ರಗಳು ಪುನಶ್ಚೇತನದ ಬಳಿಕ ಗಣನೀಯ ಹೆಚ್ಚಳವಾಗಿದೆ ಎಂದು ಶ್ರೀ ಮನ್ಸುಖ್ ಮಾಂಡವೀಯ ತಿಳಿಸಿದರು.
ಔಷಧ ಇಲಾಖೆ ಕಾರ್ಯದರ್ಶಿ ಡಾ. ಪಿ.ಡಿ. ವಘೇಲಾ ಈ ಸಂದರ್ಭದಲ್ಲಿ ಮಾತನಾಡಿದರು.
ಪಿಎಂಬಿಜೆಪಿ ಅಡಿಯಲ್ಲಿ ಪೌಷ್ಟಿಕೌಷಧ ಉತ್ಪನ್ನಗಳ ವಿವರ
|
ಕ್ರ.ಸಂ.
|
ಉತ್ಪನ್ನದ ಹೆಸರು
|
ಪೊಟ್ಟಣದ ಗಾತ್ರ
|
ಪಿಎಂಬಿಜೆಪಿ ಎಂ.ಆರ್.ಪಿ. (ರೂ.)
|
ಅಗ್ರ 3 ಬ್ರಾಂಡೆಡ್ ಉತ್ಪನ್ನಗಳ
ಸರಾಸರಿ ಎಂ.ಆರ್.ಪಿ. (ರೂ.)
|
ಉಳಿತಾಯ (ಶೇಕಡಾವಾರಲ್ಲಿ)
|
|
1
|
ಜನೌಷಧಿ ಪರಿಯೋಜನೆ ಮಾಲ್ಟ್ ಆಧಾರಿತ
|
1’ತಿರುಪಿನ ಮುಚ್ಚಳದ ಪ್ಲಾಸ್ಟಿಕ್ ಜಾರ್ 500ಗ್ರಾಂ
|
175
|
236
|
26%
|
|
2
|
ಜನ್ ಔಷಧಿ ಪೋಷಣ ಕೋಕಾ ಸಹಿತ ಮಾಲ್ಟ್ ಆಧಾರಿತ
|
1’ತಿರುಪಿನ ಮುಚ್ಚಳದ ಪ್ಲಾಸ್ಟಿಕ್ ಜಾರ್ 500ಗ್ರಾಂ
|
180
|
243
|
26%
|
|
3
|
ಪ್ರೋಟೀನ್
ಪುಡಿ (ಚಾಕೋಲೇಟ್)
|
1'ಡಬ್ಬ 250 ಗ್ರಾಂ
|
200
|
380
|
47%
|
|
4
|
ಪ್ರೋಟೀನ್ ಪುಡಿ (ವೆನಿಲ್ಲಾ)
|
1'ಡಬ್ಬಿ 250 ಗ್ರಾಂ
|
200
|
380
|
47%
|
|
5
|
ಪ್ರೋಟೀನ್ ಪುಡಿ
(ಕೇಸರ್ ಪಿಸ್ತಾ)
|
1'ಡಬ್ಬಿ 250 ಗ್ರಾಂ
|
200
|
380
|
47%
|
|
6
|
ಜನ್ ಔಷಧಿ ಜನನಿ
|
1'ಡಬ್ಬಿ 250 ಗ್ರಾಂ
|
225
|
300
|
25%
|
|
7
|
ಪ್ರೋಟೀನ್ ಬಿಲ್ಲೆ
|
35 ಗ್ರಾಂ
|
40
|
80
|
50%
|
|
8
|
ಜನೌಷಧಿ ರೋಗನಿರೋಧಕ ಶಕ್ತಿಯ ಬಿಲ್ಲೆ
|
10 ಗ್ರಾಂ
|
10
|
20
|
50%
|
ಪೌಷ್ಟಿಕೌಷಧ ಉತ್ಪನ್ನ ಪೋರ್ಟ್ ಫೋಲಿಯೋ
|
|
ಜನೌಷದಿ ಪೋಷಣ್ ಮಾಲ್ಟ್ ಆಧಾರಿತ ಆಹಾರವಾಗಿದ್ದು, ಇದರಲ್ಲಿ ಎ, ಡಿ, ಇ. ಸಿ. ಬಿ1, ಬಿ2, ಬಿ6, ಬಿ 12 ಅನ್ನಾಂಗ, ಕಬ್ಬಿಣಾಂಶ, ಸುಣ್ಣದಂಶ ಮತ್ತು ಫೋಲಿಕ್ ಆಮ್ಲ ಇತ್ಯಾದಿ ಒಳಗೊಂಡಿದ್ದು, ರೋಗನಿರೋಧಕ ಶಕ್ತಿವರ್ಧನೆ ಮತ್ತು ಬೆಳವಣಿಗೆಗೆ ಬೆಂಬಲ ನೀಡುತ್ತದೆ.
ಇದನ್ನು ಹಾಲು ಅಥವಾ ನೀರಿನೊಂದಿಗೆ (ಬಿಸಿ ಅಥವಾ ತಣ್ಣನೆಯ) ತೆಗೆದುಕೊಳ್ಳಬಹುದು. 500 ಗ್ರಾಂ ಜಾರ್ ನ ಬೆಲೆ ರೂ. 175/- ಮಾತ್ರ
ಇದಕ್ಕೆ ಸಹವರ್ತಿಯಾದ 3 ಬ್ರಾಂಡೆಡ್ ಗಳ ಸರಾಸರಿ ದರ ರೂ. 236/-
|
|
|
 
|
ಜನೌಷದಿ ಪೋಷಣ್ ಮಾಲ್ಟ್ ಆಧಾರಿತ ಆಹಾರ ಹರಳಿನ ರೂಪದ ಕೋಕಾದೊಂದಿಗೆ ಭದ್ರಪಡಿಸಲ್ಪಟ್ಟಿದೆ, ಇದರಲ್ಲಿ ಎ, ಡಿ. ಇ. ಸಿ. ಬಿ1, ಬಿ2, ಬಿ6, ಬಿ.12 ಅನಾಂಗ, ಕಬ್ಬಿಣಾಂಶ, ಸುಣ್ಣದಾಂಶ ಮತ್ತು ಫೋಲಿಕ್ ಆಮ್ಲ ಇತ್ಯಾದಿ ಇದ್ದು, ಇದು ಬೆಳವಣಿಗೆ ಮತ್ತು ರೋಗ ನಿರೋಧಕ ಶಕ್ತಿ ವರ್ಧನೆಗೆ ಬೆಂಬಲ ನೀಡುತ್ತದೆ. ಇದನ್ನು ಹಾಲು ಅಥವಾ ನೀರಿನೊಂದಿಗೆ (ಬಿಸಿ ಅಥವಾ ತಣ್ಣನೆಯ) ತೆಗೆದುಕೊಳ್ಳಬಹುದು. 500 ಗ್ರಾಂ ಜಾರ್ ನ ಬೆಲೆ ರೂ. 180/- ಮಾತ್ರ
ಇದಕ್ಕೆ ಸಹವರ್ತಿಯಾದ 3 ಬ್ರಾಂಡೆಡ್ ಗಳ ಸರಾಸರಿ ದರ ರೂ. 243/-
|
|
|
|
ಜನೌಷಧಿ ಪ್ರೋಟೀನ್ ಪುಡಿಯನ್ನು ಪ್ರೋಟೀನ್ ಪೂರಕಗಳೊಂದಿಗೆ ಭದ್ರಪಡಿಸಲಾಗಿದ್ದು, ಸ್ವಾಭಾವಿಕ ಮತ್ತು ಪ್ರಕೃತಿಯ ಒಂದೇ ತೆರನಾದ ಸ್ವಾದ (ಚಾಕೊಲೇಟ್ / ವೆನಿಲ್ಲಾ / ಕೇಸರ್ ಪಿಸ್ತಾ), ಪ್ರೋಟೀನ್, ಘನ ಹಾಲು, ಕೆನೆರಹಿತ ಹಾಲಿನ ಪುಡಿ, ಸೋಯಾ ಪ್ರೋಟೀನ್ ಐಸೊಲೇಟ್, ಕಡಲೆಕಾಯಿಬೀಜದ ಪೌಷ್ಟಿಕ ಹೈಡ್ರೋಜೋಲೈಟ್, ಮಾಲ್ಟ್ ಸಾರ, ಸಕ್ಕರೆ ಕೋಕಾ ಪುಡಿ (ಚಾಕೊಲೇಟ್ ಸ್ವಾದಕ್ಕಾಗಿ) ಡೊಕೊಸಾಹೆಕ್ಸಿನೋಯಿಕ್ ಆಮ್ಲ (ಡಿಎಚ್‌ಎ), ಅನ್ನಾಂಗಗಳು (ಅನ್ನಾಂಗ ಎ, ಅನ್ನಾಂಗ ಡಿ, ಅನ್ನಾಂಗ ಇ, ಅನ್ನಾಂಗ ಕೆ,
|
|
|
|
ಅನ್ನಾಂಗ ಸಿ, ಫೋಲಿಕ್ ಆಮ್ಲ, ಥಯಾಮಿನ್ (ಅನ್ನಾಂಗ ಬಿ 1), ರಿಬೋಫ್ಲಾವಿನ್, ಅನ್ನಾಂಗ ಬಿ 6, ಅನ್ನಾಂಗ ಬಿ 12, ನಿಯಾಸಿನ್, ಪ್ಯಾಂಟೊಥೆನಿಕ್ ಆಮ್ಲ, ಬಯೋಟಿನ್), ತೋರಿನ್, ಕೋಲೀನ್, ಖನಿಜಗಳು (ಸೋಡಿಯಂ, ಪೊಟ್ಯಾಸಿಯಮ್, ಕ್ಲೋರೈಡ್, ಕ್ಯಾಲ್ಸಿಯಂ, ರಂಜಕ, ಮೆಗ್ನೀಸಿಯಮ್, ಸತು, ಮ್ಯಾಂಗನೀಸ್ ತಾಮ್ರ, ಲವಣ, ಕಬ್ಬಿಣ, ಸೆಲೆನಿಯಮ್, ಮಾಲಿಬ್ಡಿನಮ್), ಇತ್ಯಾದಿ.
|
|
|
|
ಇದು 250 ಗ್ರಾಂ ಆಕರ್ಷಕ ಡಬ್ಬದಲ ಪ್ಯಾಕಿಂಗ್‌ ನಲ್ಲಿ ಲಭ್ಯ. ರೂ. 200 / - ಮಾತ್ರ, ಆದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಅಗ್ರ 3 ಬ್ರಾಂಡ್ ಉತ್ಪನ್ನಗಳ ಸರಾಸರಿ ಎಂಆರ್‌.ಪಿ ರೂ. 380 / -.
|
|
|
|
ಜನೌಷಧಿ ಜನನಿ ಪೌಷ್ಟಿಕಯುಕ್ತ ಪೂರಕ ಉತ್ಪನ್ನವಾಗಿದ್ದು, ಇದು ಗರ್ಭಿಣಿಯರಿಗೆ ಹೆಚ್ಚುವರಿ ಪೌಷ್ಟಿಕಾಂಶವನ್ನು ಒದಗಿಸುತ್ತದೆ. ಇದು 250 ಗ್ರಾಂ ಆಕರ್ಷಕ ಡಬ್ಬದಲ ಪ್ಯಾಕಿಂಗ್‌ ನಲ್ಲಿ ಲಭ್ಯ. ರೂ. 225 / - ಮಾತ್ರ, ಆದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಅಗ್ರ 3 ಬ್ರಾಂಡ್ ಉತ್ಪನ್ನಗಳ ಸರಾಸರಿ ಎಂಆರ್‌.ಪಿ ರೂ. 300 / -
|
|
|
|
ಜನೌಷಧಿ ಪ್ರೋಟೀನ್ ಬಿಲ್ಲೆ ಇಂದಿನ ಕಾರ್ಯಒತ್ತಡದ ಮತ್ತು ಸಕ್ರಿಯ ಜೀವನಶೈಲಿಯಲ್ಲಿ ಪೌಷ್ಟಿಕಾಂಶದ ಅನುಕೂಲಕರ ಮೂಲವಾಗಿದೆ. ಒಬ್ಬರ ಮಧ್ಯಾಹ್ನ ಊಟಕ್ಕೆ ತ್ವರಿತ ಪ್ರೋಟೀನ್ ಸೇರಿಸಲು ಈ ಪ್ರೋಟೀನ್ ಬಿಲ್ಲೆಗಳು ಉತ್ತಮ ಮಾರ್ಗವಾಗಿದೆ. ಇದು ಸೂಕ್ಷ್ಮ ಪೋಷಕಾಂಶಗಳೊಂದಿಗೆ ಬಲವರ್ಧಿತ ಪೌಷ್ಟಿಕೌಷಧ ಪೂರಕ ಆಹಾರವಾಗಿದೆ. ಡಾರ್ಕ್ ಸಂಯುಕ್ತಗಳಾದ (ಸಕ್ಕರೆ, ಖಾದ್ಯಯೋಗ್ಯ ತರಕಾರಿಯ ಕೊಬ್ಬು, (ಹೈಡ್ರೋಜನೇಟೆಡ್), ಕೋಕೋ ಘನ ಮತ್ತು ಎಮಲ್ಸಿಫೈಯರ್ಗಳು ಐಎನ್ಎಸ್ 491, ಐಎನ್ಎಸ್ 322, ನೈಸರ್ಗಿಕ ವೆನಿಲ್ಲಾ ಸುವಾಸನೆಯ ವಸ್ತುಗಳು), ಪ್ರತ್ಯೇಕವಾದ ಸೋಯಾ ಪ್ರೋಟೀನ್, ಅಕ್ಕಿ ಗರಿಗರಿಯಾದ (ಅಕ್ಕಿ ಹಿಟ್ಟು), ಹಾಲು ಸಂಯುಕ್ತ (ಸಕ್ಕರೆ, ಖಾದ್ಯ ತರಕಾರಿ ಕೊಬ್ಬು (ಹೈಡ್ರೋಜನರೇಟೆಡ್) ಘನ ಹಾಲು, ಕೋಕಾ ಘನ ಮತ್ತು ಎಮಲ್ಸಿಫೈಯರ್ಗಳು ಐಎನ್ಎಸ್ 322, ನ್ಯಾಚುರಲ್ ವೆನಿಲ್ಲಾ ಫ್ಲೇವರ್ ಮೆಟೀರಿಯಲ್ಸ್, ಇತ್ಯಾದಿ. ಇದು 35 ಗ್ರಾಂ ಬಿಲ್ಲೆಯ ಆಕರ್ಷಕ ಪ್ಯಾಕಿಂಗ್‌ ನಲ್ಲಿ ಲಭ್ಯವಿದ್ದು ಬೆಲೆ ರೂ. 40 / - ಮಾತ್ರ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಅಗ್ರ 3 ಬ್ರಾಂಡೆಡ್ ಉತ್ಪನ್ನಗಳ ಸರಾಸರಿ ಎಂಆರ್‌ಪಿ ರೂ. 80 / -.
|
|
|
|
|
ಜನೌಷಧಿ ರೋಗನಿರೋಧಕ ಶಕ್ತಿ ವರ್ಧಕ ಬಿಲ್ಲೆ ಎಲ್ಲರಲ್ಲಿಯೂ, ವಿಶೇಷವಾಗಿ ಮಕ್ಕಳಲ್ಲಿ ವಾರಾಂತ್ಯದ ಪ್ರತಿರಕ್ಷೆಯ ಪ್ರಭಾವವನ್ನು ಎದುರಿಸಲು ಅಗತ್ಯವಾದ ಸೂಕ್ಷ್ಮ ಪೋಷಕಾಂಶಗಳನ್ನು ಬಲಪಡಿಸುವ ಅತ್ಯುತ್ತಮ ಮಾರ್ಗವಾಗಿದೆ. ಸಾಮಾನ್ಯವಾಗಿ ಸಾಂಪ್ರದಾಯಿಕ ಮೂಲಗಳು / ವಿಧಾನಗಳಿಂದ ಅಗತ್ಯವಾದ ಸೂಕ್ಷ್ಮ ಪೋಷಕಾಂಶಗಳನ್ನು ಸೇವಿಸದೆ ಓಡಿಹೋಗುವ ಮಕ್ಕಳಿಗೆ ಒಂದು ಆರೋಗ್ಯ ಸ್ಥಿತಿಯಲ್ಲಿ ಪ್ರಾಬಲ್ಯವಿರುವಂತೆ ತೋರುವ ಶೀತಜ್ವರ ಮತ್ತು ಶೀತಗಳನ್ನು ಎದುರಿಸಲು ಒಬ್ಬರ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಅಂತಿಮ ಪ್ರಾಮುಖ್ಯತೆಯನ್ನು ನೀಡುತ್ತದೆ. ಅಂದಹಾಗೆ, ಜನೌಷಧಿ ರೋಗನಿರೋಧಕ ಶಕ್ತಿವರ್ಧಕ ಬಿಲ್ಲೆ ಸೂಕ್ತವಾಗಿದೆ, ಇದು ರುಚಿಕರ ಮಾತ್ರವಲ್ಲದೆ ಸಕ್ಕರೆ, ಖಾದ್ಯ ತರಕಾರಿ ಕೊಬ್ಬು (ಹೈಡ್ರೋಜನರೇಟೆಡ್), ಕೋಕೋ ಘನವಸ್ತುಗಳು, ಜೀವಸತ್ವಗಳು, ಖನಿಜಗಳು, ಎಮಲ್ಸಿಫೈಯರುಗಳು ಐಎನ್.ಎಸ್ 491, ಐಎನ್.ಎಸ್ 322, ನೈಸರ್ಗಿಕ ವೆನಿಲ್ಲಾ ಸುವಾಸನೆಯ ಪದಾರ್ಥಗಳನ್ನು ಒಳಗೊಂಡಿರುತ್ತದೆ. ಇದು 10 ಗ್ರಾಂ ಬಾರ್‌ ನ ಆಕರ್ಷಕ ಪ್ಯಾಕಿಂಗ್‌ ನಲ್ಲಿದ್ದು ರೂ. 10 / - ಮಾತ್ರ, ಮಾರುಕಟ್ಟೆಯಲ್ಲಿ ಲಭ್ಯವಿರುವ ಅಗ್ರ 3 ಬ್ರಾಂಡೆಡ್ ಉತ್ಪನ್ನಗಳ ಸರಾಸರಿ ಎಂಆರ್‌ಪಿ ರೂ. 20 / -.
|
ಸಚಿವಾಲಯವು ವಿವಿಧ ಮಾಧ್ಯಮಗಳು ಅಂದರೆ ಮುದ್ರಣ, ವಿಧ್ಯುನ್ಮಾನ, ಸಾಮಾಜಿಕ ಮಾಧ್ಯಮಗಳ ಮೂಲಕ ಮತ್ತು ಸಾಮಾಜಿಕವಾಗಿ ಪರಿಣಾಮ ಬೀರುವ ಗುಂಪುಗಳಾದ ವೈದ್ಯರು, ಔಷಧ ವ್ಯಾಪಾರಿಗಳು, ಗ್ರಾಹಕರು ಮತ್ತಿತರರನ್ನು ತೊಡಗಿಸಿಕೊಂಡು ವಿಚಾರ ಸಂಕಿರಣ ಆಯೋಜಿಸುವ ಮೂಲಕ ಜನೌಷಧಿಗಳ ಬಳಕೆಯನ್ನು ಭಾರತದಲ್ಲಿ ಪ್ರೋತ್ಸಾಹಿಸುತ್ತಿದ್ದು, ಈ ಉದ್ದೇಶಕ್ಕಾಗಿ ಕಳೆದ 5 ವರ್ಷಗಳಲ್ಲಿ 21 ಕೋಟಿ ರೂ.ಗಳನ್ನು ವೆಚ್ಚ ಮಾಡಿದೆ. ಈ ವರ್ಷ 12.90 ಕೋಟಿ ರೂ. ಗಳನ್ನು ಬಜೆಟ್ ನಲ್ಲಿ ಮಂಜೂರು ಮಾಡಲಾಗಿದೆ.
ಹೆಚ್ಚಿನ ಅರ್ಜಿದಾರರನ್ನು ಆಹ್ವಾನಿಸಲು ಮತ್ತು ಮಳಿಗೆಗಳ ಕಾರ್ಯಸಾಧ್ಯತೆಯನ್ನು ಹೆಚ್ಚಿಸಲು, ಪ್ರೋತ್ಸಾಹಕಗಳನ್ನು ನೀಡಲಾಗುತ್ತಿದ್ದು, ಇವುಗಳನ್ನು ಸುಮಾರು 2.50 ಲಕ್ಷದಿಂದ 5.00 ಲಕ್ಷಕ್ಕೆ ದುಪ್ಪಟ್ಟುಗೊಳಿಸಲಾಗಿದೆ. ಎಸ್.ಸಿ, ಎಸ್.ಟಿ, ಮಹಿಳಾ ಮತ್ತು ದಿವ್ಯಾಂಗ ವರ್ಗಕ್ಕೆ ಸೇರಿದ ವ್ಯಕ್ತಿಗಳಿಗೆ ಮತ್ತು ಈಶಾನ್ಯ ರಾಜ್ಯಗಳು, ಮಹತ್ವಾಕಾಂಕ್ಷೆಯ ಜಿಲ್ಲೆಗಳು ಮತ್ತು ಹಿಮಾಲಯದ ರಾಜ್ಯಗಳಲ್ಲಿನ ಯಾವುದೇ ಅರ್ಜಿದಾರರು ಮಳಿಗೆ ಸ್ಥಾಪಿಸಲು ಸರ್ಕಾರವು 2.00 ಲಕ್ಷ ರೂ. ಒಂದು ಬಾರಿಯ ಅನುದಾನ ನೀಡುತ್ತದೆ.
***
(Release ID: 1654435)
|