কোবিদ লাইচৎ অমসুং ভারত লৈঙাক্না লৌখৎলিবা খোঙথাঙশিংগী মতাঙদা ঙসি লোক সভা/রাজ্য সভাদা হকশেল অমসুং য়াইফ য়ুম্বাল মন্ত্রী দোক্তর হর্ষ বর্ধননা পীবা সুও-মোতো ৱারোল মখাদা পীরি:

১.             চীং লেম্লবা হাউস অসুদা ঐনা কোবিদ লাইচৎকী মতাঙদা চহীসিগী ফেব্রুৱারীদা অমুরক অমদি মার্চ থাদা অমুক হন্না ঐনা চাউরাকপা ৱাফম থমখ্রে‍। ঐনা অমুক্কা হন্না ইকায়খুম্নরবা মেম্বরশিংদা কোবিদ-১৯ লাইচৎগী হৌজিক ওইরিবা ফীভম অমসুং ভারত লৈঙাক্না লৌখৎলিবা থবক থৌরমশিংগী মতাঙদা অমুক্কা হান্না তমজগে‍।

২.             ঐগী অকোনবা ৱারোলগী মতুংদা দব্লিউ.ঐচ.ও.না কোবিদ-১৯বু লাইচৎ অমনি হায়না লাউথোকখি অমদি লৈবাক খুদিংমক্তা মীয়ামগী হকশেলগী ৱাফম অসিগী মায়োক্তা অথুবা অমদি অকনবা থৌরাংশিং লৌখৎনবা হায়খি‍।

৩.            সেপ্তেম্বর ১১, ২০২০ ফাওবদা, মালেমগী ওইনা লৈবাক/ঙমখৈ ২১৫ মসিনা শোকহল্লে‍। দব্লিউ.ঐচ.ও.গী মতুং ইন্না, মালেমগী ওইনা কনফার্ম কেস করোর ২.৭৯ হেন্না লৈবদা মীওই লাখ ৯.০৫ হেন্না শিদুনা কেস ফেতেলিতী রেত চাদা ৩.২গী চাংদা লৈরি‍।

৪.             সেপ্তেম্বর ১১, ২০২০ ফাওবদা, ভারত্তা অপুনবা কনফার্ম কেস ৪৫,৬২,৪১৪ অমসুং মীওই ৭৬,২৭১ (কেস ফেতেলিতী রেত চাদা ১.৬৭) শিখ্রে‍। কেস মশীং ৩৫,৪২,৬৬৩ (চাদা ৭৭.৬৫) ফখ্রে‍। অয়ামবা কেসশিং অমসুং শিরিবশিং অসি মহারাস্ত্র, অন্ধ্র প্রদেশ, তামিল নাদু, কর্নাতকা, উত্তর প্রদেশ, দিল্লী, ৱেস্ত বেঙ্গল, বিহার, তেলঙ্গনা, ওরিসা, অসাম, কেরলা অমসুং গুজরাত্তগীনি‍। হায়রিবা স্তেতশিং অসিদা কেস মশিং লাখ অমদগী হেন্না লৈ‍‍। ঐখোয়না লৈঙাক্কী অমদি খুন্নাইগী ওইবা অপুনবা থৌওংনা কোবিদ-১৯ থেংননবা থৌরাংদা ভারতনা মসিগী কেস অমসুং শিবগী মশিং মীওই মিলিয়ন কেস ৩,৩২৮ অমসুং মীওই মিলিয়ন অমদা মীশিং ৫৫ শিবগী চাংদা লৈদুনা মালেমগী ওইনা মান্ননা শোকহল্লবা লৈবাকশিংগী মরক্তা খ্বাইদগী নেমবা ওইরি‍।

৫.             শন্দোকপগী মওং, সবক্লিনিকেল ইনফেক্সন, ভাইরস সেদ্দিংগী মতম, ইম্ম্যুনিতীগী থৌদাংনচিংবা লাইচৎকী পেরামিতর কয়া হৌজিকসু থিজিল্লি‍। করিগুম্বা মীওই অমা মহিক অসিদা এক্সপোজ তৌখ্রবদি, লায়না অসিগী লাইওং নুমিৎ ১-১৪গী মনুংদা মতম অমা হেক্তদা উত্থোরকই‍। কোবিদকী মরুওইবা লাইওংশিংদি লাইহৌ, লোক খুবা, অমদি নীংশা হোনবদা ৱাবনি‍। ঐখোয়গী লৈবাক্তা অপুনবা কেসকী চাদা ৯২দি য়াম্না কন্দবা লাইওং লৈ‍। কেসকী চাদা ৫.৮কুম্বনা ওক্সিজেন থেরাপী মথৌ তাই অমদি য়াম্না শাথিবা ওইদুনা ইন্তেন্সিব কেয়র মথৌ তাবদি কেসকী চাদা ১.৭ খক্তনি‍।

৬.            ভারত্তা লাচৎ অসিনা শন্দোকপা হেনগৎলক্লিবা চাং অসিদা লায়না শন্দোকপা থিংননবা, পুন্সি কন্নবা অমদি চৈথেং হন্থহন্নবা পুম্নমক শুপচিল্লবা মাঙজৌনবা, ইচঙ থৌবা, থাক নাইবা, লৈঙাক্কী অপুনবা থৌরাং, খুন্নাইগী ওইবা অপুনবা থৌরাং মথৌ তাই‍।

৭.             ভারত লৈঙাক্না কোবিদ-১৯গী শিংনবশিং অসি রাজনিতীগী ওইবা অচেৎপা ফিরেপকা লোয়ননা লূম্না লৌরি‍। ইকায়খুম্নরবা প্রধান মন্ত্রীনা হায়খিবগী মতুং ইন্না ইশানা লৌজবা জনতা কর্ফিউগী ফিরেপকা লোয়ননা ফুরুপ পুম্বা য়াওমিন্নদুনা লৈঙাক্না ইচঙ থৌনা লৌখিবা লৈবাক পুম্বগী লোকদাউন অসিনা ভারতনা পুন্না কোবিদ-১৯ থেংননবা লেপ্লিবা অমদি কোবিদ শন্দোরকপা মায় পাক্না ময়া কুমহনখিবগী লেঙদ্রবা খুদম্নি‍। ফিরেপ অসিনা চাউরাক্ন কেস মশিং লাখ ১৪-২৯ অমদি শিবগী মশিং লিশিং ৩৭-৭৮ ফাওবা ঙাকথোকই হায়না পানরি‍। মখা তানা, হায়রিবা থা মরিসিদা অহেনবা হকশেলগী ইন্ফ্রাস্ত্রকচর শেমগৎপা, হ্যুমেন রিসোর্স ফগৎহনবা অমদি ভারত্তা পি.পি.ই., এন-৯৫ মায়খুম অমসুং ভেন্তিলেতরগুমবা মরুওইবা মচাক পুথোকপদা শীজিন্নখি‍। পনবা য়াবা ৱাফম অমদি মার্চ ২০২০দা লৈরম্বা ফীভমদগী আইসোলেসন ফমুং শরুক ৩৬.৩ হেনগৎহনবা অমদি আই.সি.য়ু. ফমুং শরুক ২৪.৬কী মথক্তা হেনগৎহনখিবা অসিনি‍। মতমদুদা মথৌ তাবা স্তেন্দর্দকী ওইবা পি.পি.ই. ইরমদমসিদা পুথোক্লদ্রবসু, হৌজিক ঐখোয় ইরোমদোম লেপচবা ঙম্লে অমদি মপান্দা থাদোকপা ঙমবগী ফীভমদা লৈরে‍। ঐখোয়গী লৈবাক মীয়ামগী মহুৎ শিন্দুনা, ঐনা তাঞ্জা অসি লৌরগা ঐখোয়গী ইকায়খুম্নরবা প্রধান মন্ত্রী শ্রী নরেন্দ্র মোদীবু মহাক মশামক্না ফীভমসিবু য়েংশিনখিবা অমদি মহাক্না লুচিংখিবগীদমক্তা থাগৎপা ফোঙদোকচরি‍।

৮.             ভারত লৈঙাক্না লায়না অসি চঙলক্তনবা অমদি লাকশিন্নবা থবক থৌরম কয়া লৌখৎখি‍। ঐনা নুমিৎ খুদিংগী ওইনা ফীভম অসিবু য়েংশিল্লি‍। ইকায়খুম্নরবা প্রধান মন্ত্রী মশামক্না স্তেতশিংগী চীফ মিনিস্তরশিং অমসুং য়ু.তি.শিংগী এদমিনিস্ত্রেসনশিং অমদি স্তেকহোল্দর পুম্নমক্কা চাং নাইনা ৱারী ৱাতায় শাদুনা ৱাফমসিবু মমুৎ তানা লৌশিনখি অমদি মায় পাক্না কোবিদ মেনেজ তৌনবা স্তেতশিংগা খুৎশম্ননা চৎমিন্নখি‍। ঐনা চেয়রমেন ওইবা মপান থৌরম মন্ত্রী, সিভিল এভিএসন মন্ত্রী অমসুং হোম এফ্যার্স মন্ত্রী অমদি সিপ্পিংগী রাজ্য মন্ত্রী অমসুং হকশেল অমসুং য়াইফ য়ুম্বালগী রাজ্য মন্ত্রী য়াওবা গ্রুপ ওফ মিনিস্তরনা ফেব্রুৱারী ৩, ২০২০দা লায়চৎ অসিনা অহানবা হৌরকপদগী হৌরগা হৌজিক ফাওবদা মীফম ২০লক পাঙথোকখ্রে‍। সেক্রেতরীশিংগী কমিতীনা কেবিনেত সেক্রেতরীগী মখাদা মরী লৈনবা হকশেল, ঙাকশেল, মপান থৌরম, সিভিল এভিএসন, হোম, তেক্সতাইল, ফার্মা, কম্মর্স মন্ত্রালয়শিং অমসুং স্তেতশিংগী চীফ সেক্রেতরীশিং য়াওনা অতৈ ওফিসিএলশিংগা লোয়ননা চাং নাইনা ফীভম য়েংশিনখি‍।

ইকায়খুম্নরবা প্রধান মন্ত্রীগী লমজিং মখাদা ভারত লৈঙাক্কী হোম এফ্যার্স মন্ত্রালয়না মার্চ ২৯, ২০২০দা (১) মেদিকেল ইমর্জেন্সী প্লান্নিং, (২), অনা লায়েংশঙ, আইসোলেসন অমসুং ক্বারেন্তিন ফেসিলিতী, দিজিজ সর্ভিলেন্স অমসুং তেস্তিং ফংহনবা, (৩) মথৌ তাবা মেদিকেল খুৎলায়শিং ফংহনবা, (৪) হ্যুমেন রিসোর্স অমসুং কেপাসিতী বিল্দিং হেনগৎহনবা, (৫) সপ্লাই চেন অমসুং লোজিস্তিক মেনেজমেন্ত, (৬) প্রাইভেত সেক্তরগা খুৎশম্ননা চৎমিন্নবা, (৭) শেন্মিৎলোন অমসুং য়াইফ থৌরাং, (৮) ঈ-পাউ, পাউ ফাওদোক ফাওজিন তৌবা অমদি মীয়ামদা পাক শন্না খঙহনবা, (৯) তেক্নোলোজী অমসুং দেতা মেনেজমেন্ত, (১০) মীয়ামগী ৱাকৎ অমসুং (১১) লোকদাউনগা মরী লৈনবা থৌরাংশিংনচিংবা হীরমশিংগী মতাঙদা মরম চাবা ফিরেপ লৌননবা লৈবাকসিদা কোবিদ-১৯ মেনেজ তৌনবগী তোঙান তোঙানবা মশক মওংশিংগী মতাঙদা এম্পৱার্দ গ্রুপ ১১ শেমখি‍। মথৌ তাবা অমসুং ওইরক্লিবা ফীভমগী মতুং ইন্না গ্রুপশিং অসি সেপ্তেম্বর ১০দা নৌনা শেমদোকখ্রে‍।

ঐ ইশাগী মন্ত্রালয়না হোংলক্লিবা ফীভম অসিবু লেপ্পা নাইদনা য়েংশিল্লি‍। স্তেতশিংগা চাং নাইনা ভিদিও কন্ফরেন্স পাঙথোক্লি‍। ঐখোয়না হৌজিক ফাওবদা স্তেতকী হকশেল মন্ত্রী, হকশেলগী থৌমীশিং অমসুং দিস্ত্রিক্ত লেভভেল ওফিসিএলশিংগা ভিদিও কন্ফরেন্স ৬৩ পাঙথোকখ্রে‍। এম.ও.ঐচ.এফ.দব্লিউ.দা তেক্নিকেল ওইবা ৱাফমদা পাউতাক পীরিবা দি.জি.ঐচ.এস.কী চেয়রমেন্সিপ মখাদা লৈরিবা জোইন্ত মোনিতরিং গ্রুপ (জে.এম.জি.)না খুদোংথিবা য়েংশিন্নবা, শেম শারিবা অমদি রেসপোন্স মেকানিজম য়েংশিন্নবা অমসুং তেক্নিকেল গাইদলাইনশিং তুপথোক্নবা হৌজিক ফাওবদা ৪০রক মীফম পাঙথোকখ্রে‍।

৯.             ভারত লৈঙাক্না মমাঙদা লায়না লাইচৎ মায় পাক্না মেনেজ তৌখিবগী থেংনহৌবশিংদা য়ুম্ফম ওইরগা, মথৌ তাবা লাল্লোং, থৌরাং অমদি থৌওংশিং স্তেত লৈঙাক অমদি য়ু.তি. এদমিনিস্ত্রেসনশিংদা পীখি‍। মসিদা হকশেল থৌমীশিংদা পুক্নীং থৌগৎগদবা লমজিং য়াওনা কন্তেনমেন্তকী থৌরাংশিং অমসুং চত্থোক চৎশিন, শাজৎ লিচৎ অমসুং সাইকো-সোসিএল হেল্থ, সর্ভিলেন্স, লেবোরেতরীগী ঙাক্লৌ, অনা লায়েংশঙগী ইন্ফ্রাস্ত্রকচর, ক্লিনিকেল মেনেজমেন্ত, পর্সোনেল প্রোতেক্তিব ইকুইপমেন্ত (পি.পি.ই.)নচিংবা ৱাফমশিংগা মরী লৈনবা হীরমশিংদা চৎন-পথাপশিং য়াওরি‍।

১০.           ভারত লৈঙাক্না কোবিদ শন্দোরকপা লাকশিন্নবা/নমথনবা অতৈ অতোপ্পা থৌরাঙ কয়াসু লৌখৎখি‍। অহানবদা জনুৱারী ১৭, ২০২০দা ত্রাভেল এদভাইজরী থোকখি, অমদি ফীভম হোংলকপগী মতুং ইন্না ত্রাভেল এদগভাইজরীশিং তাঙ্কক নাইনা হোংদোক হোংজিন তৌখি‍। লৈবাক খুদিংমক্তগী লাকপা পেসেঞ্জরশিং স্ক্রিনিং তৌনবা মান্নবা থৌরাং হৌদোকখি অমদি মার্চ ২৩, ২০২০ ফাওবদা (কম্মর্সিএল ফ্লাইত লেপখিবা ফাওবা), এয়রপোর্তশিংদা অপুনবা ফ্লাইত ১৪,১৫৪দা তোংলকপা পেসেঞ্জর ১৫,২৪,২৬৬ স্ক্রিন তৌখি‍। এয়রপোর্তশিংসিগী মথক্তা কংফালগী ঙমখৈ লান্থোকফমদা মীওই লাখ ১৬.৩১ অমসুং সমুদ্রগী হিথাংফম অচৌবা ১২, মচা ৬৫দা মীওই ৮৬,৩৭৯ স্ক্রিন তৌখি‍।

১১.           হৌজিক্কী ওইনা ভারত লৈঙাক্না কোবিদ-১৯ লাইচৎনা মরম ওইরগা লৈবাক কয়াদা পন্দুনা লৈরমবা ভারত মচাশিং পুরক্নবা পান্দমদা মে ৭, ২০২০দা লাউথোকখিবা বন্দে ভারত মিসন নত্তনা মার্চ ২২, ২০২০দগী মপান লৈবাক্কী এয়রপোর্ত অমত্তদগী ভারতকী এয়রপোর্ত অমত্তদা লাক্কদবা সিদ্যুল্দ ইন্তরনেসনেল কম্মর্সিএল পেসেঞ্জর এয়রক্রাফ্ত অমত্তা পায়রক্নবা পাউতাক পীখিদ্রি‍। ভারত অমসুং মায়কৈ অনিনা য়ানবগী মতুং ইন্না লৈবাক ৯গগী মরক্তা কম্মর্সিএল পেসেঞ্জর সর্ভিস অমুক হৌনবা মতম খরগী ওইনা ত্রাভেল এরেঞ্জমেন্ত (ত্রান্সপোর্ত বব্বল) হৌখ্রে‍। মখোয়সি নাকল অনিগী ওইবা মওংনি হায়বদি লৈবাক অনিমক্না কান্নবা ফংগদবনি‍। ‘গাইদলাইন্স ফোর ইন্তরনেসনেল এরাইভেল’ অমসু মন্ত্রালয়না মে ২৪, ২০২০দা থোকখ্রে অমদি মদু ওগস্ত ২, ২০২০দা নৌনা শেমদোকখ্রে‍।

লোকদাউন ১.০গী মমাঙদা ভারত লৈঙাক্না চাইনাগী ৱুহান সিতীদগী, দাইমন্দ প্রিন্সেস ক্রুজ জহাজ, জপান, ইরান, ইতলি অমসুং মলেসিয়াদগী ভারত মচাশিং পুথোরকখি‍। বন্দে ভারত মিসনগী মখাদা, সেপ্তেম্বর ১১, ২০২০ ফাওবদা লৈখিবা রিপোর্তকী মতুং ইন্না, অপুনবা পেসেঞ্জর ১২,৬৯,১৭২ ভারত্তা পুরকখ্রে‍।

১২.           অহানবদা ত্রাভেলগা মরী লৈনবা কেসশিদা অমদি মখা তারকপদা কম্ম্যুনিতীদগী থোরকপা কেসশিংগী মতাঙদা ইন্তিগ্রেতেদ দিজিজ সর্ভিলেন্স প্রোগ্রাম (আই.দি.এস.পি.)না কম্ম্যুনিতী সর্ভিলেন্স হৌখি‍। সেপ্তেম্বর ১১, ২০২০ ফাওবদা, অপুনবা মীশিং লাখ ৪০ য়েংশিন্দুনা থম্লি অমদি শন্দোরকপগী মরী থদৎনবা সর্ভিলেন্স নেতৱর্ক্কী খুত্থাঙদা পোজিতিব কেস পুম্নমক্কী পাক চাউরবা কন্তেক্ত ত্রেসিংগী থবক চাং নাইনা পায়খৎলি‍।

মার্চ ২, অমসুং এপ্রিল ৪, ২২০২০দা মথঙশিৎনা ক্লস্তর অমসুং চাউনা শন্দোরকপা লাকশিন্নবা কন্তেনমেন্ত প্লানশিং হকশেল অমদি য়াইফ য়ুম্বাল মন্ত্রালয়না থোকখি অমদি হায়রিবা থৌরাংশিং অসি মতম মতমগী মতুং ইন্না শেমদোক্তুনা লাক্লি‍। কন্তেনমেন্ত প্লানদা (১) কন্তেনমেন্ত অমসুং বফর মফমশিং খঙদোকপা, (২) অকনবা পেরিমিতর কন্ত্রোল, (৩) কেস অমসুং কন্তেক্তশিংগী মনুং থিৎনা য়ুমথোঙ য়ুমথোঙ চঙদুনা থিবা, (৪) চিংনবা কেসশিং অমসুং খুদোংথিববগী চাং ৱাংবা কন্তেক্তশিং তোখায়না থমদুনা তেস্ত তৌবা, (৫) খুদোংথিবগী চাং ৱাংবা কন্তেক্তশিং ক্বারেন্তিন তৌবা, (৬) অচমবা ঙাকথোক্নবগী পাম্বৈশিং অমসুং পন্থদনা লায়েংবগী মতেং লৌবগী মতাঙদা পাক শন্না খঙহন্নবা মপুং ফাবা রিস্ক কম্ম্যুনিকেসন অমসুং (৭) কন্তেনমেন্ত অমসুং বফর মফমশিংদা ইনফ্লুএঞ্জা লাইক ইলনেস (আই.এল.আই.)/ সিভিয়র এক্যুৎ রেস্পিরেতরী ইলনেস (এস.এ.আর.আই.)গী সর্ভিলেন্স মপাঙ্গল কনখৎহনবনচিংবা থৌরাংশিংগী খুত্থাঙদা শন্দোকপগী মরী থদৎনবা লাল্লোং য়াওরি‍।

১৩.          হোংলক্লিবা ফীভমসিগা লোয়ননা লেবোরেতরী নেতৱর্কসু লেপ্পা নাইদনা মপাঙ্গল কনখৎহল্লি‍। জনুৱারীদা কোবিদ তেস্ত তৌনবা লেবোরেতরী অমখক লৈরমবা ফীভমদগী, হৌজিক লেবোরেতরী ১৭০৫না কোবিদ-১৯ তেস্ত তৌরি‍। লদাখ, সিক্কিম, অরুনাচল প্রদেশ, নগালেন্দ লোয়ননা অৱাং নোংপোক স্তেতশিং, লক্সদ্বীপ অমসুং অন্দমান এন্দ নিকোবার ইথৎকুম্বা খুদোংচাদবা মফমশিংদা লেবোরেতরীশিং লিংখৎলে‍। হৌজিক হৌজিক নোংমদা তেস্ত মিলিয়ন ১গী ময়াদা (নোংমদা মীওই মিলিয়ন অমদা তেস্ত ৭২০গী চাংদা) তেস্ত তৌদুনা দব্লিউ.ঐচ.ও.না পিবা নোংমদা মীওই মিলিয়ন ১দা তেস্ত ১৪০গী চাংদগী য়াম্না ৱাংনা তৌরি‍। সেপ্তেম্বর ১১, ২০২০ ফাওবদা অপুনবা সেম্পল ৫,৫১,৮৯,২২৬ তেস্ত তৌখ্রে‍। লেবোরেতরী দাইগ্নোস্তিক নৎত্রগা তেস্তিং মেচিন হান্নদি ইরমদমসিদা পুথোকচরমদ্রবসু, ঙসিদি ঐখোয়দা ইরমদমসিদা নোংমদা তেস্তিং কিত লাখ ১০ হেন্না পুথোকপগী মঙম লৈরে‍।

১৪.           কোবিদ-১৯ কেস মরম চানা মেনেজ তৌনবগীদমক, থাক অহুমগী হকশেলগী ফেসিলিতীশিং (১) লাইওং য়াম্না কন্দবা নৎত্রগা লাইওং উৎত্রিঙৈ মমাঙগী কেসশিংগীদমক আইসোলেসন ফমুং য়াওবা কোবিদ কেয়র সেন্তর; (২) ময়ায় ওইরপ্পা কেসশিংগীদমক্তা ওক্সিজেনগী ঙাক্লৌ য়াওবা দেদিকেতেদ কোবিদ হেল্থ সেন্তর (দি.সি.ঐচ.সি.) অমসুং; (৩) য়াম্না ফীভম শোকপা কেসশিংগীদমক আই.সি.য়ু. ফমুং য়াওবা দেদিকেতেদ কোবিদ হোস্পিতাল (দি.সি.ঐচ.)শিং থম্লে‍। ই.এস.আই.সি., ঙাকশেল, রেলৱেজ, পেরামিইলিতরী ফোর্স, স্তীল মন্ত্রালয়নচিংবগী মখাদা লৈবা তর্সরী কেয়র হোস্পিতালশিং কেস মেনেজ তৌনবা শীজিন্নরি‍।

সেপ্তেম্বর ১২, ২০২০ ফাওবদা ওক্সিজেন য়াওদবা তোখায়বা আইসোলেসন বেদ ১৩,১৪,৬৪৬ লৈবা কোবিদ লায়েংফম ১৫,২৮৪ শেম্লে‍। ওক্সিজেনগী ঙাক্লৌ য়াওবা আইসোলেসন ফমুং ২,৩১,০৯৩ অমসুং আই.সি.য়ু. ফমুং ৬২,৭১৭ (ভেন্তিলেতর ফমুং ৩২,৫৭৫ য়াওরগা) শেম্লে‍। লায়নাগী চৎলিবা মওং, ফংলিবা ইন্ফ্রাস্ত্রকচরগী এনালাইসিস অমদি তুংগীদমক্তা মাঙজৌননা থৌরাং তৌবনা চাওখৎলবা লৈবাক কয়ানা থেংনখিবা অচৌবা ৱাথোক কয়াদি থৈদোকপা ঙমখ্রে‍। মসিগী মথক্তা ফমুং ৫,৯৮ও৮১১ লৈবা ক্বারেন্তিন সেন্তর ১২,৮২৬ শেমখি‍।

১৫.           কোবিদ-১৯গী ক্লিনিকেল মেনেজমেন্তকী  চৎন-পথাপশিং থোকখ্রে অমদি চাং নাইনা অপদেত তৌরি অমদি পাক শন্না চাইথোক্লি‍। মসিদা কেস দিফিনিসন, ইনফেক্সন কন্ত্রোল ঙাকথোক্নবা, লেবোরেতরী দাইগ্নোসিস, ঙন্নবা ঙাক্লৌ পীবগী লায়েং পথাপ, ফীভম লুপা অমদি ফীভম শোকচিল্লবা কেসশিং মেনেজ তৌবগী ৱাফমশিং য়াওরি‍। হৌজিকফাওবগী ওইনা অকক্নবা এন্তিভাইরেলশিং কান্নবগী খুদম ফংদ্রি‍। লাইহৌ অমসুং লোক খুবগী লায়েংবা, ঈশিংগী চাং মরাঙ কায়না থমবা, ওক্সিজেন থাজিন্দুনা লায়েং পথাপনা লায়েংবগী মরুওইবা মতৌ ওইরি‍।ঐখোয়না হাইদ্রোক্সিক্লোরোকুইন দ্রগপু লাইওং কন্দবা (অদুবু খুদোংথিবগী চাং ৱাংবা কেসশিং) অমদি ময়ায় ওইরপ্পা কেসশিংদা শীজিন্নবা য়াহল্লে‍। মসি ভারত্তা মতম শাংনা অতোপ্পা লায়না লায়েংবদা শাফনা শীজিন্নৈ হায়বা খঙলবা মতুংদা মশীং য়ামদবা সাইন্তিফিক খুদমগা লোয়ননা পায়খৎপনি

মসিগী মথক্তা, চেকশিনবা মেদিকেলগী মীৎয়েঙ মখাদা ফীভম শাথিবা কেসশিং মেনেজ তৌনবা রেলদেসিভির, কোনভালেসেন্ত প্লাজ্মা অমসুং তোসিলিজুমাব শীজিন্নদুনা থিজিন লায়েং চত্থনবা থৌরাংসু লৌখৎলে‍।

হায়রিবা মান্নবা লায়েং পথাপ অসি ফংহন্নবা অমদি মী শিবগী চাং মশিং য়াম্না হন্থহন্নবা পান্দমদা থৌরাং কয়াসু হৌদোকখ্রে‍। দোক্তরশিংবু মেদিকেল মেনেজমেন্ততা লমজিং পীননবা এইমস কোরোনা হেল্পলাইন ৯৯৭১৮৭৬৫৯১ অমসু হৌদোক্লে‍। এইমস দিল্লীনা কোবিদ-১০ নেসনেল তেলি-কন্সল্তেসন সেন্তর (সি.ও.এন.তি.ই.সি.) চলাইরি অমদি +৯১-৯১১৫৪৪৪১৫৫তা কোল তৌদুনা ফংবা য়াগনি‍। মসিনা লৈবাক্কী মফম খুদিংদগী কোবিদ-১৯ অনাবা মীওইশিং লায়েংবদা এইমস ফেকল্তীশিংকা তানবা পাম্বা দোক্তরশিংদা লোয়ননা মী চম মী য়ামদসু কান্নবা পীরি‍। অনাবা মীওইশিংদা মখোয়গী ফীভম কোকহন্নবা অমদি ক্লিনিকশিংদা মী চিনবা হন্থহন্নবা তেই-কন্সল্তেসন পীননবা তেলি-মেদিসিনগী চৎন-পথাপ ২৫.০৩.২০২০দা থোকখ্রে‍। মসিনা অনাবগী ফীভম খন্দোক্তুনা, লায়েংবদা অমদি খুদোংচাদবা মফমদা লৈবা অনাবা মীওইশিংদা হেল্থকেয়র প্রোভাইদরশিংনা কাউন্সেলিং পীবদা কান্নবা পীরবা য়াই‍।

হকশেল অমসুং য়াইফ য়ুম্বাল মন্ত্রালয়না মকোক থোংবা নোদেল ইন্সতিত্যুসন ওইনা ক্লিনিকেল সেন্তর ওফ এক্সেলেন্স (সি.ও.ই.) অমা অমসুং ক্লিনিকেল মেনেজমেন্ত প্রোতোকোলশিংগী লমজিং পীননবা স্তেতকী থাক্কী সি.ও.ই.শিং লিংখৎলে‍। কোবিদ কেসশিং লায়েংবদা দোক্তরশিংনা মথৌ তারকপা লমজিংগী মতাঙদা করুওইবা ক্লিনিকেলগী ওইবা ৱাফমশিংগী মতাঙদা স্তেতকী থাক্কী সি.ও.ই.শিংদা লমজিংনবা এইমসনা চয়োলগী ওইবা ৱেবিনারশিং পাঙথোক্লি‍। হায়রিবা স্তেতকী থাক্কী সি.ও.ই.শিং অসিনা মখা তানা মখোয়গী দিস্ত্রিকশিংদা শন্দোকখিগনি হায়না পারি‍।

অরাপ্পা মফমশিংদা কোবিদ অমসুং নন-কোবিদকী হকশেলগী ৱাফমশিংদা মতিং লৈবা লায়েং ফংহন্নবগীদমক্তা তোলিমেদিসিন শীজিন্ননবা চাউনা পুক্নীং থৌগৎলি‍। ‘ইসঞ্জিবনি’, ৱেবতা য়ুম্ফম ওইবা শুপচিল্লবা তেলিমেদিসিন পাম্বৈ খুঙ্গঙগী লম অমসুং তোখাইনা তারিবা ফুরুপশিংদা অখন্নবা হকশেলগী সর্ভিসশিং ফংহন্নবগীদমক (স্তেত ২৩দা) পায়খৎলি‍।

আই.সি.এম.আর.না কোবিদ-১৯ অনাবশিংগী ক্লিনিকেল সোর্স, মসিগী স্পেক্ত্রম অমসুং অনাবশিংগী ওইরকপা ফীভমদা লমজিং পীননবা নেসনেল ক্লিনিকেল রেজিস্ত্রী ওন কোবিদ লিংখৎলি‍।

১৬.          মথৌ হোংদোক্লবা দ্রগশিং অমসুং অনৌবা হিদাক লাংথক্কী মওংদা হান্না চৎনরমবা ৱাখল লৌশিংগী কান্নবা লৌনবা ক্লিনিকেল ত্রাইএল তরাহুমদোইনা কোবিদ-১৯ নারবশিংগী লায়েংবগী মওংশিংগী পোর্তফোলিও অমা শেমগৎলি‍। ইম্ম্যুনোমোদুলেতর সেপসিভেককী অনিশুবা তাঙ্কক্কী চাংয়েং মায় পাক্না লোইশিল্লে‍। ইহান হানবা ফাইতোফার্মাসিউতিকেল এ.সি.ঐচ.ক্যু.গী ২শুবা তাঙ্কক্কী চাংয়েং চঙশিল্লি‍। অস্বগন্ধগী প্রোফিলেক্তিক (নারক্তনবা লায়েং) ত্রাইএল অমা, অমসুং নিংথৌখোংলি + উচিথি; য়স্তিমধু; অমসুং পোলিহর্বল অয়ুস দ্রগ (অয়ুস-৬৪) শীজিন্নবা চাংয়েং অহুম ময়ায় ওইরপ্না কোবিদ-১৯ নাবশিংগীদমক্তা পাঙথোক্নবা থৌরাং তৌরি‍।

মতিং লৈবা ভেক্সিন অমানা লায়না অসিগী মায়োক্তা লান্থেংনরিবা অসিদা খ্বাইদগী ফবা খুৎলায় ওইগদৌরিবনি‍। হীরমসিগী মতাঙদা মালেমগী ওইনা ভেক্সিন কেন্দিদেত ১৪৫গী ময়াদা প্রিক্লিনিকেল ইভালুএসনদা অমদি হৌজিক হৌজিক ভেক্সিন ৩৫ ক্লিনিকেল ত্রাইএলদা লৈরি‍। ভারত্তা, কোবিদ-১৯ ভেক্সিন পুথোকপদা চাউনা মায় ওনশিল্লি‍। ভেক্সিন কেন্দিদেত ৩০ হেন্না তোঙান তোঙানবা থাক্তা শৌগৎলি, কেন্দিদেত ৩দি ১.২.৩শুবা মাঙজিন থাবা তাঙ্কক্কী চাংয়েংদা লৈরি অমদি ৪ হেনবনা খুমাঙ চাওশিল্লবা প্রি-ক্লিনিকেল দেভেলপমেন্ত থাক্তা লৈরি‍।

কোবিদ-১৯ বাইওরিপোজিতরীশিং শেমগৎলে, অমদি মখোয়না সেম্পল ৪০,০০০ হেন্না খোমগত্তুনা দাইগ্নোস্তিক্স, লায়েঙ পথপ অমসুং ভেক্সিন পুথোক্নবা থিজিল্লোয়শিং অমসুং ইন্দস্ত্রীশিংদা ফংহনখ্রে‍।

কোবিদ ভেক্সিন লৌশিনবা অমদি য়োন্থোকপদা খুৎশম্ননবগীদমক ভারত লৈঙাক্না নিতি আয়োগ মেম্বর (হকশেল)গী চেয়রমেন্সিপ মখাদা ওগস্ত ৭, ২০২০দা নেসনেল এক্সপর্ত গ্রুপ ওন ভেক্সিন এদমিনিস্ত্রেসন ফোর কোবিদ-১৯ লিংখৎখ্রে‍।

১৭.           অয়ুস মন্ত্রালয়না তোঙান তোঙানবা থৌরাংশিংগী খুত্থাঙদা কোবিদ-১৯ লােয়ংনবা অমদি কোকহন্নবা থৌদাং য়ারি‍। মন্ত্রালয়না ঙাকথোক্নবা হকশেলগী থৌরাংশিং অমসুং ইম্ম্যুন কনখৎহন্নবা চৎন-পথাপশিং পীরি‍। অয়ুস মন্ত্রালয়না প্রোফিলেক্সিস অমসুং ইম্ম্যুন কনখৎহন্নবগী তোঙান তোঙানবা থৌওংশিংদগী লৌখৎলগা হকশেলগী পাউতাক পীখ্রে অমদি হায়রিবশিং অসি মপানগী লোন নিপান্দা হন্দোক্তুনা ভারতকী এম্বেসীশিংদা য়েন্থোকখ্রে‍। তোঙান তোঙানবা অনা লায়েংশঙশিং ক্বারেন্তিন সেন্তর, আইসোলেসন সেন্তর, কোবিদ কর সেন্তর অমসুং কোবিদ হেল্থ সেন্তরশিং ওইনা শীজিন্নরি‍। অয়ুস হেল্থকেয়র প্রোফেসনেল লাখ ৮.৫গী ময়াদা covidwarriors.gov.in দা রেজিস্তর তৌরে‍। অয়ুস মন্ত্রালয়না “ইন্তর-দিসিপ্লিনরী অয়ুস আর.এন্দ.দি. তাস্ক ফোর্স” অমা শেম্লে‍। তাস্ক ফোর্স অসিনা অয়ুস প্রোফিলেক্তিক স্তদীশিং অমসুং পোবিদ-১৯ পোজিতিব কেসশিংদা এদ-ওন ইন্তরভেন্সনগীদমক ক্লিনিকেল রিছর্চ প্রোতোকোল শেম শারে‍। অয়ুস-সি.এস.আই.আর. গী অপুনবা স্তদীশিং অয়ুস হিদাকশিচং প্রোফিলেক্সিস/লায়েংগীদমক শীজিন্ননবা পান্দমদা হৌদোকখিবনি‍। মন্ত্রালয়গী মখাদা অয়ুস রিছর্চ কাউন্সিল অমসুং নেসনেল ইন্সতিত্যুৎনা কন্তেনমেন্ত মফমশিংদা লৈরিবা মীশিংদা লায়না ঙাকথোক্নবা অয়ুস ইন্তরভেন্সনগী অচৌবা মীশিংদা য়ুম্ফম ওইবা স্তদী অমা চঙশিল্লি‍। অয়ুস মন্ত্রালয়না অয়ুসকী পাউতাকশিং অমসুং কোবিদ-১৯ ঙাকথোকপদা লৌখৎলিবা থৌরাংশিংগী কান্নবা, মীয়াম্না য়াবা অমদি শীজিন্নবদা পীবা শাফু অয়ুস-সঞ্জিবনি এপ কৌবা মোবাইল এপ্লিকেসন অমগী খুত্থাঙদা য়েংশিন্নবা থৌরাং অমসু লৌখৎলে‍।

১৮.           স্তেতশিংদা মখোয়গী লোজিস্তিক, মরুওইনা পর্সোনেল প্রোতেক্তিব ইকুইপমেন্তগী স্তোক য়েংশিন্নবা অমসুং মখোয়শিং লৌশিন্নবা ৱাফম থমখ্রে‍। হৌজিক ফাওবদা কেন্দ্র লৈঙাক্না পি.পি.ই. করোর ১.৯২গী ওর্দর তৌখ্রে‍। মন্ত্রালয়না স্তেতশিংদা (সেপ্তেম্বর ১১, ২০২০ ফাওবদা) পি.পি.ই. করোর ১.৩৯ অমসুং এন.৯৫ মায়খুম করোর ৩.৪৩ পীখ্রে‍।

দিপার্তমেন্ত ওফ ফার্মাসিউতিকেলনা হাইদ্রোক্সিক্লোরোকুইন দ্রগ পুথোকপা শরুক কয়া হেনগৎলে‍। সেপ্তেম্বর ১১, ২০২০ ফাওবদা, এম.ও.ঐচ.এফ.দব্লিউ.না স্তেত/য়ু.তি.শিংদা হাইদ্রোক্সিক্লোরোকুইন তেব্লেত করোর ১০.৮৪ পীখ্রে‍। ভারতনা মসিবু লৈবাক ১৪০ হেনবদসু থাদোক্লি‍।

কেন্দ্র লৈঙাক্না হান্ননা মথৌ তারকপা ফীভম থেংননবা ভেন্তিলেতর ৬০,৯৪৮ লৈননবা ওর্দর তৌখ্রে‍। সেপ্তেম্বর ১১, ২০২০ ফাওবদা স্তেতশিংদা ভেন্তিলেতর ৩২,১০৯ এলোকেত তৌখ্রে অমদি মদুগী মনুংদা ৩০,১৭০ ফংহনখ্রে‍। লৈবাক অসি ওক্সিজেন অমসুং ওক্সিজেন সিলিন্দরদা মশানা কোন্নজবা ঙমজরে‍। হকশেল অমসুং য়াইফ য়ুম্বাল মন্ত্রালয়না তোঙান তোঙানবা স্তেত/য়ু.তি.শিংদা হৌজিক ফাওবদা ওক্সিজেন সিলিন্দর ১,০২,৪০০ লৌশিন্দুনা পীখ্রে‍। মসিগী মথক্তা স্তেতশিংদা ওক্সিজেন কন্সেন্ত্রেতরশিংসু পীরি‍।

১৯.           অচৌবা শীংনবশিংগী মরক্তা অমদি কোবিদকা মরী লৈনবা থবকশিংদা শীজিন্ননবখক্তা নত্তনা অতৈ ইসেন্সিএল মেদিকেল সর্ভিসনশিংগী মেন্তেনেন্সতা শীজিন্নবা য়াবা সেক্তর অমদি দিপার্তমেন্ত কয়াদা মশীং য়াম্লবা কোবিদ লান্মী শক খঙদোক্তুনা ত্রেন তৌবনি‍। দিফেন্স, অয়ুস, এন.সি.সি., এন.এস.এস., এন.ৱাই.কে. পব্লিক সেক্তর এন্তরপ্রাইজেস অমসুং প্রাইভেত সেক্তরশিংদগী মেনপৱার রিসোর্স খোমজিনবগী থবক তৌরি‍।

তোঙান তোঙানবা খুদোংচাদবশি অমসুং শীংনবশিং লৈজরবসু,কোবিদ লান্মীশিংনা ফীভমসিদা মীওইবা খুন্নাইগী থৌগল তৌনবা লেপ্লি‍। লৈবাকসিনা ঐখোয়গী মীয়ামবু কোবিদতগী ঙাকথোক্নবা চোকথবা নাইদনা হোৎনরিবা দোক্তরশিং, নর্সশিং, পেরামেদিকশিং, ফ্রন্তলাইন ফীল্দ ৱর্করশিং, সিক্যুরিতী অমদি পুলিস পর্সোনেল, সেনিতরী ৱর্করশিং, ভোলুন্তিয়রশিং অমসুং পাউমীশিংগী লমন তোনশিল্লে‍। ঐনা চীং লেম্লবা হাউস অসিদা মখোয়না ওইজবা থিদনা লৌরিবা থৌদাং অসিগী  তৌবিমল খঙবা উৎচবসি রেকোর্দতা থম্বিনবা হায়জরি‍।

হকশেলগী থৌমীশিংনা মথৌ তৌবদা ওৎপী নৈবিবা, হিংশাগী থবকশিং, কিহন খঙহনবা অমদি পুন্সিদা খুদোংথিহনবগী থৌদাক কয়া থোক্লি‍। মসি লাকশিন্নবা অমদি মখোয়গী থৌওংদা মতেং পাংনবা ভারত লৈঙাক্না ইপিদমিক দিজিজ (এমেন্দমেন্ত) ওর্দিনান্স, ২০২০ এপ্রিল ২২, ২০২০দা চৎনহনখ্রে‍।

অনা লায়েংশঙশিংদা অনাবশিং লায়েংলিবা মেদিকেল মেনপৱার; লোয়ন-লোয়ননা সর্ভিলেন্স, লোজিস্তিক্সনচিংবদা মথৌ তৌরিবা নন-মেদিকেল থৌমী অমসুং ফীল্দ ৱর্কর য়াওনা হ্যুমেন রিসোর্সশিংগী কেপাসিতী শেমগৎনবা দি.ও.পি.তি.না আই.গি.ও.তি.-দিক্সা (ওনলাইন ফম্বাক) (https://igot.gov.in/igot/)দা মোদ্যুলশিং ফংহল্লে‍। ত্রেনীং মোদ্যুলশিং অসি লম লমগী লোনদা হন্দোক্লে‍। তোঙান তোঙানবা কোর্সশিংগীদমক মীওই লাখ ২৯.১৫গী ময়ানা রেজিস্তর তৌরে‍। মসিদা দোক্তর ৫,৬৯৯, অয়ুস প্রোফেসনেল ৮৬,০১৮, নর্স ৪,১০২, এলাইদ হেল্থ প্রোফেসনেল ৯৬৩, ফ্রন্তলাইন ৱর্কর ৫,৮৮১, ভোলুন্তিয়র ২,৭০,৭৩৬ অমসুং অতৈ শরুক য়াবা ২৫,৪২,৮৯২ য়াওরি‍। আই.গি.ও.তি.-দিক্সা ফম্বাক্তা কোর্স লোইশিনখিবা লাখ ১৮.৯৬লোম শুরে‍। মেদিকেল অমসুং নন-মেদিকেল পর্সোনেলশিংগী ত্রেনিংগী মচাকশিং হকশেল অমসুং য়াইফ-য়ুম্বাল মন্ত্রালয়গী ৱেবসাইত্তসু ফংহল্লে‍।

ঐখোয়না হৌজিক ‘ত্রাভেলগী মরী লৈনবা কেসশিং মেনেজ’ তৌরম্বদগী ক্লস্তরশিং অমসুং লোকেল ত্রান্সমিসন্না মরম ওইরগা চাউনা শন্দোরকপা, সহর, সহরগী মতাই অমসুং খুঙ্গঙগী মফমশিংদা পাক শন্না শন্দোরকপনচিংবা লাকশিনবদা মায় ওনশিল্লে‍। পাক শন্না ফীভম শোকহনবা অমদি শিহনবা থিংননবা মীয়াম্না শরুক য়াবগা লোয়ননা লৈঙাক্কী অপুনবা থৌশিল মথৌ তাই‍। অসুম্না মরুওইবা ৱাফম অমনা রিপ্রদক্তিব মেতর্নেল অমসুং চাইল্দ হেল্থ, ভেক্সিন্না ঙাকথোকপা ঙমবা লায়নাশিং, লৌনগন্দবা লায়নাশিং, ত্যুবরকুলোসিস, কলা অজার অমসুং মেলরিয়াগুম্বা কাঙনা শন্দোকপা লায়নাশিং মায় পাক্না মেনেজ তৌবনি‍। মরম অসিনা নন-কোবিদ ইসেন্সিএল সর্ভিসেস মেনেজ তৌবদা অহেনবা ইনোৎ হাপ্লি‍।

২০.          ভারত্তা কোবিদ-১৯ শন্দোরকপগী হৌজিক ওইরিবা ফীভম মীয়ামদা পাউদম্নবগীদমক এম.ও.ঐচ.এফ.দব্লিউ.গী ৱেবসাইত নুমিৎ খুদিংগী অপদেত তৌরি‍। প্রেস রিলিজ চাং নাইনা থাদোক্লি অমদি পাউগী মীফম পাঙথোক্লি‍।

কোবিদ-১৯ লায়নাগী মতাঙদা, খুন্নাই অসিনা মসি থিংনবগীদমক লৌখৎপা মথৌ তাবা খোঙথাঙশিং, অরানবা ৱাফমশিং অমসুং লায়না অসিগা মরী লৈননা তাথি তাওইনা তৌবিবা থেংননবা অমদি ফংহল্লিবা হেল্পলাইন নম্বরশিং পাক শন্না মীয়ামদা খঙহন্নবা কম্ম্যুনিকেসনগী মচাকশিং অমসুং খুৎলায়শিং শেমগৎলি (পমফ্লেত, পোস্তর, ওদিও অমসুং এ.ভি. ফিল্মশিং) অমদি স্তেত/য়ু.তি.শিংদা পীরি‍। ঈ-পাউ ফাওদোক ফাওজিন তৌনবা মচাকশিং অসি এম.ও.ঐচ.এফ.দব্লিউ.গী ৱেবসাইত অমসুং সোসিএল মিদিয়াগী খুত্থাঙদসু থাগৎলি‍। এস.এম.এস.কী খুত্থাঙদা তৌগদবা অমদি তৌরোইদবশিং পাক শন্না শন্দোক্লি (এস.এম.এস. করোর ৫৫০ থাখ্রে)‍। তেলিকোম সব্সক্রাইবরশিংদা কোলর ত্যুন মেসেজ লোন ১৩দা থারি অমদি সব্সক্রাইবর করোর ১১৭তা য়ৌশিনবা ঙম্লে‍।

হৌরকপগী মতমদগী অখন্নবা কোল সেন্তর/হেল্পলাইন (১০৭৫) খুন্নাই অসিবু লমজিংনবা হৌদোকখি অমদি মসি মীয়াম্না চাং নাইনা কান্নবা মওংদা শীজিন্নরি‍। হৌজিক ফাওবদা পুন্না কোল লাখ ৪১.০৪ ওকখ্রে‍।

২১.           দিপার্তমেন্ত ওফ বাইও তেক্নোলোজী, দিপার্তমেন্ত ওফ সাইন্স অমসুং তেক্নোলোজী, সি.এস.আই.আর. অমদি দিপার্তমেন্ত ওফ হেল্থ রিছর্চনা একাদমিয়া, আর. এন্দ দি. লেবশিং, ইন্দস্ত্রী, স্তার্তঅপশিং অমসুং এন.জি.ও.শিংগী খুত্থাঙদা কোবিদ-১৯গী সাইন্তিফিক অমসুং তেক্নোলোজিকেল পাম্বৈশিংগী অপুনবা মরীবু কোনশিল্লি‍। হায়রিবা পাম্বৈশিং অসিদা ভাইরস অসিগী লীচৎ, শন্দোকপা অমসুং চৈথেংদা বেসিক সাইন্তিফিক স্তদী তৌবা, লাইচৎ অসিগী মেথমেতিকেল মোদেলিং, অমসুং মালেমগী থাক্কী ভেন্তিলেতর, দাইগ্নোস্তিক কিত, ভেক্সিন, লায়েং পথাপ, এন্তিভাইরেল কোতিং, দিসইন্ফেক্তেন্ত, পি.পি.ই., মায়খুম, মোবাইল তেস্তিং বুথ অমসুং অনা লায়েঙশঙগুম্বা পোৎলমশিং, আর্তিফিসিএল ইন্তলিজেন্সতা য়ুম্ফম ওইবা খুৎলায়শিং, অমসুং মীয়ামদা ঈ-পাউ ফংহনবা য়াওরি‍।

মসিগীদমক্তা কম্মর্সিএল প্রদক্সনগীদমক্তা ঐখোয়গী তেক্নোলোজী স্তার্তঅপ ১১০গী মথক্তা অমদি ইন্দস্ত্রী ২০গী মথক্তা মশক খঙদোক্তুনা শৌগৎনবা ঐখোয়গী অপুনবা স্তার্তঅপ ইকোসিস্তেমগী শুপচিল্লবা মেপ্পিং অমা তৌখ্রে‍। ভাইরসকী লীচৎকী লম খুদিংমক্তা প্রোজেক্ত ১৫০ হেন্না হৌখ্রে‍।

২২.          হোংলক্লিবা ফীভমগী মতম মতমগী ওইবা পাউ লৌননবা ভারত লৈঙাক্না দব্লিউ.ঐচ.ও. হেদক্বার্তর্স, রিজনেল ওফিস অমসুং লৈবাক্কী ওফিসকা চাং নাইনা খুৎশম্ননা চৎমিন্নরি‍। কোবিদনা ওইহল্লকপা শীংনবশিং থেংননবগীদমক ভারত লৈঙাক্না অতোপ্পা লৈবাকশিংদসু ঙাক্লৌ পীরি‍। জি২০ অমসুং বি.আর.আই.সি.এস.কী কোবিদ রেসপোন্স শেমবদা ভারতনা অচৌবা থৌদাং লৌখি‍। ভারতনা য়ুমলোন্নবা সার্ক লৈবাকশিংগী মথৌ তাবা মফমশিংদা মতেং পীরি‍।

২৩.          লৈঙাক অসিনা ইচঙ থৌনা অহোবশিং খঙদোক্লি অমদি তুংদা অসিগুম্বা লায়না লাইচৎ অমসুং লাংফম তারকপা মতমদা লাকপা শীংনবশিং থেংনবা ঙম্নবা মরোমদোম লেপচবা ঙমবা ভারত অমা শেমগৎনবা হোৎনরি‍। প্রাইম মিনিস্তর আত্মনিরভর স্বস্থ ভারত য়োজনাগী মখাদা লুপা করোর ৬৫,৫৬০.৯৮কী এক্সপেন্দিচর ফাইনান্স মেমোরেন্দম অমা খন্নরি‍। মসিদা লাইচৎ থেংনবদা মরুওইনা মীৎয়েঙ থমদুনা থিজিন হুমজিনবদা, হকশেল অমসুং মীয়ামগী হকশেলগী মচাক মথুমশিংদা শেন থাদনবা ৱাফম য়াওরি‍।

২৪.           কোবিদকী লান অসি লোইগদবা য়াম্না ৱাৎলি হায়না ঐনা ইকাইখুম্নরবা পার্লিয়ামেন্তকী মেম্বর পুম্নমক্তা হায়জনিংই‍। নাকল অমদা, ঐখোয়গী শেন্মিৎলোন হিঙ্গৎহন্নবা ঐখোয়না অনলোক্কী থাক্তা লৈরিঙৈ অমদি চাং পুবা খোঙথাঙ অমদা চঙশিল্লিঙৈসিদা কোবিদ শন্দোরকপা লাকশিন্নবা অমদি শন্দোরকপগী মরী থদৎনবা লেপ্পা লৈতনা মীয়ামগী মতেং য়াম্না মরুওই‍।

অদোমগী অদোমগী কন্সতিতুএন্সীশিংদা কোবিদকী চপ চাবা লীচৎকী মতাঙদা মীয়ামদা পাক শন্না খঙহন্নবগীদমক অদোমগী মতেং য়াম্না মরু ওই‍। মাক্স/মায়খুম উপ্পা, খুৎ-শা তোয়না হামবা, নীংশা হোনবগী মওং মতৌ, অমদি ফিজিকেল দিস্তেন্সিং “মিতর ২গী অরাপ্পা” হায়রিবা অচমবা মীয়ামগী হকশেলগী থৌরাংশিং অসি মথৌ খঙনা শীজিন্নরবনা কোবিদ শন্দোকপা লাকশিনবদা/নমথবদা মতেং ওইগনি‍।

২৫.          ভারত্তা কোবিদ শন্দোরকপা থিংননবা মথৌ তাবা থৌরাং পুম্নমক লৈঙাক অসিনা লৌখৎলি হায়না ঐনা হাউস অসিদা পাউ তম্নিংই‍।

****