ইং ২০২১গী গনতন্ত্র দিবস্তা লাউথোক্কদবা পদ্মা এৱার্দকীদমক্তা ওনলাইন নোমিনেসন/হায়জবগীদমক্তা অরোইবা নুমিৎ অসি হয়েং (সেপ্তেম্বর ১৫, ২০২০) ফাওবা শাংদোকখ্রে। পদ্মা এৱার্দকীদমক্তা ওনলাইন নোমিনেসন/হায়জবা অসি পদ্মা এৱার্দকী ওনলাইন পোর্তেল https://padmaawards.gov.in খক্তদা লৌগনি।

পদ্মা বিভুশন, পদ্মা ভুশন অমসুং পদ্মশ্রীনচিংবা পদ্মা এৱার্দসিং অসি ভারতকী অচম্বা মীওইশিংদা পীবা খ্বাইদগী ৱাংবা মনানি। ইং ১৯৫৪দা হৌদোকখিবা মনাশিং অসি চহি খুদিংগী গনতন্ত্রা নুমিত্তা লাউথোকই। মনাশিং অসিনা আর্ত, লিতরেচর অমসুং এজুকেসন, শান্নবা, হিদাক লাংথক, মীয়ামগী থবক তৌবা, সাইন্স অমসুং ইঞ্জিন্যারিং, পব্লিক এফিয়র্স, সিবিল সর্বিস, ত্রেদ অমসুং ইন্দস্ত্রীনচিংবা লমশিংদা পাঙথোকপা থবকশিংবু মশক খঙবা ওইনা “খ্বাইদগী নীংথিজনা থবক তৌবা” হায়না শক খঙবগী পান্দম থম্মি। কাঙলুপ, শিনফম, থাক নত্ত্রগা নুপা-নুপী খায়দনা মনা অসি পীবগীদমক্তা খন্নৈ। দাক্তর অমসুং সাইন্তিস্ত য়াওদনা পি.এস.য়ু.শিংগা থবক তৌমিন্নরিবা সরকারগী মীওইশিংদদি মনা অসি পীবগী খন্নবদা য়াওদে।

সরকারনা পদ্মা এৱার্দ অসিবু “মীয়ামগী পদ্মা” হায়না ওন্থোক্নবা খোঙফম চেৎলা লেপ্লি। মরম অদুনা মীয়াম খুদিংনা মশা য়াওনা অতোপ্পা মীওইশিংবুসু মনা অসিগীদমক্তা নোমিনেসন/হায়জরক্নবা হায়রি।

নোমিনেসন/হায়জরকপা অসিদা মথক্তা পল্লিবা পদ্মা পোর্তেল অসিদা য়াওরিবা মওংশিং অসিগী মতুং ইন্না মতিক চাবা অমসুং মরী লৈনবা লোইনা য়াওগদবনি অমসুং হায়রিবা মীওই অসিগী মরী লৈনবা হীরমশিং অসিগী মতাংদা মশক থোকপা মাই-পাকপা থবক তৌখিবশিং অসিগী মতাংদা ৱাহৈ ৮০০দগী তাদনা ইবা শম্লপ্পা ৱারোল অমসু লোইনরক্কদবনি।

গৃহ মন্ত্রালয়না কেন্দ্রগী মন্ত্রালয়/বিভাগশিং, রাজ্য/য়ু.তি. সরকারশিং, ভারত রত্ন অমসুং পদ্মা বিভুশন মনা ফংলবা মীওইশিং, ইন্সতিত্যুৎ ওফ এক্সেলেন্স খুদিংদা মনা অসিবু ফঙবদা মতিক চাবা খুন্নাইগীদমক্তা কত্থোকপগা লোয়ননা চাউখৎপগী থবক কয়া পাঙথোক্লিবা নুপী, খুন্নাইগী শোত্থরবা মীওইশিং, এস.সি. অমসুং এস.তি.শিং, দিব্যং মীওইশিংবু মশক খঙদোক্নবা থৌওংসিং পুন্না পাঙথোকমিন্নসি হায়খ্রে।

হীরম অসিগী মতাংদা মখা তাবা অকুপ্পা ৱারোলশিং অসি গৃহ মন্ত্রালয়গী ৱেবসাইৎ (www.mha.gov.in)তা “এৱার্দ অমসুং মেদল”গী কাঙলুপকী মনুংদা য়াওরি। মনা অসিগা মরী লৈনবা কাঙলোনশিং অমসুং ৱারোলশিং অসি পীরিবা লিঙ্ক অসিদা ফংগনি, https://padmaawards.gov.in/AboutAwards.aspx ।

*****