কোবিদ মতুংগী ওইবা চহিচাদা নহাশিংদা স্কিল লৈহন্নবা  অমদি ইন্দস্ত্রীগী ওইবা অওনবশিংগী মথৌ তাবশিং ফংহন্নবা দিজিতেল স্কিলশিং য়াম্না তঙাই ফদের। মন্ত্রালয়গী মখাদা লৈরিবা দিরেক্তোরেৎ জেনরেল ওফ ত্রেনিং (দি.জি.তি.)না খ্বাইদগী নৌবা তেক্নোলোজীশিংগী ত্রেনিং য়াওনা মতম শাংনা চত্থগদবা ত্রেনিং স্কিমশিং ইমপ্লিমেন্ত তৌবদা মরু ওইবা থৌদাং অমা লৌরি থবক থিরিবশিংগী য়ৌহন্নবা অমদি ভারত্তা লৈরিবা বিজিনেসকী মপুংশিংদা অনৌবা রিসোর্সশিং ফংহন্নবা লেম্না তমগদবা দিজিতেল লর্নিং প্লেৎফোর্ম “স্কিল্স বিল্দ রিইগনাইৎ” অসিগীদমক ২০২০গী জুনদা আই.বি.এম.গা লোয়ননা দি.জি.তি.না এম.ও.য়ু. অমা খুৎয়েক পীনখি। স্কিল্স বিল্দ রিইগনাইৎ অসিগী পান্দমদি থবক থিরিবশিংদা অমসুং ওন্তর্প্রিনোরশিংদা মখোয়গী কেরিয়রশিং অমসুং বিজিনেসশিং অদু নৌহৌনা পুথোকপদা মতেং পাংনবা শেম্লকপা ওনলাইন কোর্সৱার্ক অমসুং লমজিং-লমতাকপীবগী মতেং লেম্না ফংহনবনি। লৈবাক শিনবা থুংনা লৈরিবা নেস্নেল স্কিল ত্রেনিং ইন্সতিত্যুতশিং (এন.এস.তি.আই.শিং)দা মহৈরোয়শিংনা অমসুং ত্রেনরিংদা ক্লাউদ কম্প্যুতিং অমসুং আর্তিফিসিএল ইন্তেলিজেন্স (এ.আই.)গী লমদা হীরম কয়াদা কান্নরবা দিজিতেল স্কিল ত্রেনিং ফংহনখ্রে। এজুকেসন মন্ত্রালয়না জুন ২০২০দা ‘য়ুক্তি ২.০’ কৌবা খোঙথাং অমা হৌদোকখি মসিনা লালোন ইতিক্তা শীজিন্নবা য়াবা তেক্নোলোজীশিং অমসুং হায়র এজুকেসন ইন্সিতিত্যুতশিংদা সার্ত-অপশিং ইনক্যুবেৎ তৌবগা মরী লৈনবা ই-পাউশিং মওং-মরিল নাইনা লৌশিনবদা মতেং পাংগনি।

ভারত সরকারনা “ইদঞ্জীবনি” অমসুং “ইসঞ্জীবনি/ও.পি.দি.”গী মওংদা হেল্থক্যেরদা দিজিতেলগী ওইবা অহোংবশিং পুরক্নবা খোঙথাং মখল কয়া লৌখৎখ্রে। ইসঞ্জীবনি প্লেৎফোর্ম অসিনা তেলিমেদিসিন সর্ভিস মখল অনি ফংহনখ্রে মখোয় অদুদি দোক্তর-তু-দোক্তর (ইসঞ্জীবনি) অমসুং পেতেন্ত-তু-দোক্তর (ইসঞ্জীবনি ও.পি.দি.) তেলি-কন্সলতেসনশিং অসিনি। অহানবগী অসিনা আয়ুশমান ভারত হেল্থ এন্দ ৱেলনেস সেন্তর (এ.বি.ঐচ.দবল্যু.সি.শিং) প্রোগ্রামগী মখাদা ইমপ্লিমেন্ত তৌখ্রে। তেলি-কন্সলতেসন অসি দিসেম্বর ২০২২ ফাওবদা হেল্থ এন্দ ৱেলনেস সেন্তর লাখ ১.৫তা ‘হব এন্স স্পোক’ মোদেলদা ইমপ্লিমেন্ত তৌনবা থৌরাং তৌখ্রে। রাজ্যশিংনা ‘স্পোকশিং’দা হায়বদি এদ.ঐচ.সি.শিং অমসুং পি.ঐচ.সি.শিংদা তেলি-কন্সলতেসন সর্ভিসশিং ফংহন্নবা ‘হবশিং’ শেমগৎনবা মেদিকেল কোলেজশিংদা অমসুং দিস্ত্রিক্ত হোস্পিতালশিংদা খনগৎখ্রে। ঙসি ফাওবদা কম্ম্যূনিতী হেল্থ ওফিসরশিং অমসুং দোক্তরশিং য়াওনা য়ুজর ১২,০০০দা নেস্নেল ই-প্লেৎফোর্ম অসি শীজিন্ননবা ত্রেন তৌখ্রে। হৌজিক রাজ্য ১০দা ঐচ.দবল্যু.সি. ৩,০০০ হেনবগী খুত্থাংদা তেলিমেদিসিনগী খুদোংচাবা ফংহল্লি। নবেম্বর ২০১৯দগী হোদুনা অতেনবা মতম অসিগী মনুংদা রাজ্য ২৩না ইসঞ্জীবনি অমসুং ইসঞ্জীবনি ও.পি.দি.গী তেলি-কন্সলতেসন ইমপ্লিমেন্ত তৌখ্রে (মীশিংগী ৭৫% কোনশিল্লি) অমসুং অতোপ্পা রাজ্যশিংনা মসি চৎননবা থবক লৌখৎলি।  নেস্নেল তেলিমেদিসিন সর্ভিসনা অনাবা মীওইশিংনা মখোয়গী ময়ুমদগী দোক্তরশিং তান্ননবা লোয়ননা দোক্তর অমগা দোক্তর অমগা তান্নবসু য়াহন্নবা তেলি-কন্সলতেসন ১, ৫০,০০০ ফংহনবা ঙমখ্রে।

ই-পাউ অসি ঙসি লোক-সভাদা অইবা চেরোল ওইনা স্কিল দিবেলপমেন্ত এন্দ ওন্তর্প্রিনোরশিপকী রাজ্যগী মন্ত্রী শ্রী আর.কে. সিংহনা পীশিনখি।

*****