অইং অশা মাংজৌননা তাকপদা মরীক চুম্বা হেল্লক্লি অমসুং নোংথক্তা থোকপা এক্সিদেন্ত থিংবদা মতেং পাংবসু মরুওইনা হিমালয়গী লমদমশিংদা হৌজিক্তি লাইরগনি। সাইন্তিস্তশিংনা হোৎখ্রবা হিমালয়গী জগাদা লৈরিবা অখন্নবা এত্মোস্ফরিক তর্ব্যুলেন্স পেরামিতরশিংগী মপান্দগীনি।

ভারত সরকারগী দিপার্ত্মেন্ত ওব সাইন্স অমসুং তেক্নোলোজীগী মখাদা ওতোনোমস ইন্সতিত্যুৎ অমা ওইরিবা আর‍্যভত্তা রিসর্চ ইন্সতিত্যুৎ ওব ওবজর্বেসনেল সাইন্স (এরিস)কী সাইন্তিস্তশিংনা ইহান হানবা ওইনা ময়াই থংবা হিমালয়গী অনেম্বা ত্রোপোস্ফিয়রগী জগাদা লৈবা তর্ব্যুলেন্স পেরামিতর হোৎখ্রে।

রিসর্চরশিং অসিনা মখোয়গী স্ত্রাতোস্ফিয়র রাদার (এস.তি. রাদার)গী ওবজর্বেসন শীজিন্নদুনা এত্মোস্ফরিক তর্ব্যুলেন্সকী মপাঙ্গল পীরিবা কন্সতেন্ত অমা ওইরিবা রিফ্রাক্তিব ইন্দেক্স স্ত্রকচর (সি.এন.২)গী মেগ্নিত্যুদ হোৎখি। এরিস নাইনিতালদা পি.ঐচ.দি. মহৈরোই ওইরিবা অদিত্য জেস্বাল, অমসুং এরিসকী ফেকলতী দি.ভি. ফানি কুমার, এস. ভত্তচার্জী, অমসুং মনিশ নাজানা লুচিংদুনা রেদিও সাইন্স জর্নেলদা ফোংখিবা স্তদী অমনা  হায়রি মদুদি রিফ্রাক্তিব স্ত্রকচর কন্সতেন্ত (সি._এন.^২) অসি ১০^-২/৩ এম^-২/৩ ফাওবা য়ৌনা চাওই হায়রি। অনেম্বা অলতিত্যুদশিংদা লৈরিবা অসিগুম্বা অচৌবা ভেল্যু অসিগী মাউন্তেন ৱেব এক্তিবিতী অমসুং অনেম্বা লৈচিল লৈবননি।

এত্মোস্ফরিক তর্ব্যুলেন্স পেরামিতরগী অৱাংবা ভেল্যুগী ই-পাউ মতম চানা অমসুং চপ চানা খঙবা অমসুং ত্রোপোস্ফিয়রদা লৈবা তর্ব্যুলেন্স স্ত্রকচরগী মতম অমসুং মফমগী দিস্ত্রিব্যুসন খঙদোকপনা ন্যুমরিকেল ৱেদর প্রিদিক্সন অমসুং ক্লাইমেৎ মোদেলগী পার্ফোরমেন্স ফগৎকনি।

খা থংবা ভারতকী তর্ব্যুলেন্স পেরামিতরদি হান্ননা খঙখ্রে, হায়রিবসি হিমালয়গী জগাশিংগীদি খঙলমদে। অসুম্না কাল্কুলেৎ তৌনবগীদমক মোদেলরশিংনা চাউরাকপা ভেল্যু খরতমক শীজিন্নরকপনি। মখোয় অসি হৌজিক্তি হিমালয়গী জগাদনা হেন্না ৱাংনা থেংনরে। হৌজিক্তি মোদেলরশিংনা হায়রিবা ভেল্যুশিং অসি মখোয়গী হৌজিক লৈরিবা মোদেলশিংদা শীজিন্নবা য়ারগনি। মসিনা অইং অশা মাংজৌননা হায়বদা ফগৎহল্লগনি। মসিগী মথক্তা, হায়রিবা লমশিং অসিদা লৈবা তর্ব্যুলেন্সকী মরমদা খঙবনা নোংথক্তা চত্থোক চৎশিন তৌবদা হেন্না শাফহনবা ঙম্লগনি।

ক্লিন-এয়র-তর্ব্যুলেন্স শেম্বা তঙাইফদবনা নোংথক্তা থোকপা ত্রাফিক দিজাস্তরশিং হন্থহনবদা মতেং পাংলগনি, মরুওইনা হেন্না খুদোংথীনিংঙাই ওইবা লমশিংদা। লৈচিল অনেম্বসি খুদোংথীনিংঙাই ওইবা তোপোগ্রাফী লৈবা চীংজাউ লৈবা লমদনা হেন্না শেম্মি। মরম অসিনা, লম অসিদা লেঙদবা নুংশিৎনা মাউন্তেন ৱেব অমসুং লী ৱেব হায়না খঙনবা ওসিলেসন ওইনা শেম্মি। চীংজাউ লৈবা লমশিংগী তর্ব্যুলেন্স অসি চীংনা শেম্বা ৱেব দিস্তর্বেন্স অমসুং অতোপ্পা ফেনোমেনাগী দাইনামিকশিং খঙদোক্নবা হোৎনবদা মরুওই, হায়রিবসি মহৌশাদগী লৈরক্লবা নুংশিৎকী মশক মওং মোদুলেৎ তৌবদা অচৌবা থৌদাং লৌই।

নৈনবা অসিদা শীজিন্নরিবা এস.ই.আর.বি., দি.এস.তি.না শেন্থং থাদবা এস.তি. রাদারগী মরমদা ঙাংলদুনা দি.এস.তি. সেক্রেতরী প্রোফেসর অশুতোশ শর্মনা হায়খি মদুদি, "অসিগুম্বা রাদার অসি লৈবাক অসিদা ২০৬.৫ এম.ঐচ.জেদ.তা শেমগৎপা হায়বসিনা লম-লমগী ওইনা মরুওইনা খুদোংথীনিংঙাই ওইবা তোপোগ্রাফী লৈবা হিমালয়গী লমদা  অইং অশা অমসুং ঈশিং নুংশিৎ হোংবগী মওং মতৌ খঙদোকপদা পাঙ্গল হেনগৎহল্লগনি।"

ফিগর ১: ক) সি_এন^২ (এম^-২/৩), খ) তর্ব্যুলেন্স পেরামিতর, কাইনেতিক ইনর্জী দিসিপেসন রেৎ ɛ_k (এম^২এস^২), অমসুং গ) থর্মেল এদ্দী দিফ্যুসিবিতী কো ইফিসিএন্ত, কে- _ঐচ(এম^২এস^-১)দা লৈবা ভর্তিকেল ভেরিএসনশিং অসি মোমেন্তম্না মরম ওইদুনা থোকহনবা স্পেক্ত্রেল ৱাইদ মেথদ অমসুং কোইফিসিএন্ত ওব এদ্দী দিফ্যুসিবিতী, এরিস এস.তি. রাদারনা এপ্রিল ২০, ২০১৯দা ফংখিবা কে_এম­ (এম^২এস^-১)গী নুংশিৎকী ভেরিএসন্ননি। এরিস নাইনিতালদগী থাগৎখিবা বেলুন্না পুবা জি.পি.এস. রেদিওসোন্দে,  সি_এন^২­­সু উৎলি। এরিস এস.তি. রাদারগী বিল্দিংদা লৈবা রুফতোপতা খিনবা ৫৮৮ এন্তেনেগী এরেসু মখা থংবা পেনেলদা উৎলি।

[পব্লিকেসন লিঙ্কঃ https://doi.org/10.1029/2019RS006979

অহেনবা অকুপ্পা মরোলগীদমক মনিশ নাজা (manish@aries.res.in, 9411793315) দা পাউ ফাওবীয়ু। ]

*****