উপ রাস্ত্রপতি শ্রী এম. ভেঙ্কায়া নাইদুনা ইন্দিয়াগী শান্ন খোৎনবা অসিগী চৎনবী অসি হিংগৎনবা নিংশিংলি। মহাক্না হায় মদুদি শান্ন খোৎনবা অমসুং য়োগা অমসুং হকচাং-ফনবগী ওইবা মওং খুদিংমক অসিনা মশা মউ ফনবা অমসুং পুন্সিদা অৱা অনা লৈতনবা নুতিগী ওইবা চাং নাইবা থমগদবনি হায়রি।

পঞ্জাব য়ুনিভর্সিতিনা ২০২০দা অনিশুবা ওইনা মৌলানা অবদুল কালাম আজাদ ত্রোফি ফংলকপদা থাগৎপা ফোংদোক্লদুনা মহাক্না স্কুল অমসুং মহৈ তম্ফমশিংদা শান্ন খোৎনবা থম্নবা পুক্নিং থৌগৎকদবনি।

শ্রী নাইদুনা পঞ্জাব য়ুনিভর্সিতিগী ওথোরিতিশিংদা হায় মদুদি ত্রোফি অসি তরাইবা লৌরোইদবনি, মৌলানা অবদুল কালাম আজাদ ত্রোফি অসি মতম খুদিংদা নিংশিংগদবনি।

ছাত্রনা মখোয়গী মতম তংখাই অমা ক্লাসরুম্দা অদুগা তংখাই অমনা শান্নফম্দা, ঐনা হায়বদি শান্নবগী মফম, লৌউবগী মফম লোয়ন-লোয়ননা মীয়ামগী ওইবা মফম হায়না মহাক্না হায়খি।

শান্নবা হায়বা অসি য়াম্না কন্না হোৎবা চংবা, থৌরাং তৌবা অমসুং অখাং কনবা অসি য়েংদুনা মহাক্না কোচশিংবু থাগৎপা ফোংদোক্লি।

লৈবাক অসিদা লৈরিবা পুন্সিমহিংগা মরী লৈনবা লায়নাশিং অসি মতাংদা ফোংদোক্লদুনা, উপ রাস্ত্রপতিনা হায় মদুদি ঐখোয়না হকচাংদা শোক্নিঙাই ওইবা চীঞ্জাক চাবা অমসুং পুন্সি মহিং অসিগী খুদোংথিবা অসি খংহনগদবনি।

মহাক্না প্রধান মন্ত্রী শ্রী নরেন্দ্র মোদীদা হৌদোকখিবা “ফিত ইন্দিয়া কেম্পেন” বু থাগৎগা ফোংদোক্লি অমসুং মহাক্না হায়খি মদুদি মীপুম খুদিংমক্না হকচাং ফনা লৈনবা পুক্নিং থৌগৎলি।

শ্রী নাইদুনা হায় মদুদি শান্ন- খোৎনবা অসি ঐখোয়গী পুন্সিগী য়াম্না লুরবা তাঙ্কং অমনি অমসুং মসিনা হকচাং ফনবা, ৱাখল ফগৎহনবা অমসুং অপুনবগী ৱাখল পীবা অদুগা হৈ-শিংবা উৎপা লৈরি। শান্ন- খোৎনবনা ময়াম্বু মান্নবা অমা পুরক্লি, মহাক্না হায় মদুদি মসিনা তুংদা থোক্কদবা কয়া অমা কনবা ঙমগনি।

নহা ওইরিঙৈদা শান্ন- খোৎনবা অসিগী মরুওইবা অসি উৎতুনা মহাক্না হায়খি মদুদি পুন্না শেমগৎতুনা লৈগনি।

লৈবাক অসিদা শান্ন- খোৎনবগী মচাংশিং অসি মরুওইনা খুঙ্গংগী মফমশিংদা চাওখৎনবা শ্রী নাইদুনা অচৌবা মফম অমা কল্লি। কোচশিংনা অচৌবা শক্লোন অমা লৌরি।

কোলেজ অমসুং য়ুনিভর্সিতিশিংদা অহেনবা শান্ন- খোৎনবাগী দিগ্রী অমসুং দিপ্লোমা হেন্না হাপনবা পীদুনা য়াম্না থোইনা হৈরবা শিংদা পীরি।

মহাক্না হায়খি মদুদি ইন্দিয়া অসিনা শান্ন- খোৎনবা অসিদা থাদরিবা অসিগী খুদোংচাবা পীরি। ঐখোয়গী শান্নরোইশিং অসিদা চাওথোকপা পীদুনা মহাক্না ফোংদোকখি মদুদি ইন্দিয়ানা মালেমদা শান্ন-খোৎনবাগী লমদা মমাং থাদুনা চৎলি। “লৈবাক অসিদা হৈ-শিংলবা শান্নরোইগী অৱাৎপা লৈতে, ঐখোয়না মখোয়বু মতেং পাংবা চংই” হায়দুনা হায়রি। 

পঞ্জাব য়ুনিভর্সিতিগী ভাইস চান্সছেলর, শ্রী রাজ কুমার, দাইরেক্তর ওফ স্পোর্তস, কোচ অমসুং এৱার্দি ময়াম অমা য়াওরি।

মখাদা পীরিবা অসি ৱাঙাং অদুগী অপুনবা ৱারোলনি:

ঐনা নুঙাইবা ফাওই মদুদি পঞ্জাব য়ুনিভর্সিতিনা মৌলানা অবদুল কালাম আজাদ (এম.এ.কে.এ.)কী ত্রোফি ফংদুনা ২০২০দা

শান্ন- খোৎনবা অসিগী লমদা অনীশুবা ওইনা মথং মথং ফংবগীদমক। 

অহানবদা ঐনা পঞ্জাব য়ুনিভর্সিতিগী ছাত্রশিং, কোচশিং, শিন-লাংলিবাশিং, স্তাফশিংবু শান্ন- খোৎনবা অসিগী লমদা অমসুং মহৈগী লমদা হেন্না থোইদোক্না মাংজিল থাবগীদমক থাগৎপা ফোংদোক্লি। 

শান্ন- খোৎনবা অসিগী লমদা হেন্না মাংজিল থানা চৎপা অসি অরাইবা থবক নত্তে, মসি মতম কয়া অমা চোকথবা নাইদনা কন্না হোৎনদুনা ওইরকপনি।

মশক থোকপা শান্নরোই অমা ওইবদা হকচাং য়াম্না ফবত্তা নত্তনা ৱাখলসু য়াম্না লৈবা তাই।

ঐনা পঞ্জাব য়ুনিভর্সিতিগী শান্ন- খোৎনবা অসিগী লমদা হেন্না মাংজিল থানা চৎপা অসিদা হরাওবা ফোংদোক্লি।

ঐহাক্কী নুংশিজরবা নহা ওইরিবা ছাত্রশিং,

শান্ন- খোৎনবা অসি পুন্সিগী য়াম্না লুরবা তাংকক অমনি। মখোয়না মশা ফনবা, ৱাখল ফগৎহনবা অমসুং কাংলুপকী ওইবা মশান্নদা ময়ামগী ওইবা হৈ-শিংবা উৎলি।

শান্ন- খোৎনবদা শরুক য়াবনা মীওই অমগী ৱাখল চুংশিনবগী পাঙ্গল হেনগৎহল্লি, ময়ামগী ওইবা ৱাখল্লোন হেনগৎহনদুনা অপুনবগী ওইবা খনহল্লি।

মসিনা মায়থিবা কয়া অমা য়াজবা অমসুং থোইদোক্না নুঙাইতবা ফাওহনবা, লমন খুম্নিংবগী ৱাখল পোকহনদবা, মসিনি ঐখোয়না ‘শান্নরোই অমগী থম্মোয়’। মসিনা পুন্সিদা অহেনবা মগুন পীরি।

ঐহাক্না থাজবা থম্লি মদুদি মতিক লৈবা শান্নরোই অমনা অচৌবা লুচিংবা ওইরকপা য়াই মরমদি শান্ন- খোৎনবা অসিদা লুচিংবা অমা ওইবগী মগুন য়াওরি। ঐনা য়াম্না হরাওবা ফাওই মদুদি পঞ্জাব য়ুনিভর্সিতি তুংদা লুচিংবা ওইরগনি।

ঐহাক্কী নুংশিজরবা মরুপশিং,

ঐহাক্না মতম খুদিংদা স্কুল অমসুং মহৈ লোয়শংশিংদা শান্ন-খোৎনবাগী তঙাই ফদবা অসি পীরি। শান্ন- খোৎনবদা শরুক য়াবা হায়বসি হকচাং ফনা লৈহনগনি, লৈবাক অসিদা পুন্সি মহিংদগী ওইরকপা লায়না কয়া ঙাকথোকপা ঙমগনি মরুওইনা নহাশিংদা।

হকচাং ফৎতবা পুন্সি মহিং হায়বদি হকচাং নোইথোকপা, দাইবেতিস অমসুং হাইপরতেনসন ওইহল্লি। লৈবাক অসিগী মীসিং ৬৫% অমদি চহি ৩০গী মখানি অমসুং মখোয় অসিবু মচি ওইদবা চিঞ্জাক চাবদগী অমসুং পুন্সি মহিংদগী ওইরকপা খুদোংথিবা অসি খংহনগদবনি। ঐখোয়না নহাশিংবু মশা খিংদুনা অমসুং শান্ন-খোৎনবা অসিদা পুক্নিং থৌগৎতুনা মশা ফনবা হোৎনগদবনি।

শান্ন-খোৎনবগী চৎনবি অসি স্কুল মতমদগী হিংহনবা অমসুং য়োকখৎপা মথৌ তাই। শান্ন-খোৎনবা অমসুং য়োগা অমসুং হকচাং শাজেল অসি নুমিৎ খুদিংগী ওইনা চৎথগদবনি। মসিনা হকচাং ফহনবতা নত্তনা ৱাখল অসিসু নুঙাইবা অমসুং অৱাবা লৈহন্দে।

ঐনা হরাওবা ফাওই মদুদি প্রধান মন্ত্রী শ্রী নরেন্দ্র মোদীনা লৌখৎলিবা “ফিত ইন্দিয়া কেম্পেন” হৌদোক্তুনা মীপুম খুদিং মশা মউ ফনা লৈনবা লৌখৎলিবা অসিদা।

ঐহাক্কী নুংশিজরবা নহা ওইরিবা ছাত্রশিং,

ইন্দিয়ানা হৌখিবা চহি খর অসিদা শান্ন-খোৎনবগী লমদা মালেমগী থাক্তা চাওখৎলক্লি।

ইন্দিয়ানা শান্ন-খোৎনবদা মমিং লৈরবা মেজোর ধিয়ান চান্দ, মিলখা সিংহ, সচিন তেন্দুলকর, পি.ভি. সিন্দু, মেরি কোম, পুল্লেলা গোপিচান্দ, সানিয়া মির্জা অমসুং হিমা দাস অসিগী মফম্নি। হায়রিবা শান্নরোইশিং অসিনা লেংনাইদ্রবা ৱারীনা মীপুম খুদিংদা থৌনা পীরগনি।

লৈবাক অসিগী  নহা ওইবা শান্ন-খোৎনবগী মশক থোকপা পুথোকপা হায়বা অসি অরাইবা থবক নত্তে অমসুং মখোয়বু পুক্নিং তৌগৎতুনা অৱাংবা থাক্তা ত্রেনিং পীগদবনি।

মসিদীদমক ঐখোয়না হেন্না ফবা শান্নরোই থিদোকপা অঙাংসিং অসিদা পীগদবনি।

লৈবাক অসিদা শান্ন-খোৎনবগী মপোৎ মচৈ শেমগৎপা শান্ন-খোৎনবগী হোস্তেলদগীনা স্তদিয়ম ফাওবা মরুওইনা খুঙ্গংগী মফমশিংদা চংই।

ঐখোয়না শান্ন-খোৎনবগী মফমসিং থিদোক্তুনা খুদোংচাবা য়েংদুনা পীফম থোকই।

ঐহাক্না ভারত সরকারবু থাগৎপা ফোংদোক্লি, মদুদি শান্ন-খোৎনবগী লমদা খেলো ইন্দিয়া কেম্পেন অসিনা ইন্দিয়াদা থৌনা পীরি।

ঐখোয়না মতম পুম্বদা জাতিগী মিংচৎ পুরক্লিবা শান্নরোইসিংবু নিংশিংগদবনি। মরম অসিনা অতোপ্পা মওং অমা য়েংদুনা পোত্থাখ্রবা শান্নরোইশিংদা খুদোংচাবা পীগদবনি। মসিনা নহা ওইরিবা কয়াদা শান্ন-খোৎনবগী লমদা পুক্নিং থৌগৎকনি।

ঐহাক্না থাজবা তম্মী মদুদি ঐখোয়না পুকচেল শেংনা থবক তৌরবদি শান্ন-খোৎনব কয়া অমদা মালেমগী থাক্তা লৈরিবা থৌরম পুম্বা কম্মনৱেল্ত গেমস্তগীনা ওলেম্পিক্স ফাওবা মায় পাকপা ঙমগনি।

ঐখোয়গী লৈবাক অসিদা হৈ-শিংলবা অৱাৎপা লৈতে। মখোয়দা য়াম্না অক্নবা মতেং পীবা চংই

ঐহাক্না অমুক হন্না পুম্নমকপু থাগৎপা ফোংদোক্লি। লাক্কদৌরিবা কয়াদা হেন্না মায় পাকপা ওইয়ু!

থাগৎচরি! জয় হিন্দ!

****