ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ଓ ସାଉଦି ଆରବ ରାଜାଙ୍କ ମଧ୍ୟରେ ଟେଲିଫୋନ ବାର୍ତ୍ତାଳାପ
Posted On:
09 SEP 2020 8:44PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି (09.09.2020) ମହାମହିମ ରାଜା ସଲମାନ ବିନ୍ ଅବଦୁଲାଜିଜ ଅଲ ସଉଦଙ୍କ ସହ ଟେଲିଫୋନ ଯୋଗେ କଥା ହୋଇଛନ୍ତି ।
ବିଶ୍ଵ ସମ୍ମୁଖରେ ମୁଣ୍ଡ ଟେକିଥିବା କୋଭିଡ-19 ମହାମାରୀ ଆହ୍ଵାନ ପ୍ରସଙ୍ଗରେ ଦୁଇ ନେତା ମତ ବିନିମୟ କରିଥିଲେ ।
ଜି-20ର କାର୍ଯ୍ୟକାରୀ ସଭାପତି ଥିବା ସମୟରେ ସାଉଦି ଆରବ ଦେଇଥିବା ନେତୃତ୍ୱ ପାଇଁ ପ୍ରଧାନମନ୍ତ୍ରୀ କୃତଜ୍ଞତା ଜଣାଇଛନ୍ତି । ଜି-20 ଦ୍ଵାରା ନିଆଯାଇଥିବା ସମନ୍ଵିତ ପଦକ୍ଷେପ ମହାମାରୀକୁ ପ୍ରତିରୋଧ କରିବାରେ ବିଶେଷ ଭାବେ ସହାୟକ ହୋଇଛି । ବର୍ତ୍ତମାନ ଜି-20ର ମୁଖ୍ୟ ଏଜେଣ୍ଡା ଉପରେ ଉପରେ ମଧ୍ୟ ସେମାନେ ଆଲୋଚନା କରିଥିଲେ ।
ଦୁଇ ନେତା ଭାରତ ଏବଂ ସାଉଦି ଆରବ ମଧ୍ୟରେ ଦ୍ୱିପାକ୍ଷିକ ସମ୍ପର୍କର ସ୍ଥିତିକୁ ନେଇ ସନ୍ତୋଷ ବ୍ୟକ୍ତ କରିଛନ୍ତି ଏବଂ ସମସ୍ତ କ୍ଷେତ୍ରରେ ସହଯୋଗକୁ ଆହୁରି ମଜବୁତ କରିବାକୁ ପ୍ରତିଶ୍ରୁତି ଦେଇଛନ୍ତି । କୋଭିଡ-19 ମହାମାରୀ ସମୟରେ ସାଉଦି କର୍ତ୍ତୃପକ୍ଷଙ୍କ ଦ୍ୱାରା ଭାରତୀୟ ବିଦେଶୀମାନଙ୍କୁ ଯୋଗାଇ ଦିଆଯାଇଥିବା ସହାୟତା ପାଇଁ ପ୍ରଧାନମନ୍ତ୍ରୀ ମହାମହିକ ରାଜା ସଲମାନଙ୍କୁ ଅଶେଷ ଧନ୍ୟବାଦ ଜଣାଇଛନ୍ତି ।
ପ୍ରଧାନମନ୍ତ୍ରୀ ରାଜା ସଲମାନ ବିନ୍ ଅବଦୁଲାଜିଜ ଅଲ ସଉଦ, ସାଉଦି ଆରବର ରୟାଲ ପରିବାରର ଅନ୍ୟ ସଦସ୍ୟ ତଥା ରାଜ୍ୟର ସମସ୍ତ ନାଗରିକଙ୍କ ଉତ୍ତମ ସ୍ୱାସ୍ଥ୍ୟ ଏବଂ ମଙ୍ଗଳ କାମନା କରିଛନ୍ତି ।
**********
(Release ID: 1653554)
Visitor Counter : 152
Read this release in:
English
,
Urdu
,
Marathi
,
Hindi
,
Manipuri
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam