প্রধানমন্ত্রীগী লোইশঙ
প্রধান মন্ত্রী অমসুং হিজ মেজেস্তি সাউদি অরাবিয়াগী নিংথৌগা তেলিফোন্দা ৱারী শাখ্রে
Posted On:
09 SEP 2020 8:44PM by PIB Imphal
প্রধান মন্ত্রী শ্রী নরেন্দ্র মোদীনা ঙসি হিজ মেজেস্তি নিংথৌ সল্মান বিন অবদুলাজিজ অল সাউদকা তেলিফোন্দা ৱারী শাখ্রে।
লুচিংবা অনিনা কোবিদ-১৯গী লায়চৎনা ওইহল্লক্লিবা মালেমগী অৱাবশিংগী মতাংদা ৱারী শাখি।
প্রধান মন্ত্রীনা জি.২০ গ্রুপিংগী চত্থখিবা প্রসিদেন্সিগী মনুংদা সাউদি আরাবিয়ানা লুচিংখিবগী মতাংদা মহাক্না থাগৎপা ফোঙদোকখি। লুচিংবশিং অসিনা জি.২০গী থাক্তা লৌখৎখিবা খোঙথাংশিং অসিনা লায়চৎ অসি পুন্না লান্থেংমিন্নবদা মতেং পাংলগনি হায়না থাজবা ফোঙদোকখি। মখোয়না জি.২০গী এজেন্দা হৌজিক লৈরিবা মরুওইবা মীৎয়েংশিংগী মতাংদা খন্নখি।
লুচিংবা অনিনা ভারত অমসুং সাউদি অরাবিয়াগী মরক্তা লৈবাক অনিগী ওইনা লৈনরিবা মরীদা অপেনবা ফোঙদোকখি অমসুং হীরম খুদিংমক্তা মখা তানা অমগা অমগা মতেং পাংননবা য়ানখি। প্রধান মন্ত্রীনা কোবিদ-১৯গী লায়চৎ অসিগী মনুংদা পন্দুনা লৈরিবা ভারত মচাশিংদা সাউদি ওথোরিতীশিংনা মতেং পাংখিবা অদুগী হিজ মেজেস্তী নিংথৌ সল্মানবু অখন্ননা থাগৎপা ফোঙদোকখি।
প্রধান মন্ত্রীনা হিজ মেজেস্তি নিংথৌ সল্মান বিন অবদুলাজিজ অল সাউদ,সাউদি আরাবিয়াগী রোয়ল ফেমিলীগী অতোপ্পা মেম্বরশিং অমসুং লৈবাক অসিগী প্রজা খুদিংমকপু হকচাং ফনা অমসুং নুংঙাই য়াইফনা লৈনবা মহাক্কী য়াইফ পাউজেলশিং পীখি।
*****
(Release ID: 1652893)
Visitor Counter : 130
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam