ਰਾਜ ਸਭਾ ਦੇ ਚੇਅਰਮੈਨ ਸ੍ਰੀ ਐੱਮ. ਵੈਂਕਈਆ ਨਾਇਡੂ ਨੇ 14 ਸਤੰਬਰ, 2020 ਤੋਂ ਸ਼ੁਰੂ ਹੋਣ ਵਾਲੇ ਸੰਸਦ ਦੇ ਮਾਨਸੂਨ ਸੈਸ਼ਨ ਦੀ ਪ੍ਰਧਾਨਗੀ ਕਰਨ ਲਈ ਆਪਣੇ ਆਪ ਨੂੰ ਤਿਆਰ ਕਰਦੇ ਹੋਏ ਅੱਜ ਕੋਵਿਡ-19 ਟੈਸਟ ਕਰਵਾਇਆ।

ਰਾਜ ਸਭਾ ਦੇ ਸਾਰੇ ਮੈਂਬਰਾਂ ਨੂੰ ਜਾਰੀ ਕੀਤੀ ਇੱਕ ਅਡਵਾਇਜ਼ਰੀ ਅਨੁਸਾਰ ਹਰੇਕ ਮੈਂਬਰ ਲਈ ਆਗਾਮੀ ਮੌਨਸੂਨ ਸੈਸ਼ਨ ਵਿੱਚ ਹਿੱਸਾ ਲੈਣ ਤੋਂ ਪਹਿਲਾਂ ਕੋਵਿਡ -19 ਟੈਸਟ (ਆਰਟੀ-ਪੀਸੀਆਰ) ਕਰਵਾਉਣਾ ਲਾਜ਼ਮੀ ਹੈ।

ਮੈਂਬਰਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਆਪਣਾ ਟੈਸਟ ਸੈਸ਼ਨ ਸ਼ੁਰੂ ਹੋਣ ਤੋਂ ਪਹਿਲਾਂ 72 ਘੰਟਿਆਂ ਦੇ ਅੰਦਰ-ਅੰਦਰ ਕਿਸੇ ਹਸਪਤਾਲ/ਲੈਬਾਰਟਰੀ ਵਿਖੇ ਸਰਕਾਰ ਦੁਆਰਾ ਅਧਿਕਾਰਤ ਜਾਂ ਸੰਸਦ ਭਵਨ ਕੰਪਲੈਕਸ ਵਿਖੇ ਕਰਵਾਉਣ।

ਮੈਂਬਰਾਂ ਦੀ ਸੁਵਿਧਾ ਲਈ ਅੱਜ ਤੋਂ ਸੰਸਦ ਭਵਨ ਅਨੈਕਸੀ ਵਿਖੇ ਤਿੰਨ ਟੈਸਟ ਕੇਂਦਰ ਚਲ ਰਹੇ ਹਨ। ਮੈਂਬਰਾਂ ਨੂੰ ਇਹ ਵੀ ਬੇਨਤੀ ਕੀਤੀ ਗਈ ਹੈ ਕਿ ਉਹ ਆਪਣੀ ਟੈਸਟ ਰਿਪੋਰਟ ਨੂੰ ਰਾਜ ਸਭਾ ਸਕੱਤਰੇਤ ਨੂੰ ਪਹਿਲਾਂ ਤੋਂ ਹੀ ਇੱਕ ਨਿਰਧਾਰਿਤ ਈ-ਮੇਲ ਰਾਹੀਂ ਭੇਜਣ ਤਾਂ ਜੋ ਸੈਸ਼ਨ ਦੌਰਾਨ ਸੰਸਦ ਭਵਨ ਵਿੱਚ ਦਾਖਲ ਹੋਣ ਵੇਲੇ ਕਿਸੇ ਪਰੇਸ਼ਾਨੀ ਤੋਂ ਬਚਿਆ ਜਾ ਸਕੇ।

ਇਸੇ ਤਰ੍ਹਾਂ ਸੰਸਦ ਹਾਊਸ ਕੰਪਲੈਕਸ ਵਿੱਚ ਤੈਨਾਤ ਸੰਸਦ ਸਕੱਤਰੇਤ ਅਤੇ ਹੋਰ ਏਜੰਸੀਆਂ ਦੇ ਕਰਮਚਾਰੀਆਂ ਲਈ ਆਰਟੀ-ਪੀਸੀਆਰ ਟੈਸਟ ਲਾਜ਼ਮੀ ਕਰ ਦਿੱਤਾ ਗਿਆ ਹੈ ਕਿਉਂਕਿ ਉਹ ਆਪਣੀ ਡਿਊਟੀ ਦੌਰਾਨ ਮੈਂਬਰਾਂ ਦੇ ਨਜ਼ਦੀਕ ਰਹਿੰਦੇ ਹਨ। ਇਸ ਦੇ ਨਾਲ ਹੀ ਅੱਜ ਤੋਂ ਰਿਸੈਪਸ਼ਨ ਦਫ਼ਤਰ, ਸੰਸਦ ਭਵਨ ਵਿਖੇ ਸੰਸਦ ਮੈਂਬਰਾਂ ਦੇ ਨਿਜੀ ਸਟਾਫ ਅਤੇ ਡਰਾਈਵਰਾਂ ਲਈ ਰੈਪਿਡ ਐਂਟੀਜੇਨ ਟੈਸਟ ਕਰਵਾਉਣ ਲਈ ਪ੍ਰਬੰਧ ਕੀਤੇ ਗਏ ਹਨ।

ਰਾਜ ਸਭਾ ਦੇ ਚੇਅਰਮੈਨ ਨਿਯਮਿਤ ਤੌਰ ’ਤੇ ਕੋਵਿਡ-19 ਦੇ ਪਸਾਰ ਨੂੰ ਰੋਕਣ ਲਈ ਅਤੇ ਸੈਸ਼ਨ ਦੌਰਾਨ ਮੈਂਬਰਾਂ ਦੀ ਤੰਦਰੁਸਤੀ ਨੂੰ ਯਕੀਨੀ ਬਣਾਉਣ ਲਈ ਚੁੱਕੇ ਗਏ ਵਿਸ਼ੇਸ਼ ਸਾਵਧਾਨੀ/ਉਪਚਾਰ ਉਪਾਵਾਂ ਦੀ ਬਾਕਾਇਦਾ ਸਮੀਖਿਆ ਕਰਦੇ ਰਹੇ ਹਨ। ਚੇਅਰਮੈਨ ਨੇ ਸਕੱਤਰੇਤ ਦੇ ਸੀਨੀਅਰ ਅਧਿਕਾਰੀਆਂ ਨੂੰ ਸਖਤ ਹਿਦਾਇਤਾਂ ਜਾਰੀ ਕੀਤੀਆਂ ਹਨ ਕਿ ਉਹ ਲਾਗ ਦੇ ਖਤਰੇ ਪ੍ਰਤੀ ਸੁਹਿਰਦ ਰਹਿਣ ਅਤੇ ਨਿਰਧਾਰਿਤ ਦਿਸ਼ਾ ਨਿਰਦੇਸ਼ਾਂ ਦਾ ਸਖਤੀ ਨਾਲ ਪਾਲਣ ਕਰਨ। ਖਤਰਾ ਘਟਾਉਣ ਅਤੇ ਮੈਂਬਰਾਂ ਦੀ ਸਿਹਤ ਦੀ ਸੁਰੱਖਿਆ ਚੇਅਰਮੈਨ ਦੀ ਸਭ ਤੋਂ ਵੱਡੀ ਚਿੰਤਾ ਰਹੀ ਹੈ। ਉਨ੍ਹਾਂ ਨੇ ਮੈਂਬਰਾਂ ਅਤੇ ਅਧਿਕਾਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਗ੍ਰਹਿ, ਸਿਹਤ ਅਤੇ ਪਰਿਵਾਰ ਭਲਾਈ ਦੇ ਸਕੱਤਰਾਂ, ਚੇਅਰਮੈਨ/ਡੀ.ਆਰ.ਡੀ.ਓ, ਡੀ.ਜੀ./ਆਈ.ਸੀ.ਐੱਮ.ਆਰ. ਨਾਲ ਮੀਟਿੰਗ ਕੀਤੀ।

ਸਮਾਜਿਕ ਦੂਰੀ ਦੇ ਨਿਯਮਾਂ ਨੂੰ ਯਕੀਨੀ ਬਣਾਉਣ ਲਈ ਰਾਜ ਸਭਾ ਚੈਂਬਰ, ਗੈਲਰੀਆਂ ਅਤੇ ਲੋਕ ਸਭਾ ਚੈਂਬਰ ਨੂੰ ਮੈਂਬਰਾਂ ਲਈ ਵਰਤਿਆ ਜਾਵੇਗਾ - ਜਿਨ੍ਹਾਂ ਵਿਚੋਂ ਸੀਟ ਮੈਂਬਰ-57 ਨੂੰ ਚੈਂਬਰ ਵਿੱਚ ਅਤੇ 51 ਰਾਜ ਸਭਾ ਦੀਆਂ ਗੈਲਰੀਆਂ ਵਿੱਚ ਬਿਠਾਏ ਜਾਣਗੇ। ਬਾਕੀ 136 ਲੋਕ ਸਭਾ ਦੇ ਚੈਂਬਰ ਵਿੱਚ ਬੈਠਣਗੇ। ਕੁੱਲ ਮਿਲਾ ਕੇ ਇੱਥੇ 244 ਮੈਂਬਰ ਹਨ ਅਤੇ ਇੱਕ ਸੀਟ ਖਾਲੀ ਹੈ। ਹਰ ਸੀਟ ਨੂੰ ਇੱਕ ਮਾਈਕਰੋਫੋਨ ਅਤੇ ਇੱਕ ਸਾਊਂਡ ਕੰਸੋਲ ਦਿੱਤਾ ਗਿਆ ਹੈ ਤਾਂ ਜੋ ਮੈਂਬਰ ਵਿਚਾਰ-ਵਟਾਂਦਰੇ ਵਿੱਚ ਹਿੱਸਾ ਲੈਣ ਦੇ ਯੋਗ ਹੋ ਸਕਣ। ਮੈਂਬਰਾਂ ਦੀ ਸੁਰੱਖਿਆ ਦੇ ਮੱਦੇਨਜ਼ਰ ਮੈਂਬਰਾਂ ਨੂੰ ਬੁਲਾਏ ਜਾਣ ’ਤੇ ਮੈਂਬਰਾਂ ਨੂੰ ਬੈਠਣ ਦੀ ਆਗਿਆ ਦਿੱਤੀ ਜਾਂਦੀ ਹੈ।

ਤਿੰਨਾਂ ਥਾਵਾਂ ’ਤੇ ਮੈਂਬਰਾਂ ਦੇ ਬੈਠਣ ਦੇ ਸਬੰਧ ਵਿੱਚ ਪਾਰਟੀਆਂ/ਸਮੂਹਾਂ ਦੇ ਸਬੰਧਿਤ ਨੇਤਾਵਾਂ ਨੂੰ ਸੂਚਿਤ ਕੀਤਾ ਗਿਆ ਹੈ ਕਿ ਉਨ੍ਹਾਂ ਨੂੰ ਨਿਰਧਾਰਿਤ ਕੀਤੀਆਂ ਗਈਆਂ ਸੀਟਾਂ ਦੀ ਗਿਣਤੀ ਤਿੰਨੋਂ ਸਥਾਨਾਂ' ’ਤੇ ਉਨ੍ਹਾਂ ਦੀ ਤਾਕਤ ਨੂੰ ਦਰਸਾਉਂਦੀ ਹੈ। ਪਾਰਟੀਆਂ/ਸਮੂਹਾਂ ਦੇ ਸਤਿਕਾਰਤ ਆਗੂ ਇਹ ਫੈਸਲਾ ਕਰ ਸਕਦੇ ਹਨ ਕਿ ਉਨ੍ਹਾਂ ਦੀ ਪਾਰਟੀ ਦੇ ਮੈਂਬਰ ਤਿੰਨ ਥਾਵਾਂ ’ਤੇ ਕਿੱਥੇ ਬੈਠਣਗੇ।

ਚੈਂਬਰ ਦੀਆਂ ਚਾਰ ਵੱਡੀਆਂ ਡਿਸਪਲੇਅ ਸਕਰੀਨਾਂ ਵਿੱਚ ਮੈਂਬਰਾਂ ਨੂੰ ਬੋਲਦੇ ਹੋਏ ਦਿਖਾਇਆ ਜਾਵੇਗਾ ਅਤੇ ਰਾਜ ਸਭਾ ਟੀਵੀ ਉੱਤੇ ਕਾਰਵਾਈ ਦਾ ਨਿਰਵਿਘਨ ਸਿੱਧਾ ਪ੍ਰਸਾਰਣ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਚਾਰ ਗੈਲਰੀਆਂ ਵਿੱਚ ਛੇ ਛੋਟੇ ਡਿਸਪਲੇਅ ਸਕਰੀਨ ਅਤੇ ਆਡੀਓ ਕੰਸੋਲ ਲਗਾਏ ਗਏ ਹਨ।

ਮੈਂਬਰਾਂ ਅਤੇ ਅਧਿਕਾਰੀਆਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਦੇ ਮੱਦੇਨਜ਼ਰ ਚੇਅਰਮੈਨ ਸ਼੍ਰੀ ਵੈਂਕਈਆ ਨਾਇਡੂ ਸਾਰੇ ਮੈਂਬਰਾਂ ਨੂੰ ਨੋਟਿਸ ਭੌਤਿਕ ਤੌਰ ’ਤੇ ਦੇਣ ਦੀ ਬਜਾਏ ਈ-ਨੋਟਿਸ ਸੁਵਿਧਾ ਦਾ ਪੂਰਾ ਇਸਤੇਮਾਲ ਕਰਨ ਅਤੇ ਇਲੈਕਟ੍ਰੌਨਿਕ ਮੋਡ ਵਿੱਚ ਨੋਟਿਸਾਂ ਦੀ ਸੇਵਾ ਕਰਨ ਦੀ ਇੱਛਾ ਰੱਖਦੇ ਹਨ।

ਵਪਾਰਕ ਸੂਚੀ, ਬੁਲੇਟਿਨ, ਬਿਲਾਂ/ਅਤੇ ਆਰਡੀਨੈਂਸ ਸਮੇਤ ਕਈ ਸੰਸਦੀ ਪਰਚੇ ਸਿਰਫ਼ ਇਲੈਕਟ੍ਰੌਨਿਕ ਵਿਧੀ ਰਾਹੀਂ ਮੈਂਬਰਾਂ ਨੂੰ ਭੇਜਣ ਦਾ ਵੀ ਫੈਸਲਾ ਲਿਆ ਗਿਆ ਹੈ। ਮੈਂਬਰ ਆਪਣੇ ਪੋਰਟਲ ਖਾਤਿਆਂ ਤੱਕ ਪਹੁੰਚ ਕਰ ਸਕਦੇ ਹਨ। ਇਸ ਅਨੁਸਾਰ ਇਨ੍ਹਾਂ ਕਾਗਜ਼ਾਂ ਦੀਆਂ ਹਾਰਡ ਕਾਪੀਆਂ ਬੰਦ ਕੀਤੀਆਂ ਜਾ ਰਹੀਆਂ ਹਨ। ਮੈਂਬਰ ਆਪਣੀਆਂ ਈ-ਰੀਡਰ ਡਿਵਾਈਸਾਂ ਨੂੰ ਸਦਨ ਵਿੱਚ ਪਾਰਲੀਮੈਂਟਰੀ ਕਾਗਜ਼ਾਂ ਦਾ ਹਵਾਲਾ ਦੇਣ ਜਾਂ ਉਨ੍ਹਾਂ ਦੀ ਵਰਤੋਂ ਲਈ ਪ੍ਰਿੰਟ-ਆਊਟ ਲੈ ਸਕਦੇ ਹਨ।

ਚੇਅਰਮੈਨ ਨੇ ਮੈਂਬਰਾਂ ਤੋਂ ਸਹਿਯੋਗ ਦੀ ਮੰਗ ਕੀਤੀ ਹੈ ਅਤੇ ਉਨ੍ਹਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਵੱਖ-ਵੱਖ ਏਜੰਸੀਆਂ ਦੁਆਰਾ ਦਰਸਾਏ ਗਏ ਕੋਵਿਡ -19 ਨਾਲ ਸਬੰਧਤ ਸਾਰੇ ਸਿਹਤ ਪ੍ਰੋਟੋਕਾਲਾਂ ਦਾ ਸਖਤੀ ਨਾਲ ਪਾਲਣ ਕਰਨ।

ਡੀਆਰਡੀਓ ਸਾਰੇ ਸੰਸਦ ਮੈਂਬਰਾਂ ਨੂੰ ਮਲਟੀ ਯੂਟੀਲਿਟੀ ਕੋਵਿਡ ਕਿੱਟਾਂ ਵੀ ਪ੍ਰਦਾਨ ਕਰੇਗਾ। ਹਰੇਕ ਕਿੱਟ ਵਿੱਚ ਡਿਸਪੋਸੇਜਲ ਥ੍ਰੀ ਪਲਾਈ ਮਾਸਕ (40), ਐੱਨ-95 ਮਾਸਕ (5), ਹਰੇਕ 50 ਮਿਲੀਲੀਟਰ ਦੀਆਂ ਸੈਨੇਟਾਈਜ਼ਰ ਦੀਆਂ 20 ਬੋਤਲਾਂ, ਪੌਲੀਪ੍ਰੋਪੀਲੀਨ ਤੋਂ ਬਣੇ ਫੇਸ ਮਾਸਕ (5), ਦਸਤਾਨੇ (40), ਟੱਚ ਫ੍ਰੀ ਹੁੱਕ (ਬੰਦ ਦਰਵਾਜ਼ਿਆਂ ਨੂੰ ਬਿਨਾਂ ਛੂਹੇ ਖੋਲ੍ਹਣ ਲਈ), ਸੀ ਬੱਕ ਥੋਰਨ ਟੀ ਬੈਗ ਅਤੇ ਹਰਬਲ ਸੈਨੇਟਾਈਜ਼ਰ ਵਾਈਪਸ (ਟਿਸ਼ੂ ਪੇਪਰਾਂ ਦੀ ਕਿਸਮ) ਸ਼ਾਮਲ ਹਨ।

ਚੇਅਰਮੈਨ ਦੀ ਸਹਾਇਤਾ ਲਈ ਉਨ੍ਹਾਂ ਦੇ ਦੋਵੇਂ ਪਾਸਿਆਂ ’ਤੇ ਖੜ੍ਹੇ ਮਾਰਸ਼ਲਾਂ ਨੂੰ ਦੋਵੇਂ ਮਾਸਕ ਅਤੇ ਫੇਸ ਸ਼ੀਲਡਾਂ ਪਹਿਨਣ ਦੀ ਸਲਾਹ ਦਿੱਤੀ ਗਈ ਹੈ।

ਇਸ ਦੌਰਾਨ ਸਾਂਸਦ ਮੈਂਬਰ ਅਤੇ ਪ੍ਰੋਸੋਨਲ, ਜਨਤਕ ਸ਼ਿਕਾਇਤਾਂ, ਕਾਨੂੰਨ ਅਤੇ ਨਿਆਂ ਵਿਭਾਗ ਨਾਲ ਸਬੰਧਿਤ ਸਟੈਡਿੰਗ ਕਮੇਟੀ ਦੇ ਚੇਅਰਮੈਨ ਸ਼੍ਰੀ ਭੁਪੇਂਦਰ ਯਾਦਵ ਨੇ ਅੱਜ ਉਪ-ਰਾਸ਼ਟਰਪਤੀ ਨਿਵਾਸ ਵਿਖੇ ਚੇਅਰਮੈਨ ਨੂੰ ‘ਵੀਡੀਓ ਕਾਨਫਰੰਸਿੰਗ ਰਾਹੀਂ ਵਰਚੁਅਲ ਕੋਰਟਾਂ/ਅਦਾਲਤ ਦੀ ਕਾਰਵਾਈ’ ਬਾਰੇ ਅੰਤ੍ਰਿਮ ਰਿਪੋਰਟ ਸੌਂਪ ਦਿੱਤੀ ਹੈ।

*********

ਵੀਆਰਆਰਕੇ/ਐੱਐੱਸ/ਐੱਮਐੱਸਵਾਈ/ਡੀਪੀ