২০২০গী সেপ্তেম্বর ১৪গী হৌগদৌরিবা সংসদকী নোংজু মীফমগী মশামক থৌরাং তৌবা ওইনা ঙসি রাজ্য সভাগী চিয়রমেন, শ্রী এম. বেনকাইয়া নাইদু কোবিদ-১৯ তেস্ত তৌখ্রে। রাজ্য সভাগী মেম্বরশিংদা পীখিবা চেকশিনৱা অমগী মতুংইন্না, লাক্লিবা নোংজুম মীফম শরুক য়ানবা তঙাইফদনা মেম্বর খুদিংমক কোবিদ-১৯ তেস্ত(আর.তি-পি.সি.আর) পাংথোক্কদবনি।

সরকারনা অয়াবা পীরবা হোস্পিতাল অমদা নৎত্রগা পর্লিয়ামেন্ত হাওস কমপ্লেক্সতা মীফম হৌগদবা পুং ৭২গী মমাংদা এম.পি খুদিংমক মখোয়গী কোবিদ তেস্ত তৌগদবনি হায়না মেম্বরশিংদা খঙহনখ্রে।

মেম্বরশিংগী খুদোংচানবা, ঙসিদগী পর্লিয়ামেন্ত হাওস এন্নেক্সতা তেস্ত সেন্তর মফম অহুম হাংদোক্লে। মীফম মনুংদা মখোয়না পর্লিয়ামেন্ত হাওসতা চংলকপা মতমদা খুদোংচাদবা অমতা থোক্তনবা ই-মেলগী খুৎথাংদা রাজ্য সভা সেক্রেতরিয়েৎতা মাংজৌন্না মখোয়গী তেস্ত রিপোর্তশিং থারক্নবা মেম্বরশিংদা খঙহনখ্রে।

মখোয়না মথৌ পাংথোকপা মতমদা মেম্বরশিংগা য়াম্না নকশিন্নবা পর্লিয়ামেন্ত সেক্রেতরিয়েৎশিংগী ইমপ্লোয়িশিং অমসুং পর্লিয়ামেন্ত হাওস কমপ্লেক্সতা শীজিন্নরিবা অতোপ্পা এজেন্সিশিংগী স্তাফশিং তঙাইফদনা আর.তি-পি.সি.আর তেস্ত পাংথোক্কদবনি। পর্লিয়ামেন্ত হাওসকী রিসেপসন ওফিসতা এম.পিশিংগী লনাই স্তাফশিং অমসুং দ্রাইভরশিং রেপিৎ এন্তিজেন তেস্ত তৌনবা ঙসিদগী থৌরাং তৌরে।

মীফম মনুংদা মেম্বরশিংগী য়াইফনবা অমসুং কোবিদ-১৯ শন্দোরকপা লাকশিন্নবা পায়খৎলিবা থবকশিং রাজ্য সভাগী চিয়রমেন্না চাংনাইনা য়েংশিল্লি। লায়না শন্দোরক্তনবা চেকশিন্নবা অমসুং চৎন-কাংলোনশিং নিংথিনা ঙাক্নবা সেক্রেতরিয়েৎকী সেনিয়র ওফিসিএলশিংদা চিয়রমেন্না অকনবা পাউতাকশিং পীখি।

মেম্বরশিংগী হকশেল অশোই-অঙাম থোকহন্দবা অসি চিয়রমেনগী মরুওইবা থৌদাংনি। মেম্বরশিং অমসুং ওফিসিএলশিং অশোই-অঙাম থোক্তনবা মহাক্না হোমগী,হেল্থ অমসুং ফেমিলি ৱেলফিয়ারগী সেক্রেতরিশিং, দি.আর.দি.ওগী চিয়রমেন, আই.সি.এম.আরগী দি.জিগা মীফমশিং পাংথোকখ্রে।

থাপ্না লৈবা য়ানবা, রাজ্য সভা চেম্বর, গেল্লেরিশিং অমসুং লোক সভা চেম্বরদা মেম্বরশিং ফমগনি। চেম্বরদা মেম্বর ৫৭ ফমগনি অমসুং রাজ্য সভা গেল্লরিদা মেম্বর ৫১ ফমগনি। লেমহৌরবা ১৩৬না লোক সভা চেম্বরদা ফমগনি। অপুনবা মেম্বর মশিং ২৪৪নি অমসুং হৌজিক সিত অমা হাংলি।

খন্ন-নৈনবা শরুক য়াবা ঙম্নবা সিত খুদিংগী মাইক্রোফোন অমা অমসুং সাউন্দ কন্সোল অমা পীগনি। মেম্বরশিংগী য়াইফনবা মেম্বরশিংনা ফম্লগা ৱা ঙাংবা য়াগনি।

মফম অহুম খাইদোক্তুনা মেম্বরশিং ফমগনি। দলশিংগী লুচিংবশিংনা মখোয়গী মেম্বরশিংনা ফমগদবা মফম পীরিবা মফম অহুম অদুদগী অপাম্বা খনবা য়াগনি।

মেম্বরশিংনা ৱা ঙাংবা উনবা চেম্বরদা অপাকপা স্ক্রিন মরি থমগনি অমসুং রাজ্য সভা তি.ভিদা লাইভ তেলিকাস্ত শন্দোক্কনি। মসিগী মথক্তা, অপীকপা স্ক্রিন তরুক অমসুং ওদিও কন্সোলশিং গেল্লেরি মরিদা থম্লে।

মেম্বরশিং অমসুং ওফিসিএলশিং য়াইফনবা চিয়রমেন্না মেম্বর খুদিংমক ই-নোতিস মপুংফানা শীজিন্নবা পাম্লি অমসুং মখোয়দা হকথেংন্না পীবগী মহুৎতা ইলেকত্রোনিক ওইনা নোতিসশিং পীগনি।

বু্জিনেসনকী লিস্তশিং, বুল্লেতিনশিং, বিলশিং অমসুং ওর্দিনান্সশিং মেম্বরশিংদা ইলেকত্রোনিক ওইনা থানবা ৱারেপ লৌরে। মেম্বরশিংনা মখোয়গী পোর্তেল একাউন্তশিংদা চঙবা য়াগনি। হায়রিবা চে-চাংশিং অসি হাদ কোপি ওইনা পীবা লেপ্লে। হাওসতা সংসদকী চে-চাংশিং য়েংনবা মেম্বরশিংনা মখোয়গী ই-রিদরশিং পুরকপা য়াগনি নৎত্রগা নমথোকলবা চেশিং পুরকপা য়াগনি।

মেম্বরশিংনা মতেং পাংনবা চিয়রমেন্না হায়রি অমসুং কোবিদ-১৯গী হকশেলগী চৎন-কাংলোনশিং ইন্নবা মখোয়দা তকশিল্লি।

এম.পিশিংদা দি.আর.দি.ওনা মল্তি য়ুতিলিতি কোবিদ কিৎশিং পীগনি। কিৎ অমদা থ্রি প্লাই মাক্স(৪০), এন-৯৫ মাক্স(৫), ৫০ এম.এলগী সেনিতাইজর লিক্লি ২০, পোলিপ্রোপেলিনগী ফেস সিল্ড (৫), গ্লোব(৪০),তচ ফ্রি হুক(থোঙশিং হাংদোক্নবা অমসুং লোন্নবা), হকচাং কনখৎনবা সি বুক থোর্ন তি বেগশিং অমসুং হর্বেল সেনিতেসন তিসু পেপরশিং য়াওরি।

চিয়রমেনগী নাকল অনিদা লেপ্লিবা মার্সেলশিং মাক্স অমসুং ফেস সিল্দ অনিমক উপ্নবা পাউতাক পীখ্রে।

চৈরক অসিদা, এম.পি অমসুং চিয়রমেন, পর্সোনেল, পব্লিক গ্রিভান্সেস, লো অমসুং জজতিস্তকী স্তেন্দিং কমিতি, ভুপেন্দ্র য়াদবনা ঙসি উপ-রাস্ত্রপতি নিৱাসতা চিয়রমেনদা “ভিদিও কনফরেন্সকী খুৎথাংদা ভর্চুএল কোর্তশিং/কোর্তকী থবকশিং পাংথোক্নবা” মরক্কী ওইবা রিপোর্ত অমা পীশিনখ্রে।

*****