হাউজিং অমসুং অর্বান এফিয়র্সকী রাজ্য মন্ত্রী (আই./সি.) শ্রী হরদীপ সিংহ পুরীনা হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)গী স্মার্ত সিতী মিসন্না বর্চুএলগী খুত্থাংদা শিনবা ক্লাইমেৎ স্মার্ত সিতীজ এসেস্মেন্ত ফ্রেমৱর্ক (সি.এস.সি.এ.এফ. ২.০)কা লোয়ননা “স্ত্রীৎস ফোর পীপল চেলেঞ্জ” হৌদোকখ্রে। সি.এস.সি.এ.এফ.কী পান্দমদি শহরশিংনা শেল থাদবা য়াওনা মরী লৈনবা থবকশিংগী থৌরাং য়াৎপা অমসুং পায়খৎপদা অইং-অশা হোংবগা মরী লৈনবা থৌওংশিং থেংনবদা তেংবাংবনি। হৌখিবা দিকেদ খরা অসিদা সাইক্লোন, ইচাউ থোকপা, হীৎ ৱেব, ঈশিং ফংদবা অমসুং ইকঙ থোকপগুম্বা ফিভম কয়া তোয়না থোকখিবা হেনগৎলখিবা অদুনা ঐখোয়গী শহর কয়াদা মখল কয়াগী চৈথেং পীখি। অসিগুম্বা শাথিবা থৌদোকশিং অমসুং খুদোংচাদবশিং অসিনা মীওই কয়াগী পুন্সি মাঙহনবতা নত্তনা শেন্মিৎলোন্দসু পামদবা চৈথেং কয়া পীখি। হীরম অসিগা মরী লৈননা সি.এস.সি.এ.এফ.না ভারত্তা পায়খৎলিবা অর্বান প্লান্নিং অমসুং দিবেলপমেন্তকী থবকশিংদা অইং-অশাগা মরী লৈনবা থৌওং পাঙথোকপগী মতাংদা লমজিংনবা পান্দম থম্লি। এম.ও.ঐচ.য়ু.এ.গী সেক্রেতরী শ্রী দুর্গা শঙ্কর মিশ্রা, এম.ও.ঐচ.য়ু.এ. অমসুং ইনবাইরনমেন্ত, উমং অমসুং অইং-অশা হোংবগী মন্ত্রালয়গী সেনিয়র ওফিসিএলশিং, রাজ্য সরকারশিং অমসুং য়ু.তি.গী অর্বান দিবেলপমেন্তকী প্রিন্সিপাল সেক্রেতরীশিং, স্মার্ত সিতী মিসনগী রাজ্যগী মিসন দাইরেক্তরশিং, স্মার্ত সিতীশিংগী ম্যুনিসিপাল কম্মিস্নরশিং/সি.ই.ও.শিং, পার্ত্নর এজেন্সীশিং/বাইলেতরেল/মলতিলেতরেল ইন্সতিত্যুসনশিংগী মীহুৎশিং অমসুং অতোপ্পা মরু ওইবা স্তেকহোলদরশিংনা থৌরম অদুদা শরুক য়াখি।

মসিগী য়েংশিনবগী ফ্রেমৱর্কশিং অসি তোঙানব তোঙানবা হীরম কয়াগী লুপ ২৬ হেনবা অমসুং অখঙ-অহৈ ৬০গা কুপ্না তানবগী থৌওং পাঙথোক্লবা মতুংদা মালেমদা হৌজিক লৈরিবা ফ্রেমৱর্কশিং অমসুং য়েংশিনবগী থৌওংশিং অসি য়েংশিল্লবা মতুংদা শেমখিবনি। ফ্রেমৱর্ক অসিদা কাঙলুপ ৫: ১) ইনর্জী অমসুং গ্রীন বিলদিং, ২) অর্বান প্লান্নিং, গ্রীন কবর অমসুং বাইওদাইবর্সিতী, ৩) মোবিলিতী অমসুং এয়র ক্বালিতী, ৪) ঈশিং শেন্নবা অমসুং ৫) ফত্ত-হৌদি শেন্নবা, শিনবা থুংবগী ইন্দিকেতর ২৮ য়াওরি। নেস্নেল ইন্সতিত্যুৎ ওফ অর্বান এফিয়র্স (এন.আই.য়ু.এ.)গী মখাদা লৈবা ক্লাইমেৎ সেন্তর ফোর সিতীজনা এম.ও.ঐচ.য়ু.এ.দা শৌগত্তুনা সি.এস.সি.এ.এফ. থবক ওইনা পায়খৎপদা তেংবাংলি।

​লোকদাউন লৌথোকখিবগা লোয়ননা শহর কয়ানা সোসিএল দিস্তেন্সিংগী কাঙলোন ঙাক্না চত্তুনা তেক্ত কায়দবা, শেল য়াম্না তাঙদবা অমসুং শিজিন্নবা নুংঙাইবা ত্রান্সপোর্তকী পথাপ অমা পীবদা খুদোংচাদবা কয়া থেংনরি। অকক্নবা ত্রান্সপোর্তকী সেবা লৈবা, কৈথেলশিংদা মরু ওইনা লৈবা অখুবা অমসুং মী কুঙবা চৎনবা লম্বীশিং অমসুং মীয়ামগী ৱাখলগী হকশেলদা শোকচল্লক্লিবা অসি য়াম্না থুনা থেংনদবা য়াদবা শিংনবা অমা ওইরক্লি। হায়রিবা খুদোংচাদবশিং অসি হন্থহন্নবা মী চৎননবা লম্বী শেম্বা অমসুং মীয়ামগী ওইবা মফমশিং শেম্বা অসি য়াম্না মরু ওইনা পায়খৎকদবা খোঙথাং অমা ওইরে। বোগোতা, বর্লিন অমসুং মিলানগুম্বা মালেমগী শহরশিং অসিনা কোবিদ-১৯গী মনুংদা মীয়াম্না তেক্ত কায়দনা চত্থোক চৎশিন তৌনবা মখোয়গী লম্বী কয়া অমা মীয়াম্না চৎনবা অমসুং সাইকল থৌদুনা চৎনবা লম্বী ওন্থোক্তুনা লায়না অসি থেংনরি।

স্ত্রীৎস ফোর পীপল চেলেঞ্জ অসি হৌজিক্কী মতমগী তঙাই ফদবা অসিবু থেংননবা ঐখোয়গী শহরশিংবু মীয়াম্না খোঙনা চত্থোক চৎশিনা তৌবদা হেন্না নুংঙাইহন্নবা খোঙথাং অমনি। এম.ও.ঐচ.য়ু.এ.না চহিসিগী হৌরকপদা কৈথেলগী মফমশিংদা মীয়াম্না খোঙনা চৎপগী থৌওং নুংঙাইহন্নবা থোকখিবা পাউতাক্কী মখাদা চেলেঞ্জ অসি শেমখিবনি। চেলেঞ্জ অসিনা স্তেকহোলদরশিং অমসুং মীয়ামগা তান্নদুনা লম্বীগী ওইনা অপুনবা মিৎয়েং অমা শেমগৎপদা লৈবাক শিনবা থুংনা লৈবা শহরশিংদা তেংবাংগনি। মীয়াম্না শরুক য়ারকপগী থৌওং অমা ওইনা শহরশিং অসিদা মখোয়গী মশাগী ওইবা দিজাইনশিংগী চাংয়েংনবগী থৌরম পাঙথোকহন্দুনা প্রোফেস্নেলশিংদগী অথুবা, অনৌবা ওইবা অমসুং শেল য়াম্না চঙদবা ৱারোইশিন কয়া পুথোকহল্লক্নবা থৌওং কয়া পাঙথোকপগী পাউতাক পীগনি।

মসিনা অথুবা, অনৌবা থৌওং ওইবা শেল চংদবা থৌওংগী খুত্থাংদা শহরশিংনা চত্থোক-চৎশিন তৌবা নুংঙাইবা/অফবা লম্বী শেম্বগী ইথিল পীনবা পান্দম থম্লি। শরুক য়ারিবা শহরশিংদা “চাঙয়েংদুনা তমদুনা খঙবা”গী থৌওং শিজিন্নন্নবা পুক্নীং থৌগত্তুনা ফ্লেগশিপ অমসুং নেবরহুদ ৱালকিংগী থৌওং অনিমক পাঙথোকহন্নবা হোৎনরি। পাঙথোক্কদৌরিবা থবকশিং অসিগী মনুংদা মী কুঙনা তাবা মফমশিংদা খোঙনা চৎপা নুংঙাইবা লম্বী শেম্বা, ফ্লাই-ওবরগী মখাদা লৈবা অহাঙবশিং শিজিন্নবা, অকোয়বদা শিজিন্নদনা লৈবা মফমশিং শিজিন্নবা অমসুং পার্কশিং অমসুং ইন্সতিত্যুসনশিং লৈবা মফমশিংগা চত্থোক চৎশিন তৌবা য়ানবা লম্বী শেম্বনচিংবা কয়া য়াওরি। য়ুথ এফিয়র্স অমসুং স্পোর্ত মন্ত্রালয়গী মখাদা পাঙথোকপা ফিৎ ইন্দিয়া মিসন্না ইন্দিয়া প্রোগ্রাম ওফ দি ইন্সতিত্যুৎ ফোর ত্রান্সপোর্ত দিবেলপমেন্ত অমসুং পোলিসী (আই.তি.দি.পি.)গা লোয়ননা চেলেঞ্জ অসিবু শৌগৎনবা স্মার্ত সিতী মিসনগা খুৎশম্নখ্রে।

ক্লাইমেৎ স্মার্ত সিতীগী পি.দি.এফ. য়েংনবা ক্লিক তৌবীয়ু

স্ত্রীৎস ফোর পীপলগী পি.দি.এফ. য়েংনবা ক্লিক তৌবীয়ু

অহেনবা ই-পাউগীদমক্তা ৱেবসাইত্তা চঙবীয়ুঃ

https://smartnet.niua.org/csc/

https://smartnet.niua.org/indiastreetchallenge/

*****