সরকার অসিনা অওনবা থৌরম অমা পুথোক্তনা ইন্দিয়ন ইকোনোমিগী কান্নগদবা মওংদা নেস্নেল ইনফ্রাস্ত্রকচর পাইপলাইন অমা হৌদোকখ্রে। লম্বী ফগৎহমবা অসিনা থৌরম অসিগী খ্বায়দগী মরুওইবা মচাং অমনি, মসিনা শরুক খরদি পায়খৎলিবা থৌরম অসিদা য়াওরি। লম্বী চাওথোকপা অসিনা মরুওইনা চংদ্রবা য়াদবা খর নত্তনা চাদিং হন্থহন্দুনা শেন্মিৎলোন্দা, হিন্তর লেন্দ হবস, গারী মপুগী চাওখৎহল্লি।

য়ুনিয়ন কেবিনেৎনা ইনফ্রাস্ত্রকচর ইনবেস্মেন্ত থ্রস (ইনভ আই.তি.) অসি অয়াবা পীখ্রেবনি। মসিনা মিনিস্ত্রী ওফ রোদ ত্রান্সপোর্ত অমসুং হায়ৱেজগা মখাদা লৈরিবা নেস্নেল হাইৱে ওফ ইন্দিয়া (এন.ঐচ.এ.আই.)না তেক্স খোমগৎপদা নেস্নেল হায়ৱেজনা য়ামদ্রবদা চহি অমা খক্কী থম্নবা হোৎনরি।

হৌজিক য়াম্না কন্না নই দিল্লীদা মচিন তুখৎলক্লিবা গ্রুফ অসিদদী থৌরম অদুদা ৱা ঙাংলদুনা রোদ ত্রান্সপোর্ত অমসুং হায়ৱেজগী সেক্ত্রেতরি শ্রী গিরিধার আরামানেনা হায়খি মদুদি, মিনিস্ত্রী অসিনা কিলোমিতর লিশিং ৫০ শাংবা মপুং ওইনা ৪দগীনা ৬ফাওবা লম্বীগী অপাক্পা লৈবা হায়ৱেজ অমা শেমগৎনবগী থৌরাং লৈরি। মহাক্না শেন্থং পীগদৌরিবা অসিদা মখোয়গীদমক লৈরিবনি হায়বা অসি খংহনখি। মহাক্না হায় মদুদি হায়রিবা লম্বী অসি য়াম্না কুইরবা পুৱারি লৈরি। সেক্ত্রেতরিনা থাজবা পীখি মদুদি হোৎনরিবা অসিনা শেন্থং পীথরিবা অসিগী কাননবা শোইদনা পীগনি।

শ্রী অরামানেনা মখা তারদুনা হায় মদুদি ইনভেস্তমেন্ত মেনেজরনা মখোয়দা অয়াবা পীদুনা থবক্কী ওইবা মওংদা বোর্দ ওফ দাইরেক্তরদী পীগনি। মহাক্না হায় মদুদি প্রোজেক্ত মেনেজরনা মশাগী মতুং ইন্না  খনদগৎকনি।

***