হকশেল অমসুং য়াইফ-য়ুম্বাল মন্ত্রালয়

দব্ল্যু.ঐচ.ও. খা-নোংপোক এসিয়া লমদমগী ৭৩শুবা মীফম

মেম্বর স্তেৎশিংনা খা-নোংচুপ এসিয়া লমদমদা কোবিদ-১৯ অপুনবা ওইনা থেংনমিন্ননবা দিক্লারেসন

Posted On: 10 SEP 2020 4:56PM by PIB Imphal

শ্রী অনুতিন চর্নবিকুল, থাইলেন্দগী দিপুতি প্রধান মন্ত্রী অমসুং হকশেলগী মন্ত্রীগী লুচিং মখাদা পাঙথোকখিবা দব্ল্যু.ঐচ.ও. খা-নোংপোক এসিয়া লমদমগী ৭৩শুবা মীফমদা মেম্বর স্তেৎশিংগী হকশেল মন্ত্রীশিংনা খা-নোংপোক এসিয়া লমদমদা কোবিদ-১৯ থেংননবগীদমক সিয়র মেম্বর স্তেৎস দিক্লারেসন্দা য়ানখ্রে।

দিক্লারেসন অদুগী ৱারোলদু মখাদা পীরিঃ

দব্ল্যু.ঐচ.ও. রিজনেল কম্মিত্তী ফোর সাউথ ইস্ত এসিয়াগী হুম্ফুতরা হুমদোইশুবা মীফমদা শরুক য়ারিবা দব্ল্যু.ঐচ.ও. খা-নোংপোক এসিয়া লমদমগী মেম্বর স্তেৎশিংগী হকশেল মন্ত্রী ওইরিবা ঐখোয়না কোবিদ-১৯না লমদম অসিগী মেম্বর স্তেৎ ওইরিবা লম অসিগী মীয়ামগী হকচাং, ৱাখল, অমসুং য়াইফ-থৌরাং কয়াদা মরুওইনা হকশেলগী থবক থৌরাংশিং অকাইবা পীবনা কোবিদ-১৯ নত্তনা অনাবশিংদা অমসুং মীয়ামগী হকশেলগী থৌরাংশিংদা অকাইবা পীরে, লম কয়া অসিনা অপুনবা ওইনা চৎমিন্নবগী তঙাইফদবা অমা লাক্লিবসিদা, অমসুং লাইচৎ অসি থেংননবা হোৎনবদা হকশেলগী কাংলোনশিং মমিং ওইনা পল্লবদা সাউথ ইস্ত এসিয়া রিজনেল ফ্লেগশিপ ওন য়ুনিবর্সেল হেল্থ কোবরেজ অমসুং হেল্থ ইমর্জেন্সী মপাঙ্গল কলহন্দুনা ইমর্জেন্সী রিস্ক মেনেজমেন্ততা মশীং হেনগৎহল্লিবা; পব্লিক হেল্থ ইমর্জেন্সীশিংদা শেলগী মতেং পীরিবা সিয়ারেফ, অমসুং লমদম অসিগী দিজাস্তর রিস্ক মেনেজমেন্ত অমসুং ইমর্জেন্সী প্রিপেয়র্দনেস হেনগৎনবা হোৎনরিবা ২০১৯ দিল্লী দিক্লারেসন ওন ইমর্জেন্সী প্রিপেয়র্দনেস অমসুং কোবিদ-১৯ রেস্পোন্সকীদমক ৱা৭৩ (ৱা৭৩.১)না মখাগীশিং অসি য়ানরেঃ

* য়ুনিবর্সেল হেল্থ কবরেজ অমসুং প্রাইমারী হেল্থ সেন্তরবু মীয়ামদা মগুন লৈবা হকশেলগী সর্বিস পীনবগীদমক – কোবিদ-১৯ অমসুং কোবিদ-১৯ নত্তবশিংদা – মীপুম খুদিংমক্না, খুদোংচাদ্রবা মীয়াম য়াওনা, লাইচৎ অসিগী মনুংদা শেলগী অৱাবা লৈহন্দনা হকশেলগী সর্বিস খুদিংমক ফংহন্নবগীদমক য়ুনিবর্সেল হেল্থ কবরেজ অমসুং প্রাইমারী হেল্থ সেন্তরদা শেল হান্না থাদবগী তঙাইফদবা লাক্লিবসি হকচিন্না লৌবা;

*তঙাইফদবা হকশেলগী সর্বিস অমসুং পব্লিক হেল্থ প্রোগ্রামশিং মরুওইনা পব্লিক হেল্থ ইমর্জেন্সী লাকপা মতমদা পীবা অমসুং মসিগী খুদোংচাবসিবু শীজিন্নদুনা ঐখোয়গী হকশেলগী পথাপ হেন্না ফগৎহনবা;

*লাইচৎ অসিগী মনুংদা অমসুং মতুংদা হকশেলগী বজেৎ মতীক চানা শেমদুনা মীয়ামগী হকশেলদা হেন্না মরুওইবা থম্বা অমসুং পুন্সি কনবা;

* দিজিতেল তেক্নোলোজী অমসুং পোলিসী দিসিজনগী ই-পাউশিং পীনদুনা লাইচৎ থোকপদা ঙন্না পাউ পীরিবা হকশেলগী ইনফোর্মেসন সিস্তেমগী মপাঙ্গল কলহনবা;

* ওকুপেসনেল হেল্থ, সেফতী অমসুং হেল্থ প্রোফেসনেলশিং অমসুং অতোপ্পা মরী লৈনবা শিন্মীশিংগী হকশেল ফহনবা অমসুং অনাবা অমসুং মীয়ামগী সেফতীবু পব্লিক হেল্থ অমসুং সোসিএল মিজরশিং শীজিন্নদুনা অমসুং ক্ব্বালিতী পার্সনেল প্রোতেক্তিব দিভাইস শীজিন্নদুনা মপাঙ্গল কলহনবা;

*মেদিকেল ৱেস্ত মেনেজমেন্ত সিস্তেম মতীক চানা লৌখত্তুনা ওকুপেসনেল অমসুং ইনভাইরোন্মেন্ত সেফতী মপাঙ্গল কলহনবা;

* কোবিদ-১৯গী মরমদা নেসনেল পোলিসী দিসিজন অমসুং সিয়র মেম্বর স্তেৎশিংগী মরক্তা বাইওমেদিকে, হেল্থ পোলিসী অমসুং সিস্তেম রিসর্চ মপাঙ্গল হেনগৎহনবা;

* মলতি-সেক্তোরেল কোলাবোরেসনবু সরকার অমসুং খুন্নাইগী থাক্তা লাইচৎ অসিগী মতীক চাবা রিস্ক কম্ম্যুনিকেসন, কম্ম্যুনিতীগী শরুক য়াবা, অমসুং ইফোদেমিক মেনেজমেন্ত য়াওনা খুন্নাইদা পীবা তাইওন্নবা শাফু হন্থনবগীদমক মখা তবা অমসুং পাকথোক চাউথোকহনবা;

* সিয়র মেম্বর স্তেৎশিংবু মতেং পাংননবা রিজনেল কোলাবোরেসনগী মপাঙ্গল হেনগৎহনবা, মরুওইনা শেম শাবা, সর্বিলিএন্স অমসুং রেপিদ রেস্পোন্স, ফীল্দ ইপিদেমিওলোজী ত্রেনিং, হিদাক লাংথক অমসুং সপ্লাইশিংগী সপ্লাই চেন মেনেজমেন্ত অমসুং তঙাইফদবা হেল্থ রিসোর্সশিংগী রিজনেল স্তোকপিল্লিং মপাঙ্গল কনখৎহনবা।

* ইন্তর্নেসনেল হেল্থ রিগুলেসন ২০০৫না তঙাইফদবগী মখা পোন্না অহোবা খঙদোকপা অমসুং কোর কেপাসিতীশিং মপাঙ্গল হেনগৎহনবা;

* তিকা, হিদাক অমসুং লাইওং খঙদোকপগী মতাংদা পাংথোকপা মালেমগী খন্ন-নৈনবশিংদা মপুং ফানা শরুক য়ামিন্নবা;

দব্ল্যু.ঐচ.ও. খা-নোংপোক এসিয়া লমদমগী মেম্বর স্তেৎশিংগী হকশেল মন্ত্রী, ঐখোয়না দব্ল্যু.ঐচ.ও. দিরেক্তর-জেনরেল অমসুং রিজনেল দিরেক্তর ফোর সাউথ ইস্ত এসিয়া রিজন্না পব্লিক হেল্থ ইমর্জেন্সীগী মপাঙ্গল হেনগৎনবগীদমক লৌখৎলিবা লমদমসিগী থৌরাংশিং তরাম্না ওক্লি অমসুং থাগৎপা ফোংদোকচরি।

সেপ্তেম্বরগী তরাশুবা নুমিৎ, লিশিং অনী অমসুং কুন্দা লৌখিবা ৱারেপ 

*****



(Release ID: 1653222) Visitor Counter : 3