লাক্লিবা সেপ্তেম্বর ১৪,নিংথৌকাবা নুমিৎতগী হৌগদৌরিবা সংসদকী নোংজু মীফমগী পায়খৎলিবা অখন্নবা থৌরাংশিংগী ফিবম ঙসি রাজ্য সভাগী চিয়রমেন, শ্রী এম.বেনকাইয়া নাইদুনা য়েংশিনখ্রে।

মহাক্না চিয়র লৌদুনা হাউসকী মোক সেসন অমা পাংথোকখি অমসুং লাপ্না লৈনবগী নিয়মশিং ঙাক্নবা মাংজৌন্না শেমদুনা থমলবা ফমফমশিংগী মতুংইন্না হাউসকী গেল্লেরি মরি অমসুং চেম্বরদা সেক্রেতরিয়েৎকী স্তাফশিং ফমহনখি। লোক সভাগী চেম্বরদসু স্তাফ মেম্বরশিং ফমহনখি।

হাউসকী চেম্বর অমদগী অমদা ওদিও অমসুং ভিদিওগী শিঙ্গনেলশিং থাবগী থবকসু মপুংফানা য়েংশিনখি। ইন্তরপ্রেতেসন শিঙ্গনেলশিং ফজনা মথৌ পাংথোকপা থেংনখি। লোক সভাগী চেম্বরদা ফম্লিবা মীওইশিংদা খন্ন-নৈনবা শরুক য়ানবা খঙহনখি। মফম অহুমদা স্লিপশিং য়েন্থোক্তুনা ভোৎ থাদবগী থবক পাংথোকখি। পায়খৎলিবা থৌরাংশিং অদুদা চেয়রমেন, শ্রী নাইদুনা মহাক্কী অপেনবা ফোঙদোকখি।

হোম মিনিস্ত্রি অমসুং হেল্থ অমসুং ফেমিলি ৱেলফিয়ার মিনিস্ত্রিনা পীবা চৎন-কাংলোনশিং মপুংফানা ইন্নবা শ্রী নাইদুনা সেক্রেতরিয়েৎকী সেনিয়র ওফিসিএলশিংদা পাউতাক পীখি। লাক্লিবা মীফম মমাং অমসুং মনুংদা মখোয়না ইনগদবা হকশেলগী চৎন-পথাপশিংগী চেকশিনৱা অমা হাউসকী মেম্বরশিংদা পীনবা মহাক্না ওফিসিএলশিংদা খঙহনখি।

শ্রী নাইদুনা হাউসকী স্তাফ খুদিংমক তেস্ত তৌনবা অমুক হন্না খঙহনখি। হৌখিবা নুমিৎ নিনিদা তেস্ত তৌখ্রে হায়না ওফিসিএলশিংনা ফোঙদোকখি। করিগুম্বা ৱাৎহৌবা লৈরবদি লোইশিন্নবা সেক্রেতরিয়েৎনা হোৎনরি।

চেয়রমেন্না মহাক্কী চেম্বরদা অন্ধ্র প্রদেসতগী নৌনা খল্লকপা মেম্বর অমা ৱাশক লৌখি। চেয়রমেনগী চেম্বরদা ৱাশক লৌনবা মেম্বর অদুনা হায়জখি। ২০২০গী জুলাই ২২দা ৱাশক লৌখিদবা লেমহৌরিবা মেম্বরশিং মীফমগী অহানবা নুমিৎ ২০২০গী সেপ্তেম্বর ১৪দা ৱাশক লৌগনি।

*****