দুর্গাপুরদা লৈবা সি.এস.আই.আর.-সি.এম.ই.আর.আই.গী দাইরেক্তর প্রোফঃ (দাঃ) হরিশ হিরানিনা হায়খি, “সাইন্স অসি সোসিও-ইকোনোমিক দিবেলপমেন্ত চাউখৎপগী মরু ওইবা হীরম অমনি অমসুং হৌজিক্কী লায়চৎ অসিনা মীয়াম পুন্না থেংনমিন্নদবা য়াদবা শিংনবা অমা লৈহল্লক্লিবা অসিগী মতুং ইন্না ঐখোয়না সাইন্তগী ফংগদবা অফবা অমসুং কান্নবা ৱারোইশিন ফংনবা হায়দুনা অমত্তা ওইবা পান্দম, পুন্না য়েংমিন্নবা মিৎয়েং অমসুং খুন্নাইগী তেংবাং লৌবগী থৌওং পাঙথোক্কদবনি। অমসুং মালেমগী থাক্তা অফবা মহৈ অমা পুরকপা ঙম্নবা মথৌ নীংথিনা পাঙথোকপা লোকেলগী থাক্তা লৈঙাকপা অমা লৈবগী তঙাই ফদবসু লৈ”।

দুর্গাপুরদা লৈবা সি.এস.আই.আর.-সি.এম.ই.আর.আই.না জম্মু অমসুং কশ্মীরগী স্কুল এজুকেসন বিভাগক্কী সমাগ্রা শিক্সাগা খুৎশম্নদুনা য়ুম্বু ওইখিবা জিগ্যাসা প্রোগ্রামগী মখাদা কোবিদ-১৯ থেংননবা সি.এস.আই.আর.-সি.এম.ই.আর.আই.গী সাইন্তিফিক অমসুং তেক্নোলোজিকেল ওইবা থৌওংশিংগী মতাংদা পাঙথোকখিবা ৱেবিনার অদুদা প্রোফঃ (দাঃ) হরিশ হিরানিনা ৱা ঙাংখি। থৌরম অসিদা মরু ওইবা মীওইশিং অসিনা ৱা ঙাংখিঃ ১) দুর্গাপুরদা লৈবা সি.এস.আই.আর.-সি.এম.ই.আর.আই.গী দাইরেক্তর প্রোফঃ (দাঃ) হরিশ হিরানি, ২) জম্মু অমসুং কশ্মিরগী স্কুল এজুকেসন, তেক্নিকেল এজুকেসন অমসুং স্কিল দিবেলপমেন্তকী প্রিন্সিপাল সেক্রেতরী আই.এ.এস. দাঃ অসগর সমুন, ৩) সি.এস.আই.আর.-সি.এম.ই.আর.আই.গী চীফ সাইন্তিস্ত দাঃ অঞ্জলি চেতর্জী, ৪) সি.এস.আই.আর.-সি.এম.ই.আর.আই.গী প্রিন্সিপাল সাইন্তিস্ত দাঃ হিমাদ্রি রোই, ৫) সি.এস.আই.আর.-সি.এম.ই.আর.আই.গী সেনিয়র সাইন্তিস্ত শ্রী অভিনাশ য়াদব, ৬) সি.এস.আই.আর.-সি.এম.ই.আর.আই.গী সেনিয়র সাইন্তিস্ত দাঃ নসির উল রশীদ অমসুং ৭) সি.এস.আই.আর.-সি.এম.ই.আর.আই.গী সাইন্তিস্ত শ্রী সঞ্জয় হনসদাহ। ৱেবিনার অসিদা মীওই ৩৫০০ হেনবনা শরুক য়াখি।

হায়রিবা ৱেবিনার অসি হৌদোক্লদুনা প্রোফঃ (দাঃ) হিরানিনা মহৈরোইশিংগী ওইনা ‘জিগ্যাসা’ প্রোগ্রামগী মরু ওইবগী মতাংদা মিৎয়েং চঙখি অমসুং সি.এস.আই.আর.-সি.এম.ই.আর.আই.না মাইকৈ অসিদা স্কুলগী থাক, হায়বদি হাইয়র সেকন্দরী, আই.তি.আই., অন্দরগ্রেজুএৎকী থাক্তগী হৌদুনা স্কিল দিবেলপমেন্ত তৌবগী কান্নবা পীবগী খুত্থাংদা খুদোংচাবা কয়া ফংহল্লি হায়খি অমসুং মসিনা মখোয়দা সাইন্তিফিক তেম্পর অমসুং ওন্তোপ্রিনর ওইবগী ৱাখলগী ইথিল পীগনি হায়খি। হৌজিক ওইরিবা কোবিদ-১৯গী লায়চৎ অসি মতম শাংনা লৈখিগনি হায়বগী থাজবা লৈ হায়না মহাক্না মখা তানা হায়খি। মসিগী মতাংদা সাইন্স অসিবু মিত্রংগা চাংদম্নরদুনা সাইন্সনা হীরম খুদিংদা থবক পাঙথোকপা ঙম্বগী মসিগী মরু ওইবা মতিক অসিগী মতাংদা ৱা ঙাংখি।

প্রোফঃ হিরানিনা ফেস মাস্ক, তঙাই ফদনা চঙবা শাপোন মহি, হেন্দ সেনিতাইজর, স্প্রেয়র, বেন্তিলিতেরনচিংবা সি.এস.আই.আর.-সি.এম.ই.আর.আই.না তেংবাংখিবা তেক্নোলোজীগী হীরম কয়াগী মতাংদা মিৎয়েং চঙখি অমসুং মখোয়না লায়চৎ অসিবু লাকশিনবা ঙম্নবা অমসুং মসিগী মনুংদা ইমুং কয়াদা থবক্কী খুদোংচাবা কয়া পীখিবগী মতাংদসু পনখি। কোরোনাভাইরসকা লান্থেংননবা অমসুং কোবিদকী য়ুগকী মতুংদা ফাওবদা মরী লৈনগদবা হকচাংগী ইম্ম্যুন সীস্তেম মপাঙ্গল কনখৎহন্নবা তঙাই ফদবা অফবা ঈশিং-নুংশিৎ ফংবা অমসুং ফত্ত-হৌদি নীংথিনা শেন্নবগী তঙাই ফদবশিংগী মরমদসু মিৎয়েং চঙখি।

জম্মু অমসুং কশ্মিরগী স্কুল এজুকেসন, তেক্নিকেল এজুকেসন অমসুং স্কিল দিবেলপমেন্তকী প্রিন্সিপাল সেক্রেতরী আই.এ.এস. দাঃ অসগর সমুন্না ৱেবিনার অসিদা য়াওরিবা মীওইশিংদা ৱা ঙাংবদা হন্দক্তা হৌদোকখিবা অনৌবা এজুকেসনগী পোলিসী অমসুং অতোপ্পা সরকারগী পোলিসীশিংগী মরমদা ৱাফম খরা থমখি। মহাক্না লৈবাক শিনবা থুংনা লৈবা অমসুং মরু ওইনা জম্মু অমসুং কশ্মিরদা লৈরিবা সি.এস.আই.আর. লেবনা সাইন্তিফিক অমসুং তেক্নিকেল ওইবা মহৈ কয়া পীবতা নত্তনা নহাশিংদা মখোয়না সাইন্স অমসুং তেক্নোলীজীগী হীরমদা কান্নবা কয়া তানবগী খুদোংচাবা কয়া পীবগী মতাংদসুউ ৱা ঙাংখি। মহাক্না নহাশিংনা ঐখোয়গী লৈবাক অসিসু অতোপ্পা চাউখৎপা লৈবাকশিংগা চাংদম্নবা ঙম্নবা মাঙ থানা থোক্লক্নবা হায়খি।

ৱেবিনার অসিগী মনুংদা সি.এস.আই.আর.-সি.এম.ই.আর.আই.গী চীফ সাইন্তিস্ত দাঃ অঞ্জলি চেতর্জীনা সি.এস.আই.আর.-সি.এম.ই.আর.আই.না শাখিবা নুমিত্তা য়ুম্ফম ওইবা ইন্তেল্লিমাস্ত, তচলেস ফোসেৎ, ৩৬০^০ কার ফ্লশর, দ্রাই ফোগিং শু দিসইনফেক্তর অমসুং হোস্পিতাল কেয়র এসিস্তিব রোবোতিক দিবাইস (ঐচ.সি.এ.আর.দি.)কুম্বা থবক তৌফম অমসুং হোস্পিতালশিংগী কোবিদ প্রোতেক্সন সীস্তেম (সি.ও.পি.এস.)গী মতাংদা কুপ্না তাকখি। প্রিন্সিপাল সাইন্তিস্ত দাঃ হিমাদ্রি রোইনসু মাস্ক অমসুং সেনিতাইজরনা কোবিদ-১৯ লান্থেংনবগী অহানবা থাক্কী ঙাকথোক্নবা পাম্বৈশিংনি হায়খি।

সেনিয়র সাইন্তিস্ত শ্রী অভিনাশ য়াদবনা ইন্সতিত্যুৎ অসিনা থবক তৌফমশিং, স্কুলশিং, হোস্পিতালশিং অমসুং লম্বী-শোরোক্তা শিজিন্ননবা পুথোকখিবা দিসইনফেক্সন ৱাল্কৱেগী হাইদ্রোলিক অমসুং ন্যুমেতিক মখলশিং, রোদ সেনিতাইজর য়ুনিৎশিং, ন্যুমেতিকেল্লি ওপরেতেদ মোবাইল ইন্দোর দিসইনফেক্সন (পি.ও.এম.আই.দি.) য়ুনিৎ, বেত্তরী পাৱর্দ দিসইনফেক্তেন্ত স্প্রেয়রশিংগী মরমদা শন্দোক্না তাকপা প্রজেন্তেসন অমা পীখি। সেনিয়র সাইন্তিস্ত দাঃ নসির উল রশীদনা ইস্নতিত্যুৎ অসিনা পুথোকপা শোক্ন-শম্নদনা শাপোন অমসুং ঈশিং কাপ্নবগী পথাপকী মরমদা শুগাইনা তাকখি। সাইন্তিস্ত শ্রী সঞ্জয় হন্সদাহনা সি.এস.আই.আর.-সি.এম.ই.আর.আই.না কোবিদ-১৯গী পুন্সি কন্নবা পথাপ অমা ওইনা শাবা বেন্তিলেতরশিংগী মরমদসু শুগাইনা তাকখি।

জম্মু অমসুং কশ্মিরগী স্কুল এজুকেসনগী দাইরেক্তর দাঃ অরুন মনহাসনা সি.এস.আই.আর.-সি.এম.ই.আর.আই.না খুন্নাইদা সাইন্স অমসুং তেক্নোলোজীগী ৱাফমশিংবু খঙহন্নবা পাঙথোক্লিবা থৌদাং অসিবু শক খঙবা উৎখি। মহাক্না জম্মু অমসুং কশ্মিরগী স্কুল এজুকেসন, তেক্নিকেল এজুকেসন অমসুং স্কিল দিবেলপমেন্তকী প্রিন্সিপাল সেক্রেতরী আই.এ.এস. দাঃ অসগর সমুন অমসুং ৱেবিনার অসিদা শরুক য়ারিবা মহৈরোইশিংসু থাগৎখি।

*****